小火焰韓式咖啡廳 (金山樓) (已結業)

放工緊係要周圍去食見大圍新開呢間韓國野一於約埋朋友仔去試一試望一望餐牌見到有二人餐價錢唔貴又多野食就試一試$368呢個餐啦首先沙律選擇左香芒炸雞沙律鐘意炸雞酸甜 加埋甜芒果好食食完沙律就上小食揀左韓式煎餃子4小舊 炸得香脆 唔錯到主菜加左$48叫左大蝦龍蝦海鮮鍋鐘意食海鮮既我覺得唔錯有龍蝦 蝦 青口等海鮮而粉絲都索哂啲湯味 而另一個主食叫左炮菜肥牛炒粉絲唔小心兩碟都叫左粉絲不過係兩個唔同既分味炮菜相對較濃味 再撈埋肥牛同蔬菜 都唔錯食完飯本身仲諗緊加唔加錢叫窩夫但因為實在食得太飽最後叫左牛乳奶凍但太心急食唔記得咗影相飲品方面凍凍地我飲左杯薑蜜 朋友就飲巨峰乳酸特飲整體黎講都品錯下次同朋友食飯都可以再黎呢間又近大圍站又空間夠大

这家店是朋友之前探到的，听说不错，在一次晚饭时就跟着朋友探了一波，四个人点了两种半份的炸鸡，一份牛肉石锅拌饭，和一个海鲜菜饼，个人觉得这两份炸鸡味道绝绝子，实在是太好吃了，这两个半份都是四块炸鸡，正好一人一块，拌饭和菜饼就稍逊一些了。

之前行過成日都見好多人排隊 咁啱約住大圍嘅朋友食飯 佢都推薦食呢間 去到係下午茶時間都多人等緊位 同外賣 令我期望值提升🤪🤪入到去都幾多位 空間感唔算好大 但我地坐沙發位都舒服嘅雙重芝味炸雞🍗呢個係朋友推薦必試 我地叫左半份 有4件 2隻雞腿 1隻雞翼 1件雞胸 全部超級超級好味 食第一啖已經有驚艷嘅感覺😋 出邊未食過😆 即炸炸雞 皮脆肉嫩超juicy 夾埋熱熔芝士 同芝士粉 滋味爆燈🥺🥺好似去左韓國咁😋😋辣炒豬腩肉拌飯呢個係朋友另一個推薦必試 上到菜見到好吸用 有大量豬腩肉 翠玉瓜 紅椒 紫菜 同啲飯一齊撈埋食 簡直米飯殺手😋😋 豬腩肉食落唔肥 好爽 翠肉瓜爽口 紫菜撈埋啲飯 好軟糯香口 不過記得要熱食啊 攤凍左就冇咁滋味🤪泡菜豆腐鍋驚唔夠食 我地揀多左個午餐 凍凍地要個湯 泡菜味同辛辣味好出 都幾辣 香濃麻油味 頗正宗 都有好多粉絲😋 可惜豆腐只有少量🥺🥺辛辣年糕更餐價加$10 份量都好足 味道夠辣夠入味 可惜有啲overcook🥲芝士夾餅都係跟餐加嘅小食 一塊餅底夾著芝士 味道正常 若果係有拉絲效果就更正飲品點左巨峰乳酸特飲同埋綠茶拿鐵 前者好濃巨峰提子味☺️飲落好爽 後者味道較

大圍勁多好野食。泊好車就慢慢搵，不過好多都要等好耐。見到依間新開嘅韓國野都幾坐左幾多人，但又有位。所以就入左去。唔知係唔係新開嘅關係，入面好多人。價錢十分親民。唔想煩就直接叫個二人餐。香芒炸雞沙律想食炸雞又想健康小小。依個就啱哂。炸雞同芒果好有趣依個組合。韓國式煎餃子正正常常，新鮮煎，熱上。韓國式炒粉絲份量好多，差d 食唔哂。大醬龍蝦海鮮鍋依個要加錢，女友想食龍蝦。好辣，好正宗。龍蝦都好肉。每人都有2~3舊兩杯跟餐嘅飲品。味道正常，冇伏。

比我發現到大圍有間好食又抵食既韓國餐廳《小火焰韓式咖啡餐廳》餐廳位置係大街，大圍站出行大約5-8分鐘就到，大大間好多座位，我地黎係星期日關係，入面已經座無虛席睇下餐牌，決定左叫大醬牛肉粉絲鍋、泡菜燒豬頸肉拌飯，另叫左3款小食同2杯野飲天氣凍凍食呢個粉絲鍋真係正送到黎d湯仲係滾起大醬湯辣辣地可以暖下身而且牛肉份量好多，粉絲又多，仲有金菇，翠肉瓜等配料仲跟埋碗飯泡菜燒豬頸肉拌飯-又係好份量十足既一碗燒豬頸肉好好味，甜甜地又juicy 沾埋韓式醬汁一齊食 正呀👏🏼 一層厚厚紫菜作拌飯加小食係無限量（$10-$16）辛辣小年糕好好食，其實係小辣，酸甜居多，食完一舊又接一舊凍抹茶拿鐵同熱紫薯拿鐵味道香濃🌟配上一塊朱古力曲奇，浸下杯紫薯拿鐵😍

晚餐去左大圍嘅小火焰食韓國野，之前都聽過佢地d韓國野唔錯，仲有好幾間分店~今晚一個人食，叫唔到太多野試。叫左一個牛肉石鍋飯，同埋香芒炸雞沙律。牛肉石鍋飯比想像中大好多，我唸最少飯底都有一碗半，配料方面，牛肉係有帶甜味嘅醬汁煮過，份量都唔少，牛肉唔韌，食落有咬口，肉質都唔錯。其他配料有豆芽，醃黃蘿蔔絲，蘿蔔絲，梨絲，玉子蛋條等等。石鍋飯其中一樣就係要夠熱，而佢地嘅石鍋夠熱，而且厚身keep都個溫度，食到一飯再撈都見到有煙出！而飯底係珍珠米，擺落石鍋都唔覺乾，邊邊會食到有飯焦~而香芒炸雞沙律，炸雞大約有五件，多算幾大件，做到外脆內軟，配左偏甜少少辣嘅醬包住炸雞。炸雞雞肉肉質嫰滑，整得唔錯。沙律份量正常，沙律醬偏多，食落都清新，沙律菜都新鮮。今次一個人試得唔多野，下次可以再試其他~~

迷你溫泉蛋蟹籽沙律：溫泉蛋煮得啱啱好，吉穿佢可以撈埋啲沙律一齊食唔錯。迷你明蝦蕃茄沙律：淨係同個溫泉蛋蟹籽沙律差唔多，不過係多咗隻蝦。忌廉蟹肉餅：成塊餅主要都係忌廉，蟹肉就比較少，不過都係新鮮炸 好脆口。芝味韓式炸雞：三件炸雞，上面有d芝士醬，略嫌鹹咗少少。辣炒豬腩肉拌飯：個飯除咗有豬腩肉之外，仲有翠玉瓜，所以食上來唔會好寡。辣嘅程度亦適中。茄子牛肋蕃茄湯烏冬：個烏冬同茄子牛肋係分開上，牛肋都有唔少，不過茄子就比較少。食落好惹味, 唔錯!跟餐有2杯免費飲品 我地撰左蜂蜜柚子茶同蜂蜜紅棗茶。$100-200 想食韓式食品又唔想出尖沙咀 呢間平平地都唔錯喔!

身為大圍人，點可以未試過呢間係大圍站附近嘅小火焰🤣🤣！呢間韓國餐廳，其實已經之前食過兩次，今次就介紹埋比大家啦👍🏻今次叫左呢個弘大二人餐（好掛住弘大），真係好多野，前菜除咗三小碟之外，仲要有醬油蝦！因為太心急，無影到相就食左😅😅我哋揀咗個炸雞，同埋沙律，個炸雞都係因為太好食，又係食咗一半先記得影相😅😅年糕好林，好入味，基本上每次黎都會食呢個炸雞😍雪香牛骨湯鍋，個湯勁好飲，好濃牛味，初初以為個牛骨會好硬，但入口都ok，但個湯真係無得輸。牛肉石鍋飯，最黎係因為食唔晒，外賣第二日當lunch，但隔咗一日，整返熱依然好好食，好足料。最後仲有個甜品，今餐真係好豐富😆👍🏻

秋冬最好就係踩單車，黎到大圍踩單車順便試下早年係大圍開左既韓式食店小火焰牛肉石鍋飯石鍋飯黎到仲好「咋咋」聲，熱辣辣，影左相之後已經急不及待 撈埋韓式辣醬同蛋黃品嘗。石鍋飯有小小飯焦，食落口都有小小香脆，有蛋黃、牛肉、芽菜同蘿蔔配飯一齊食非常滿足，味道大部分都靠辣醬調味，喜歡食辣既就記得撈多d.炸雞蜜汁炸雞味道甜得黎唔會好滯好開胃，炸雞都好香脆，雞身都好滑同juice ，配埋提子乾食，會帶有小小酸甜味，味道更加多層次。飲品大大杯，唔可以唔打卡啦，熱果味都好足，酸甜度都剛好，有氣既梳打配埋炸雞食 好夾沙冰芒果味 正正常常既味道，沙冰屬於係韓式牛奶冰，入口好軟滑，奶味適中，但配埋雪糕食就跟特顯芒果味口感都幾豐富。總結：韓式食店，各式各樣既韓式膳食都有得選擇，大班朋友踩完單車黎食就最適合不過

之前kt已經食過幾次 估唔到會開到黎大圍咁近我就梗係要試下😛有多款韓式料理 就連烤肉同湯鍋都有至hit既芝士炸雞麵包 新分店都一樣有～.◽️蜂蜜提子脆米炸雞🍗 $108食韓國嘢好自然就會想食炸雞😚雞身外脆內嫩幾好食 蜂蜜味好甘甜～有得用黎癡脆米增加口感😆仲有用提子乾都幾特別 甜甜的可以有層次感🥰.◽️牛肉石頭飯 $108七彩顏色既石頭拌飯熱騰騰～仲有生雞蛋可以拌飯 好治癒😛最緊要係加埋辣醬一齊拌先禮成食落帶點辣辣的 夠香口.◽️芒果布朗尼3.6牛乳雪花冰 $88好耐無食了 芒果🥭好甜😍雪花冰整得好幼細 綿綿的布朗尼連埋冰一齊食外層冰冰的 質地濕潤仲有芒果雪糕點綴～.◽️青蘋果熱情果梳打 $55記得早幾年好hit而家好似少咗好多人打卡😂其實嗌依啲都幾抵因為夠大杯可以飲好耐🤭味道都夠清爽可以解渴～.總結，環境都算大間食物款式同觀塘店嘅差唔多個炸雞幾好食😚水冷麵好似都吸引咁卦住韓國野既話都可以食下

話說有個朋友對韓式炸雞情有獨鍾，有日喺OR發現到大圍有間平民價嘅韓國餐廳，就誠邀咗朋友由屯門入嚟同我食😋📍 大圍大圍道1-35號金山樓地下4號舖🐷豬五花炒粉絲超大份，我同朋友兩個人都K.O.唔哂個粉絲。配料多多有瓜又菇，雖然唔係韓式傳統配料，但好足料，粉絲都好入味。🔥辛辣小杯年糕跟午餐set加$10就有喇，超抵食，微微辣，年糕唔會overcooked，幾煙韌👍🏻🦐韓式煎雜菜蝦餅配料有少少似日式大阪燒（加咗椰菜），但煎到好薄身好脆邊，出面韓國餐廳通常得泡菜&煎餅粉，呢間做得一啲都唔馬虎，擺盆又靚，心機之作☺️🍗炸雞Combo充滿咗芝士醬同芝士粉嘅薯條，勁邪惡😂韓式香辣醬炸雞幾juicy幾，唔會好厚炸粉，我會想返兜試埋其他味😋雞軟骨就冇落調味，但即炸熱辣辣，啪完一粒又一粒。🍹荔枝乳酸特飲味道都唔錯，唔會太淡口，食完一堆邪惡同辣野fresh返下係唔錯之讚。食咁多樣野都只係二百幾，主食大大兜好抵食，整體食物性價比都幾高👍🏻

遠處都見到呢間門面好Sharp嘅韓國餐廳Lunch時段款式都好多選擇。「鰻魚燒蕃茄湯烏東」鰻魚啖啖肉，份量都幾多，同烏東分開上，唔怕被湯浸到味道變淡。「樂天兒童餐」小朋友嚟到一樣開心，皆因有飛機造型嘅兒童餐，見到都已經好開心。跟餐仲有「韓國梨汁」唔會太甜，好味「泡菜」一定要追加小食，+$10真係勁抵。泡菜辣辣地夠惹味，韓國菜必點「奶凍」滑嘟嘟...豐富奶香味下次要晚市時段再嚟試下其他款

心血來潮想食韓國菜，去到小火焰門口，發現要等位，喺門口嘅時候有個餐牌可以先俾你預覽，款式好多有石鍋飯水、冷麵、Kimbum、炸雞等等……附送嘅小食泡菜、醃蘿蔔、海帶，都十分出色。

韓國菜，我諗女仔基本上都唔抗拒。相比意大利菜，法國菜，男生更唔介意陪女朋友食。聽聞呢間韓國餐廳既平民價又高質，仲要唔收加一！入到去環境都算大同舒服，基本上都係半梳化卡位。我地order左以下幾款試吓：泡菜鰻魚燒伴飯️以為會好普通，點知出乎意料之外。賣相吸引，顏色豐富，塊鰻魚仲要唔細舊，再加上有粟米粒、黑木耳絲、紫菜、泡菜撈飯，用料夠大方。北寄貝水冷麵「水冷麵」係香港第一次食，餐廳有幾款可以選擇，我揀咗北寄貝。碗麵有舊冰係湯匙度，應該係想食客自己放係湯度令到食個陣啲麵都keep住夠凍。另外有半隻蛋、甘筍絲、青瓜絲，仲有梨絲，口感好過癮。麵質比較偏韌，但好適合夏天食好開胃。明洞餃子炒粉絲因為見啲餃子好吸引，所以嗌呢個簡直係一舉兩得。粉絲入面加左冬菇、金針菇、椰菜同翠玉瓜一齊炒，唔算多油，餃子夠大隻而且微煎過，好味！炸雞Combo小食點得炸雞，呢個Combo一次過可以試哂三款小食（雞軟骨，甜辣炸雞，芝士醬薯條）都係要讚啲份量好夠食，雞軟骨脆卜卜；炸雞啲雞肉唔dry夠juice；反而薯條因為淋咗芝士醬同芝士粉，食完覺得好漏。

今日黎左大圍探朋友，朋友鐘意食韓國野，我咁順得人就同佢一齊食韓國野，夜晚黎到要等下位，都幾多人 朋友食個啲我就無影啦，同大家share下我食左啲咩柚子明蝦水冷麵 $108+ 雖然天氣涼左但都係好想食水冷麵，平時自己唔洗食辣淨係食熱野都好易流鼻水，水冷麵真係岩曬我😻 蝦大大隻又爽口，柚子香甜，麵量仲要唔少，性格比高炸紫菜卷 價錢平，$48有5粒，炸得幾香，外脆內軟，入面內餡類似粉絲嘅粒粒，都幾好食荔枝乳酸特飲 $38+ 好大杯，冰量唔算多，份量合理，店員放低野飲時提醒撈勻杯底嘅乳酸先飲，飲落冰涼充滿荔枝味，岩我口味