屏山老地方

營業中

休息中

係youtube睇完人介紹，作為榴槤控既我就心思思想去試，對城市人尼講好遠，但我屋企行15分鐘就到！一打開main menu，已經見到非常多款既肉餅，另外佢仲有當日既廚師精選，款式之多真係令人有選擇困難症，樣樣都想試。最後我地叫左 3 款：榴槤肉餅，芒果肉餅，松露芝士牛肝菌肉餅首先試左松露芝士牛肝菌肉餅，首先佢煎到脆皮，好香口，第一啖入口就食到好香既松露味，之後食第2邊中間咇 d 芝士出尼，濃而不膩！食到中間再有牛肝菌，好似每啖都有食到唔同既材料咁，超中意呢個！之後就食榴槤肉餅，佢係切開肉餅中間放左榴槤蓉，我一打開，隔離枱個女仔就話好大陣味要調位 (哈哈)本身都驚熱食榴槤會同肉餅唔夾，但食落又覺得榴槤味唔會搶左肉餅味，將白飯轉左做牛角包，夾住個榴槤肉餅食都好特別，變到好西式。而且個牛角包焗到好脆，唔會覺得漏~最後食芒果肉餅試完榴槤肉餅，對水果系列好有期待，不過芒果由於本身甜，我自己就覺得同咸既肉餅唔太夾，又甜又咸咁，搵唔到一個岩既形容詞，有少少失望下次一定會再尼食，會試多幾款咸味

好日唔嚟元朗，一嚟就要來到山旮旯咁遠嘅屏山，黎到OpenRice先知原來呢邊係冇大商場，無連鎖店...好，一於幫襯小店，誰怕誰🤷🏻‍♀️嚟咗呢間鋪頭，成間鋪都係食肉餅，但係又見門口有人排隊喎🤔用返旅行嗰套人多定律，就試吓佢。#prettymagic黎到食肉餅嘅地方就點都要買返一份肉餅嘅，出乎意料之外，呢個脆香蒜章魚煎肉餅飯，用料十足，咬落去啖啖章魚😋仲好香口添👍🏻我呢啲陪太子食飯嘅，邊食得落一個章魚肉餅飯啊，諗住帶個包墊一墊個肚就算。點知，呢個包仲正🤩首先個牛角包係脆架，咬落去脆到搭枱既人都望住我😂😂😂嗰塊吉列蝦堡都不得之了，有蝦肉㗎🤩出乎意料之外咁好食，今次人多定律，岩左😂

中午想簡簡單單食個煎肉餅飯，即刻諗起尼度，屏山老地方尼度唔算係一個易去嘅餐廳，我就梗係等男朋友得閒陪我去，揸車的話就方便好多尼間係肉餅專門店，只要打開menu，你就會發現，煎肉餅嘅款式多到呢！起碼有五十幾款或以上，真係做到任何食材都可以加入肉餅，好厲害👍今次揀左xo醬蓮藕蟹柳煎肉餅飯，非常香口，蓮藕好爽，尼款肉餅好好味道！另外叫左個非常特別嘅芒果煎肉餠飯，好大件芒果肉夾响肉餅𥚃面，不過暖左嘅芒果我未能接受，但肉餅嘅味道好正另外，特飲都唔錯，椰果涼粉冰其實尼度除左肉餅之外，重有其他小食包類都唔錯，有機會試過之後，再為大家介紹下！

卡很久還沒放的～芝士肉餅飯🧀這家是隔一陣子就會想再去的店，因為每次我都點芝士肉餅，所以去幾次都沒到幾多新款😂唯一可惜位置比較不方便，由天水圍西鐵可以走大慨10分鐘內去的到。.🔸六重芝士肉餅飯好幾種芝士混在一起，這配搭吃起來飯就是一口接一口～是我喜歡煮得一粒粒的飯，醬油也是調味過的不會太咸。. 🔸松露芝士牛肝菌煎肉餅飯也是很香牛肝菌的味道，很西式口味的肉餅，可是我還是比較愛大量芝士，所以贏不了另一個🙈.💲HKD 66🧀 / 66 🍄🏡元朗屏山塘坊村32-33號地下🕐8：00 - 21：00.#hkig #poyeefoodie

呢間店服務態度不知所謂，當啲客係傻仔，明明入便有位，又叫人過隔離嗰邊坐（隔離嗰啲枱又污糟又黏立立，因為好近廚房，又大油煙！),已經本身表明唔坐隔離，入到去主要餐廳範圍，明明入便有6個吉位，條四眼婆（收銀嗰位）硬要你同人對座，大哥，我有比錢你賺，唔係入來同你乞飯食，我已經講到明唔過隔離坐，仲要叫你過隔離坐，其實入邊有6個位我都係靠邊坐，講真我佔你幾多位？平民餐廳係度扮上菜，唔好來呢套啦，仲有呢度係餐廳唔係監獄，我坐邊都要你管？真心著著地，嗰一刻火都來，決定唔食！生意唔係咁做，呢間嘢永遠black list

去到屏山，當然要搵d特別的食物知道附近有間肉餅飯好好味，同朋友去試下.我哋叫左榴槤肉餅飯、鹹魚雞粒煎肉餅飯.估不到榴槤加肉餅原來可以咁好味㗎，起初以為榴槤肉餅會好難食，點不是我們都覺得感覺好清新，榴槤好香，又唔會一pat pat，榴槤夾左係肉餅中間感覺肉餅冇咁（流）.鹹魚雞粒煎肉餅飯，老闆話鹹魚雞粒切碎左加咗係肉餅度，雖然食落沒有鹹魚及雞粒的味道，但係明顯係肉餅都見到，沒有太大的特別，完全食唔到鹹魚雞粒味道.榴槤肉餅飯鹹魚雞粒炒飯肉餅飯

屏山除左「華嫂」其實仲有間叫「老地方」，一間專賣多款肉餅飯既小店，book mark左呢間店好耐，但由於太遠水路，一直的唔起心肝過嚟，山長水遠入嚟食肉餅。餐廳、食物選擇專賣肉餅，超過50款肉餅，仲有好多新潮口味，好似有榴槤、芒果、菠蘿、蟹柳等等，除左肉餅，仲有包類、粉麵。六重芝士煎肉餅飯 $60咁多款之中，揀左招牌之一既「六重芝士煎肉餅飯」，有兩塊肉餅，中間同最上層都舖左芝士，肉餅份量唔算多，一咬好似Burger果啲漢堡扒，肉質鬆軟而不失咬口，調味剛好，芝士味岀，不過如果對芝士一般既人可能會覺得太搶味。吉列蝦堡牛角包 $35橫切面好靚仔，牛角包酥脆，可惜牛油味欠奉，吉列蝦堡正常冇乜特別。整體來說，肉餅其實幾好食，幾juicy，不過配芝士就好似主次調轉左咁，同搞到有啲似漢堡扒咁，價錢唔平，加上地理位置唔周腳，我覺得如果住得遠既人未至於要特登走入嚟食。

麻甩食肉獸首選，佬味十足👨🏻本身肉餅飯真係好難會唔好食🤪呢間啲肉餅仲要大大塊，加埋底之後可以食少兩餐😂雖然佢出名水果同芝士肉餅，但👇🏻屋企人唔好芝士榴槤乜乜乜，所以都係揀翻傳統口味🤤.🍛XO醬涼瓜煎肉餅飯$46🍛XO醬唔算好出，口味比另一款清淡💁🏻‍♀️加入涼瓜令到口感多咗層次，唔會全部都係肉👍🏻成塊肉餅香口有肉味，又唔會煎到乾爭爭，幾正❤️不過神奇嘅係涼瓜竟然無乜苦味😯啱哂怕苦嘅我👏🏻.🍛黑椒蘑菇雞粒煎肉餅飯$46🍛家弟至愛嘅浪漫🌹佬味十足嘅配搭🌹黑椒+肉+飯~呢款味道濃郁好多，幾惹味可以送幾碗飯嗰種😂重口味愛好者會好中意，黑椒夠辣，肉餅夠鹹香🤩唔知係咪驚太油膩，呢款係有雞粒嘅，感覺無咁膩👍🏻.㊙️兩碟都加咗底，三人分食剛剛好~下次會想試下其他特別款~芝士芒果松露孜然嗰啲真係見到都心心眼😍.食物質素: 🌕🌕🌕🌕🌘食物顏值: 🌕🌕🌕🌖🌑性價比: 🌕🌕🌕🌕🌑回頭率: 🌕🌕🌕🌕🌑

我地條team最近買左架外勤車 (係呀，自費架，油錢都係自己出架，D客成日以為公司有津貼)咁新落地就自然想成日渣先安樂，我個同事就問Lunch去邊食好，咁渣車去遠D我地就由屯門過左去屏山食喇，一班食肉獸梗係去食個肉餅飯。泊車又方便，依家入些少有幾個專用位係for老地方泊車。唔洗泊路邊有人睇抄牌，食食下又要渣走架車，食都食得唔安樂。一坐底睇下個今日推介。umm....睇返餐牌都係有圖吸引d一望就望到個六重芝士煎肉餅飯。我老闆就叫左個松露芝士牛肝菌煎肉餅飯。咁我行生酮都係叫走飯淨係食菜芯。一黎到老闆見到我個肉餅老闆就嘩嘩聲，好香呀，芝士味好勁呀，基於隔離飯香呢個道理佢就成日覺得我果個好食D。老闆個飯黎到我又覺得佢果個飯香過我果個😂牛肝菌同黑松露味道都好濃，我地其實係share 左一半個肉餅交換食。滿足晒大家響願望😘後記:我食果個六重芝士真係好重口味，好似我呢D芝士迷一定唔可以錯過，車打同水牛芝士味道夾埋本來就已經冇得輸，巴馬臣芝士應該都有落帶些少咸香。老闆個肉餅芝士味就唔係好覺，黑松露同牛肝菌味道實在太濃，好多味道都蓋過晒，不過兩款都係好食都係重口味必選。

網上外賣平台 apps新客減20蚊，那就試試外賣服務，落單後等了50分鐘左右就送到府上，放假就非常ok。睇食評六重芝士煎肉餅飯是必試食物 六十幾蚊一客芝士量極多 ，夾大份肉餅，菜芯底白飯，豉油另上。材料來講西方代表是芝士 溶溶地夾落件中式煎肉餅度，食落有漢堡扒既感覺。油膩就肯定，菜芯底就中和番。好味我比4星。咸魚煎肉餅飯想法是第1次食呢間餐廳，就算芝士煎肉餅伏左都有呢個傳統飯盒墊底。點知呢個飯咸魚偏好匿埋，一口咬落去，冇咸魚既 ，再一口咬 咸到爆 ，咸魚唔均勻係肉餅中出現，可以是驚可以係喜。菜花底成為重點。呢間餐廳值得去堂食 網上外賣平台送來都仲有熱度下次就試堂食有下次

下雨天打算食個頹飯，點知一啲都唔頹，仲有得泊車，停車場喺前小小有條斜路落去下面餐牌有好多選擇，有選擇困難症的我決定只係睇廚師推介😂又見芝士肉餅飯都好似幾出名，就叫咗個檸香芝士魚柳煎肉餅飯😆煎肉餅都幾厚，魚柳係喺肉餅入面，份量啱啱好，每一啖都有芝士、魚柳、肉餅，其實咁多肉都有少少膩，有少少檸香可以中和返，食落無咁滯。可見老闆有心思考慮過呢個配搭👍🏻不過就冇送嘢飲要另外加錢，下次再黎試過佢第啲肉餅！

元朗有乜食！除左有 b 仔食之外，仲有好多好西食，呢間係肉餅王始祖，未食過真係唔好話自己入過元朗果啲 friend 🤡 如果你地有睇開我就記得我介紹過一間元朗嘅芋圓，係多到離哂譜，而呢間肉餅飯就係正隔離，呢到我諗有差唔多成百款肉餅飯揀，今次一行食左 #魚香茄子絲煎肉餅飯 $44 同 #六重芝士煎肉餅飯 $60，好正呀，係 remix 佬飯，肉餅夾住魚香茄子好香，有股鹹魚味，超好送飯 😛 另外六重芝士就係用左六隻唔同嘅芝士重本浸住塊肉餅，好強好濃嘅芝士味，飽到一碟兩個人食都飽，超級重口味 🤤🤤-屏山老地方元朗塘坊村 32-33 號地下

晚上打完波, 與朋友路經這間肉餅飯專門店看了餐牌全都是肉餅合成的餸菜類朋友點了個梳連肉餅飯來試, 我對梳連不是太有興趣, 故點了最傳統的飯來試不過不失, 飽肚就好 下次打波又一個落腳點

難得朋友們都來元朗，當然要帶去吃小店～第一個當然是我去老地方必點的～『六重芝士肉餅飯』🧀芝士控要點～有火灸過的香味，還有拉絲效果～還可以加醬油拌著飯吃，醬油也是有調味過的～不會太咸通常點餐都會一個必吃的口味，然後再點另外的嚐新～『松露芝士牛肝菌肉餅』很fusion的口味，唯一是我覺得牛肝菌切一切再混到肉餅中會比較好，因為分吃時...一拉就整條扯出來，另一邊就沒了.. QAQ『脆香蒜煙肉煎肉餅飯』🥓超香噠～～明明都很西式的食材，但出乎意料的跟肉餅很搭😂😂😂

難得煎肉餅，今日朋友揸車去到屏山，介绍哩間＜老地方>古佢唔到，好多古靈精怪嘅肉餅，真心大開眼界！小妹係勇於嘗試嘅人。地方唔算豪華，品質都唔錯！有名星幫襯架！！都直得推界！