小火焰韓式咖啡廳 (金山樓) (已結業)

早兩日出咗大圍，原來大圍都有小火焰韓式咖啡廳 Aidan Cafe 而家啲學生返半日，所以 lunch time 有好多學生去食.落單係自行寫紙，我寫咗”走飲管”，成功走塑..蜜糖芥末雞扒泡菜炒飯 $68 & 拉絲芝士烤豬拌泡菜炒飯 $78，兩款都係焗飯有芝士，點會唔好食，加埋泡菜炒飯中和返啲芝士，所以唔膩，世一～ .追加泡菜 $10 同 芝士夾餅 $15，餐飲要咗凍綠茶鮮奶 & 凍朱古力咖啡，兩杯各加 $13，沖得幾好飲又夠大杯，甜度濃度啱啱好.

門口好可愛的韓國餐廳🇰🇷都幾多人排隊等候😉聽說出名係炸雞喔🍗熔岩芝士炸雞麵包🥯 $158打卡之選😚個麵包入面充滿晒好多好 多芝士😍我係芝士控 所以好鍾意❤️一切開流晒出黎！ 炸雞都唔錯😌😌炸粉唔算太厚墨西哥片個醬鹹咗少少🤏芝士海鮮菜餅 $78呢個有好多蔬菜🥬同魷魚🦑係底上面又係芝士🤪🤪個邊都係脆夠薄身 但有點偏油了😉朋友說上面的泡菜都幾辣（喜歡吃辣泡菜的可以試試）拉絲芝士香燒雞翼伴泡菜炒飯 $78哈哈 又係芝士😌😌食到飽飽了個炒飯都辣的！有點似大家樂的焗豬扒飯個隻味😗Purple sweet potato latte $35Salted caramel coffee $32Honey ginger tea +$3 (跟餐）小火焰韓式咖啡廳大圍大圍道1-35號金山樓地下4號舖

去了大圍踏單車，肚餓了，想搵餐廳，唔熟大圍，於是去左op做功課，見呢間評價挺好，自然期望也高，可惜相當失望！門面好大有點韓國feel彩繪，但入面裝修非常普通，而且有點髒亂。點了（需加一）🐱辣炒豬肉蓋飯$88份量挺多。可惜相當難食，飯是半涼的一舊舊，豬肉也大多是肥豬肉。像是在吃一大碗未完全溫熱的隔夜飯。所以再肚餓也吃剩了一大半。🐱柚子明蝦水冷麵$88在拍片搞動麵的時候發現了一條頭髮。其實在餐廳不罕見，於是立即換了一碟。味道算是不錯，酸酸地挺開胃，蝦也挺身，不過說實在換過的食物其實我不太有信心，所以也只是稍稍試了個味。🐱凍朱古力咖啡$36算是挺正常，賣相也不錯，朱古力味挺濃！本來有想過點甜品，不過因為整體感覺一般，就沒有再加點了。

極喜歡韓風，小火焰有好幾間分店，終於殺到入嚟大圍，實在太好啦！平時行過都見到企左好多人喺門口等位。今日成家人一齊去幫襯，因為早去嘅關係，六點拎定飛，頭幾張枱已經到我哋，唔駛等好耐，實在太好了！坐低，諗都唔使諗，即刻問佢有咩味嘅炸雞，叫咗最傳統嘅甜酸醬，聽朋友講呢度嘅炸雞仲好食過好多轉炸雞嘅舖頭，梗係要試啦！上枱先發現原來炸雞有配年糕，佢啲年糕係又有條條嘅，可以有好多醬喺面嗰度，同一般出邊粗身嘅唔同，呢個有年糕配炸雞真係一流呀，酸甜汁配炸雞，有少少辣，炸雞皮脆肉亂，裏面仲有肉汁，脆皮襯埋嗰個酸甜辣汁，真係忍唔住炫耀選埋手指啊。另外仲有佢嘅炸紫菜卷，都非常之好味，我呢啲只做節咋紫菜卷來點埋啲酸甜辣汁，真係物盡其用，一滴都唔浪費啊。再嗌左炒粉絲，呢度嘅炒粉絲比一般食嘅韓國菜鋪，味道看香好多，口咁油煙銀好多，配菜都特別多，我覺得又抵食又好食，屋企嘅小朋友食完一碗有一碗，個個都讚好食！另外叫咗韓式魷魚，佢嘅賣相同張相對比就有啲出入，不過都大大碟，仲要鐵板上，上枱嘅時候咋渣聲熱辣辣真係好吸引。啲魷魚都算林，佢嘅配菜十分之多，好在冇叫炒雜菜，估唔到佢嘅炒粉絲同魷魚嘅配菜都咁多，一般食韓國菜都比較少才

今日同男朋友黎到大圍搵食，OpenRice見到呢間叫小火焰韓式咖啡廳既韓國菜唔錯，所以就黎食dinner。我地叫左個二人套餐，包括香芒炸雞沙律，韓燒豬頸肉，迷你滷豬手粉絲鍋，柚子明蝦水冷麵，白桃乳酸特飲，巨峰乳酸特飲同埋奶油芒果窩夫。香芒炸雞沙律，炸雞外脆內軟，而且雞件都好入味，配上韓式甜辣醬，十分開胃。沙律菜配上香芒，口感十分fresh。韓燒豬頸肉，肉質十分嫩，燒完仲有少少脆，上面係韓式辣醬，同豬頸肉好match。迷你滷豬手粉絲鍋，豬手非常彈牙，最中意係佢個湯豬骨湯底，十分香濃。柚子明蝦水冷麵，第一次食水冷麵係有柚子肉，感覺幾新奇，蘿蔔湯底唔錯，蝦肉亦夠新鮮。奶油芒果窩夫，窩夫食落十分鬆軟，配上芒果雪糕同芒果果肉，酸酸甜甜，十分好食。中意食韓式菜既朋友，千祈唔好錯過大圍呢間小火焰韓式咖啡廳，除左食物水準高，性價比亦都唔差。

已經有一段時間冇食韓國嘢，今日去開大圍就去咗金山樓小火焰韓式咖啡廳食嘢。今次order咗韓國煎餃子蕃茄湯烏冬、大醬牛肉粉絲鍋，甜品揀咗糯米糍3.6牛乳雪花冰，另外飲品有熱柑桔蜜同埋熱柚子蜜 。韓國煎餃子特別大粒而且內裏餡料有傳統韓式醬料味道，且肉料飽滿，外面亦煎得啱啱好金黃色 ，襯埋蕃茄烏冬食，食得出好濃烈嘅蕃茄田園味道。大醬牛肉粉絲窩嘅粉絲就用咗傳統韓國粗身粉絲，好爽滑而且牛肉又嫩及好有牛肉味。糯米糍3.6牛乳雪花冰，有朱古力雪糕球及朱古力糯米糍，糯米糍煙煙靭靭，雪花冰軟滑香甜，真係好豐富，呢餐又食到好滿足。

大圍多小食就係人都知，有好多茶餐廳車仔麵等等，開咗間韓國餐廳喺呢度好唔同！成日都見到好多人排隊。之前食過一次覺得好抵食而且有好多款，所以今日決定再encore!午餐menu嘅款可能係數一數二最多嘅餐廳🤣有水冷麵，炒粉絲，焗飯，泡菜炒飯等等等等係咁多款入邊我哋揀咗甜薯咖喱吉列豬扒飯同埋大醬黑豚粉絲鍋最正嘅嘢係可以追加小食，每款小食嘅價錢都好平，而且可以無限追加，令到午餐更加豐富！我哋加咗泡菜，涼拌大豆芽，牛油雞翼😍每款$10，正！泡菜同埋豆芽酸辣酸辣好開胃！而且豆芽爽脆，分量都唔少，兩個人食一定足夠。香蒜牛油雞翼外脆內熱，香蒜和牛油味都有👍🏻性價比高。下次可以試埋其他追加小食👍🏻大醬黑豚粉絲鍋 （$62）呢道菜喺餐牌上有兩個辣椒，的確有少少辣。不過辣得過癮。呢道菜係配上一碗飯，個湯送飯一流。而且入邊嘅配菜都唔少，有豆芽蘑菇同埋翠玉瓜。主角黑豚肉好嫰，好食！值得一讚嘅係個鍋上菜嘅時候d湯仲係滾嘅，即叫即煮熱騰騰！甜薯咖喱吉列豬扒飯 （$62）份量超大而且睇落好吸引呀！塊豬扒好大塊，而且個吉列皮唔會太厚，脆脆地好香口。豬扒肉質鮮嫩，厚身得黎容易咬。咖喱少少甜甜地唔算太辣，再配上流心太陽蛋撈飯

今次來到大圍呢間小火焰，人氣真係極之高，星期六黎都，本來應該十二點先開門，但係十一點半喺門口已經大排長龍，睇黎大圍居民真係好鍾意食韓國嘢。今次就嚟叫咗佢個二人餐，小食叫咗佢個泡菜，泡菜夠曬辣，而且娃娃菜都算幾新鮮，夠曬爽口。個牛柳芝士沙律真係好好食，牛柳牛肉味好重，而且好嫩口，配埋芝士嚟食真係一流，啲菜都夠新鮮，作為一個前菜非常之出色。韓式豚肉飯，夠曬新鮮辣口，食落好過癮，而且豬味都幾重，配埋韓國既米飯真係一流。人參雞湯夠曬正宗，人參味好重，仲會將酒另上比客人自已落幾多，d酒度數都幾高，建議大家量力而為，唔好落咁多。個海鮮湯好鮮味，海鮮都幾足，配埋個掛到湯既粉線，真係幾唔錯。d蝦都大大件，爽口彈牙。最後個北海道3.8牛乳布丁真係好正，好嫩口，奶味好濃郁，而且凍食好正，作為一個收尾既甜品，食完夠曬滿足。

朋友生日，特別選了這家韓國Fusion菜「小火焰韓式咖啡廳」吃晚餐。唔係講笑，呢間韓國Fusion菜甜品正到暈，賣相特別之餘，食落又好味，唔怪得咁多人食啦！⭐️招牌菜》熔岩芝士炸雞麵包 $158 超推介🔥芝士拉絲效果超正，炸雞食落非常juicy，墨西哥脆片加上芝士醬好惹味，令人回味😌，還有少量沙律菜中和下，冇咁漏。⭐️特色菜》羽衣甘藍特色菜餅🥗$68羽衣甘藍夠特別，菜餅雖然比較薄身，但亦非常有咬口，好有口感！⭐️正到痺甜品》糯米糍3.6牛乳雪花冰🍨$68我最期待的甜品，不負我所望，糯米糍薄薄的外皮包住忌廉餡，朋友大讚好味，底層的雪花冰滲透着朱古力醬，加埋頂層的朱古力味雪糕，好滋味😋。下次一定帶埋孖寶黎食呢個，非常正🥰。

好似好耐冇食過韓國嘢，係openrice碌到呢間幾乎冇劣評既餐廳，立即坐言起行🏃‍♀️一行三人，星期五既午餐時間去試下！menu內既選擇真係花多眼亂，真係會心大心細😯 見食評話水冷麵好食，叫左個北寄貝水冷麵，一個牛肉番茄烏冬，加配左兩個小食，半份提子蜜糖炸雞，蝦仁泡菜煎餅。滿心期待的水冷麵，味道同想像好有出入。食落有陣陣好似漫金油味，啲面都好難咬😐 炸雞完全係炸過龍，搞到啲肉好實😵‍💫小食之一既泡菜餃，都係再炸😑野飲叫左被蜂蜜紅棗茶，完全冇味😐唯一好味既係番茄烏冬同牛肉😥煎餅只能用一般形容。好失望呀☹️

喺大圍做完啲嘢已經係下午2點幾行到去老麥附近發現一間韓國餐廳因為唔係太多人,唔洗點等位就決定入去食個下午茶啦 提提如果大家無安裝安心出行嘅話可以用餐廳會提供另外一個QR code 填電子表格, 店員話可以坐低先慢慢填 坐低打開菜單發現下午茶都好吸引但係個肚打鼓咁所以睇埋另一本全日菜單的確呢本啲野係啱晒肚餓時間食今次一共點左三樣嘢食兩個係小食包括係蟹籽韓式卷蛋另一個係酥脆蘑菇雞翼 先講下卷蛋先, 因為同行朋友唔食得蟹籽, 所以先問左店員可否唔加蟹籽好彩店員話只要落單時做remark 就可以呢份卷蛋可以話係加厚版嘅蛋包飯!因為入面包著嘅野韓式紫菜飯!但係個飯我自己就認為淡左少少如果有加多啲麻油就會更香所以主要味道來源係靠上面嘅沙律醬同埋辣醬但放心, 當兩個醬加埋左一齊就中和返所以唔食得辣嘅朋友都可以食到!! 另一個酥脆蘑菇雞翼就食到我地心心眼呢個雞中翼位置已經去左骨另外入面包著芝士同埋蘑菇一啖咬落去, 先食到燒到脆脆外皮, 然後就到芝士嘅香味, 成個雞翼唔會燒到好柴, 入面仲好juicy呢個真係大推介 到主食方面點左淮山麵因為未試過, 同埋感覺上健康啲麵底係蕃茄湯另外仲有一碟泡菜肉食其實有

今日同老婆仔去到大圍行街見到間店舖食韓國料理就想嘗試一下門口睇落好有風格食物款式繁多最後我地叫左2人套餐頭盤選擇左A區沙律香芒炸雞沙律超級開胃芒果超甜炸雞勁脆，雞肉醃製過再炸，再配合韓式雞醬味道十分濃郁仲有啲粉絲脆卜卜口感超正韓燒豬頸肉外脆內軟配合韓式辣醬簡直絕配巨峰乳酸梳打佢用嘅冰粒非常細粒店員仲提醒我哋飲前攪拌一下服務態度一流迷你滷豬手湯底超級濃郁勁重豬骨味仲有幾片年糕細細鍋啱晒女士們柚子明蝦水冷麵奶油芒果窩夫芒果味雪糕勁正窩夫🧇

一直都好鍾意食🇰🇷韓國菜😍特別係依家去唔到旅行✈️更加掛住之前可以去韓國的日子🥲之前成日經過大圍呢個美食天堂都會見到呢間🍴小火焰韓式咖啡廳 今日終於約到朋友一齊去食下午茶🎉一去到就比門口🖌️壁畫吸引🪅好colourful同有用心畫因為下午茶嘅關係，有好多小食都係加十蚊左右就有所以就同朋友加左🫕辛辣小杯年糕$10份量好足 而且辣度對我來說剛剛好，年糕又煮得好淋同入味👍🐤 甜辣韓式炸雞$10甜甜辣辣😋雞皮炸得很香脆啖啖肉🐥當然要食埋主食~~🌶️🥟泡菜餃子拌淮山麵$42淮山麵煮得好軟岩曬我表面還有椰菜絲及好多蟹籽好足料，而泡菜餃子就好惹味👍仲叫左🍳太陽蛋牛肉炒粉絲🐂$42係流心蛋喔而粉絲炒得好彈牙，加上食材的醬汁好配合最後當然唔少得甜品🍨🍦係另一個胃🤣因為比佢嘅外型吸引，所以點了爐板闆燒布朗尼$78岩曬朱古力控嘅我😋仲有埋雪糕不得了還有很多香脆配料一齊食，好有咬口大滿足而且餐廳地方又大坐得都好舒服，可以同朋友好好咁傾計飲野食野值得再有機會食

知道大圍好多好西食，不過今次只可以快食咁就搵間平平地架啦好耐無食過韓菜，見呢間平平地又多選揀，就入左黎食啦!平日下午一點半，都唔駛等位同埋地方都大，座得幾舒服泡菜醬燒黑豚拌飯大大碗，都抵食既但又唔係話超好食果隻黑豚煎得香香地，不過唔係好識分普通豬肉同呢個黑豚有乜分別咁$68，都唔好要求咁高既溫泉蛋野菜牛肉蕃茄湯待應上菜時，真係以為俾錯野，因為D湯係黃黃地同MENU既紅色蕃茄湯好唔同雖然唔係難食既，不過唔係想像中想要既野溫泉蛋野菜牛肉就好D既，D醬都好味飲品 : 凍即磨咖啡(凍飲加$3) ，熱蜂蜜生薑茶 (唔駛加錢，似開水果隻蜂蜜生薑茶)

☀️烈日當空，想食D酸酸辣辣既開開胃口！於是我同寶寶一致通過去🔥小火焰擦番餐！ 就算大圍出名多嘢食，但小火焰仍然排晒隊！因為哩度既Set lunch 好食又抵食！💰-我order 左泡菜燒牛肉拌飯 🥘（$68）有泡菜、紫菜撈飯勁開胃，用上肥肥短短既日本米🍚Good！燒牛肉🥩牛味濃亦夠嫩口，再吸一啖岩鹽焦糖冰啡，🥤爽呀！-寶寶就Order 左蜜桃豬扒焗泡菜🐷～ 喜歡🍑蜜桃甜甜又清新的感覺，加上焗🧀芝士遇上豬扒；一絲絲煙韌既口感，❤️‍🔥好韓風呀！-跟餐+12 可以Beer一Beer, 🍺跟冰杯上，爽呀！吉列蠔🦪（+$12）外面脆脆、入面鮮嫩蠔味又濃，係必加小吃！另外仲加左燒鰻魚，2人$211 已經捧腹而回大滿足✌🏽