小甜頭

放工行過大圍，見到呢間新開甜品店，環境乾淨企理，主打創意糖水。見menu幾有心思，即刻入去試下焦糖脆餅海鹽奶蓋沾醬麻糬 $48一上枱已經聞到焦糖香。麻糬煙韌唔黏牙，外邊脆餅帶微微焦糖脆香，咬落好有層次。海鹽奶蓋唔會太膩，甜中帶鹹，沾醬麻糬一流，朋友超級鍾意無糖粉粿冰 $72夏天必點消暑之選。冰底本身已有黑糖味，唔係普通碎冰，有誠意！粉粿質地煙靭，咬落有彈性，配埋冰碎一齊食，透心涼。最啱食完飯嚟個refresh。班蘭湯圓 $48湯圓細細粒，班蘭味自然，咬落有淡淡椰絲椰香。椰汁湯底唔會太甜，飲落暖胃又舒服，食完有幸福感。今次試甜品，三款都唔踩雷。焦糖脆餅麻糬最有驚喜，粉粿冰健康清新，班蘭湯圓經典得嚟有新意。下次會想再嚟試埋其他糖水！…查看更多

斑蘭椰子🌴🥥冰一放入口，椰子的清香馬上在舌尖蕩開，而淡綠色的斑蘭雪糕柔滑冰爽，讓人即刻消暑。熱椰汁桃膠盛的溫潤與冰的清涼形成奇妙對比，桃膠爽口滑順，帶著自然的膠質口感，與椰香相得益彰。紅豆細滑綿密，甜度恰到好處，不搶味，再嚐芋圓，Q彈美味，而仙草則增添了草本的淡香與微苦，令整體層次更豐富。最後必試開心果碎碎.開心果奶蓋沾醬麻糬這道非常特別的甜品，麻糬香滑軟糯，沾上果醬及開心果碎碎後味道清香濃郁，是一款能讓人一口接一口、回味無窮的夢幻甜點🍨！！…查看更多

尼間係social media上面好多人分享嘅大圍甜品店，終於喺尼一區搵到味道唔錯嘅甜品店✨特濃朱古力冰朱古力控一定要試！第一啖食落就覺得朱古力味超濃！而且啲冰都好綿密😋入口即化個賣相幾靚仔 上面仲有一塊焦糖香蕉食到冰底都仲係好濃朱古力味但可能會有少少漏 最好都係同多幾個Frd一齊Share✨Oreo海鹽奶蓋沾醬麻糬麻糬係偏黏嘅 食落會有少少黐住個嘴咁個人覺得可以再煙靭啲但蘸上鹹鹹的奶蓋同滿滿嘅Oreo碎係好食的…查看更多

呢間「小甜頭」係網上都被人推介過，經過大圍終於忍唔住同朋友入去試下。今次叫咗特濃朱古力冰、開心果碎麻糬同埋蜂蜜檸檬愛玉寒天。特濃朱古力冰真係幾有驚喜好夠濃！啲冰好幼滑，唔會一食就溶晒，朱古力味夠濃，唔係嗰啲假甜，反而帶少少苦味，幾有層次。開心果奶蓋沾醬麻糬口感煙煙韌韌，唔會太實。佢提供咗開心果碎同開心果奶蓋醬，開心果碎好香脆，有堅果香，開心果奶蓋醬又唔會太膩，質地滑身但唔膩，仲帶有啲微鹹，令成件事冇咁單調。呢個配搭幾中意，食完都唔覺滯。見到Menu都有唔同口味嘅奶蓋沾醬，下次會試埋其他！蜂蜜檸檬愛玉就清新得嚟有啲台式風味，愛玉啫喱夠爽口，唔會太硬一舊嘢，有微微嘅蜂蜜味，檸檬酸度啱啱好，好適合夏天！…查看更多

呢間成日都見有人推介，通常都係講佢嘅麻糬，不過今次見到佢個特濃朱古力冰望落去好吸引，所以就試吓！特別一提呢間堂食最低消費每人一個甜品/飲品！🍫特濃朱古力冰呢個冰真係超級濃郁，食落每啖都有好濃郁嘅朱古力味，好似真係咬緊朱古力咁😂食到尾都仲係好濃好濃嘅朱古力味，所以食到後尾就已經覺得有啲太流🫣 呢個最好都係同朋友share！！ 我哋仲有嗌咗奶蓋麻糬，同埋另外一款唔記得乜嘢甜品，呢間整體食物味道都好好，不過唔及呢個特濃朱古力冰咁令我印象深刻🤣 個人認為個朱古力冰比啲麻糬更出色！…查看更多