山田海韓國料理

營業中

休息中

今日又係駱駝漆工廠大廈的樓上鋪餐廳，揀了「山田海韓國料理」。內裏裝修同工廠大廈內的大部份其他樓上鋪餐廳一樣，非常普通、可說是有點簡陋，只是較工廠飯堂好一點，甚至差過連鎖集團的街鋪快餐店 / 茶餐廳。牆上貼上了許多即影即有相片，當然全部都是餐廳老闆同客人的合照，其中幾張竟然是香港電視明星！老闆當然不會錯過宣傳機會，將照片放大貼堂！午市套餐的款式選擇超過40款，調味及材料當然以韓式風味為主打，亦添加了一些港式元素；總之款式多樣化，雞、豬、牛、魷魚配搭炒粉絲、白飯、石鍋飯、冷麵、泡菜湯等，總有一款啱口味。韓國料理當然不能缺少泡菜。估唔到雖然只是工廠大廈樓上鋪餐廳，竟然也有多達六款韓式泡菜，味道相當出色⋯⋯ 只是偏偏欠缺最經典的大白菜。石頭雜菜拌飯(豬肉)（$75）賣相一般，未似坊間較高級的韓式料理，將各種色彩繽紛的蔬菜切成幼絲鋪砌在石頭鍋飯表面；望落去很凌亂、唔吸引。韓式石頭鍋飯重點在於熱辣辣及辣醬味道，這兩點皆做到了，彌補賣相不足之處。鮑魚人蔘雞湯(半隻)（$90）用上一個兩邊有煲耳的銻煲上菜，充滿庶民家庭風情。味道方面同大部份韓式人蔘雞湯相同，偏向肥膩，有清淡雞鮮味及鮮人蔘的甘澀。午市套

朋友介紹黎到山田海，唔係朋友黎過都唔識幸好訂左位，餐廳平日夜晚都越夜越多人！我地人多所以點左好多餸。同其他韓國餐廳一樣，有小菜，可以揀2樣再refill。韓國人話間餐廳掂唔掂，就睇佢個泡菜；個人覺得幾好食既！之後就係個薯仔，芽菜同茄子好食！多人就梗係叫埋韓燒啦：牛肋骨(有醃）牛舌五花腩燒完再包埋蒜片同生菜一齊食，冇咁油膩又好似健康d豬手幾大碟下，好似食極都重有咁海鮮煎餅正正常常人蔘雞湯覺得個人蔘味唔夠出，雞同湯飯都好食！石頭鍋飯一上檯就要翻一翻佢，有飯焦，正。海帶湯黎到晚飯既高潮位就梗係慶生啦。老闆人好好，送左個湯同蛋糕俾壽星。係突然之間就會播歌，跟住全餐廳人歡呼，重有禮物收！個湯好正，唔馬虎，重有好多隻蜆嫁！蛋糕個蛋糕雖然係老闆送既，但幾好食嫁！我朋友係第一個被慶祝，跟住隔左一陣又播個韓文生日歌，成晚總共播左至少4次。原來大家都鐘意黎慶生想黎慶生既，記得訂位時講定，同埋唔駛再另外買個蛋糕啦！

好耐無食過韓國菜，突然好想食韓式湯飯，同事無異議，就齊齊去左呢度食午市套餐。呢度嘅午餐，其實以工廈嚟講唔算十分划算，但勝在選擇多，午餐都有3,40款選擇。好彩我只特別鍾意食辣豆腐湯，如果唔係，有咁多款選擇真係好難揀。辣豆腐海鮮湯($80)用傳統韓式鍋盛載，感覺特別有風味。湯唔算濃味，亦唔算辣，易入口，啱晒我。豆腐非常軟滑，口感唔錯，如果有更濃豆香就更好。海鮮包括幾隻蜆，無沙、鮮味，但略嫌細粒。整體味道算普通，唔難食。跟豆腐湯會配大碗白飯，湯又大大鍋，大食者都應該夠飽。跟餐仲可以免費配汽水，如果想再韓式d，加小小錢($5-$10)可轉其他韓式飲品，例如梨汁、忌廉鮮奶。每個入座客人都有韓式泡菜小碟，可能我地今日人多，今日有7小碟，每碟都唔同，仲有蛋餅同腐皮。泡菜醃得夠味，酸辣度適中。除價位稍稍偏高外，整體OK，特別讚係份量足，女同事們都食唔晒一個set。

樓上鋪，有啲難搵，工業區，第一次尼，都幾特別。裝修都好韓國風不過好油煙味，去完成個身都好會臭，因為佢冇每一枱韓燒整抽風，唔係咁好。醬油蟹要出去隔離鋪自己買過尼比佢處理。前菜有一碟有頭髮，不過反映完，佢收走左就冇左件事，亦都冇比過碟新既我地，我再追問，佢話已經冇哂，ok，算。之後佢只限refill 兩碟only ，有點小家，但當我想refill粉絲，又話冇哂，ok👌生牛肉，正常，牛肉質地一般般醬油蟹，ok ，跟既紫菜飯份量比較細燒牛肉既份量唔算多，樓上收費算貴，個人覺得。整體，油煙味太濃，地理位置不太就腳，收費不便宜，好多選擇好過佢，完全冇特別。可以去裝修靚啲，地理位置比較好既餐廳。

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍山田海韓國料理🤍生牛肉他他因為本人比較少食太生既食物 但係呢一碟牛肉他他竟然比我一個好創生既感覺😬牛肉配上麻油和雞蛋，令到其入口好軟滑不會令人難以入口！重加上雪梨水果肉令到牛肉入口更加鮮甜但又唔會搶了主角牛肉的味道～

10月生日之星🌟🌟今晚一行七人，其中已有兩位朋友是生日之星！就讓我替他們出去拆一餐豐富而深刻嘅生日飯先！聽朋友介紹位於觀塘駱駝漆大廈第三座有一間專食韓國料理而且自行買生日蛋糕是免切餅費及好有氣氛的，也聽聞老闆是正宗韓國人，非常親切！今次就讓我們去體驗一下先！🥳🥳🥳環境方面： 沒有豪裝、沒有打卡位，但勝在好有住家feel，令人食得舒服，更可以放鬆心情享受這特別的晚餐！🔪🥢🥄🍴🍽服務質素： 無論老闆及店員態度~禮貌真的值得表揚，我會畀一百分💯💯💯落單後，店員會預備多啲不同款式自製的韓式小食，其實款款都好好食，但至愛的一定是泡菜囉！🎎 辣炒芝士年糕 $118使用韓式長條年糕，整碟年糕上已鋪滿芝士碎，煙韌度適中，醬汁味濃而不太辣！份量剛剛好！🎎🎎辣豆腐海鮮煲 $118一啲都唔辣,個湯仲好好飲, 可以做泡飯，好鮮味添！🎎🎎🎎 辣泡菜豬肉煎餅 $118好正宗韓國泡菜及饀料十足，切到八件，人人有伤，味道很不錯！🎎🎎🎎🎎 辣醬烤魷魚 $158原隻魷魚上碟，肉厚入味，有彈性又惹味，但唔可以食得太多，因為膽固醇高！🎎🎎🎎🎎🎎 韓式炆豬手 $338秘製炆豬手好入味，好有骨膠原及有口感， 正呀！ 朋友仲攞咗嚿

正宗韓國餐館，和朋友在此慶祝生日，前菜有很多款，食物美味份量也很大。我們叫了韓式芝士年糕、煎餃子、韓式豬手、泡菜豬肉煎薄餅、燒魷魚、海鮮豆腐湯、燒豬腩肉、燒牛肉，醬油蟹和醬油蝦就去隔離的士多買回來給舖頭上碟，蝦和蟹雖然是急凍的但肉質尚算新鮮，不過醬汁就鹹咗啲。這裏沒有酒水供應，如果要飲真露或其他酒類就要過隔離士多購買回舖頭喝。韓國籍老闆十分之熱情，當拿出生日蛋糕嘅時候舖頭播放韓式生日歌，老闆更送上自製生日蛋糕一個，送給兩位壽星女每人一包紫菜和一支韓式補酒，十分有驚喜，很有人情味。

有個韓國朋友介紹嚟食 真係冇介紹錯呀！入面好多韓國人幫襯🤗兩個人叫咗三碟嘢 諗住會飽點知係好！鬼！飽！最後仲要打包第二日再食！其實佢個前菜已經食飽咗我哋😂佢俾咗八碟前菜我哋 （我要再強調 本身我哋只係叫咗3樣嘢）碟碟都好好味呀😮尤其是係個泡菜 好新鮮好爽口好甜同出面超市買到嘅有分別！整體嚟講：- 我最鍾意食泡菜煎餅個味道正又脆口- 韓式炒粉絲 落得太多太多麻油 比較油膩加上粉絲偏淋 下次應該唔會翻炒- 芝士炒年糕（配牛肉）都唔係我杯茶 我覺得年糕唔 “in un”但我朋友就好鍾意 佢話佢鍾意淋啲！所以今餐唔係碟碟都5星但一定會再嚟過！因為前菜正 同埋成餐好抵食！

今日lunch同朋友好想食韓國嘢就搵咗駱駝漆呢一間試吓 好好味！鐵板烤辣醬五花腩肉 $105午市套餐仲包一罐汽水俾你 而且仲會即刻放上韓國特色餐前小食俾你食完都冇咁餓了🤣再加上呢個鐵板份量十分大！一個人我完全食唔晒覺得可以三個人叫兩個餐就Perfect下次一定會再嚟😋😋

朋友介紹黎呢間食，老闆係韓國人，入到去，地方唔太大，好彩book左位⋯⋯海鮮煎餅好正宗，餡料充足，切到八件，味道唔錯叫左牛拼盤，大約$598價錢唔平，醃肉味道不錯，但部分牛肉“銀”左啲⋯⋯大致都好味叫咗碟生菜包住牛肉食冇咁膩石頭鍋飯呢個真係麻麻地，除咗飯焦好食之外⋯⋯其餘配料唔入味在隔離擋位買咗盒酒釀鮑魚$99擋位都係韓國餐廳租的，買左鮑魚，餐廳會幫我地解凍，可即食，不過味道麻麻芝士牛肉炒年糕$118年糕好煙銀，好好食，加左芝士仲正呢度啲服務好好，老闆仲周不時同客人打招呼，敬酒，好親切

今晚FAREWELL好友佢鍾意食韓國我地之前都間中黎呢度今晚就黎多一次呀點左～海鮮拼盤諗住LAST GATHERING燒下海鮮豐富DD呀黎到真係好呆呀個拼盤好多野不特止仲有牛肉0係中間STAFF會過黎幫手拆殼燒咁鮑魚同青口易熟好多我地好滿意呀全部海鮮都新鮮朋友好讚個牛肉好有肉味呀~辣汁薄餅呢個個汁堅惹味呀少少辣又唔會煎到太干絕對可以回頭既一間韓餐~

如果唔係觀塘返工嘅人，未必識得上工廠大廈覓食。話說有一日俾我發現咗呢間工廠上面嘅美食，而觀塘嘅工廠區有正正缺乏韓國嘢，好似比我搵到寶咁呀！午飯時間我都算早到，喺公司一到12:00就沖去攞位。結果我真係唔使排隊就入到去🤩一坐低令我最驚訝嘅係，我同我同事兩個人食飯，竟然有成六碟前菜。今時今日係香港嘅韓國餐印象中比較少會比咁多前菜。好啦廢話唔多講進入直路，我點左個L31海帶蜆湯，湯底好鮮味亦都有好多蜆肉，食得出唔係急凍嘅蜆而係新鮮嘅。每個餐中配一罐飲品都係$80有找咋，真係好抵食呀。

🍜炸醬麵 -$70炸醬不外乎豬肉粒、翠玉瓜及薯仔粒加黑豆醬。但所有材料混合後居然淡而無味😩。簡直又貴又唔好味😖🍗五花腩 -$168未經醃製五花腩，尚算新鮮有豬肉味。🐄烤牛肋骨 -$268有醃製牛肋骨，即使烤得剛好，肉質也未夠軟稔易咬😔。整體而言，配菜味道比主菜更好😂

沒想到價值$798的烤牛肉拼盤中的四分之一是五花腩，牛肉質素亦唔值呢個價錢！隨意問一個侍應點解有豬肉？回答：「係咁架，送比你既。」，問第二個侍應：「稍等！」之後她屢次經過都沒有回覆我；唯有直接問老闆查詢，他以不正宗的廣東話大約回答：「豬肉係跟埋一齊，你要牛肉我送一份比你。」我真的不理解為何叫牛肉會搭豬肉...大家自己評價！！！但冷麵及前菜味道不錯的。

睇得韓劇多好想食韓國嘢，之前睇過介紹話呢一間韓國菜幾正宗，今日去同一大廈度拎蛋糕，決定一試。✅環境幾有韓國氣氛，唔係咩高級地方，但都坐得舒服。✅ Lunch選擇都算多，當然你也可以選擇來燒肉。價錢已經包括很多前菜，以及指定飲品。✅份量十分足夠！一定食得夠飽！單食前菜就已經飽咗一半！我哋嗌咗一個韓式水冷麵，以及一個牛肋骨湯飯。份量都係十分多，我未見過牛肋骨湯飯會有咁多菜！⚠️味道唔算太差，未去到好好食，但我覺得呢個價錢，簡簡單單食餐午餐，我冇任何投訴，覺得好滿足添！唯一係個牛肋骨湯食到後段啲菜索晒啲湯，會覺得有少少咸。整體滿意呀，因為性價比算高，有機會再試吓去晚市嘅燒肉，唔知嘅份量係咪都咁多呢？