山田海韓國料理

營業中

休息中

本身今年約左閨密一齊去韓國旅行, 但因疫情關係無得飛, 唯有係香港食韓國菜尋求心靈慰藉。呢間位於觀塘駱駝漆大廈三座既韓國餐廳, 老闆係正宗韓國人, 餐廳裝修都走韓風格局, 電視會不停播住K-POP,令人好似置身於韓國咁。黎呢度我最鍾意就係食佢附送既韓國小菜, 如果唔夠食, 仲可以免費re-fill小菜。 我特別鍾意食佢個長泡菜, 入口爽脆又甜, 非常好味。我地叫左 2個午市套餐 牛肋骨大醬湯 + 飯 - 牛肋骨好厚肉, 而且好淋, 大醬湯少少辣好開胃暖肚, 配白飯同食一流。辣泡菜豬肉湯 +飯 - 呢個湯有豬腩肉+豆腐+泡菜, 豬肉軟淋, 豆腐索了湯汁非常美味, 但略嫌個湯稍為杰身左D, 如果稀返少少更好。每個餐都免費配韓式飲品/汽水, 某些指定飲品只需加幾蚊就可以飲到。

除咗超強，我真係諗唔到到有甚麼形容詞可以形容呢間餐廳！晚市要食飽平時唔拎番三四百都唔使旨意埋單，但呢日我哋四個人都係平均百幾，加上佢有我最愛數不完的前菜，好多其他餐廳未必整（重要無限refill），連泡菜都有幾提供，配搭唔同菜式一齊食～肉類可以說係交足功課，重點係大家一定要叫蒸蛋！因為韓國人基本上烤肉＋蒸蛋係指定動作，而且呢個蒸蛋真係咸香滿滿又有香濃蛋香，自己一個都食得曬！不過冷面我就真係冷靜分析有待改進，面可以再彈牙Ｄ，咁就完美鳥。

除咗超強，我真係諗唔到到有甚麼形容詞可以形容呢間餐廳！晚市要食飽平時唔拎番三四百都唔使旨意埋單，但呢日我哋四個人都係平均百幾，加上佢有我最愛數不完的前菜，好多其他餐廳未必整（重要無限refill），連泡菜都有幾提供，配搭唔同菜式一齊食～肉類可以說係交足功課，重點係大家一定要叫蒸蛋！因為韓國人基本上烤肉＋蒸蛋係指定動作，而且呢個蒸蛋真係咸香滿滿又有香濃蛋香，自己一個都食得曬！不過冷面我就真係冷靜分析有待改進，面可以再彈牙Ｄ，咁就完美鳥。

觀塘商廈樓上鋪，差不多要走到最入的單位才見到的。店內地方寬敞。前菜：菠菜、芽菜，冷菜沒有太多的麻油，新鮮爽口。薯仔，大大塊甜甜地，非常易入口。泡菜，爽脆微辣。蘿蔔清湯，清清甜甜的。招牌炆牛肋骨，成煲上，三、四大大塊的牛肋骨肉，牛肋骨肉相當厚且炆得很軟淋，有肉味。份量不少的。白蘿蔔、紅蘿蔔、冬菇等，湯汁較深，可味道並不太鹹。仲配韓式飲品和汽水。雖說是$85，但食物種類多，份量大，質素亦不錯，還是值的。

上星期六去坐呢度光顧午餐，我哋點左一道人蔘雞，同埋一道燒五花腩肉午餐。人蔘雞人蔘味係有但係隻雞唔得腍唔得滑，鞋嘅雞胸肉佔嘅比例較多; 五花腩肉方面，除咗啲洋蔥係好食嘅之外，啲五花腩肉係膏多過肉，而啲膏亦都唔係腍同埋鬆化，冇油香味、亦都冇肉香味，好似食緊橡筋。配菜就冇乜特別，薯仔、泡菜等等，就係一般嘅質素，但係成枱嘢比較好食就係呢幾碟嘢。見到下邊有網友評價佢好食過韓國街，我真係不敢恭維。非常失望，永無下次。

正宗韓國人開的韓式餐廳，菜式和店內裝潢都超傳統的！加上，可以無盡添食的前菜！有六款前菜，總有一款是適合你口味的。青瓜超惹味開胃，甜薯也是超美味的，可惜泡菜酸辣有點淡口。韓式炸醬麵厚實炸醬，分量足夠讓每一條麵條都掛滿炸醬，入口味道甘甜，不算太鹹，冷麵更適合夏天食！但食到最後會有油膩感，麵條分量也多得可怕！有一定食量才可挑戰！軟豆腐海鮮湯超濃泡菜香味，微酸微辣，超開胃的！而且滿滿一鍋軟滑嫩豆腐，配韓國粒粒白飯一流，其他海鮮配菜也是十分足料，有蝦、青口、蜆，喜歡海鮮人士一定超滿足！美中不足的是如果可以再辣少少就超好！

Luch時間去食下韓國餐, 老細係韓國人所以餐牌菜式都比較正宗傳統. 一坐低即時上六小碟傳統前菜, 甜薯同泡菜係我至愛. 韓式伴飯雖然看似簡單, 但味道唔錯. 我就叫左牛肋肉大醬湯, 味道同我係韓國食到嘅差不多, 牛肋肉大舊又夠腍, 大醬湯少少辣好開胃, 配埋白飯好好味辣炒魷魚飯賣相吸引, 份量都唔少而且泡菜味十足, 食得辣既可選擇. 另外自己用左張贈卷免費叫左份韓式烤雞, 鐵板上香噴噴又雞肉人仲好juicy, 最好味係呢碟. 加埋份量真係唔細, 朋友都食飽飽. 惟一美中不足係個別菜侍應落錯單又漏左要等好耐, 呢度再改埋就更好, 但以60-70蚊嘅價錢真係好抵食！

無得返鄉下旅行，唯有搵間韓式餐廳頂住先來到工業區，過左Lunch time 無咁多人，山田海好似開左好耐了，真係第一次食見到炸雞都流晒口水了2人入座，叫左份炸雞，加個辣牛肉粉絲湯但係炸雞來到，認真令人失望，雖然都知道圖片只供參考，但係都唔會離譜到咁，如果主廚係韓國主廚，會仲失望，韓式炸雞大多數人都食過，以皮脆肉嫩多汁出名，但係今日呢個真係失望到極了，味道過得去，但完全無賣相仲要賣$189，不值！不要掛羊頭賣狗肉！辣牛肉粉絲湯$80-湯唔算辣同熱，牛肉份量唔算多但係好鞋,似牛肉干多d，粉絲最好食餐前小菜午餐都有好多選擇，樓上舖價錢來講，都唔平，不過相信我都唔會再去食！唯一好處，係lunch 無加一服務費！

有時思鄉病發作，想食韓國醬油蟹我都會去呢間可能係全香港最好食既醬油蟹韓食店山田海。老闆同主廚都係韓國人，會改良少少迎合香港人口味。🦀好似醬油蟹咁加左少少辣椒同檸檬，可以減少腥味，第一次食既人會覺得更易入口。呢度拌飯都好岀色，未撈之前已經勁吸引，撈完加埋麻油真係食唔停口😜-#店主會同食客玩燒酒game #好識做生意 #咁又可以賣多幾枝 #掛住韓國.📍山田海韓國料理 (觀塘)觀塘開源道60號駱駝漆大廈三座3樓U室

試新嘢，又係位於最最最多人嘅🐪漆🏢好彩只係3樓，再高啲就一定要搭𨋢，lunchtime就食唔到lu!Menu無標明邊啲🌶邊啲🚫🌶 ，唯有睇圖同問人牛肋骨大醬湯 ($85) 軟豆腐海鮮湯 ($80)午餐有飲品送，主要係汽水仲有幾碟前菜送，個人覺得幾好食，份量又多！到主食啦~~~ 牛肋骨大醬湯熱辣辣，份量勁多，牛肋骨大大舊，有成4舊，舊舊都好多肉架，仲有勁多菜，好軟淋淋，好好味，湯底方面就同我想像中有出入，味道還好軟豆腐海鮮湯湯底有濃濃嘅海鮮味，辣辣地，好開胃，入面有蜆，青口，魷魚，豆腐，份量都係好多！湯底黎講我覺得呢個好味啲！P.S. 餐廳嘅poster寫住韓國總廚推介，大廚應該係韓國人，料理應該正宗啲！

話說個日攞口罩再速遞返屋企，既然家住西灣河，又有船直到觀塘，why not呢？坐呢架雪糕船都幾得意，可能細船，個日有有少少雨，都拋拋地，怕暈船浪既朋友仔要睇下天氣先XD搞完一大輪，我地又想搵餐廳食，結果一係未開一係好多人，雖然都好掛住個間pasta,但難得出去又想試下新野，行下行下就入左呢間啦～個時有限聚令，枱都spread out既，感覺都好安全同舒服，店員都好好，有堆小食肯定唔食架啦，我地叫店員攞走唔好浪費但佢地就換俾我地，所以都幾好丫!辣牛肉粉絲湯 $80其實我間唔中就會挑起想要呢個湯，由其個幾日XD 但平時去食韓野好多時選擇困難症或懶諗，都好快會篤呢類型既物體呢間好多蔥，好少牛，粉絲亦唔多，對於我呢種唔太好蔥既唔多開心，但男人就ok啦！ 但都嫌牛肉同粉絲較少鐵板烤辣醬豬頸肉 $95呢個都好食，但又冇天后個間好味，不過都叫入味，有生洋蔥墊底，感覺香得黎唔太油膩

30/5/2020去開觀塘，記得友人推介的工廠大廈內的韓國餐廳‘山田海韓國料理’。 我哋比晚市開店更早到達（因為聽聞好多人，我哋又冇訂枱， 所以早少少睇吓）最終5:50入去坐。叫咗：牛肋骨鮑魚湯（配白飯）：痴着骨嘅肉比較‘林’，唔係嘅話就比較‘un’, 有啲難咬。個湯吾算好濃，但係好飲嘅，入邊仲有大量粉絲。白飯撈埋落去都好食。豬手：分量頗多，味道同喺韓國食嘅好接近，滿滿的骨膠原，配上生菜同’有蝦仔‘的醬汁好好食。五花肉（for 燒的）：因為佢每一張枱都擺咗一個烤盤，所以唔叫啲生嘅肉來燒會有啲對佢唔住😅😅五花肉未算好厚切，不過都算有啲厚度，同埋係經過調味的。一碟有12塊都算多， 味道都幾好。另外佢提供左麻油加鹽，點五花肉食都好夾。除咗一坐低就送上好多碟小菜，另外仲送咗碟泡菜津白比我地。埋單$720。環境好似啲舊式嘅地道韓國餐廳咁，喺工廠區入邊來講真係算好多人嚟幫襯，基本上6:30打後已經滿座咁滯。顧客嘅年齡層都好廣泛😜😜

呢間韓國餐廳老闆為韓國人，但係佢無因應香港人口味而改變原有味道。 好似辣泡菜豬肉豆腐湯，味道同韓國食嘅一樣，好夠辣，料又夠，韓味十足。豆頭鍋飯絕不欺場，唔係求其比個石頭碗你就叫石頭鍋飯，上枱時真係熱到有吱吱聲。

為了farewell一個韓菜控的男同事，特特去了他選擇的山田海韓國料理。剛坐下來，侍應立即奉上韓國的前菜，放滿一枱。我們叫了海鮮雜錦鍋+烤牛肉拼盤、炒飯⋯⋯。每款前菜各有特色，但我特別喜歡泡菜和不一般的蘋果沙律，幾乎都是我吃光的。之後，男侍應(可能老闆）幫我們再加，完全不覺得我們煩，還很友善地教我們如何燒得更好味！海鮮拼盤種類繁多：有蟹、青口、蜆、帶子、鮑魚等等，而且很新鮮美味。牛肉沒有醃製過，很新鮮，原汁原味，烤得恰到好處。

今日咁啱係觀塘返工，終於食到平時排晒長龍嘅韓國餐廳。一坐低就有六個小菜，全部小菜都係自家製，每日都唔同。喺觀塘黎講都唔算平，不過大份，可以3個人share 2個餐。我叫咗鮑魚牛肋骨湯，入邊有大大隻鮑魚，食落去好爽，有牛肋骨同牛展，仲有粉絲同蘿蔔，自己一個人真係食唔晒。