屋子咖啡

營業中

休息中

上個月同朋友去食生日飯，無諗過成餐飯嘅體驗會咁差🥲當晚我哋walk in去食dinner，入座嘅時候餐廳只係半滿狀態。我哋各自叫咗一個set，另外再要咗一份甜品，同咗位後生嘅員工講蛋糕想食完正餐之後先上。我哋食完飯再傾咗陣計就同返啱啱位後生嘅員工講可以上蛋糕了，當時時間由入座起計大概過咗1個鐘。過咗15分鐘左右，蛋糕依然未上。有位auntie年紀嘅員工突然走過嚟，直接收走枱面啲餐具，語氣唔友善咁講：「你哋係咪食完？我哋有限用餐時間。」當下覺得好愕然，同佢講返唔知道有限用餐時間呢件事。佢就淨係一副無歉意淨想趕人走嘅態度話：「哦，咁可能一開始唔記得講，我哋到係食90分鐘㗎啫！夠鐘就要走。」同佢講我哋仲有蛋糕未食，佢就get錯意思係我哋自己外帶咗個蛋糕，即刻話要收我哋切餅費。嗰陣已經少嬲咁同佢講係叫咗呢到嘅蛋糕但一直未上啊🙃過咗陣佢就拎咗件蛋糕嚟，上枱嗰下講咗句：「你哋仲淨返5分鐘。」跟住就企係隔離一邊同吧枱嘅員工傾計一邊望住我哋食🤷🏻‍♀️當下嬲到連相都唔想影，想鬧人但因為係朋友生日飯唔想搞到場面咁難睇就諗住快快手食完就走。位auntie員工到最尾都「好盡責」，係我哋食完蛋糕放低叉嗰陣就即刻

屋子咖啡呢個名聽左好多年，但都係依家先知原來佢有dinner set而且計落都係$100左右，性價比都幾高 前菜我哋揀咗玉子燒同鰻魚串兩個份量都好多，玉子燒有四舊，啲蛋唔會整得太老，亦都有好多木魚花喺上面🤤鰻魚亦好肥美，燒汁份量啱啱好，唔會太甜👍🏻 主菜我哋都揀咗蕃茄奶油燉雞個汁略嫌太油，不過蕃茄味都幾濃雞肉略嫌冇乜味，主要都係靠個汁帶起味道 主食都有得揀唔同款👏🏻山藥泥拌飯有好大pat山藥泥喺面唔想加錢都可以要飯素拌飯 餐飲要咗西柚冰茶，估唔到冰茶入面真係有西柚粒😚而且亦都唔會太甜夏天熱辣辣嗰陣飲真係好解暑☺️ Dinner set- 前菜：木魚花玉子燒/ 烤鰻魚串- 主菜: 蕃茄奶油燉雞 （$89）- 主食：山藥泥拌飯（+$8）/ 飯素拌飯- 飲品：西柚冰茶（+$8） 味道：🤤🤤🤤🤤/5性價比：🤤🤤🤤🤤/5

嘗試了醬烤起司蘑菇漢堡、醬油蛋拌飯、木魚花玉子燒，還有桂花烏龍奶蓋茶，整體感覺相當不錯。漢堡的芝士味道很濃，帶有一點甜，和米飯搭配起來特別好。而醬油蛋拌飯的味道也挺合口味的，讓人吃得開心。玉子燒也很好，木魚花的香味增添了不少風味。至於桂花烏龍奶蓋茶，茶香不錯，奶蓋的咸味與芝士的味道也很搭。總體來說，這頓晚餐還算滿意，值得一試！

今日同朋友去到大圍一間聽過好多次但冇去過嘅日本cafe，唔知係咪因為星期六所以冇set，淨係得散叫。我同朋友叫咗醬烤起司蘑菇漢堡同鮭魚竜田揚。鮭魚煎得幾香脆，份量算少。漢堡加咗醬汁，但係醬汁冇搶走佢嘅肉味。胃口大嘅人一個主食應該就唔係好夠食。係大圍站行過去5分鐘度，都幾方便。

一來下午茶我哋2 條友係呢間cafe 仔叫超過350蚊算係貴，menu 也不是很清晰，或者我閱讀理解有問題，唔怪得人，唔知原來weekend 冇set , 以為飯又可以轉麵，所以就問左2 個不同的侍應幾句，佢地已經好唔耐煩，好似欠左佢咁，所以只可以講香港人鐘意北上消費唔係冇原因😂北上平得黎當你皇帝，估唔到香港比錢食個下午茶要收氣，結論係不用再來！

黎遠就見到呢間純白色格調cafe 處於大圍內街少少唔起眼的地方 俾髮型屋同茶餐廳包圍住Cafe總共有三層 底層點餐 堂食位置於二或三樓 閣樓旋轉樓梯 不過每層空間唔大 座位相隔比較近 人流都幾多 所以繁忙時間都有時間限制蛋糕我係覺得非常出色 款式每日唔同 有驚喜感 主食都好食 只不過份量就比較細 cafe份量

入到去，樓面聚埋一齊但沒有人理。『請問係咪隨便坐就得？』（坐低吧枱面壁位，冷氣機不停滴水，就移過一個，但成個過程都唔會有人理）直至要問『請問係點樣落單？』一個人，1主食2料理1甜點，其中一份咖喱食唔晒，諗住攞走，去到收銀：『唔該，我想買個盒』（都講到明係買⋯⋯但樓下並唔係問裝咩嘢）而係：「$2個喎得唔得呀 」『冇問題呀』（點知係遞個壽司盒俾我，内紅外黑透明蓋嗰種）『⋯⋯唔好意思我係裝走湯咖喱、可唔可以要湯盒？』「好大㗎喎」『可以啊，唔該』（今次係湯盒，係蓋同兜完全卡唔上，明顯蓋大過兜都幾多）收銀見到都睇唔過眼，問廚房有冇第二個？「冇喎！新嗰批全部都係咁」收銀：咁不如包層保鮮紙？『可以啊』（嗰陣已經收咗錢）問題又嚟嘞～既然個蓋完全冚唔實，而裝有湯汁嘅嘢，要包保鮮紙的話，係咪應該包係個兜，再蓋上？佢哋唔係㗎喎，成個盒一齊包⋯⋯仲要一層。跟住畀返我，放入紙袋已經feel到穿咗。收銀就話：我原本都係諗住你諗咁樣包㗎，可能廚房誤會咗～哦～廚房誤會咗。okay.. 咁點解唔包過？

「屋子咖啡」主打精緻和式定食，定食可以自由組合，冷/溫配菜有成8種，連飯/麵都多達11種可以選擇😳好好彩坐到榻榻米位，可以舒適地坐下傾下計，正好為繁忙嘅生活叉一叉電~佢地嘅定食同甜品都好出色，一定會再黎🤗ᨎᨎᨎᨎᨎᨎᨎᨎᨎᨎᨎᨎᨎᨎᨎᨎᨎ💛咖哩吉烈豚扒/柚子醋冷蕃茄/烏龍冷麵 $127.✧柚子醋冷蕃茄酸甜味道好開胃🍅，食材新鮮，清新🌱.✧咖哩吉烈豚扒豚扒外皮薄，豚扒肉質嫩滑，咖哩味道濃厚，撈麵一流!💯.✧烏龍冷麵 (+$20)口感煙韌，湯底味道鮮，清淡唔油膩😌.✧桂花烏龍奶蓋茶 (+$18)奶蓋香濃，桂花烏龍清香自然，夾埋一齊岩岩好🫶💛關西牛肉煮/烤明太子章魚肉串/烏龍溫麵/ $157.✧關西牛肉煮牛肉🐮估唔到咁濃厚嘅肉味! 肉質帶咬口但唔韌，份量都好有誠意~.✧烤明太子章魚肉串肉質飽滿，彈牙有口感，上面嘅明太子提升左咸香🤤.✧烏龍溫麵 (+$20)烏龍溫麵嘅湯底比冷麵濃味少少，朋友表示非常滿意👏.✧黑芝麻抹茶冰淇淋咖啡 $48呢個配搭第一次試，估唔到又幾夾~抹茶嘅茶味濃郁順口，仲有黑芝麻香，相當有層次感😗✧紫色地瓜舒芙蕾 $60舒芙蕾口感綿密，底部偏向濕潤蛋糕的口感，紫色地瓜清香味道

一向好鐘意日式家庭料理，食到簡單而美味嘅家常菜之外，仲食到食材本身味道，今次咖啡店打開門就係日式木🪵調風格，有家嘅溫馨感覺，適合放工放假食一餐家常便飯💖⭐️二軒茶屋大福白玉華夫 大推甜品，上枱已經好打卡able🤩, 糯米皮QQ彈彈，襯埋Waffles有反差感幾特別，Waffles係挺身厚實款，切開口唔會太乾岩岩好，係食落有飽足感嘅甜品👻，焙茶醬微甜帶茶香，食完好滿足，望落好大份，信我，你會不經不覺食晒🍵🐮關西牛肉煮 配 明太子拌飯 帶甜口嘅醬汁配上牛肉，底部有類似冬粉嘅粉條，口感滑嘟嘟有小小咬口嘅，整個餸好好送飯明太子醬唔會過鹹，份量亦足夠撈飯😋期待嚟緊尖沙咀同朝日夫婦聯乘嘅新餐廳，希望到時再食到好西😛

一間很不錯的日本餐廳，日式裝潢風格，色調、座位都很舒服。食物也很好，套餐有很多選擇，而且可以任意配搭小食。雞肉唐掦不錯，但我最喜歡小吃章魚串和山葯飯。奶蓋桂花烏龍茶也是很好喝😋以上係兩個餐，連埋飲品，每人都唔使$150，都幾抵食，性價比高👍🏻👍🏻最欣賞係冇用餐時間限制，同朋友吃飯、聊天，感覺悠閑舒適，是約會及約朋友聚腳嘅好地方。下次都會再去，其他小食都好吸引，我要試晒所有😆😆😆😆

大學時期已經光顧過屋子咖啡🥰，估唔到質素依舊! 呢度可以自由組合日式定食，無論係主菜/冷/熱配菜/甜品都有好多選擇，就算飯/麵都有11種揀，真係花多眼亂🤩!屋子咖啡行簡約無印木系風，好好彩坐到榻榻米座位，可以享受下悠閒晚餐🫶 🌟蕃茄奶油燉雞 / 明太子章魚肉串 / 醬油蛋拌飯 $105/西柚冰茶 燉雞超嫩滑! 汁係甜甜嘅蕃茄味🍅仲食到奶油濃郁嘅味道章魚肉串份量有誠意👏 明太子咸香味道+彈牙章魚肉好夾~好鍾意多汁嘅配菜，再加埋醬油蛋拌飯係一絕!西柚冰茶微甜清新🌱🌟醬烤起司蘑菇漢堡/ 紫芋甘栗餅 / 烏龍冷麵 $130/ 烏龍奶蓋茶漢堡肉質軟腍，充滿肉汁醬汁酸酸甜甜嘅汁，味道恰到好處🤤紫芋甘栗餅炸得香脆，但一啲都唔膩外脆內軟，勁推薦‼️烏龍冷麵煙韌口感💯分! 烏龍奶蓋茶嘅奶蓋嘅濃度岩岩好加埋清新烏龍茶，好飲過出面茶飲店!🌟鐵觀音奶油脆脆雙層窩夫 $60賣相精緻，最鍾意茶味嘅甜品😉奶油滲出濃厚茶香，窩夫🧇蛋香濃郁再加埋自家製焦糖脆脆增加甜度之餘，口感更豐富😍

同朋友睇完電影，有少少餓意。就決定去到屋子咖啡食晚餐。但完全冇諗過今次嘅體驗可以咁差感受。其實全程我同我朋友都唔係態度唔好，都已經係唔該前唔該後咁，我哋完全唔會係嗰啲冇禮貌嘅西客。咁我同我朋友就想問一問清楚幾點食物last order。咁我哋就都係有禮貌嘅態度客氣咁問個店員。請問咩時候last order？但佢嘅回應態度極度敷衍，語氣粗魯，毫無禮貌可言。我同我朋友嘅感官都覺得好差，心諗快快脆食完就走。跟住我問嗰位店員可唔可以俾支飲管我，唔該。佢居然回應都冇回應過我，直接去咗拎支飲管俾我就咁擺低左喺張枱，乜嘢都冇講過。冇諗過作為一個消費者過嚟消費，仲要承受呢啲冇質素嘅員工嘅惡意態度。已經決定唔會再嚟屋子咖啡食嘢。希望貴公司可以好好訓練吓同埋調教吓你哋員工嘅服務質素啦，真係非常令人失望。

同朋友夜晚八點半去到，我哋都知就快last order，所以都唔想阻人收工，一坐低就即刻睇menu。睇緊menu嗰陣有位50歲左右嘅中年女侍應用唔耐煩嘅態度不斷反覆催促，所以我同朋友喺未睇曬menu嘅情況下都只好即刻落單，之後個女侍應喺送餐同收嘢嘅過程都係咁黑面，而且語氣都妥唔友善。其實佢對其他食客嘅態度都幾友好，而我哋都喺佢幫手送嘢食同清嘢嘅時候有講唔該，冇做任何冇禮貌或者令佢唔舒服嘅行為，唔知點解佢對我哋態度特別差，可能因為我哋只係學生睇落比較細個(?) 最尾我哋只係用咗半個鐘就食完走人，佢對前一檯走嘅食客好熱情咁道別，但係對我哋完全不理不睬。留意到有唔少comments都係談論緊員工態度問題，希望公司可以正視，同埋個位女員工都可以作出改善。

4月15-5月15日係Pochacco主題期間限定店當日去到可能由於太受歡迎關係，好多嘢食都賣晒得番蔬菜咖喱飯同草莓三文治蔬菜咖喱飯$108非常之igable，但味道十分普通，而且得白飯同幾條豆角同薯仔，如果唔係因為整成PC狗嘅樣，係完全唔值$108食佢真係只係為咗打卡草莓三文治$92三文治整成PC狗嘅樣，亦都十分igable味道都係普普通通，三文治入邊有好多cream，草莓亦都唔係好甜帶酸味，亦都係唔係因為PC狗完全唔值$92

𝑹𝒆𝒔𝒕𝒂𝒖𝒓𝒂𝒏𝒕 𝑵𝒂𝒎𝒆 🍽️: 𝑼𝑪𝑯𝑰🎎𝐿𝑜𝑐𝑎𝑡𝑖𝑜𝑛📍: 𝑇𝑎𝑖 𝑊𝑎𝑖, 𝐻𝑜𝑛𝑔 𝐾𝑜𝑛𝑔𝐶𝑢𝑖𝑠𝑖𝑛𝑒 🥂: 𝐽𝑎𝑝𝑎𝑛𝑒𝑠𝑒 𝐶𝑎𝑓𝑒 🇯🇵𝑹𝒊𝒄𝒆:1. 𝑀𝑒𝑛𝑡𝑎𝑖𝑘𝑜 𝑅𝑖𝑐𝑒🍚明太子拌飯🍛2. 𝑆𝑜𝑦 𝑆𝑎𝑢𝑐𝑒 𝐸𝑔𝑔 𝑅𝑖𝑐𝑒🍳醬油蛋拌飯🥚𝑴𝒂𝒊𝒏 𝑫𝒊𝒔𝒉:3. 𝐺𝑖𝑙𝑙𝑒𝑑 𝐶ℎ𝑒𝑒𝑠𝑒 & 𝑀𝑢𝑠ℎ𝑟𝑜𝑜𝑚 𝐻𝑎𝑚𝑏𝑢𝑟𝑔 𝑆𝑒𝑡醬烤起司蘑菇漢堡4. 𝐺𝑟𝑖𝑙𝑙𝑒𝑑 𝐸𝑒𝑙 𝑆𝑒𝑡醬油燒鰻魚𝑪𝒐𝒍𝒅 / 𝑾𝒂𝒓𝒎 𝑺𝒊𝒅𝒆 𝑫𝒊𝒔𝒉:5. 𝑀𝑒𝑛𝑡𝑎𝑖𝑘𝑜 𝑂𝑐𝑡𝑜𝑝𝑢𝑠 𝑆𝑘𝑒𝑤𝑒𝑟烤明太子章魚肉串6. 𝑇𝑎𝑚𝑎𝑔𝑜𝑦𝑎𝑘𝑖木魚花玉子燒𝑫𝒆𝒔𝒔𝒆𝒓𝒕:7. 𝐵𝑙𝑎𝑘𝑐 𝑆𝑒𝑠𝑎𝑚𝑒 𝐻𝑜𝑗𝑖𝑐ℎ𝑎 𝐶ℎ𝑖𝑓𝑓𝑜𝑛竹炭黑芝麻焙茶戚風8. 𝑃𝑢𝑟𝑝𝑙𝑒 𝑌𝑎𝑚 𝑆𝑜𝑢𝑓𝑓𝑙é紫色地瓜舒芙蕾𝑩𝒆𝒗𝒆𝒓𝒂𝒈𝒆:9. 𝐺𝑟𝑎𝑝𝑒𝑓𝑟𝑢𝑖𝑡 𝐼𝑐𝑒 𝑇𝑒𝑎西柚冰茶10. 𝑃𝑜𝑚𝑒𝑙𝑜 𝑀𝑖𝑙𝑘柚子牛乳🌟𝐶𝑜𝑛𝑠𝑢𝑚𝑝𝑡𝑖𝑜𝑛 𝑝𝑒𝑟 𝑝𝑒𝑟𝑠𝑜𝑛：$200🏠屋子🏣💫簡約優雅日系風格既Cafe🎎餐廳佈置以木質為主🪵 堆疊出傳統日式禪意氛圍🎑 清新既日式空間感營