岡山一番店 (樂富廣場)

營業中

休息中

這間拉麵店最大的特別之處是可以自由選擇湯的濃郁度🍜、麵的軟硬度、甚至可以免費升級麵量及蔬菜量🆙！麵的份量分為小盛、中盛、大盛及特盛♨️；而蔬菜（芽菜）可選擇普通、2倍、3倍及4倍！名副其實的大件夾抵食～-🍢關東煮（厚揚豆腐/魚蛋/燒獅子狗卷）除了拉麵，這裡還有特色的關東煮，可以讓太肚餓的朋友在等待期間先醫醫肚子～岡山一番拉麵（大盛）— 💸$73比較大食的朋友點了大盛配2倍蔬菜🥬，可見碗的容量及芽菜量也非常多，滿滿的芽菜！！雖然點了濃厚湯底但湯底的味道不是十分出眾。豚骨醬油沾麵（小盛）— 💸$73小鳥胃的我點了小盛沾麵配普通蔬菜🦜，份量剛剛好！沾麵湯底也比拉麵濃郁，蒜油香重，個人比較喜歡沾麵～！

💪🏻 半熟玉子叉燒拉麵($63)(加叉燒2片 $12)呢個拉麵最大嘅賣點，就係可以揀4倍嘅巨量芽菜🤣 真心芽菜多過麵！而且呢間拉麵都跟番日本嘅拉麵店，可以選擇蔬菜量、湯嘅濃度、湯嘅油度、麵嘅硬度等，可以揀啱自己嘅口味！用一個詞語形容呢碗拉麵，就係「粗獷」🤣，因為我揀左濃味濃油拉麵，亦都揀左4倍芽菜，加左蒜蓉、額外叉燒🤤。份量超級巨大，而且湯底濃郁同黏稠，但豬骨湯底唔突出，反而畀蒜味搶左。湯底雖然濃味，但食完唔覺太口渴。初初食個覺好爽，但食到中段就已經覺得太油膩，唔係好頂得得順🤣 （個人建議唔好揀濃味同多油）食完感覺好混亂🤣叉燒係厚切，都煮得夠淋，啖啖肉，超爽😋。不過叉燒偏肥。拉麵係粗身麵，拉麵算彈牙，唔會煮得過淋，連埋巨量芽菜一齊食，口感豐富，但拉麵掛麵程度一般。溏心蛋嘅流心程度剛剛好！不過有個要扣分嘅位，佢冇提供冰凍嘅凍水，只得室溫水（一般日本拉麵店都會有冰水提供）😫味道：7/10性價比：9/10 食住瘦指數：💪🏻/5

半熟玉子拉麵(中盛) $67首先講個價錢先啦，以香港生活指數用呢個價錢有四倍芽菜性價比當然係高啦。半熟玉子拉麵中盛嘅份量份量就好足夠，同坊間拉麵店嘅份量差唔多。玉子味道都唔錯不過流於表面喺個蛋白嗰度，唔夠入味。湯底方面小編呢就鍾意偏濃厚嘅，所以就揀咗濃味，雖然岡山一番店標榜8小時嘅豬骨湯再配上醬油，但食落個湯頭有豬骨香味唔算好出，但就食得出食得出有醬油嘅鹹味，亦都有蒜頭嘅香味，而且仲真係睇得到有一羹蒜頭呀。麵條方面，拉麵店用左自家製嘅麵條，麵條比較粗身，而且非常掛湯。 如果鍾意食正常軟硬度嘅麵條，小編會建議你嚟岡山一番店嘅時候揀軟麵條就比軟岩食啦。總括嚟講，今次可能新開店有日本師傅喺度駐場，但可能人多就未發揮到應有既水準啦。以小編縱橫拉面店咁多年，佢唔算係非常十分OK，不過以CP值嚟講都算高嘅，想嚟打卡朝聖，懷緬鄉下味道嘅朋友都快啲嚟試下啦。 

二郎系拉麵係日本拉麵中其中一個流派，出名份量多，可以免費加大量蔬菜同蒜，所以樂富呢間店內最吸睛既就係加左4倍芽菜山既拉麵😆豚骨醬油沾麵（中盛）2倍芽菜考慮到自己既食量，芽菜我冇咁進取，都只係叫左2倍份量，拉麵一上枱，肥嘟嘟芽菜真係好吸引，每次食既時間先放入湯中，既冇草青味又索到豬骨湯既濃香🐷另外拉麵係用上自家製既太麵，質感較硬淨有彈性，非常有咬口，濃底揀左普通口味，我覺得已經好夠味，如果揀特濃既朋友仔應該都食得好重口味😂芫茜辛辣拉麵（小盛）雖然揀左辣度最低既1辣，不過湯底食落都feel到幾辣🙈辣辣地又幾惹味🍜配埋芫茜好香，如果係芫茜愛好者仲可以加到4倍芫茜🤣關東煮（獅子狗卷．厚揚豆腐．大根．魚蛋）除左拉麵，係收銀位置附近仲有關東煮選擇，夾完可以直接比埋錢🍢都好多款選擇，排隊排得耐拉麵仲未到既時候可以食住醫下肚😆旁邊仲有味噌醬/辣醬比客人選擇

終於試到這間日本過江龍拉麵店，位於樂富廣場的Dantotsu岡山一番店，雖然我之前經過這裡很多次，總是看到很多人排隊，但這次我看到有位置就衝進去了。入到去坐好，剔好點餐紙，然後去cashier付款，再呆等。在呆等的時候，我注意到等餐的客比正在吃麵的客更多。所以大家要俾心機等待。我點了一個半熟玉子拉麵和一份沾麵。半熟玉子拉麵稍微有點鹹，但豬骨湯的味道非常濃郁，而叉燒和半熟蛋就基本野。反而，我覺得沾麵比較特別，有一個很特別的油香味，非常好吃，值得一試。然而，這家餐廳的服務需要改善。我聽到隔籬枱的EE點餐時說沒有圖片，就問店員有沒有圖片可以參考。店員給過圖片後，就跟另一同事說「佢話存圖唔識點喎，好笑」就是這樣，我注意到兩位店員都只是呆企比較多，沒有做更多的事情。當我走時，外面排隊的人龍也很長。下次就算不用排隊，也會想想，只能說價錢適中夠飽最後，我想提醒大家的是，這家店暫時只接受現金，並不支持八達通等電子支付方式。如果你排隊等待進去餐廳但沒有現金，你可能會遇到麻煩啊。

📍樂富廣場6月頭開咗間過江龍嘅日本拉麵店，到依家人流都仲係好多，等排隊都等咗10分鐘左右。入到去每人會有一張落單紙，可以自己揀食啲咩拉麵，除咗可以揀麵嘅份量，仲可以揀芽菜份量、辣度、麵嘅硬度、口味同油濃淡等。出邊仲有關東煮自助區，可以出邊拉麵落單之前，夾完然後一次過俾錢，試咗幾款，較推介白蘿蔔，大嚿入味而且軟稔。第一次食我哋都揀咗半熟玉子拉麵，我哋揀咗兩倍芽菜份量，原來都幾多，豚骨湯底較油，好彩係配粗麵食落都幾夾。叉燒半肥瘦都做得唔錯👍🏼另外出邊會有自助水機提供，唔叫嘢飲都可以自己出面斟水飲。呢個價錢又唔洗加一，唔怪之得人流keep住有，同朋友再覺得可以再試。

夜晚7:00嚟到，排咗半個鐘隊，終於入到去，我覺得個環境比較迫，同朋友嚟食要同人哋搭枱，行出行入都比較迫。排隊嘅時候職員會俾我哋菜單先揀咗嘢食，入座前會去到收銀處俾錢，途經收銀處仲會可以揀嘢飲同埋關東煮，今次冇試關東煮，因為感覺食物嘅種類都唔算好多。同行嘅朋友揀咗最多份量芽菜，而我就揀咗正常份量既芽菜。我哋比較過兩碗嘅拉麵之後覺得較少份量嘅芽菜嘅湯底會比較好食，少咗浸草青味，而且比較濃郁。拉麵同芽菜一齊食比想像中夾，而叉燒嘅份量就得兩塊，偏薄，口感味道普通。我地仲加咗溫泉蛋，溫泉蛋唔算話非常之流心，比較肉糖心蛋多啲，我覺得比較失色。但係整體而言個湯底非常之濃郁，平時我都比較鍾意食重口味嘅湯底，呢一個都滿足到我。雖然冇叫小食同埋關東煮，但係份量都非常之足夠，食完之後勁飽。

樂富新開 岡山二郎系拉麵樂富A區新開咗呢間過江龍拉麵店，人氣非常旺，keep 住長嘅人龍。拉麵主打幾款：招牌拉麵、豚骨醬油沾麵、芫荽辛辣拉麵。可以按照食量去選擇（4個levels ： 小盛到特盛）而口味，蔬菜都可以按喜好作選擇～岡山一番拉麵 大盛蔬菜叫咗雙倍，份量真係好多下。連埋拉麵底絕對係飽肚之選。湯底唔算好濃，食落唔會覺得好油膩😋豚骨醬油沾麵 大盛沾麵汁上菜時都係keep 住溫度，呢點幾細心。味道會靠濃郁咸味少少，不過麵條都掛湯，食落唔錯👍🏼食量/胃口比較細嘅要審慎選咗份量，以免食唔曬，造成浪費😎除咗拉麵之外，餐廳更設關東煮自助吧，豆腐、蘿蔔、丸類等每款$9起。懷緬一下味道都唔錯👍🏼

🎪 岡山一番店 (樂富)樂富聯合道198號樂富廣場A區地下L224-L225號舖日本🇯🇵過江龍拉麵店🍜登陸樂富✨麵條用上香港少有的二朗系拉麵，仲可以揀超大量芽菜，免費增量至4️⃣倍🤩，麵量分4️⃣級，由150至450g，分小盛至特盛，強烈建議嗌中盛(200g)夠了，已經好飽😂！🌟莞茜辛辣拉麵(中盛) $83✨追加叉燒2片+$12讚🥳小編覺得口味和油既濃郁度揀普通或淡味都會好夠味，如果揀濃厚，可能會偏鹹。本身有兩片叉燒，再加兩片😗肥瘦均勻，都幾厚切，仲有少量軟腍豚肉湯底，配辛辣味和芫荽，係正架！🌟豚骨醬油沾麵(大盛) $87✨追加半熟入味玉子+$9超級無敵大份量，程度真係嚇死人😆配有兩片叉燒，另加粒蛋😋有驚喜口感軟滑，蛋味香濃。沾麵既精髓係本身麵條要夠高質，係達標架😍沾汁湯視乎個人口感，普通已經係偏濃郁架啦～🌟關東煮厚揚豆腐 $9關東煮🍢係另一個signature😋有4️⃣揀，果日去得四款揀，有蘿蔔、魚蛋，燒豆腐和獅子狗棒，款款都大大件，平均都係$9/件。而豆腐內滑溜溜的，正正🥳

自從混亂拉麵結業後，香港好像沒有二郎系拉麵了；所以今次幾期待這新開的二郎系拉麵。我們是6點左右入座，不用排隊；但很快已坐滿並要排隊半熟玉子拉麵我選了2辣，其他是濃厚口味；正常二郎系拉麵發揮，麵條幾入味，叉燒亦不錯，雞蛋做到流心效果，芽菜真的很多，幾爽口叉燒芝士拌麵 + 雞蛋朋友選了1辣，其他全是普通口味；抱著試伏心態去食，將芝士和拉麵攪拌後，結果朋友覺得味道意外地好；但我覺得味道偏淡。 值得注意是，很多人點了450g + 4倍芽菜的拉麵，一人真的能吃完嗎？😱總結：二郎系拉麵有別於其他系的拉麵，我認為是食那種豪邁的感覺，這餐廳做到濃味和份量大，而且味道不過不失，價錢不貴，值得再來

最近樂富新開的拉麵店🍜我去的時候無咩人排～都好快入到去🤔特別的地方係～尼間拉麵店可以免費選擇～普通~4倍蔬菜的份量！同埋最平$59小盛可以食到拉麵圖為選擇了2倍蔬菜的份量！個人覺得2倍已經好夠食．．！💛岡山一番拉麵💛味道都正常還好既，只係湯底偏咸。💛豚骨醬油沾麵💛至於好唔好食就．．咳咳．．有點失望的🥺😢湯底太咸！特別係沾麵！（已經選擇左普通濃度的湯底．．食完好口渴．．個人認為．．普通food court拉麵仲好食💔（樓上就有food court 🤓🤓

一家3口，同呀爸呀媽一齊食晚飯，叫咗一碗湯麵，麵要軟的；另一碗沾麵，麵要正常，點知正常個碗d麵鐵線咁，湯麵個碗還可以，但整體同我食過既日本拉麵比較，哩間同好食真係拉唔上任何關係，一句到尾，失望，仲排咗咁耐，喊！

二郎系拉麵係指油脂濃厚的豚骨醬油湯底🐷配上粗麵條🟡，再盛放豬肉與免費大量蔬菜🥗，超重口味的拉麵。今日收工有時間就去試過江龍，揀左最基本的岡山一番拉麵（$59），湯頭要左普通，免費蔬菜就要左3倍，要蒜蓉，硬度普通！現場聽到有日本師傅駐場，除左拉麵仲有關東煮做配菜。一上枱見到肥嘟嘟綠豆芽菜真係好多，堆到成個小山丘咁！湯頭係醬油豬骨湯，唔算好濃厚，偏普通拉麵湯頭，不過一定要加蒜蓉，層次會多d。🍜太麵粗度同稻庭烏冬差唔多，麵質好有彈性，不過冇咩麥香，麵嘅顏色偏深色，食落反而有d醬油味。芽菜有事先飛水👍，就算沾唔到湯都唔會係生勾勾，不過可能係芽菜太多，d湯就唔覺得好濃厚。🐷叉燒唔錯，外層偏肥，所以咬落幾軟熟。p.s 走個時見到有人叫特盛，真係面盆size....總括係lunch time放飯可以食，不過唔駛特登去食嘅程度🙊

樂富終於再有一間拉麵舖，頭先試咗。可能新開張，感覺職員仲未好熟流程。樓面見餐廳有位就放人入去，完全無顧及廚房出餐能力，等食嘅客遠多過食緊麵嘅客。偏偏餐廳採取先付款後送餐模式運作，又令客人無法取消訂單只能繼續呆等，我碗麵22分落單，嚟到係46分，前後等咗24分鐘。舖位本身係半開放式，面積不大。隔離就係樓梯同扶手電梯，都係人流多嘅地方。偏偏舖頭不停播住日本歌，結果嘈上加嘈，唔播歌反而更好。講返食物本身，叉燒好食，溏心蛋入味，呢兩樣嘢係令我加分的。但由於點餐紙或者圖片顯示到生芽菜1倍至4倍嘅份量。我點咗4倍，結果要攞多隻碗夾開生芽菜先勉強夾到麵，而且食咗一半我就已經開始飽，下次應該會只叫1倍。我個人較喜歡食幼麵，因為掛湯能力比粗麵強，但佢哋用嘅係粗麵，好在麵質唔差。我諗再遲三兩個月等職員run熟啲間舖，再試其他。

樂富商場開了一間新食肆，日本拉麵店😊。11:30己開始排長龍，見十多人左右，於是乎試吓等。店舖寫住11:30正式開始，但等到11:40才開始放人，仲係好慢，坐位空著呢😅，好多食客抱怨。但員工欠缺策略性。入到去，要自行到前台購買食物，再去搵位，cashier好慢，出菜好慢，仲之好唔掂。終於有得食🍜😊湯底不會太鹹😊麵質非常有嚼口，有彈性，好味🙃叉燒太肥，不是我喜歡的🥵最要讚係芽菜可點一份，二份，三份，最多四份，完全不用加$🙃。整體碗拉麵好味，但服務仍然有待改善和提升。