小瑪哥米線

營業中

休息中

同朋友去左灣仔，咁岩行過見到佢地有個氣鍋雞套餐豐富又抵食，咁就決定試一試。個套餐就有小食、氣鍋雞、主菜、主食同甜品。頭盤方面，見佢個昭通醬雞翼好似幾特別所以就揀左佢。雞翼食落好入味得黎唔會太咸，比起一般出面口味，今次食落有少少豆瓣味反而幾夾雞翼。同埋有個細節位，佢地D雞翼入面唔會見紅，睇得出佢地解凍方面無馬虎，值得一讚。之後到主角氣鍋雞。一黎到已經聞到好香嘅雞湯香味，色澤金黃得黎，湯表面無太多嘅油脂。個湯飲落足料無味精，同埋湯料有竹笙、草菇同大大件嘅雞，而家好少見有舖頭咁蝕底比咁多料。主菜我地揀左酸菜魚，因為知道我地唔食得太辣，店家都好好咁幫我地調細個辣度方便我地食用。酸菜魚湯底唔咸，味道岩岩好，唔洗係咁飲水。同埋佢地D魚肉爽口無骨，可以大啖大啖食勁正。仲有，佢地仲唔洗加錢幫我地加寬粉底，唔洗驚食唔飽。主食我地揀左白飯同鮮菌蕃茄米線。米線湯底有好濃嘅蕃茄味同無味精，真材實料，食落好有阿媽煲嘅蕃茄湯味，屋企嘅味道。甜品方面，我地叫左玫瑰豆腐花同玫瑰冰冰粉。兩款甜品食落都好清新消膩，我比較鍾意冰冰粉，因為除左玫瑰，佢仲有淡淡桂花香，加埋冰糖，一啖接一啖好快就食哂。食完依次之後，朋友都話好掛

今次係第一篇係講今朝小豬話要食麵，俾咗幾間佢揀之後結果佢揀咗氣鍋雞。間舖頭嘅員工態度唔錯，食物嘅種類都唔少。我哋叫咗個氣鍋雞set, 個氣鍋雞同細個食嘅味道差唔多，前菜有黑木耳同青瓜，個酸菜魚味道幾適合香港人食，唔太辣而且香氣足夠，去碗白飯就正。小豬食嘅米線都幾好味，感覺佢有遷就一般香港人嘅口味。最後用玫瑰豆腐花作結尾。今餐幾好，之後會再嚟食過。小店值得鼓勵

呢間餐廳已經有多年歷史，之前同朋友嚟已經食過一次，今次食過返尋味再食多次！召通醬雞翼 - 喺呢度嘅王牌前菜之一，醬汁入味,雞翼肉質柔軟多汁,令人忍不住食完一隻又一隻！而且冇咩辣味小朋友都食金獎涼白肉 - 肉質嫩滑,沒有過多調味,讓食材例如蒜蓉豉油豬肉，本身的香味展現得淋漓盡致。氣鍋雞 - 雞肉肉質鮮嫩,在高溫氣鍋中煮出香濃的湯汁,已經隔走啲油好細心花枝丸、魚豆腐豆花炸醬撈米線 - 係呢間餐廳嘅王牌！綿滑的豆花搭配好滑的米線,炸醬汁唔算好重味精，但係又夠晒濃味，肉碎粒唔算好多肥豬肉，撈埋一齊食，口感豐富。花枝丸鮮嫩多汁,魚豆腐中規中矩,肥牛、魚蛋鮮菌蕃茄湯米線 -蕃茄湯底都幾濃味，而且味道唔假！唔會好似飲緊茄汁咁！肥牛肉質鮮嫩,魚蛋Q彈爽口清爽檸檬茶蜜語水果茶 水果茶夠晒健康

呢間「小瑪哥米線」餐廳嘅裝潢設計簡約大方,坐落灣仔一帶，價格親民，令人好感。首先,來到呢度試左佢地嘅氣鍋雞二人餐，當中有：「招牌氣鍋雞」，雞肉鮮嫩多汁,氣鍋雞係保有濃濃雞湯甜味,配合佢地獨特配料,係好好嘅味覺體驗，亦有屋企飲湯感覺，好窩心。而「涼拌金耳」呢盤涼菜係招牌菜之一，係金耳雪凍後切厚片，既開胃又養顏,搭配日式醬油同芥末汁，好似食緊刺身咁！非常適合夏天食用。另一道推薦就係「金牌口水雞」,肉質細嫩,皮脆汁多,辣醬突出唔同嘅口味層次,好夠味!至於「金牌小鍋米線」呢,麵條Q彈甜脆,再加埋辣肉湯濃郁鮮美嘅湯底,好味！二人餐另一碗係「豬骨清雞湯米線」,湯頭清爽味道香濃。飲品方面,「凍水果紅茶」則清香爽口,都係夏天消暑必飲嘅好選擇。食完辣一定要叫返杯！

i have been a rice noodle lover and this restaurant is amazing, i have been revisiting it and decided to leave a commentJust a set of $2XX hkd for 2, but could enjoy so many delicious dishes and it is so worth the price! The starts comes in quite a big portion and definitely not a bite size, very well-seasoned and filling. The chicken soup is definitely the best dish, the natural and condense taste of chicken and i could not help to keep drinking! This beef taste like an Indonesian cuisine and g

灣仔米線選擇唔多 食咗呢間返唔到轉頭！入到去老闆娘已經好好招呼咁樣執位俾我哋坐雖然已經八點幾九點先食 不過都仲係全場滿席好多人呢個招牌氣鍋雞餐一定要嗌又好味又抵食首先要讚呢個前菜 絕對唔係慳皮 成條青瓜成村木耳咁多 個拌汁好新鮮 有啲啱啱切起嘅生蒜粒 超正超香口食完開晒胃停唔到氣窩雞湯喺招牌一定要嗌！淡淡雞味 好足料好香 自己煲絕對煲唔到咁濃郁咁好飲嘅雞湯主菜叫咗水煮魚 麻辣香口 魚片好滑好新鮮米線揀咗兩碗清啲嘅 好少何食到啲咁彈牙有咁滑嘅米線 好滿足甜品冰粉都唔錯 水果茶甜到啱啱好唔會過甜 水果好足料好多 咁多嘢食都只係兩百幾蚊雖然食到飽到黐咗線 但係真係好滿足好滿足！準備無限encore

米線之旅嚟到灣仔！豬骨湯x清雞湯個湯底好香，味道都唔會好鹹，食完飲湯都冇問題，唔會好口渴油雞樅菌呢個菇菌勁香！每次夾幾條，啲雞油味落咗湯，再加上有啲麻油味，佢炸過，超級香口，臨尾到油落湯，香到爆！家鄉珍寶米線超級多料，有大蝦球、魚蛋、雞肉、竹笙、酸菜、炸醬、油雞樅菌、韭菜、芽菜、腐皮、生菜！昭通醬雞翼昭通醬係雲南特產，味道帶辣帶甜，超級香！雞翼即叫即整，噴晒煙熱辣辣上枱，雞皮好脆，配埋昭通醬，餸咩都好正！啲豬耳點昭通醬超好食！蜜語水果茶一定要嗌呢杯，勁大杯，好多水果，勁抵飲！用咗蜜桃茶做底，水果有紅肉火龍果、橙、西瓜等等！

小瑪哥米線！傳承30年正宗風味，一口米線！當然要去！仲要見到小同，好開心！😆😆香茅豬扒涼伴米線加雞翼啖啖肉！可口惹味！凍檸水大大杯！清涼爽快！環境坐得舒適!

小店主打雲南菜，原來此店已開業三十年，搬新鋪加入左創新原素，令口味更大眾化。氣鍋雞套餐，包括頭盤小食+氣鍋雞+主菜+主食+甜品或飲品。涼拌金耳：金耳屬於菇菌類，煮熟後冷藏，有D似食魚生，配wasabi和日本豉油食，口感爽滑，清新開胃。香茅豬扒：煎得香口，肉質鬆軟，配青瓜絲，不會有油膩感。山珍氣鍋雞：原個傳統氣孔陶瓷鍋上枱，打開蓋陣陣鮮雞湯撲鼻而來，金黃色既雞汁，加上滑溜既雞件、竹笙、菇類，食落啖啖鮮甜，而且不含味精，實在令人津津樂道。鮮菌蕃茄湯米線：蕃茄湯底用新鮮蕃茄熬製而成，米線掛湯力強，索晒味道濃郁既蕃茄湯汁，酸酸甜甜，仲帶點菇菌香。玫瑰冰冰粉：透明既冰粉，加上芝麻、玫瑰花醬、紅糖水，美味既甜品。總結，食物即叫即做，製作用心，老闆又會關心我哋對食物既意見，絕對值得支持既小店。

記得以前有一排喺太古城返工，成日都會去阿詩瑪食米線，貪佢環境闊落好坐之餘又喺商場入邊唔使走出去，但自從無響太古城返工之後都好少去嗰頭，前排㩒下Openrice 發現已經執埋，有啲可惜~ 點知居然俾我同老公誤打誤撞發現呢間米線舖，原來係同阿詩瑪同一個班底~ 上星期同老公去灣仔有少少嘢買，買完之後行過呢間舖頭，望落幾新又係食湯米線，所以一於試吓~ 入到去見到啲介紹先知原來係同一間~ 由於我哋都費事諗食乜，就叫咗個二人餐氣鍋雞套餐，氣鍋雞除咗食雞肉之外，重點係飲佢啲湯，加咗菇菌煮，令人飲落好舒服，雞肉都非常嫩滑，我同老公好快就食晒全鍋~ 小鍋米線當然係必叫，酸酸辣辣啱晒我~ 總括嚟講同我響太古城食過嘅味道都差唔多，回憶返哂黎~

#fafafoodblog粉麵 #fafafoodblog灣仔 🍴山珍氣鍋雞 88 蚊🐥有筍 雞肉 山竹 氣鍋雞好香甜既湯底🍴金牌三寶米線88 蚊酸辣湯底 豬扒 大蝦球 炸醬🦐🐖豬扒同炸醬另上 炸醬好夠肉味 香辣惹味 豬扒煎得好香 帶 d香芧味 仲有彈牙大蝦 湯底 酸辣得黎夠清 湯都飲得 正🍴鮮菌蕃茄湯底米線72 蚊有爽口既腐皮 肥味既辣肥腸 同辣雞柳🔥🐥 蕃茄湯幾香甜 仲有好多野菌增加食米線時既口感 正#蕃茄 #酸辣 #米線 #豬扒 #肥腸 #炸醬 #蝦球Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#小瑪哥米線灣仔莊士敦道211號地下 ab鋪~~~~~~~~~~~~#fafafoodblog #為食花太郎 #fafafoodblog灣仔====================

是日去完灣仔會展，行咗成日超級肚餓😐 喺會展行番去灣仔快啲睇下有乜食🥹🥹 行到灣仔莊士敦道見到呢間小瑪哥米線晚上八點幾仲燈火通明，見到果氣鍋雞餐牌賣相好吸引！🥰🥰又咁岩坐咗八九成客，唔洗點等位，就拿拿臨快啲入去醫肚☺️☺️一入去就感受到待應好熱切既招待，雖然食物只係一般茶餐廳價位，但服務好有分別👍🏻👍🏻梗係好果方面🤣令我地食得好開心舒服啦😊😇小瑪哥米線係用QR code 落單，有圖有字有價錢，所有食物飲品一目瞭然🤗我地兩個人想食得豐富啲就叫咗個氣鍋雞二人餐😃 套餐包括氣鍋雞一盅，前菜一客，主菜一客，甜品或飲品兩杯😄 氣鍋雞真係好好味！好有屋企feel! 又多食材！好多雞！前菜和主菜的選擇都非常多😃我地就揀咗昭通醬雞翼作前菜，一客四隻😆好惹味呀😊😊我唔客氣一口氣食咗三隻😂😂老友唔會同我計既🤣🤣主菜我地叫咗鎮池酸菜魚，真係食到川菜風味既辣😌配上兩碗白飯，一流！甜品我地當日無哂豆腐花喇🥲兩客都叫咗玫瑰冰冰粉，味道都唔錯，食完辣野整番碗，平衡下😍😍小瑪哥米線 (灣仔)灣仔莊士敦道211號地下A-B號舖

夜晚黎到呢間 小瑪哥米線 為左佢既氣鍋雞而黎架😬 上網睇到有人介紹呢間米線舖嘅湯好出色 咁就要黎試下啦～ 見到必點招牌山珍氣鍋雞啦😋 米線都有唔少湯底同埋配菜選擇 仲有唔同既小食同埋涼菜 氣鍋雞 $88必點！熱辣辣成個燉盅咁上枱😍 好香飲落好濃郁 入面好足料 有雞、鮑片、香菇、竹笙～凍凍地 飲完成個人暖笠笠 好好味😋 召通醬雞翼 $25因為呢個醬而好奇想試下係咩味 雞翼好入味 啲肉脹卜卜 煮得啱啱好👍🏻 鹹鹹香香幾好味😋 跟餐叫左兩杯野飲凍檸茶同凍豆漿 豆漿甜度適中 不錯😌 金牌小鍋湯米線叫左雞肉同埋牛肉兩個配菜 兩樣都有好多呀 雞肉唔柴 牛肉大塊有牛味 呢碗湯底叫左小辣 酸酸辣辣好開胃😋 金牌小鍋湯米線呢碗就叫左麻辣雞肉同埋竹笙呢兩個餸 麻辣雞肉好滑好入味😋 竹笙吸哂酸辣湯好正！呢碗叫左中辣 食得辣既一定會覺得好正好過癮🤣 整體來講 呢間小瑪哥米線 環境舒適 店員服務不錯 食物質素不錯 一定會為個氣鍋雞再黎😇

今晚係灣仔覓食見到openrice都多人讚呢間餐廳嘅氣煱雞天氣凍凍地就想飲下d熱湯🍲就決定入去試吓推介呢個熱辣辣的招牌菜——山珍氣煱雞$88個湯好甜好濃郁嘅雞湯香味😋😋😋😋😋唔覺有味精超級正👍有幾件雞肉、竹笙同埋菌類如果可以大煱d就好喇😚涼拌魚皮$48呢個都係我至愛🥳唔係咁多地方可以食到所以如果餐廳有我都會點魚皮好爽口好好食辣辣哋好惹味鍾意食辣野既朋友啱曬🙌🏼熱玫瑰蜜糖甜度剛剛好👍唔會好甜非常潤喉餐廳係間小學隔離非常之近灣仔地鐵站A3出口店舖座位寬敞舒適店員服務態度又好nice上菜亦好快整體感覺都好舒服😌好良好😊其實餐廳仲有多款米線同小食選擇下次再試埋佢同地再食氣煱雞

環境4分：响電車站隔離，位置非常方便。卡位好坐，夠寬敞，光猛又唔嘈，可以畀四分。衛生5分：有紙巾同搓手液，自助區有飲用水自己斟，不經人手，地方乾淨衛生，畀五分。服務 5分：用QR Code點餐，非常方便，服務員快手快腳唔囉唆，態度十分之好，服務滿分。味道5分：1)    跟餐菊花蜜好甜好潤，加三蚊非常抵飲。2)    豬骨清雞湯米線要左四個餸，分別係魚豆腐，雞翼，菜同冬菇。雞翼好腍，魚豆腐好鬆，唐生菜好爽好新鮮，冬菇就好軟熟，米線夠滑。3)     氣鍋雞好足料，雞湯好濃，入面有幾舊雞，連埋Ｄ雞肶菇好入味，好味到幾啖就清曬。4)     紅油水餃一客半打，皮薄餡靚，唔辣但惹味。5)     金奬涼白肉都係一客半打，肥瘦分明，爽口唔嚡好味道。抵食5分：百零蚊一個人有足料雞湯同四餸米線加兩個小食，仲連杯熱飲，非常抵，五分。