影片
法式焦糖燉蛋$28面頭有層啱啱燒起嘅焦糖，有幾香嘅蛋味，但係唔夠滑，焦糖層較厚身窩蛋（開心果，豆腐）$68大大份，雞蛋仔外脆內軟，好香蛋味，仲要配上面層嘅cream，口感豐富，另外揀咗開心果味同豆腐味嘅雪糕，仲有Oreo做點綴楊枝甘露$42啲西米好爽口，唔會黐埋一舊，粒粒分明，亦都有好多芒果都幾甜，好足料，但係個汁就偏淡身雜果涼粉芋圓面頭有好多水果，啲涼粉都係自家製冇添加劑，但係啲涼粉就比較硬身，至於芋圓就整得幾好，唔會煮過頭
繼續閱讀
小甜甜-街坊人情味甜品鋪，性價比高又足料，主要係做街坊生意，以中式糖水為主。座位都算闊落，成間鋪整潔光亮，好啱想食輕量甜品嘅你法式焦糖燉蛋$28 (5/10)面頭層焦糖係即刻燒出嚟嘅，都幾脆口，不過比較厚身。但係個燉蛋就唔夠滑身同香蛋味，如果個燉蛋雪得更凍就更加好窩蛋（開心果，豆腐）$68 (6.5/10)個雞蛋仔整得啱啱好，外脆內軟，同時好香蛋味，配上綿密嘅cream，令到成個口感更加豐富！另外可以自己揀兩款味嘅雪糕，小編就揀左開心果味同豆腐味，個雪糕球都好大個，豆腐味嘅幾香同幾滑，至於開心果味嘅就遜色，不過唔整體上都幾好食，可以試下！楊枝甘露$42 (5.5/10)都幾大份，啲西米粒粒分明，唔 都幾爽口，唔會煮到痴埋一舊，個汁都幾香椰奶味，但係就少左啲芒果味雜果涼粉芋圓$48 (5/10)面頭有好多西瓜、芒果、蜜瓜，都算新鮮又多汁，個芋圓都煮得啱啱好，唔會淋哂。至於個涼粉係自己製作，唔似出面嘅鋪頭，冇加到添加劑，但係就偏硬身💸avg spending per headl: $50-$60環境：🫶🏻🫶🏻🫶🏻服務：🫶🏻🫶🏻🫶🏻啲嘢食性價比高又大份，見到都有好多街坊同學生幫襯，同朋友搵個地方傾偈又可以食輕食嘅，呢度就啱哂！🍽️小甜甜📍鴨脷洲大街43號地舖🕰️ Mon-Sun 13:00-1:00
繼續閱讀
好耐未見過咁平嘅甜品店，嗌左一個鮮雜果涼粉芋圓，唔知係咪啲水果好當季，爽口鮮甜，水果份量又多，另外椰汁西米桃膠，太多桃膠，多到好飽🤣不過佢最抵食嘅都係布甸！ 平均$20一個布甸，仲有好多唔同味道揀，有最熱門嘅伯爵茶味！又有好足料嘅芒果布甸，唔好見佢影相望落細細份，第一個係食佢嘅抹茶味布甸，其實佢勁重抹茶同奶味，啖啖都係抹荼同奶味，差啲飽到食唔落其他，飯後食一個岩岩好！
繼續閱讀
第一次在這小店食，叫咗一個蛋白杏仁茶，但係得兩粒綠豆咁大的蛋白，杏仁茶只是微暖，熱食物大忌是不夠熱😞，價錢是$40 ，性價比極低，不是用心製作，非常令人失望，我唔會再去食。
繼續閱讀
見到食評即刻過嚟試吓，即刻點咗個心太軟，心太軟俾我平時食嘅其他店舖要大，旁邊擺放了水果擺盤，淨係個擺盤已經令人垂涎三尺。心太軟食落去，夠熱，朱古力醬好多，湧岀黎，同埋佢嘅朱古力醬唔甜，正啱我胃口，食落去完全唔覺得膩，淡淡的朱古力香，再加埋外脆嘅外層，配搭一流，最緊要佢勁多朱古力醬👍🏻👍🏻👍🏻非常可口。另外，佢旁邊啲水果都好鮮甜，上面加咗朱古力醬，苦苦地嘅朱古力再加上甜甜嘅蜜瓜，出奇地好味😋 推薦各位，黎試吓呢個心太軟。
繼續閱讀