屋子咖啡

營業中

休息中

大圍呢間人氣cafe 今次終於有機會試 環境的確幾舒服好有台灣CAFE feel 今次試左Lunch set 鮭魚綜合泡丼$69見呢個係人氣就諗住試下 成個Set 有沙律同餣青瓜同飲品 成個set 食哂都唔會好飽 份量唔算好多 個飯既調味比較淡清清地 簡簡單單既一餐 但就比較普通 有飯素 鮭魚咸咸地 粟米同昆布 食完成個飯一啲都唔邪惡 桂花烏龍冰茶 其實就係烏龍茶 冇桂花味 整體覺得午餐比較普通 可能下次試下甜品會好啲？服務就普普通通 仲要收加一😕

呢間咖啡店位置處於大圍近地鐵站，從地鐵站步行約5分鐘(腳程快的話)即可到達。喺OPEN RICE見到佢星期六嘅營業時間由11點半開始，但當日去到先知原來開12點半，我地只好餓住肚子苦等左一個鐘，為嘅就喺要試試呢間文青咖啡店。裝修同食物偏日式風格，係少見的咖啡店種類。▧ 小團圓丸子榛子咖啡呢杯咖啡嘅外型設計好有心思。三顆日式小丸子，配上醇厚咖啡，除咗好飲，打卡也是一流。▧ 屋子咖啡黎得呢間咖啡店，不得不試跟店名同名的招牌咖啡。咖啡濃厚，上面放著一球雲尼拿雪糕，甜苦互相衝擊，喺炎炎夏日下，絕對喺消暑解渴首選之一。▧ 鮭魚綜合泡丼&鰻魚綜合泡丼日式咖啡店喺香港本來就少見，食泡飯，就更加少見。看過好多網上評論，都推薦著泡飯。飯軟硬適中，配料豐富，確實不錯。▧ 吉列豬扒丼豬扒份量充足，炸得很香脆，也是不錯嘅選擇之一。

問過大圍街坊, 上網search, 都係介紹呢間, 於是去試下. 當日好彩唔洗排隊, 傳說呢到 日日人龍 . 見到好多檯都叫咖哩, 但我又想食dessert, 所以直接叫左甜先, 諗住食完甜先再叫咸. 樓面只有一位女士, 可能佢戴住口罩, 冇表情, 唔講野, 好易令人覺得佢唔想招待你 .  叫左一個梨窩夫, 整體食物味道一般, 冇咩特別, 打卡影相扮文青好好, 但打完以後唔洗黎. 

大圍有2間「屋子」，一間係純白主題嘅「屋子」，一間係文青cafe「屋子」。純白嗰間有機會遲啲再介紹。今次食咗cafe「屋子」，裝修係黑色同木色為主，唔算好大間，但樓底高所以唔會有壓迫感🥰主菜叫左關西牛肉丼飯，有沙律🥗同小菜跟埋，牛肉份量多到見唔到啲飯，牛肉味道係甜甜地，應該係個sauce, 飯就似係日本米，因為係圓身短米。甜品叫咗個係menu見到好靚嘅清酒香梨🍐窩夫🧇打卡真係無得輸，外形超可愛🥰啲梨只有酒香，少少甜味，好食😋

難得平日放假，今次走到去大圍清酒香梨荔枝窩夫呢間的窩夫係好似Bagel 甘的形狀，口感更似係格仔餅果一類，窩夫面鋪滿左梨粒，而中間有一粒荔枝，味道好清，一啲都唔會太甜

今日去開大圍，打算揾間cafe飲杯flat white，所以就嚟咗屋子咖啡。見到個名，以為啲咖啡會唔錯，點知原來係浪得虛名😂當杯flat white送到嘅時候，我真係呆咗，隻色係淡到我以為自己嗌咗杯豆漿/好立克。之後試咗兩啖，根本同飲奶水冇分別😂由於未飲過，所以決定問下侍應係咩一回事，最後得到嘅回覆係「咖啡師話喱隻豆係咁架」喱一杯係我飲過最難飲嘅flat white，好彩嘅係可以cancel。差到係唔會再有第二次。

屋子咖啡💛Hazelnut crumble soufflé $55🍨Strawberry and Oreo waffle $43🧇Japanese Beef lunch set $68🥩🥩Eel rice lunch set $78🍱This restaurant is a cafeLocated in Tai Wai, with limited seats only Cannot make reservationsYou need to walk-in and wait for around 1 hour during lunch timeThe dessert is very nice and delicious, especially the souffle There’s many choices of different flavour for souffle and pancakes Strawberries 🍓 one also mouth-watering The lunch sets are not as eye-catching as expected Overal

本來想搵一間咖啡店坐低，點知周圍D咖啡店都坐滿人，行吓行吓，就嚟到屋子咖啡。平時經過都會大排長龍，冇乜機會可以一試，今日竟然比我見到有位，即刻二話不說，入去坐低飲吓食吓！因為之前已經食咗午飯，所以只係叫咗一杯嘢飲同埋一個甜品。Drink: 凍白桃菠蘿汁Dessert: Matcha Lava Cake首先嚟咗嘢飲先，好淡，仲有啲腥腥地嘅味，叫咗少冰，但仍然都幾多冰，味道令人失望！之後等咗一段時間，甜品就到啦！賣相好靚，離遠已經聞到綠茶嘅香味，疏乎厘中心位置又脆又軟，入面仲有大量綠茶岩漿，甜品跟埋雲呢拿雪糕，因為綠茶岩漿好甜配雲呢拿雪糕比較淡，非常搭配美味美中不足就是雲呢拿雪糕太硬，如果等軟身少少就更好喇！

IG : 00s_f00die海老天婦羅冷烏冬 $69兩隻炸蝦天婦羅 配沙律醬同沙律菜 再加烏冬 整體來講冇乜特別 份量正常🤣 日式芝士年糕 $40章魚燒嘅醬😋 暖暖地嘅芝士年糕 軟糯嘅口感唔錯🥰 不過價錢來講偏貴 試一次就夠~抹茶奶昔 $38身為抹茶控覺得冇乜抹茶味☹️ 感覺似抹茶牛奶🥛 一般般 唔值得一試🙁抹茶岩漿蛋糕 $52又一抹冇乜抹茶味嘅蛋糕 聽個名係啱漿 以為會有流心 但實際上冇。。 感覺比人呃咗🥲 好失望！ 好普通嘅熱蛋糕加雲呢拿雪糕~ 唔建議食 5⭐️滿分味道:⭐️⭐️.5價錢:⭐️⭐️外觀:⭐️⭐️⭐️⭐️回購:⭐️⭐️📍屋子咖啡 (大圍)大圍積信街49號安信樓地下P號舖

等左好耐，發現... Lava cake無lava.. 食嘅時候一邊食一邊覺得好委屈，唔明點解咁basic嘅流心蛋糕竟然無流心。咁同珍珠奶茶無珍珠無分別。但服務員係好人嘅只係食物好失望，唔會再試

嘢食都正正常常但咖啡真係真係好難飲。虧佢個名叫屋子「咖啡」杯凍美式咖啡 d冰未溶第一啖已經淡到水咁仲有杯Latte 淡到奶水咁 專登跟餐加20$唔係呢個質素下話？另外staff座位安排都唔係好掂⋯假期多人要等無問題、 見住前一枱未人齊都可以入，唔怪得知要等咁耐啦。個枱人足足4，5個字之後先嗌野食⋯唔通唔憂做生意？我諗都唔會有下次無飲過咁難飲既咖啡 比佢破壞左個美好既朝早啊簡直！作為一間cafe 咖啡難飲真係接受唔到啊！

星期六想和朋友過一個悠閑的下午，知道大圍一向有很多地道cafe，因此到此一遊。當日大約兩點來到，等了大約半小時便入座，興幸獲安排全店唯一的窗邊位。《咖喱丼配雞唐揚》炸雞外皮唔夠脆，食落去都幾油口，咖喱汁同即食咖喱包冇乜分別，同埋飯都煲得好軟身，加埋汁食更加冇口感，比較令人失望。《唐辛子辛辣豚軟骨湯拉麵》依個拉麵喜出望外，湯底夠濃味少少辣但唔重味精味，而且豬軟骨好林，配料紫菜都好食喎，加分。《黑芝麻豆腐奶昔》依個奶昔冇加任何冰落去，岩哂我地d中女，黑芝麻味香濃，咖啡以外都值得一試既飲品。雖然唔係好高評價，不過都有想再去一次試吓佢啲甜品，應該會加番好多分。

專程黎到大圍 比想像中多人 位置得翻少少 啱啱好同朋友入去唔洗等位 下午茶set幾好食 有野飲 mini主食（udon）仲有一個甜品 焙茶味道濃郁👍🏿😚輕食黎講 價錢中上 舒適度高 同朋友坐左好耐🤣😆

We waited for the doors to be open at 11:30am as we were afraid of the long queue that would start forming on weekends. Sure enough, the small minimalistic coffee shop started to get pretty full after just a while, so maybe it’s a better idea to visit their other bigger branches instead. The hojicha souffle was the main reason for our visit and it surely didn’t disappoint! The richer toasted taste of the hojicha ice cream on the side complemented the lighter and fluffy hojicha souffle well, and

cafe裝修格局都非常日式 食物都以定食料理為主🍱 嗰日weekend晏就既時間去都等咗15-20分鐘先有位🥺🍜碳烤雞塊湯拉麵 $78 (😋7.8/10)塊雞扒🍗好大塊! 食落好嫩夠juicy😋 上面落左照燒醬 個醬就無咩特別 略嫌落得有啲太多😐 另外個拉麵超級香蛋味🥚 又夠彈牙 雖然係幼身嗰啲 但都唔會索哂啲湯淋哂 拉麵都幾好食🥳🍛咖喱丼配吉列豚扒 $68 (😋5/10)呢個咖喱質地稀稀地 唔係日式濃稠嗰啲 味道正正常常好家常料理既感覺! 加埋飯都幾好食 相反吉列豚扒就麻麻地 個肉好薄 炸粉唔夠鬆脆偏硬 咬落去食到既係炸粉多過肉😖 雖然肉唔會韌都咬得開但都偏乾🥺兩個定食都有附送青瓜! 幾好食🤓 聽人講佢既甜品出色過鹹食 我自己比較enjoy食野既環境同埋間餐廳比我既感覺 下次去等我試埋甜品🍮 同埋想去烏溪沙嗰間分店😛😋味道評分: 6/10 🥳環境評分: 7.2/10🤑性價比: 5/10🤩回頭度: 7/10