小瑪哥米線

營業中

休息中

從灣仔地鐵口一出來，走幾分鐘就看到這家米線餐廳裝修的很新淨、簡潔寬敞，店員也很熱情好客，讓人覺得舒適自在！## 酸菜魚米線酸菜的酸爽味道滲透進魚肉中，使其更加鮮香可口。米線細滑而有嚼勁，吸附著湯汁，充滿了魚的鮮味和酸菜的香氣，富有層次感！## 昭通醬雞翼雞翼上面的昭通醬汁色澤深褐，透出一股誘人的香氣，令人垂涎欲滴，咬下去肉質鮮嫩，味道濃郁！## 哈尼牛肉番茄米線湯底的顏色鮮紅，充滿了番茄的酸甜，令人胃口大開！米線上面還有兩個雞翼，最特別的是搭配的哈尼牛肉，香濃的味道，牛肉鮮美，是不容錯過的美味！## 蜜語水果茶一大杯中有西瓜、橙子和火龍果等多種水果，色澤鮮豔好誘人，一口飲下去甘甜水潤，清涼而解渴，帶來愉悅的心情！## 百香果蘆薈檸檬梳打百香果的酸甜與檸檬的清新相互融合，蘆薈的加入，增添了一種獨特的口感，十分滑嫩，讓這款飲品更加特別！## 玫瑰冰冰粉細膩通透的冰粉，口感滑嫩，帶有微微的彈性。玫瑰花的香氣沁人心脾，當冰粉與玫瑰花香交織，甜美而不膩！

收左工之後 想同同事簡單食啲野先返屋企同埋今日又想食啲清淡啲嘅嘢所以就入去食個清湯米😝我就叫咗個豬骨雞湯米線揀咗木耳雞肉同埋蝦平時食譚仔米線，就算叫清湯食完都會好口渴但呢間我感覺食完好舒服啱晒想食得清啲嘅朋友仔雞肉嘅份量都比譚仔多同埋啲蝦好彈牙啲蝦嘅size比我想像中大隻👍🏻想食得健康啲，所以加咗個菜份量有啲少，但係啲菜都算翠綠新鮮我同事就叫咗個小窩米線揀咗餃子魚豆腐同炸醬炸醬比起譚仔多 味道上就有啲唔同佢唔似譚仔嗰種酸甜口味同同事一齊食飯，點都要叫啲小食share下先開心所以我哋叫咗個昭通醬雞翼第一次食呢種醬味道酸酸甜甜都幾開胃Overall嚟講間餐廳都唔錯坐位都幾舒服仲有把風扇仔😆如果夏天嘅話應該好有用

呢間啲米線幾好食！嗌咗金牌三寶米線，香茅豬扒香氣馥郁，肉質嫩滑，香茅味道濃烈，超正！蝦仁新鮮又彈牙，鮮味十足。唔好忽略咗炸醬，濃郁鹹香，同米線搭配得天衣無縫！仲有小鍋米線係酸辣湯底，料足味美，加埋芽菜同韭菜等等，清香又開胃。米線口感彈牙，入口滑順，絕對係一碗值得回味嘅好滋味！另外朋友嗌咗豆花撈米線，呢樣超特別，出邊未食過，而且免費配有蕃茄同炸醬，推介一試！小瑪哥米線 (灣仔)灣仔莊士敦道211號地下A-B號舖

🌾【湾仔转角遇见的云南味｜一锅鸡汤慰藉香港胃】 **🍲 汽锅鸡** 锅里浮着金黄鸡油，汤头清亮却鲜得扎实。竹笙吸饱了汤汁脆生生的，鸡肉轻轻一抿就脱骨。连喝三碗才想起要留肚子吃米线。 **🍜 金汤小锅米线** 朋友说酸菜和肉末是灵魂，我却独爱那口汤——酸辣分寸极妙，既不呛喉又能逼出薄汗。米线滑溜，挂得住汤汁，加一勺店家自制的油辣子，瞬间理解云南人乡愁的滋味。 **🐟 滇池酸菜鱼** 黑鱼片嫩得可疑，酸菜发酵的香气很正，汤底比想象中温和。**🍗 昭通酱鸡翼** 酱料甜辣交织，焦脆鸡皮裹着汁水丰盈的肉，连骨头都想嗦干净。 **🌹 玫瑰花冰粉** 解辣神器非它莫属。手搓冰粉带着小气泡，红糖水里漾着真实的玫瑰花瓣，吃完齿间留着淡淡花香。

同老公情人節係公司附近食！簡單啲係灣仔小瑪哥都食到滿足的一餐❤️豆花炸醬米線搭配雞肉冬菇🐥 豆花撈米線口感獨特，雞肉好多、冬菇厚身！美味滿溢😘口水雞配飯🥳 香氣撲鼻，雞肉鮮嫩多汁，亦唔會太重口味，令人垂涎欲滴🤤召通醬雞翼😝特色小食，酥脆甜美，下次絕對再來一份！涼拌木耳😎酸酸地，好爽口！蒜泥白肉配皮蛋：白肉豐腴多汁，搭配清新黃瓜可解油膩😝皮蛋有流心！令人回味無窮

食物唔錯，但一個人食嘢嘅服務真係好差。我花咗差唔多100港幣，但短短五分鐘就被一位侍應同一位女侍應打斷。我淨係得唔夠15分鐘食嘢，呢個真係完全無法接受，令我覺得非常差。餐廳有兩人桌同四人桌，但如果你一個人嚟，通常會被安排喺四人桌上，仲可能因為對面座位空咗而被要求換桌。即使其他客人食嘢只需30分鐘，他們都會不停打擾你，問你要唔要換桌。因為佢哋嘅管理唔好，我甚至無法食完我的餐。我唔建議一個人嚟呢度食嘢，因為即使你花咗將近100港幣，都無法享受到安靜的用餐時間。

今日黎到灣仔食左一間好食既米線，值得介紹比大家，呢到坐落環境好舒服，唔會好迫，裝修簡簡單單首先，我地就叫左個前菜涼拌海蜇食，海蜇既口感好脆口，加埋醬油同埋香油，味道非常開胃，係一個好好的前菜主食我地就分別叫左皮蛋嘶嘶雞飯同埋家鄉珍寶米線皮蛋嘶嘶雞飯個名就好特別，其實係雞肉放係面，然後下面係切左片既皮蛋，加埋淋左既辣汁，味道好夾，滿足左平時小食想食皮蛋但又想食肉，我地配蕃茄米線，好濃既蕃茄味，食落好滿足！家鄉珍寶米線就有好多餸，碗面入面有大蝦球、魚蛋、雞肉、竹笙、酸菜和炸醬，加埋米線，個湯底好鮮味，食落覺得應該係冇用味精，大蝦球鮮甜，魚蛋彈牙，雞肉嫩滑，竹笙同酸菜嘅搭配更加提味最後，我地仲叫左個通醬雞翼，雞翼燒到個皮脆脆地，通醬的味道濃郁，帶有少少甜味，咬落去肉質非常嫩，真係好夠味！食到停唔到手總括來講，呢到既食材新鮮，味道正宗。而且價位合理，係食米線既一個新選擇

難得約咗朋友聖誕出嚟玩天氣凍凍哋，就一齊去試呢間小瑪哥米線🍜主菜方面，我叫咗碗金牌小鍋湯米線，我本身唔食得好辣，但呢碗金牌米線辣度啱啱好，微酸辣得嚟又惹味😋 我叫咗兩個餸，白菜餃皮薄饀靚，豬肉好好食，配搭埋白菜一流呀！另外我叫咗魚豆腐，一啲都唔硬，仲非常之彈牙爽口！我朋友就叫咗碗豬骨清雞湯米線，佢話豬骨雞湯味濃好飲！佢就叫咗四個餸，有肥牛、豆卜、白菜餃同辣腩肉，佢俾咗啲餸我試，肥牛同腩肉肉質鮮嫩，豆卜一食直頭爆汁添，好正呀😋小食方面，我哋叫咗兩款涼菜，宮廷醬茄子好入味呀，沾滿醬汁嘅茄子入口即融🍆 金蒜油拍青瓜食落清清地，間住其他餸菜食一流呀🥒 另外我哋仲叫咗紅油水餃，一共有6隻，但比起小鍋米線一啲都唔辣，啱哂我！飲品方面，我叫咗杯熱雲南黑糖紅棗薑茶、朋友叫咗杯熱清潤菊花蜜，兩杯飲品都熱辣辣，飲完暖笠笠☕️☕️ 最欣賞呢間餐廳所有食物都好食之餘，食完完全唔口乾無味精，一流！

屋企人最鍾意食米線，連鎖嘅已經食到厭，於是帶佢試下新嘢。小瑪哥米線原來同以前係太古開咗好多年嘅阿詩瑪雲南風味軒同一個老細，味道有保證。當晚我地嗌咗個二人餐，份量好大，唔洗加一，好抵食。二人餐包一個小食，二人份嘅氣鍋雞，一個主菜，兩碗米線/飯，仲有兩份甜品。小食㨂咗以前從來未試過嘅涼拌金耳，附上豉油同wasabi，好似食緊刺身，金耳質地彈牙，大推!估唔到米線鋪有氣鍋雞食，雞湯好正，入面仲好足料，有唔少雞件，竹笙，菇，金耳，好味又暖胃，而且唔油，唔會有層雞油浮面，整得好好。主菜㨂咗酸菜魚，魚片新鮮無骨，入面居然仲有寛粉萵筍同芽菜，啱晒鍾意食辣嘅人。小鍋米線湯底惹味，同酸菜魚超夾。甜品款式特別，平時其他餐廳好少有得食。豆腐花同冰粉都滑捋捋，啱晒食完酸辣嘢refresh返。餐廳裝修新淨光猛，冷氣都足，坐得舒服。Overall嚟講選擇多同質素高，值得encore

召通醬雞翼，雞翼嘅味道辣辣地，而且整得幾香，口感上比較脆身，而且每一隻都大大隻，加埋餐廳獨家嘅醬料，味道都幾特別，我同朋友都鍾意食雞翼，所以就叫咗五隻，整體發揮都唔錯！香茅豬扒配炸醬拌飯，餐廳嘅香茅豬扒係自家製，所以味道都非常入味，而且非常林身，覺得送飯簡直就係一流再加埋佢嘅炸醬，送飯更加好食，炸醬辣辣地非常開胃！而且份量非常多，鍾意食炸醬嘅朋友不能夠錯過！木耳（小份）餐廳如果叫飯餐嘅話會送一份木耳，味道都唔錯，作為頭盤嚟講，幾好食！金獎涼白肉，我哋就叫咗唔辣因為朋友唔係太食辣，蒜泥白肉餐廳做得幾好，佢用咗而家自家製醬汁再加埋蒜蓉放喺上邊，五花肉都唔算太肥，容易入口，做得唔差！豬骨清雞湯米線（兩餸）我哋就揀咗呢一個餐廳自家熬製嘅豬骨清湯米線，米線都幾大碗，再加埋芽菜韭菜嘅配料，都幾大份！配料方面，我哋今日揀咗兩個餸，包括有辣肥腸同埋肥牛！肥腸非常好食，我哋覺得好入味，而且起碼有七至八件，肥牛質素都唔錯，正正常常我覺得合格以上！百香蘆薈檸檬梳打，佢加入咗呀嫲子同埋百香果，加埋梳打，口感上唔會太甜，配埋嘢食都唔錯，幾鍾意百香果同埋梳打呢一個配合！鹹檸七，餐廳嘅自家製咸檸，加埋七喜嘅味道又係

呢間餐廳間唔中都會嚟食下午茶，平時通常叫四餸嘅蕃茄湯麵😂今次同朋友嚟第一次食晚飯，原來夜晚都有二人餐，見到套餐都好豐富，食完會飽到上心口😂環境幾舒服，有幾張卡位坐！今次點咗個氣鍋雞套餐小食揀咗涼拌金耳：呢個係來自雲南嘅菌類，係一個特別嘅食材，亦都係第一次食，如果就咁食呢係冇乜味，但係點豉油就好似食刺身咁，食落去幾有驚喜山珍氣鍋雞：呢個天氣凍凍地，食呢個啱晒，可以保暖！就好似燉雞湯一樣，湯好鮮甜，亦都好夠味！除咗鮮雞，仲有鮮菇和竹笙！雞件都有好多舊，燉完啲雞肉仲有味，可以食埋。香茅豬扒，煎到幾香脆，香茅味好出鮮菌蕃茄湯米線： 份量都好多，好濃嘅蕃茄湯，湯底不會稀，米線都好彈牙豬骨清雞湯米線： 清雞湯清清地，仲有生菜同腐皮，腐皮食落去都比較滑玫瑰冰冰粉： 呢個都係比較特別，玫瑰黑糖撈冰涼啫哩，淡淡玫瑰味，上面呢再鋪芝麻，食落去更加香水果茶：紅茶浸住大量水果，有西瓜，火龍果及檸檬等，好清甜好解渴，啲生果仲可以食埋。

✔️氣鍋雞，天氣而家開始轉涼，點少得養返個熱辣辣嘅湯，餐廳嘅湯係冇用過任何味精，所有嘅湯底非常濃郁嘅雞湯，而且佢有好多唔同嘅材料，本身就非常鍾意飲湯，所以覺得佢呢個做得非常出色！絕對唔會飲完好鹹，真材實料，非常好飲！✔️召通醬雞翼，第一次試呢一個醬，佢嘅味道係甜甜地，再加上少辣，作為小食嚟講呢一個味道，我覺得非常開胃，而且雞翼我哋有五隻，我同朋友本身我非常鍾意食雞翼，佢嘅味道配搭上幾好，鍾意食雞嘅朋友唔可以錯過，味道幾特別！✔️金獎涼白肉 • 原味, 佢嘅肥瘦嘅平均，而且唔會剩係得肥肉，所以整體上入口再加埋蒜蓉，我哋都覺得佢非常夾，佢都切得比較厚身，所以呢一份嘅份量我哋都覺得唔會話太少！所以呢一個價錢係同區來講絕對唔係話好貴 CP值幾高！✔️金牌小鍋湯米線，鴨紅，高荷片，嚟到呢一間專門食米線嘅餐廳點少得叫返碗米線食！佢個湯底係用自家製嘅湯底亦都唔會話好咸，味道整體上我覺得可以！好少餐廳用鴨紅，所以同朋友就選擇咗呢一個配料，入口都非常嫩，同米線嘅口感都幾夾，米線都唔會話住得太淋，整體非常挺身，鍾意食米線嘅朋友都可以試吓呢間餐廳！而且佢嘅位置非常方便係電車站隔離，如果搭地鐵嘅話就大概行3分鐘就可以

最近天氣凍想食啲暖笠笠嘅嘢行過灣仔見到呢間米線舖見唔洗點排隊直入 所以就入去試下店員好好笑容又好有禮貌嗌咗個二人餐 $248份量勁多 包頭盤小食 主菜 兩碗米線 湯 甜品頭盤: 昭通醬雞翼雞翼都醃得幾入味 昭通醬好香 雞翼肉質鮮嫩唔會太油 又有青瓜中和下 推薦👍🏻/湯：招牌氣鍋雞雞湯暖笠笠 好鮮甜 而且好多嚿雞好足料而且份量都好多 /豬骨清雞湯米線豬骨湯底好香 米線彈牙 /鮮菌蕃茄湯米線蕃茄湯好濃 唔會太甜/太酸 調味啱啱好米線彈牙 /主菜：滇池酸菜魚魚肉質滑溜，酸酸哋好開胃！湯底辣度啱啱好，唔會太過火。魚肉吸晒湯汁好入味。/甜品: 山水豆腐花豆味好濃、滑捋捋、唔會太甜，大推！總結: 算有驚喜，食得太多連鎖嘢想轉下口味嘅，大推呢間！

老老實實 小瑪哥呢個名的確唔係好吸引😂但米線又ok wor!! 自己食過幾次～✨招牌炸醬豆花撈米線配雞肉生菜$63✨豆花味幾香但唔夠滑夾埋米線一齊食其實唔係好食得到豆花既質感所以唔係好明點解會將兩樣野撈埋一齊食🤣整體感覺偏甜 但勝在d餸夠多👍🏻個人最推介雞肉！✨香辣涼拌撈米線配肥牛雞肉$68✨味道有d似豆花撈個個汁 少少甜但e個惹味d不過唔好以為佢叫香辣會好辣呢間d辣點都唔會好辣😂涼拌米線好適合夏天食🌞其實除左撈米線 我都有食過佢既湯米線個人最欣賞蕃茄湯 好濃好好食😍不過而家總熱熱地 遲d冬天先再食整體黎講係唔錯既 米線大大碗一定夠食重點係餸又多 總要送埋野飲以前佢既香糯茶好好飲 不過而家變得苦澀左係衰在佢出餐時間好慢…有時又漏野咁…

{豆花炸醬撈米線 - $66}今日又去開灣仔做嘢，見到呢間米線出面寫住三十年老字號！本麻甩之前竟然冇留意到，為咗呢份歉意，即時行入去，枉然呢個決定係冇錯嘅。♦️豆花炸醬撈米線食之前完全冇辦法想像到呢個係咩黎，估唔到豆花用嚟撈米線係咁好味，滑滑嘅豆花充滿豆香，原來配合炸醬同埋辣油撈埋一齊竟然有一陣麻婆豆腐嘅氣息！麻婆豆腐撈米線已經好好味！再加埋兩個餸，包括咗豬大腸同埋腩肉！成件事更加麻甩化咗！每樣食材份量都唔少，而且本身嘅味道亦都好濃，成個午餐我覺得好滿意！最正係仲會送埋凍檸水一杯！性價比算係好唔錯！美味程度：😋😋😋😋😋環境指數：🎇🎇🎇🎇番食機會：🦍🦍🦍🦍📍 #小瑪哥米線 (灣仔)灣仔莊士敦道211號地下A-B號舖