屏山老地方

營業中

休息中

估唔到咁山旮旯嘅地方都會有一間飯堂，出名食自家整嘅肉餅。唔好以為係普通餐廳食到嘅蒸肉餅飯，原來呢度啲肉餅大有來頭。肉餅配上唔同口味然後煎香，再配個白飯，我諗要食幾個月先可以試哂唔同嘅口味⋯上面呢款就係我每次都會食嘅蒙古孜然羊肉肉餅！極力推介、不過食食吓都會幾膩！

又來食呢間地面最強肉餅飯！😍舖頭座位雖然唔太多，但係等幾張就有得入座。同埋呢度最好係有免費停車場可以泊車佢Menu裏邊好多款肉餅我都試過，真心每一款都好好食，好難選出一個最好，印象六重芝士肉餅飯同埋豆豉鯪魚肉餅飯都好好食。今次食返其中一款我至愛，馬拉盞章魚🦑煎肉餅，肉餅厚身得來煎得好香脆，馬拉盞好惹味章魚又切到大大塊好有咬口！我基本上每個禮拜都會嚟食一次，真心推介❤️下次有機會會嚟試吓個榴槤肉餅飯，聽講都好出名

好開心又同朋友嚟呢度食，其實呢度質素真係唔錯，只係呢度嘅肉餅都偏肥，用咗大量肥膏來做呢度地點雖然偏遠，不過其實好容易嚟，只要搭輕鐵去到坑尾村站，步行兩三分鐘就到叫咗兩杯燕麥豆漿，單點$15 ，套餐加購$8味道唔錯，唔會太甜，不過略嫌太細杯，不過都可以嘅又係我朋友最鍾意嘅馬拉盞吊片肉餅，的而且確好高質，因為裏面有好多吊片而我就叫咗佢每日精選嘅辣菜譜唔知乜嘢肉餅，普普通通啦，都係我朋友嗰個馬拉盞吊片肉餅好食啲，佢嗰個香口好多同埋題外話啦，佢哋嘅白飯係可以轉做米粉的

好多年冇黎呢間嚟食啦，今次朋友同我都想來呢度回味一下，都大概三四年冇嚟過啦，以前都好鍾意食呢間肉餅。呢間肉餅真係好高質，咩嘢口味都有，有幾十款肉餅，我真係冇諗過肉餅可以有咁多變化，今次都叫返同以往一樣嘅肉餅啦馬拉盞吊片肉餅$49薑蔥雞肉肉餅$48其實驟眼睇兩本肉餅個樣基本上係一樣，不過一夾開，就見到係不一樣，吊片肉餅，裏面有好多吊片。薑蔥雞肉肉餅，就冇乜特別，冇雞肉味，都冇乜薑蔥味，整體就係一種輕微薑蔥味道的肉餅。呢個牛角包，味道都唔錯，嗰片炸蝦餅多幾後，幾好味百香果乳酸飲品，質素最差，非常差，好難飲，唔解渴，好甜，飲咗兩啖都飲唔到落去紅豆冰都好差，紅豆極少，啲奶又太水，真係太難飲

趁住週末黎一轉香港小旅行，黎咗天水圍屏山文物徑行下，見識到唔少圍村特色建築。行到攰攰地就揾下野食，見到呢間餐廳好得意，係隱藏係圍村入面既肉餅專門店。 門口已經有個牌匾寫住屏山老地方，好古色古香，同啱啱行過既書室祠堂等等有一種呼應既感覺。入到去就類似街坊茶記格局，麻雀雖少五臟俱全既感覺，油煙味亦唔大。 打開餐牌，見到琳琅滿目既肉餅飯，包括中式既薑蔥牛肉煎肉餅、西式既忌廉芝士煎肉餅、日式既大阪燒墨魚煎肉餅同埋獵奇既芝士榴槤煎肉餅。反轉背面就係常見既常餐早餐同特色小食咁，非常多選擇。 北京烤鴨風格煎肉餅飯 $65 7.5/10原本以為叫d唔係廚師推介既肉餅會等好耐，但唔使10分鐘就已經整好。點解會叫北京烤鴨風格呢，原來係餡料包齊哂食片皮鴨既材料例如鴨肉大蔥青瓜等，令到肉餅食落多咗d爽脆既口感。肉餅調味唔會太咸，唔似早幾年好興既某肉餅專門店咁整咩都係咸味為主，掩蓋哂本身食材既味。 吉列蝦多士 $30 6.5/10用咗西多士既整法，中間餡料由牛油花生醬變成靚蝦，外皮酥酥脆脆幾香口，可以配沙律醬&泰式甜酸醬，泰式甜酸醬會為多士多加一個層次，幾有趣 土耳其風味雞肉卷 $35 7.5/10估唔到呢到連

聞名已久趁閒日黎試下食晚飯差唔多八點黎到 唔使排隊這家店主打肉餅一打開餐牌 不得了 有五十幾款啊點選了松露芝士牛肝菌煎肉餅飯叫左少飯 唔知係咪落單無註明 仲係超大碟肉餅煎得焦香邊位的脆面 有豬油渣似的風味帶粉紅的肉餅 唔會實的的有少少手打漢堡扒的感覺吃得到肉粒但唔太鬆散有少少筋 但只係幾粒 可接受第一啖最外圍只食到脆邊第二啖開始才吃到松露的味道牛肝菌唔係切碎撈入肉餅而係原粒好似餡料咁放响肉餅中間有成五、六朵好足料應該係放入肉餅前已經煎香左好處係菌香味更出 但好乾身芝士味唔太出 但可以令松露味更香濃又令到肉餅更濕潤肉餅固然出色就連餐飲的柑桔話梅蜜都值得一讚杯柑桔好濃郁 有少少似綠豆沙咁 一放上枱 唔使攪d柑桔微粒已平均飄散整杯上下左右食完個飯 飲到尾 都無話糖漿沉底與水分離係甜既 但未至於太過份原粒話梅 按自己口味篤散佢 調和柑桔的甜味飲完仲有潤喉既感覺埋單時讚杯飲品問阿姐杯柑桔點解唔會沉底佢大方分享 話預早開好左架客人點餐時再加水

即叫即做，需要耐心等待約六至七分鐘，但勝在新鮮熱辣辣送上枱。而襯住個包仲有徐徐嘅熱氣，肉緊咁咬佢一啖。我必須好細仔，用盡我中文水平黎形容比大家聽個包的好味道！最先感受到啊，係牛角酥皮，咬落去已經「Chek」一聽，每一啖「Ch...ch...ch」，好香酥！當牙齒再咬落多啲去到蝦餅位，好厚好足料，居然有原隻蝦粒仔，口感係彈牙，而非得個「實」字。唔好以為啲菜唔緊要啊！啲菜爽脆嘅口感完全配合番塊蝦餅，令成件事清新曬，唔會漏，同友人share完個包之後仲可以share多個肉餅飯都仲得！到肉餅飯啦，友人表示馬拉盞吊片驚肉餅飯好好食，呢間小店著名嘅都係肉餅飯，但本人就覺得還好。好味但又未話到小編想特意打篇文介紹咁嘅。小編我就試咗馬拉盞吊片煎肉餅飯，榴連肉餅飯，七重芝士煎肉餅飯，同埋菇肉餅飯。但會讓我番頭食嘅應該都係蝦堡，emmm，都可以順便食多個肉餅飯嘅。（胃食奸笑樣）售價：港幣$35電話：23043288營業時間：星期一至日 ，早上八時至下午九時（於八時五十分截單）地址：元朗屏山坑尾村輕鐵方法：天水圍E出口，轉搭751號友愛線塔到坑尾，行五分鐘左右。巴士方法：上水巴士總站搭276，坑尾村有落，落

實在難得去一次新界區，所以朋友就說帶路去吃一些特別的也因為這樣我才第一次踏足元朗屏山這個地方呢朋友介紹了幾間都頗吸引，不過也不是每一間都有開門~最後選了這間 ...屏山老地方 - 單聽店名完全想像不到是吃什麼，原來是肉餅專門店來！而且款式很多真是看得眼花瞭亂～中式、西式或是日式口味都有 蒙古辣孜然羊肉煎肉餅飯 ($57) - 還未吃已聞到很濃的孜然味道！加上是煎肉餅，整個就更香更惹味囉北京烤鴨風格煎肉餅飯 ($65) - 肉餅內除了鴨肉外，竟然還有青瓜！真的很佩服這間餐廳可以想到那麼多口味的煎肉餅，而且味道很夾。藍莓芝士煎肉餅飯 ($53) - 芝士的鹹香增加了肉餅的惹味程度微酸的藍莓是整粒的喔～半肥瘦豬肉製成的肉餅，煎過後外脆多汁順帶一說，我們點的都叫了小飯～飯乾身一點，配的菜心亦不會太老。吉列蝦多士 ($30) - 看賣相很像大塊魚柳 (笑)酥脆的多士內是口感彈牙的蝦肉～個人喜歡配泰式酸辣醬來吃冬蔭公雞翼 ($35/5隻) - 不會很辣，但很夠味，雞肉也十分嫩滑的呢飲品方面，有點肉餅的話會有優惠價，當中包括咖啡奶茶或是特色飲品。凍鴛鴦 ($8) - 香滑的奶茶加上香濃的咖啡，配合得

如果屏山黎講，老地方肉餅飯都可以算係屏山嘅一大特色。係肉餅方面，佢採用咗好多唔同味道，特色嘅做法去做，包括榴槤味。用心製作嘅味道係個肉餅入面，亦有傳統嘅做法。而佢嘅肉餅都係用煎嘅方式去做，能夠keep到肉餅本身入面嘅肉汁之餘，食落去都有好香口嘅味道同好厚實嘅口感，好似食緊一塊勁厚嘅漢堡扒既感覺，好滿足！所以整體都算唔錯。

飲食經驗會局限了烹飪的想像。大家生於香港拿著鮮蝦，不其然地烹煮只會想到要白灼、蒜蓉蒸又或椒鹽炒。但去了外地生活，才發現世界原來很大的。鮮蝦還可以冷凍做沙津、蝦頭蝦殼可以留用煎香加忌廉燴金橙色濃蝦湯、蝦肉可以加沾炸粉做天婦羅的。烹飪方法原來是受自身成長文化影響而緊緊框鎖的。肉餅而言，香港廚師只會在免治豬肉加配料鹹蛋、鹹魚、梅菜、或土魷，制法也一不離二：蒸或煎而已。但在「屏山老地方」廚師，烹飪想像跳出框框。只要你敢想像，它就敢弄出來給你吃。肉餅餡料浩如煙海、百科全書式般，六十款肉餅餡料任君選擇。「屏山老地方」在大路一間不顯眼的村屋地舖，招牌用深色木系制作。不要跟Openrice地圖進村搜尋，定位是錯的。如果駕車會也有點不便，不要進村隨處亂泊。始終鄧氏圍村，鄉下地方豈不起，猛虎不及地頭蟲，最後學他人般半邊車身泊上路壆。餐牌肉餅選擇六十多款，幾乎將所有中式下欄小菜入饌，例如：鹹魚雞粒、豆豉鯪魚、咖哩腸仔、涼瓜牛肉等等。最特別是店家還敢把鮮果放進熱食肉餅內制作了芒果肉餅、榴槤肉餅。一位行內知名中廚堅持中菜不宜配入生菓，說會互相破壞味道口感。我傳統守舊，也不欲嘗試生果肉餅。另一張餐牌小膠卡是介紹了

屏山老地方聽就聽得多今日終於第一次去睇Google maps就係蝦尾邨落車行過去好行3分鐘就到，都唔難搵👍👍👍👍去到其實係一間普普通通既茶記，但佢地方好大有兩邊舖頭，而且而家疫情外出食飯都要等下位既正常既，但係佢個到竟然唔洗等，因為地方大有好多張枱，而且佢設布廉拉起就可以同朋友仔自成一角👏👏👏我地入到去探熱 然後揀位坐坐底既時候職員就會拎左張今日推介既menu其實真係好多既選擇 如果唔岩既都重有餐牌甘多野食可以選擇 總有一款係岩食 我就可以揀到好幾款😋😋😋😋我地因為想試吓又唔太餓所以叫左個六重芝士肉餅飯食，個飯黎到既時候真係估唔到係甘重芝士，無甘黃個個芝士重可以拉絲，起初覺得肉餅應該係中式菜款魷魚肉餅榨菜肉餅，芝士會唔會好奇怪😂但佢出奇地好食，豬肉又唔會好肥 係睇到有肥肉但食落都可以接受，配芝士真係好特別又唔咸，又濃芝士味，分量又多。西多士 佢地既西多士都好好食😋 外脆內軟花生醬又多 最中意食到d多花生醬既西多士到最後更係要飲杯野啦⋯⋯但如果杯好立克可以濃多小小就完美。其實佢地真係好多款肉餅 買單既時候對面枱叫左個榴連肉餅 真係好香，下次可以試吓。

冇得頂真係忍唔住要講呢三個字老地方位置雖然有啲偏僻 但絕對值得過黎一試再試 冇錯 係唔只一試 因為佢嘅款式多到冇可能一次試得晒 佢地真係超級超級多款 有啲仲好意想不到 而且佢地仲會不停推出新口味 次次都有驚喜或者係我想像力唔夠豐富 真係冇諗過芝士同藍莓係可以同肉餅共冶一爐 效果出到黎仲要係好好食 除左藍莓 有時仲有 芒果 甚至榴槤 藍莓芝士肉餅唔記得影相 相入面嘅係芒果煎肉餅 都一樣好好食如果接受唔到太創新嘅生果口味 傳統中式口味一樣冇得輸 真係好欣賞呢間餐廳同埋廚師嘅用心 希望佢地可以keep住呢個水準

公眾假期諗住去屏山食嗰午餐，去到華嫂勁多人，小町又冇開，諗住離開之際，突然諗起之前有人介紹過屏山有間好出名食肉餅嘅餐廳，上網一搵原來行兩步就到，就即刻去試吓。一去到要等一陣就入得去。哇，一望到個廚師推介都有好多唔同款嘅肉餅飯，真係唔知點揀好🤣最後，我哋揀咗一個青椒菠蘿牛肉肉餅飯同六重芝士肉餅飯。青椒菠蘿牛肉肉餅一嚟到就真係俾佢個份量嚇親，塊肉餅大個塊面。肉餅好嫩，多汁，有好多碎青椒，不過食唔到我好期待嘅菠蘿嘅。六重芝士肉餅飯好似漢堡包啲肉咁，好滑，芝士味好重，芝士仲可以拉絲。鍾意食芝士嘅人會好鍾意！頭嗰幾啖真係好正，不過食下食下就會覺得有少少膩，同重口味。

▪️9/10▫️《六重芝士煎肉餅飯 》聽到個名都感覺好澎湃 成塊肉餅由外到內比芝士重重包圍 卡夫芝士、巴馬臣 仲有可以拉絲既Mozzarella etc...咬到入口仲有流心 食落口每一啖都食到芝士香🤤🤤肉餅亦煎得夠香 入面鎖到肉汁之餘 芝士溶左落去 芝士味真係超。濃。郁‼️強烈推介🤘🏻🤘🏻▪️8/10▫️《吉列蝦堡牛角包》食完芝士有啲膩 叫唔到多個飯 我地就叫埋佢地出名既蝦堡牛角包🍤🥐估唔到牛角包外皮鬆脆 入面蝦餅好厚實每一啖都食到蝦肉 沙律醬夾埋蕃茄幾開胃 幾滿足既一款輕食👍🏻

在元朗搵食group介紹下去屏山食肉餅飯，初時好驚係荃灣肉餅哥咁，半信半疑咁行去食。地點偏僻下，不過原來輕鐵附近就到，下次會識行。我地叫蟲草花肉餅飯和芒果肉餅飯。肉餅一樣，不過一個加了蟲草花、一個加芒果，肉餅底面都煎得岩岩好，不濃，而且脆卜卜。芒果肉餅飯的芒果不算太多，沒太多芒果味，因為給肉味蓋過了。肉餅多汁，吃落不會太乾，送飯一流。飯有點硬，要加很多豉油。如果多啲水會更加好。最緊要，味精不算多，至少吃完可不用飲水。