影片
更多
2024-03-19
1831 瀏覽
前排知道依間餐廳唔做，覺得好可惜又有一間好食又有人情味嘅餐廳做唔住🥲。點知原來係改名原班人馬原址重開，一知道佢哋開番即刻打電話book枱同班friend試吓有冇變化。鋪面同以前都差唔多，係西九對面間7-11旁邊，好易搵到。裡面都同之前一樣，卡位都唔少，大部分位都算闊落。因為我哋嚟之前有預早打電話book枱，所以送咗一碟小漁鈁名物：椒鹽豆腐🤩同以前一樣好好食！豆腐好嫩滑，外殼個脆皮薄薄一層而且調味充足，椒鹽味都好夠，必食！難得我哋六個人嚟到小魚鈁當然要叫下魚鍋！今次叫咗青椒鯛魚鍋，鯛魚爽脆有口感，小辣辣度輕微一般人都接受到，青籐椒啲麻香好夠！成鍋都好香好好味，而且裡面有好多菜，有萵筍，芽菜，青瓜，秀珍菇。我哋連湯都飲咗幾碗😂估唔到轉咗名仲有新嘢食：椒鹽鮮魷。外皮香脆可口，唔單止得咸味，我自己覺得本身外皮都有啲喼汁味所以唔點嘢都好好食！鮮魷炸得啱啱好，嫩滑多汁，一啲都唔硬。小食我哋仲叫咗雞絲鵝腸，之前無食過，今次一食即刻愛上，調味有辣度，雞絲嫩滑唔老，加埋鵝腸爽口同佢啲油脂，味道豐富，勁滿足嘅小食！朋友唔食得辣所以叫咗薑蔥魚春魚卜，魚春有炒/炸過，好香口惹味。魚卜好入味又滑又夠油脂，又香又
鋪面同以前都差唔多，係西九對面間7-11旁邊，好易搵到。
裡面都同之前一樣，卡位都唔少，大部分位都算闊落。
因為我哋嚟之前有預早打電話book枱，所以送咗一碟小漁鈁名物：椒鹽豆腐🤩
椒鹽豆腐
16 瀏覽
0 讚好
0 留言
同以前一樣好好食！豆腐好嫩滑，外殼個脆皮薄薄一層而且調味充足，椒鹽味都好夠，必食！
青椒鯛魚（小鍋）
$164
22 瀏覽
1 讚好
0 留言
難得我哋六個人嚟到小魚鈁當然要叫下魚鍋！今次叫咗青椒鯛魚鍋，鯛魚爽脆有口感，小辣辣度輕微一般人都接受到，青籐椒啲麻香好夠！成鍋都好香好好味，而且裡面有好多菜，有萵筍，芽菜，青瓜，秀珍菇。我哋連湯都飲咗幾碗😂
椒鹽鮮魷
$98
20 瀏覽
0 讚好
0 留言
估唔到轉咗名仲有新嘢食：椒鹽鮮魷。外皮香脆可口，唔單止得咸味，我自己覺得本身外皮都有啲喼汁味所以唔點嘢都好好食！鮮魷炸得啱啱好，嫩滑多汁，一啲都唔硬。
雞絲鵝腸
$168
25 瀏覽
0 讚好
0 留言
小食我哋仲叫咗雞絲鵝腸，之前無食過，今次一食即刻愛上，調味有辣度，雞絲嫩滑唔老，加埋鵝腸爽口同佢啲油脂，味道豐富，勁滿足嘅小食！
薑蔥魚春魚卜煲
$132
91 瀏覽
0 讚好
0 留言
朋友唔食得辣所以叫咗薑蔥魚春魚卜，魚春有炒/炸過，好香口惹味。魚卜好入味又滑又夠油脂，又香又好食！雖然我自己鐘意辣所以都係鐘意麻辣魚春魚卜，不過薑蔥會乾身啲而且唔辣，食唔到辣嘅人都食得！
上湯娃娃菜
$62
18 瀏覽
0 讚好
0 留言
清炒萵筍
$62
63 瀏覽
0 讚好
0 留言
另外為咗健康我哋仲叫咗兩個菜😋上湯浸娃娃菜同清炒萵筍，兩樣都好食，夠味又唔會煮過耐。
食完我哋每人大約$140，我哋仲有叫飯叫酒同嘢飲，所以每人$140我覺得今時今日出街食飯又好食真係好抵！而且我個日去仲要無加一！最緊要係味道同以前一樣有水準仲有新嘢食，大家有機會特別如果你鐘意食香口嘢/辣嘢一定要試吓！記得打電話問吓仲有冇豆腐送😂
張貼
