山田海韓國料理

營業中

休息中

老闆係韓國人，好好客推介炸雞魷魚同生牛肉，好好食韓燒黎講 肉好靚都唔會差得去邊醬油蝦同鮑魚都好好食，小貴但值得炒粉絲份量好大食得好過癮牛肉窩好入味，仲有跟飯晚餐一定要訂枱唔係都好大機會無位

近日留意到有衣間韓國菜，好似唔錯。咁岩同老公响附近就黎試下，點知差到無朋友，而且價錢唔值。我地叫左3 樣野：石頭鍋雞肉飯、炸雞同咖喱豬腩肉。好快就上左好豐富的前菜，味道都唔錯，令我地都好期待接下來的主角們。首先上咖喱豬腩肉，賣相普通，普通到相機食先的我都無影相，類似平時燒嘢食果d肉咁。肉好難咬開，味道一般。食到一半聽到呀姐覆其他客的單時，聽到生菜，即刻諗起係喎，生菜呢？！ 又話韓國人開嘅？生菜唔係免費供應？ 唔係😢要比$55…. 基於價錢唔值同食唔晒，所以無諗住叫。衣家諗起，真係好彩無比佢賺。然後熱辣辣的石頭鍋飯到啦，但辣醬唔係一齊黎，要問人拎。等唔切個醬到的我決定撈住先，發覺同平時食開的唔同，咁黏既？我仲以為撈撈下d熱氣會令水份蒸發d,無咁濕，所以係咁撈，但都無用，個飯直情係爛飯黎。食落無晒口感，feel 唔到d飯粒，人生食過最差的石頭鍋飯。出面任何一間都好過佢！！最後係炸雞，炸雞全部都係雞塊，舊舊都係肉，送酒係一流，炸得都算脆，但炸過火左，食落好乾，無晒肉汁。價錢高少少唔代表野食會好食d🥵衣間野我相信唔會再幫襯了！

某日看了朋友介紹哩間由韓國人主理既韓國餐廳，就約左一班朋友去試下，一入到去，通風不好，很大油煙味，座位很窄，很嘈，餐牌很污糟又殘舊，價錢不平，貴得來，份量很少，最緊要係好難食泡菜餅一啲都無泡菜味，又凍，唔香，粉又厚韓式炒粉絲，又係唔夠熱，完全過甜，唔好食辣炒豬肉，我地雖然叫小辣，但係辣咪一啲都無，只食到過甜，啲醬多到好似食醬咁，啲豬肉完全無炒咁，唔香最失望是豆腐煲，貴得來係以為係泡菜湯底，但是像蕃茄湯，一啲都唔好食，甜既，啲蝦及蜆都唔新鮮奉上既免費小食，只限再fill當中兩款，仲要不可以重覆🤨，佢地有兩款泡菜，算是今餐最好食，期間濃煙極大，不能久坐，走時一身臭油煙味，沒下次了，第一次咁失望🤦

朋友之前約我食生日飯，話帶我哋去觀塘 #駱駝漆 食韓國菜😝 餐廳位處工廈所以空間好寬敞，但係平日夜晚都差唔多坐滿🙆🏻‍♀️ 一入餐廳已經見到門口貼滿老闆同客人嘅即影即有，餐廳牆上掛咗幾部電視，一路播K-pop，氣氛好熱鬧🥳 老闆係韓國人，勁熱情好客，真係好似去咗晚韓國旅行咁🤣.食物方面，全部都份量十足🤭 前菜小碟都有7-8款選擇，可以任添👍🏻 餐廳隔離有間韓國小食店，由同一個老闆主理，我哋見到泡菜小碟都賣成$40㗎，所以堂食任添前菜真係好抵🤣🤣~~~~▫️ 白切豬肉包心菜 ($278) ⭐️8/10一上枱見到個碟嘅size已經嚇親😂 豬肉每塊都係厚切，有差唔多20塊🤩 用生菜夾一塊豬肉，加泡菜配料同辣醬，一次過放入口好滿足😚 3個人share，每人都食到6-7件，真心抵食👍🏻.▫️泡菜煎餅（$110）⭐️8/10煎餅好香泡菜味，酸酸哋幾開胃🤣 本身擔心會好辣，但係就咁食偏重泡菜香，食辣嘅朋友仔可以點多少少醬汁，會惹味啲😋 好中意煎餅嘅質感，煙煙韌韌，啱晒我呢啲澱粉控😍.▫️韓式醬油炸雞（$189）⭐️6.5/10炸雞同樣好大碟，3個人食好似食極都仲有😂 不過味道就遜色啲，炸粉偏厚又炸到好硬，雞肉都比

#環境# 環境不屬於裝修精美 但勝在地道 有置身韓國小店 光線冇花巧設計茶單食物相貼滿牆身 但環境卻是挺乾淨 不過餐廳內客人說話聲都有少少嘈 前菜 $0超水準8大碟前菜 泡菜都有兩款 一款較甜 一款較辣芽菜味道剛剛好 唔會有草青味茄子青瓜魚腐都分別腌我剛剛好 絕不會太咸又或者沒有味 真係忍唔住食哂牛肋骨大醬湯 (包飯) $108牛肋骨炔到肉軟腍離骨 但仲好有肉味 雖然大醬味濃郁但仍不會蓋去牛味肉既份量挺可觀 女生絕對飽白菜充分吸收大醬湯 入哂味 送飯一流 仲有好多棵辣豆腐海鮮湯 (包飯) $118雖然得一隻蝦 但蜆比較多 配料亦好足 同入味 絕不是濫竽充數為加而加 (所以沒有菜)味道都不錯 不過大醬湯更推薦 其他上菜時間要一陣 但考慮到熱辣辣上枱同有前菜食住等就冇問題 店舖仲有燒肉 下次絕對會再去試

呢度配菜款式幾多，泡菜偏酸帶微辣，其他西蘭花、芽菜等菜類水準正常，係偏鹹咗小小；至於薯仔軟腍帶甜味，我覺得係配菜入邊最好食嘅。 🥔 至於辣泡菜炒豬肉飯，佢用咗好多洋蔥泡菜去炒，而豬肉就係五花肉嚟嘅。佢食落唔算好辣，但成個餸偏油，食咗一半之後已經開始有飽肚感，同埋好油膩…..建議同朋友嚟食可以share食，另外叫個湯類解膩會更易入口🥸佢跟餐送汽水，我揀咗韓國嘅蜜桃水，都係普通糖水咁，飲佢俾嘅茶仲好味🤣🤣🤣整體呢間韓國餐廳水準正常，我會想食佢嘅配菜多過主食…配菜真係太豐富，而喺出面真係較少見！😆

對呢度個大醬湯念念不忘呀食過一次覺得好味今次為了佢再黎另外再點左海鮮煎餅牛肋骨大醬湯仍然好味夠濃味啱我地呀本身唔太食牛只食左一舊唔會好UN湯會跟埋個飯既將個湯連埋飯食PERFECT呀海鮮煎餅質感少少淋身(但NOT BAD架)口感比較特別呀又整到香口得黎唔會好熱氣下次都可以ENCORE呀

觀塘駱駝漆大廈韓國人老板開的韓國餐廳，餐廳有唔少座位，今次叫左部隊鍋！係香港唔係咁多間韓國餐廳可以食到，之前係韓國食過，覺得好味，所以返般香港都想食返。首先比左8碟前菜，係食過咁多間韓國餐廳比的最多前菜既一間😍😊，泡菜同蛋好食，其他都唔差。至於個部隊鍋就一般，味道比較淡，但就好大煲，兩個人食會食唔晒，有腸仔、菇、豬肉、大蔥、年糕、午餐肉等等。不過豬肉太肥，煮完都唔係咁食得落。下次應該唔會再叫部隊鍋，叫返其他菜式算😵

朋友預訂了這家位於觀塘工廈的韓國餐廳，聽說這裡的燒肉和海鮮十分美味，我們當然點了不同的招牌菜啦。在等候主菜期間，店員先送來各類型的泡菜，顏色吸引，各種酸、甜、辣味的泡菜刺激了味蕾，為腸胃熱身。接著我們品嚐主菜了。海鮮煎蔥餅煎得金黃色，麵粉軟腍而外表香脆，內裡有些菜絲、椒絲，但海鮮配料不算豐富。牛肉冷湯蕎麥麵我第一次嚐這種主食，配料有青瓜絲、白蘿蔔絲和牛肉，「湯底」其實是清水，因此不會肥膩。麵條相當長的，亦很煙韌，口感有點像芋絲。在炎炎夏日，吃這種冷麵，是清新消暑的好方法。（忘記拍照）烤牛肉拼盤主角牛肉拼盤出場了！有牛舌、牛西冷、牛骨，十分適合牛魔王。把牛肉放在煎板上慢慢燒熟，看見油脂溢出，令我們期待。肉類沒有下調味，不會過鹹，仍可品嘗到肉質的鮮味。肉汁豐富，油脂迷人。辣海鮮雜錦鍋連同剛才的牛肉拼盤是同一個餐，四至五人份量$928。這個海鮮鍋份量十足，令我們驚訝。它有一大隻八爪魚、三隻鮑魚、帶子、青口、蜆肉、蝦及蟹，還有一些蔬菜和豆腐。放在鍋上，待食物煮熟，此時湯底變成橙紅色，帶有微辣。各類海產新鮮甜美，肉質爽口彈牙，是很好的享受。這裡環境有點擠逼，木製的椅子不會坐得很舒服，但這種舊式食

星期五收工，同左一班朋友去觀塘食韓國菜，朋友推介呢一間係工業大廈，地方好闊落坐得幾舒服。坐低已經好肚餓，食韓國菜有樣好處，就係有好多頭盤，而且全部都好好味😋。呢間仲可以揀其中2款再encore . 薯仔同茄子，仲有泡菜都好好味🌟我哋叫左海鮮煎餅，雞湯，炸雞，韓國年糕同烤豬皮。除左豬皮有D硬，其他全部都好好味！又大碟，又正宗🤤雞湯D雞肉好嫩滑，成隻雞，勁足料，仲有大大隻鮑魚。炸雞好似拳頭咁鬼大件😂多到食唔晒～年糕同煎餅都好好味～下次要再食👍🏻最正宗嘅係👍🏻，我哋買咗支韓國米酒，老闆俾左D酒碗我哋用😩好似地道韓國大排檔🥲未有得再去韓國🤤嚟呢度頂住先🌟

觀塘 山田海韓國料理今日走進觀塘數一數二出名🌟嘅工廈-駱駝漆工業大廈三期買野，見到呢間門口小小，招牌完全不起眼的食店，原來係韓國料理！入邊仲傳來陣陣燒烤肉香味！嘩，我同我fd即刻共同決定今晚食呢間！當什麼都未點之前，店員已經送上很韓式的金壼茶、白蘿白湯和餐前六小碟！醃青瓜、海帶、大豆牙、韓國泡菜、醃茄子，還有小編至愛的醃薯仔🥔老實講，小編其實喜歡韓國餐前小食多於韓國正餐🤣🤣🤣🤣，係咪好變態呢🤣🤣。招牌炆牛肋骨 (拼白飯) 大大塊牛肋骨，勁入味，炆到很焾，可以爬曬一大碗白飯！回眸率90%👍🏻辣泡菜豬肉湯(拼白飯) 呢個也是配白飯絕佳組合！小編和朋友最後係食清和飲清整鍋泡菜豬肉湯！一滴不留😆😆 豬肉片味道剛剛好，配上小小辣的泡菜一起食，正🤣🤣山田海韓國料理📍觀塘開源道60號駱駝漆工業大廈三座三樓U室

咁耐以嚟好似真係未食過正宗韓國菜，除咗因為先入為主怕泡菜同其他食物辣外，仲覺得可能同平時嘅韓燒差唔多。韓國迷朋友為改變我呢個錯嘅諗法，帶我嚟到呢間佢成日幫襯，由韓國人主理嘅韓國菜餐廳。去到門口已經聞到陣陣好香嘅烤肉味，餐廳都好寬敞，唔會因為油煙問題局促。一行六人，點咗六樣嘢，味道幾好，由其醬油蟹好鮮，肉類亦好新鮮。前菜都咁多款，茄中最好味，又淋又入味，間嘅泡菜屬bb辣，爽口開胃。套餐：辣海鮮雜錦鍋+烤牛肉拼盤(無醃)牛肉雪花平均，入口有油，牛舌都好爽口，腩肉都好新鮮，唔會太肥。上呢個海鮮鍋嗰陣幾震撼，排得好靚，滾起後職員細心幫我哋將鮑魚及青口去殼，八爪魚剪粒，方便我哋分配。燒肉有蔬菜伴食減少油膩感。海鮮煎蔥餅，好香蛋味。炆牛肋骨(配飯)，炆得好淋。醬油蟹，好鮮呀，第一次食咋，個個都讚，連飯團都好好味。

第一次吃就踩雷了，這個牛肉火鍋超出了我的想象範圍，是我對牛肉火鍋有誤解還是牛肉火鍋對我有意見？？只有肥牛包著金針菇，一些蔬菜，菇類，一把拉麪的菜品，是憑著什麼自我良好的感覺去收398一份小菜還不能續

十二點去到，算無乜人，叫咗個辣海鮮麵。裝潢同食物算幾地道。餐牌幾多選擇前菜大大份，同一般韓國餐廳慣常，都係大大份，一個人去都三碟，幾好味。辣海洋麵都係大大碗，餸幾多，不過唔夠辣，又唔夠入味。係香港，to be honest ，好多有韓國大廚的餐廳好味啲。呢個只屬一般之作，勉強合格。飲品方面，原來韓國飲品加五蚊，都ok gei 。不過支飲管咁窄，有顆粒橙唔方便，最後就咁飲算。之後一日，有其他同行者都想試吓，book位去食，食了個辣牛肉粉絲湯。算夠熱，味道方面，比較其他韓國大廚主理的餐廳稍稍顯得一般。似乎係d味唔夠香同唔夠可口，就係爭噉少少噉。

Came here during a weekday night without advance booking. No queuing is needed but it's around 85% full house.Ordered 3 dishes including a raw Korean beef for BBQ, chicken soup and seafood fried noodles.I would say it's a bit overpriced given that the portion is not super huge and the quality is not that outstanding. However, I would say the complimentary starters is inclusive into the relatively high price. There are a wide variety of starters, colourful and quite eye-catching! Taste is average