小甜頭

營業中

休息中

食完晚飯經過就被呢間好精緻嘅甜品店吸引到目光👀唔係好多堂食嘅甜品舖有得食沾醬麻糬🫡今日經過發現呢間有就決定一試！選擇有好多，中式同西式都有😋👍🏻另外擺盤好精美，好打卡able📸唔怪得知平日夜晚都有唔少食客✨焦糖脆脆忌廉芝士布丁🍮 $46非常香脆嘅焦糖脆脆，帶微微嘅焦香，布丁口感較厚實，唔會太重芝士味同太膩🤙🏻😋個人感覺有一陣蛋香😋雖然定價偏高，但係好值得食！✨開心果碎碎•開心果奶蓋沾醬麻糬 $55開心果迷必叫！牛奶麻糬外面沾咗少量黃豆粉，咬落煙靭得嚟好細滑，開心果奶蓋沾醬非常濃郁😋再點埋開心果碎碎，一次過滿足三個願望✨楊枝甘露 $45大大碗足料楊枝甘露😋食食下發現有少量新鮮嘅椰子肉😛整體食落唔會好甜，比較重椰香同忌廉味👀大量嘅西米令到食落好有飽腹感😋

香港人食完飯嘅下場點少得食糖水，今次黎到大圍發掘到一間超高質嘅甜品店，有近期勁紅嘅開心果沾醬麻糬💚開心果奶蓋沾醬麻糬 $55估唔到係超大一份！有10粒麻糬，而且係勁大粒，口感軟糯煙靭，沾滿黃豆粉，香氣十足，就咁食都好好味😋點埋開心果醬同開心果碎就仲滿足💚焦糖脆脆忌廉芝士布丁 $46賣相好靚，好有日式甜品嘅感覺👍🏻布丁質感偏向紮實，面頭灑上焦糖脆脆豐富口感。味道方面唔會太甜，焦糖微苦嘅味道同布丁平衡得好好👍🏻椰汁桃膠盛 $52又係好大碗，一碗有齊桃膠、芋圓、紅豆、仙草，每樣都超級足料，食完好飽，女仔可以當正餐咁食🤣

去大圍探朋友，玩完之後突然想食甜品，突然見到呢一間新開嘅甜品舖裝修好靚，而且啲甜品都好有特色，就一於去試吓！點知真係有驚喜！開心果奶蓋占醬麻糬配開心果碎脆呢個係我哋最想食嘅，因為外面完全冇見過呢一種搭配！食落都果然冇令我哋失望，麻糬軟綿綿，外面果醬薄薄的一層黃豆粉，用佢嚟沾上開心果醬，最後外層再上一層開心果碎，口感超級豐富！大讚佢個開心果醬，真係超級濃郁，又唔會太甜，強烈推薦！焦糖脆脆忌廉芝士布甸呢個忌廉芝士布甸打卡好靚，但味道都不俗！佢個布甸係相對厚實嘅質感，裏面有農鄉嘅芝士味，上面嘅黑糖脆脆點綴得啱啱好，令到成個布甸食落有層次感！斑斕椰汁千層糕配海鹽奶蓋椰青水椰汁千層糕層層分明，椰汁味好濃，相對斑斕味就冇椰汁咁重！糕身咬落軟綿綿，都不錯！同呢一個海鹽奶蓋椰青水好夾！個椰青水超級清甜，上面嘅奶蓋都好Creamy!呢間小店嘅老闆同埋店員都好後生，佢哋嘅創意好好，做出嚟嘅甜品好有誠意！尤其是係開心果麻糬，真係好令人眼前一亮！推薦大家嚟試吓！

近排沾醬麻糬超級流行，大圍有間網上爆紅嘅甜品店——小甜頭，見到好多人推薦，🤩當然要試吓實測係咪真係咁好食！🍡榛子碎碎·海鹽奶蓋沾醬麻糬 $48麻糬軟糯唔甜，海鹽芝士奶蓋鹹香十足，質地輕盈唔膩口，榛子碎超足料，可惜味道唔算太突出，整體嚟講唔錯👍🏻🍮焦糖脆脆忌廉芝士布丁$46布丁有淡淡忌廉芝士味，幾驚喜，質地偏紮實，唔係滑溜果種，焦糖味帶點微苦，但唔會蓋過布丁本身嘅甜味，平衡得好好😋焦糖脆脆增加咗層次感，如果份量再多啲就完美啦！好少堂食舖頭會做沾醬麻糬，以堂食嚟講價錢算OK。布丁比預期更有驚喜，如果再嚟大圍食完飯都會想再試！👍🏻

今日去左屋企附近新開既甜品店 小甜頭，宜家就分享一下我既體驗啦！一入到店，唔算特別大，但D座位都幾寬落，裝潢簡樸明亮，仲播緊廣東歌，整體氛圍唔錯👍🏻。 兩個人嗌左三樣野：（凍）椰汁桃膠盛、開心果沾醬麻糬、大甜頭；個人覺得兩個人其實嗌每人一樣已經好夠，所以今次食到有D滯😹桃膠嗰個勁有誠意，滿到瀉😻 成碗超多桃膠，懷疑老闆做緊蝕本生意🤡芋圓大粒又煙韌, 椰子雪糕球鬆軟香滑, 入口即溶又冰涼， 椰子香味湧曬出來，芋泥 好大舊， 味道唔濃但襯埋其他就啱啱好中和返， 全個甜品唔太甜🫶🏻大甜頭既紅豆綠豆有小小未熟、西瓜清爽香甜、椰肉都好味，不過個通心粉（唔係食開嗰隻😂，係透明、似係用比較硬既涼皮整既）個texture唔係好岩我口味 麻糬每粒都沾滿花生粉，再點埋開心果醬、開心果碎，啖啖開心果味😋 開心果碎嗰size岩岩好、又脆，食幾舊都唔會特別滯🤠只不過如果自己食曬、可能會有D乾整體而言，呢間既甜品全部都好好味、又足料，環境唔錯，黎開大圍既一定要黎試下，係一間氣氛可以媲美cafe既小店仔，又可以邊同frd傾計一邊jap 下 jap下！😻

今日試咗幾款新出嘅甜品，真係有驚喜！首先係「椰枝甘露」，呢個甜品一上枱已經聞到濃濃嘅椰香，椰汁好滑，芒果同柚子嘅酸甜平衡得好好，西米煮得啱啱好，食落好清爽，仲加咗啲開心果碎碎，增添咗一份堅果香氣，口感更加豐富，真係令人食到停唔到口！「開心果奶蓋沾醬麻糬」，呢個組合好特別，麻糬煙韌有咬口，沾上開心果奶蓋，味道濃郁得嚟又唔會太甜，開心果嘅香味好突出，奶蓋滑溜，同麻糬嘅口感形成強烈對比，食落好過癮，絕對係開心果愛好者嘅必試之選！「椰汁桃膠盛」，呢個甜品材料豐富，有桃膠、芋圓、紅豆同仙草，椰汁香濃，桃膠煮得夠淋，芋圓煙韌有咬口，紅豆煮得夠腍，仙草滑溜，整體口感層次分明，甜度適中，食完之後好滿足。環境舒適，簡潔，店員細心！

喺社交平台見到呢間甜品舖想食好耐啦 今次去開大圍終於食到喇❗️上網睇到好多人話依家好好食 有好高評價😎今次試完果然真係好高質 幾款甜品都高水準 其實係menu仲有好多款都好想食下次一定要返嚟再試其他😝✨❖開心果碎碎•開心果奶蓋沾醬麻糬 $55招牌沾醬麻糬，麻糬煙煙韌韌，有薄薄黃豆粉鋪面。開心果用上意大利開心果🥜，仲有大量開心果碎。如果你係開心果迷，應該會覺得幾滿足😋不過個人就略嫌個開心醬唔夠濃食落去唔會有好濃烈嘅鹹香味不過佢個麻糬就幾軟糯 係幾唔錯嘅👍 ✨❖ 榛子碎碎•海鹽奶蓋沾醬麻糬 $42同開心果麻糬一樣，軟糯有咬口沾上海鹽奶蓋同榛子碎碎🌰甜中帶微微鹹香咁幾好食👍 ✨❖ 椰子雪球班蘭奶凍 $40奶凍用新鮮斑斕葉整🧑‍🍳奶凍口感好香好滑但又唔會過甜好紮實嘅口感椰子雪球超級重椰子香味🥥個人咁多款甜品最鐘意呢個甜品😍✨❖ 斑斕椰汁千層糕 $28入口煙韌回彈，香濃椰汁配搭淡雅班蘭香甜度啱啱好！唔會過於膩口😋

這個環境給人一種輕鬆舒適的感覺。月球燈散發出柔和的光線，為空間增添了溫暖的氛圍。桌子旁邊的植物有新年氣氛。店員有笑容及友善地推介了幾款甜品。我按照他的推介點了。椰汁桃膠仙草芋圓：這道甜品超級香濃，椰汁的味道濃郁，桃膠和仙草滑滑的，還有Q彈的芋圓，吃起來很爽口，甜而不膩。榛子奶蓋沾醬麻糬：這個奶蓋沾醬香香的，榛子脆脆的、味道濃厚，搭配麻糬的口感，既滑又香，讓人忍不住多沾幾次。很有創意!芝麻蕃薯糖水：這碗糖水甜甜的，芝麻的香氣十足，蕃薯軟綿，薑汁味道濃,吃起來暖心又滿足。

係附近食完飯，終於試到呢間甜品舖，係以斑蘭同椰汁主題嘅甜品店，當然仲有我最愛嘅麻糬。開心果碎碎。開心果奶蓋沾醬麻糬賣相已經唔錯。麻糬煙煙韌韌，薄薄黃豆粉鋪面，濃郁嘅開心果醬，仲有大量開心果碎，如果你係開心果迷，一定要試下，實大滿足。椰汁桃膠盛夠晒大碗、而且幾足料，有桃膠、芋圓、紅豆、仙草，最特別係有抹茶芋圓，絕對冇違和感。斑斕湯圓 出面好少搵到呢款口味嘅湯圓，手搓斑蘭湯圓皮，入面有香甜椰絲内餡，幾特別。

⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 1️⃣ 開心果碎碎•開心果奶蓋沾醬麻糬($55)必點！一邊放咗麻糬🤭另一邊就係開心果醬同埋開心果碎💚用咗意大利開心果整成🫣一上枱就聞到堅果香😇麻糬大概有10粒左右😜麻糬本身口感軟糯☺️ 面頭有埋黃豆粉🤨碎碎的開心果粒增添了口感上的層次😎同時也加強了開心果的香氣🤪2️⃣蕃薯糖水•花生湯圓(中辣)(3粒)($45)揀咗中辣🌶️加咗小黃薑汁嘅糖水🤓暖胃又暖心🔥 好似譚仔咁可以揀辣度😍真係好貼心喎🥰老闆嘅獨家烹調方法真係好神奇🤔 一般薑汁糖水飲完之後好容易覺得燥熱😔但係呢碗糖水完全唔會👍 反而覺得好舒服😝好滋潤！😌 蕃薯煲得綿綿嘅😇🍠花生湯圓嘅外皮煙韌軟糯😆一啖咬落去🥸濃郁嘅花生餡料就爆發出嚟！🥜 🤤3️⃣椰汁桃膠盛(桃膠、芋圓、紅豆、仙草)(凍)$52勁多料😍有桃膠、芋圓、紅豆🫘和仙草😇椰汁香氣濃郁😊桃膠口感軟滑😇入口即化😊紅豆綿密😉仙草滑嫩😗三色芋圓Q彈有嚼勁😝材料比坊間偏向低糖😚食得更健康☺️⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 🌟想知道更多美食🤪記得follow@mo

依家小甜頭已經係我大圍區愛店嘅top one每一款甜品都係超班水準而唔係成間舖頭只係得一款代表作如果眼闊肚窄建議先試麻糬！多謝我大圍朋友私心推介椰子雪球斑蘭奶凍$40斑斕奶凍望落去係淺綠色（冇落香精人工嘢）係用左新鮮斑斕葉整奶凍口感香滑又唔會過甜椰子雪球超吸引食落去有微微莎莎口感超級重椰子香味因為係老闆自己整嘅雪糕所以得呢度食到嘅咋椰子配斑斕非常夾！椰汁桃膠盛$52有熱/凍揀因為呢排都天氣好凍所以揀咗個熱嘅估唔到桃膠會咁多超級滋補食完自我感覺好養生美顏榛子碎碎、海鹽奶蓋沾醬麻糬$48Omg呢款麻糬好驚人唔怪之得堂食期間都keep住有人外賣麻糬軟糯、有延伸性但唔黐牙重點係我一個人食咗六粒都冇「漏」嘅感覺強烈推薦麻糬控一定一定要試其貌不揚，但係真係印象好深刻麻糬沾滿榛子之後食完個口其實係仲會有浸榛子香好誇張因為用左意大利榛子、所以雖然成本高但真係食得出嘅質素高大圍真係小店林立嘅區！

📍小甜頭 (大圍)大圍積存街12-20號地下D號舖💚開心果碎碎•開心果奶蓋沾醬麻糬$55Mochi with PistachioCheese Foam & Pistachio $55招牌沾醬麻糬，麻糬煙煙韌韌，薄薄黃豆粉鋪面，有四種口味，包括：椰子海鹽奶蓋，開心果，Oreo，榛子我選了開心果，濃郁開心果醬，用上意大利開心果，仲有大量開心果碎。如果你係開心果迷，要一定要食呢間，每一口都大滿足#大圍#大圍美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#cafe#coffee#麻糬#開心果#dessert#sweets #深宵美食#eating_and_working_in_h_大圍

一直知道呢間甜品有我最愛的麻糬，仲要係開心果味，作為一個開心果控，梗係要黎食下啦，咁啱今晚係大圍附近，接完朋友收工食埋晚飯就過嚟食甜品。🥰開心果碎碎、開心果奶蓋沾醬麻糬麻糬點完個開心果醬再沾滿開心果碎，麻糬好煙韌，開心果好香濃，唔會太甜，知道呢到係用意大利開心果，果然用料靚👍👍👍椰子雪球斑蘭奶凍入口好滑，好香椰子味同斑蘭味，少少甜，原來佢係用新鮮的斑蘭同椰汁整成，冇額外添加其他嘢，唔怪得之咁香。😍😍椰汁桃膠盛入面有桃膠、芋圓、紅豆、仙草，芋圓煙韌夠彈性，紅豆煮得剛剛好，配合埋有益嘅桃膠同埋滑滑的仙草，整件事好配合；佢呢度的甜品都唔會太甜，對於我呢啲平時中意微糖的人，真係好好，感覺都健康啲呀🥰🥰

今日夜晚10點幾左右幫襯開心果奶蓋麻糬幾好食，開心果味濃厚👍🏻仲試咗combo ，奶蓋椰青水清新唔太甜👍🏻不過埋單嗰陣個staff處事有啲匪夷所思…我地2個人，其中1人行去櫃台埋單，我就諗住出門口等，我一起身行，點知問口個staff(阿叔）竟然用手攔住門口，仲叫我等陣先，我心諗：吓 都排緊隊俾錢啦 驚死人走數啊？ 跟住佢見到到我朋友俾錢 我話：得喇掛？ 佢先叫我出去等 🤷🏻‍♀️簡直係R晒頭🤷🏻‍♀️憑咩攔住唔俾人走嗰百幾蚊都走數嘅話唔好出街食啦 食物係Ok嘅 態度麻麻囉

麻糬控要去大圍食甜品‼️Mochi Mochi💚食完飯特登揀咗大圍呢間甜品店「小甜頭」，新開無幾耐，招牌係沾醬麻糬‼️今次嚟到見到有四個口味，分別係開心果、椰子海鹽奶蓋、Oreo、榛子海鹽奶蓋，我哋就揀咗開心果味💚🔸開心果碎碎•開心果奶蓋沾醬麻糬💚賣相已經擺得好靚😚麻糬本身有黃豆粉包住，先點開心果奶蓋醬，跟住再點開心果碎碎，啲碎就會黐住沾醬，食落去麻糬嘅軟糯，又有開心果碎嘅咬口，有雙重口感😍好鍾意佢啲麻糬有軟綿綿嘅感覺，仲有奶香味🍼大家一定要試吓佢嘅招牌麻糬，不論任何口味都要試！🔸焦糖脆脆忌廉芝士布丁朋友係布甸控😂去邊都要食布甸，呢款質感係比較實，有蛋香味，焦糖脆脆都真係夠脆，認證係新鮮整既😹有啲地方食落去係腍㗎🫢🔸椰汁桃膠盛 呢款都係冇得輸嘅配搭，勝在夠晒大碗、而且足料，有齊桃膠、芋圓、紅豆、仙草，桃膠洗得乾淨冇黑色點點，類似之外，想養顏就啱晒😚 芋圓都好煙靭👍🏻👍🏻📍#小甜頭 (#大圍美食)#大圍 積存街12-20號地下D號舖