屏山老地方

營業中

休息中

☀️見星期六天氣好，就揸架車同女朋友周圍兜風。午餐揀喺老地方屏山肉餅醫肚，呢度有食客專用車位，可以坐低慢慢安心食唔使驚俾人抄牌。🅿️🚘🚖揸車朋友仔留意：面向餐聽右面有條小徑，一落去有個免費停車場泊車。午餐時間唔洗等位，坐位係4-6人枱同硬膠椅，衛生尚可。一坐低姐姐就俾咗張廚師推介餐牌我哋，另外仲有主餐牌，粗略估計都起碼有30款肉餅。我哋叫咗黃金蝦肉餅同埋辣雞肉餅飯，留意返就算叫廚師推介既menu亦都唔包餐飲，建議阿姐落單嗰陣可以提提客人。😊先講黃金蝦餅，肉餅成寸厚，兩邊亦煎得金黃香脆，鹹蛋黃份量亦都唔少，鹹香惹味。不過唔係好食到有蝦肉嘅香味，切開亦都見到唔少咁大粒嘅肥豬肉，雖然我都知肉餅要有肥肉嘅油脂先好味，但呢度嘅肥肉始乎無同豬肉融為一體，仲有啲突兀。鹹蛋肉餅每100g就有20g總脂肪，久久淺嚐一下就好，多吃壞肚皮😉辣雞肉餅，兩邊同樣煎得香脆，食落少辣帶有洋蔥既香味，而雞肉與豬肉量各佔一半。🐷🐔揀雞肉係諗住冇甘多肥肉，結果分別不大😌總括來講呢度嘅肉餅味道多元化，如果同幾個老友黎叫幾款味開心share都過癮，但味道就唔好抱太大期望。😝

住係元朗國週邊，有時起身真係會諗唔到食咩好㗎。今日專登帶個新來報到嘅朋友，去試下天水圍名物，位置位於坑尾村及屏山附近，大家諗到未呢？錯錯錯，除咗華嫂，最有人氣應該就係呢間屏山老地方。屏山老地方都開咗好耐好耐嚕。以前佢係喺圍村牌坊入邊附近，係賣榴槤煎肉餅及芒果煎肉餅出名。想當年有好多街坊朋友聽到榴槤肉餅飯芒果肉餅飯，個個都『嘩』覺得係伏。但係佢哋又會專登坐車入嚟試下，你話人係咪好奇怪呢？好多人誤會荃灣嗰間肉餅哥係同一間，再嚴重聲明講多一次，兩間係唔同㗎！對上一次我幫襯屏山老地方，差唔多都有N年前。當時候一落去就專登過嚟食，我當然係羊肉餅飯，但係當年嘅上菜嘅速度真係好耐。差唔多食邊一款肉餅都要等半個鐘，真係等到嬲㗎！今時今日喺新舖頭冇呢回事了，上菜速度快，唔使15分鐘就有得食。望下廚師推介餐牌先廚師推介唔啱唔緊要，仲有好多款怕唔夠飽？唔怕，仲有小食㗎今次我叫咗升級版六重芝士肉餅，同普通版爭幾蚊，冇理由唔要升級版㗎。升級版唔知係咪意思話俾我聽多一塊肉餅呢？望近啲睇清楚，肉餅都有啲厚度㗎。芝士同肉餅真係幾夾。不過真係好飽，食咗一塊已經好FULL！另一款就係蒙古孜然辣牛肉肉餅飯，入口真係有啲辣，

自從搬離洪水橋後，成日都會心掛掛屏山肉餅飯。最近買左車，終於可以隨時隨地都返去食到夠啦。兩個星期返去食兩次都唔算好過份者！菠菜蝦堡牛角包加芝士係俾阿仔食既，大愛！蓮藕蟹柳煎肉餅飯，都好岩阿仔食今日兩公婆再去食，可以食啲重味少少既肉餅飯六重芝士煎肉餅飯，啖啖芝士香，好岩芝士控既我再黎係馬拉盞章魚煎肉餅飯，呢個真心最正，味道剛剛好，送飯一流，而且肉餅好似手掌咁大，$48咁大份去邊度搵今次挑戰埋新疆風味雞翼，其實即係孜然雞翼，但我覺得正過x仔雞翼每次黎都覺得味覺有新沖擊，希望佢地繼續努力

今次黎屏山老地繼續食肉餅飯，可能每個人心入面都會有個諗法係:“阿媽都成日整肉餅啦，點解要特登出街食?” 有呢個諗法就大錯特錯喇，喺呢度你會食度超級創新同大膽的肉餅。今日食的係胡麻醬日式海鮮煎肉餅 ($65)同埋薑蔥蠔豉煎肉餅($53) ，加熱奶茶($5). 每碟飯都會跟多幾條菜心等大家食肉食多啲菜，營養均衡啲。胡麻醬日式海鮮煎肉餅，入邊有好多海鮮例如喺蝦，蟹柳同人豬肉，仲有好多紫菜一齊煎嘅，而外面就淋上日式的胡麻醬，感覺唔會好肥膩，好飽滯咁。而紫菜亦增加左肉餅的香味同口感。另外的薑葱蠔豉煎肉餅，口味就中式一點，入面有6，7隻蠔豉，用料十足。 不過慣小妹就覺得蠔豉偏硬同咸，一定要連埋飯一齊食先得。而因為成隻蠔豉撈落件肉餅度，蠔豉同肉餅食嗰陣如果分開左食，就肉餅就變左普通肉餅咁。整體黎講，久唔久都會黎食肉餅飯，因為選擇好多，會將生果入埋落肉餅度又得，傳統又得，西式又得，日式又得，真係玩哂。周潤發都有黎食呀！胡麻醬日式海鮮煎肉餅飯 ($65)薑葱蠔豉煎肉餅飯 ($53)

今天剛巧到屏山附近工作，友人極力推介這家肉餅小店，說款多又新奇，味道更是一流。外賣了一個肉餅飯試試看，點了蒙古辣孜然羊肉肉餅飯。老實說，以往從未吃過羊肉肉餅，無從比較。但這羊肉肉餅認真好吃，煎得香口，內裡有些羊肉筋，更添咬口。羊肉小騷，但吃羊肉最重要就是夠騷，不然跟吃普通豬肉沒甚麼分別！會再來品嚐其他款式，聽友人說飯也可以轉成牛角包，肉餅牛角包，中西結合，真係新奇口味

第一次黎老地方食午餐，喺門口等位時已經見到有不少等位嘅人，門口嘅餐牌都幾吸引，係一系列以肉餅為主的菜式。我等咗10分鐘度就可以入去坐。本身好想試吓個芒果肉餅飯，可惜賣晒😢好奇之下問老闆個榴連肉餅飯多唔多人叫架？個老闆好有信心咁話：好多人食架，不過睇你個人食唔食榴連啦！我考慮咗陣都係淆淆地，決定叫返個正常啲嘅試下先，話晒第一次黎食姐😂最後我叫咗個菜莆雲耳肉餅飯、雙拼雞翼白肉拼盤、一杯芒果之顛（芒果汁溝可樂）。菜莆雲耳肉餅飯：肉餅非常juicy，煎嘅火候啱啱好，肉質非常嫩滑，配白飯一流！雙拼雞翼白肉拼盤：呢碟野面頭嘅粉整體其實同譚仔土匪雞翼一樣味。雞翼炸得好嫩，大推！可惜白肉好「鞋」好「un」⋯最後剩返三大塊食唔落，但我都有同老闆娘反映咗下次唔好炸咁耐。芒果之顛（芒果汁溝可樂）：好fresh，味道有啲似可樂糖味，芒果汁嘅果果可以中和到平時可樂嘅「化學味」，幾特別，係唔錯嘅配搭！整體黎講，呢間小店值得再黎！或者我下次就可以挑戰下個榴連肉餅飯了😂

睇落去好似好簡單，但食嘅時候先會覺得唔係一般嘅肉餅，咬落去好扎實，好多料，好鮮味，就算無汁配白飯都唔會覺得寡；有都幾多選擇，諗唔到肉餅可以做成咁同埋用呢啲材料，下次會試榴連肉餅真心唔錯。

📯各食店都用不同的方法間隔，以維持繼續營業，屏山老地方就用了鐵通掛圖案簾，都不錯呢🤝帶朋友來光顧，當然要介紹我愛吃的吉列魚柳或吉列蝦堡(可轉脆豬)🐟吉列魚柳脆豬$29，飛佛之一😍，豬仔包脆口非常，魚柳外脆內熱，香脆好味👍🏼，包內還有菜和鮮蕃茄，配搭得宜，當然沙律醬也記一功🥐吉列魚柳牛角包$29，朋友大讚牛角包酥脆可口👏🏼。包類上桌時，會連同一對透明手套，這段期間，可見其細心我試了一小塊牛角包，熱得來是酥脆的，但不是我杯茶，因覺很「漏」😆🥤叫了兩杯龍鳳檸檬可樂(鮮檸檬/鹹檸檬)，很好飲👏🏼

呢間聽就聽過好多次 食就真係第一次 本來想試下水果肉餅飯 但當日冇 試左其他。升級版6重芝士肉餅飯 價錢: $65食後感: 感覺幾得意 中西合璧 的肉餅 食落有陣陣孜然味 肉餅嘅油脂同芝士好融洽 冇違和感 ，feel到店家的心思位，加反條菜 健康得黎 又可解油膩。黑松露醬鮮香菜蝦煎肉餅 (飯轉牛角包)價錢: $70食後感: 呢款等候時間較長 ~蝦肉夠彈牙，牛角包好鬆脆。黑松露醬肉餅 感覺創新 ，奈何肉餅本身帶有醃料味 加黑松露醬 再加香菜 感覺貪心左小小 ，食唔到蝦的鮮味 。椰汁紅豆冰 價錢: $19飲後感 : 整體有點稀 ，紅豆唔夠軟 飲落 冇 粉粉地嘅質感 $19 黎講 不太推薦地埋位置 有點 隔涉 去前 建議打電話 去 睇下有冇開先。

其實我適唔適合寫食評？！食物味道我會評，環境描述也會評，侍應態度又評，我認為品賞美食係一個整合的享受，希望食眾接受我的風格，一齊交流，尋找好美食啦。疫情防控下，好多食市嗌救命.....明白的理解的，今日又係食貼地平民嘢.....肉餅飯！「老地方」好多唔同新派的肉餅，大家喜好各有不同，接受度都好唔同。我好傳統，食返正常款，今日點咗章魚肉餅，好重章魚味，有章魚粒，口感Ok但今日主角並不是此肉餅，我再說好吃，再點講，只能比過去的點評改動更好的形容詞，無新意....但今日的啟發係餐廳環境！！！我今日一邊食一邊講說話，好開懷，唔怕影響第二枱客又有私隱度，好relax 咁品賞我的碟頭飯。疫情下，餐廳加添隔簾，令每張枱的食客均有空間進食，而不影響他人。今日疫情困苦，生意寒冬，你可以一齊嗌救命，但你亦可以轉危為機....餐廳咁樣改善，食客無懼自然會重來。呢啲時候退還是留，就睇下店主想帶咩信息俾食客啦！我收到的係： P.S. 好肚餓好食，食食下先記得要影相，食物照片無修飾，不要介意，哈

芝士肉餅飯 菠菜蝦堡 六重芝士肉餅飯 肉餅上面加上多款芝士煎 肉餅底都煎到好香好脆 配合埋芝士 芝士比例1:1 令層次更豐富 芝士唔會搶左肉餅味 👍👍另外仲點左菠菜蝦堡 +流心芝士牛角麵包皮 焗到好脆 配合炸蝦堡 👍👍芝士仲做到拉絲😍略嫌 蝦份量太少

我依然吃的六重芝士的肉餅，每一塊都很實在！朋友的蔥黑椒肉餅我覺得樸實透露著無華，更是好吃，非常入味！！小吃有冬陰功雞翅，波浪薯條，是我最爱的了，因为外焦内嫩！饮料超级推荐咸柑橘

⛰️屏山老地方將平凡的肉餅，加入不同的食材，創意出很多款肉餅的口味🥣🥢🔰蒙古辣孜然羊肉煎肉餅(轉牛角包🥐)$57，這牛角是老地方的招牌包之一，牛角一上枱，必須盡快放入口，感受剛烘起，那無比香脆鬆化的質感😋👍🏼🔰接著，當然要極力推介主角，既厚身又大塊的「辣孜然羊肉煎肉餅」，表層煎得焦香均勻，喜歡很香的孜然味；用刀切開時，絕對感受到肉嫩多汁，將肉餅放入口，好吃到不得了，辣和孜然的結合，實在太滋味😋👍🏼😍！🔰吉列蝦多士$30，吉列很到位😁，但不油膩，蝦肉新鮮爽口，配搭香脆多士，點埋泰式辣醬或沙律醬，好味又滿足😋👏🏼

返工前同阿仔去圖書館睇完書就過黎食晏，話說老公呢排成日同佢黎食，因為阿仔好鐘意食呢度既肉餅飯。所以經常黎。的確又真係好多選擇既。今日要左辣香葱雞粒煎肉餅飯 $48其實肉餅好食之處，係因為肥瘦肉的比例適中，食落唔會太乾又唔會太肥。加上佢太多選擇，配乜料，就有咩味道。又真係好好味。呢個有辣味之餘，雞粒又好香。芝士蕃茄煙肉煎肉餅飯 $48呢個最啱小朋友食，其實一咬就食到唔同既配料。因為芝士好香，所以撈飯食，真係一流。其實肉餅樣，塊塊都差唔多。。。菠菜蝦堡牛角包 $38呢個包賣相都好吸引，個包好香脆，入面餡料都好豐富。塊蝦堡都好幾彈牙，不過味道淡了少少。但整體上係好味既。

終於搵到時間黎試下呢間啦地點真係有少少難搵如果由上水粉嶺果邊去 可以搭276P 會經過如果由元朗過去 最好轉輕鐵到屏山站行7至8分鐘就到今次第一次試 個肉餅真係超正佢個餐牌有好多好多款肉飯真係花多眼亂， 其實想試芝士 不過驚太滯最後揀咗紫菜帆立貝肉餅因為真係未試過帆立貝都可以整肉餅😂結果當然冇失望啦肉餅內脆外軟 ，外層鬆脆有口感入面鬆軟有肉汁雖然肉餅好厚但入面依然係全熟 真係好高質！絕對值得一試下次會再黎試下其他口味！推介