小清邁 (柯士甸大廈) (已結業)

龍眼水：🧊非常清爽的飲品，有助於消暑解渴。龍眼的味道和香氣非常獨特，❤配合少少甜度，冰鎮後更加美味。泰式炒飯：🔥非常受歡迎的主食，在泰國餐廳和街頭攤都可以找到。這道菜以米飯、肉鬆、腰果和肉類為主要材料，🍚配合了泰式香料和醬汁，味道惹味可口。飛天炒通菜：🥬簡單但美味的蔬菜菜品。通菜是一種非常健康的蔬菜，這道菜以通菜和蒜末為主要材料，🫶🏻加上少量的辣椒和鹽，炒至熟透即可。#tsimshatsui

味道正宗，由泰國廚師主理，吸引再好多外賣客，見到佢地外賣訂單超多，做唔停手，好在野食都出得好快，等一陣已經出整餐～❤️乾炒大蝦河粉 好多新鮮大蝦球既足料炒河，口味好泰式，又香又有鑊氣～而且唔會炒到碎濕濕，好味!!🧡菠蘿炒飯 炒飯粒粒分明，有肉鬆腰果灑面，壓到密質質，超大盒，多到可以分2餐食咁!! 又好味又香口，性價比極高💛托文蝦餅 牙膠打到好彈牙，炸到好香脆，點埋泰式辣醬油甜甜辣辣更加正💚椰汁西米糕 甜度岩岩好，椰汁味好香濃，加上軟綿既西米粒粒，正!!💙龍眼水 飲落好甜好香龍眼味，仲有好多龍眼肉係底添

今日放工見到呢間外賣店 由泰國人主理 夠地道 選擇都幾多 有海南雞 炒飯金邊粉 咖哩 串燒 食物即叫即整 所以外賣返屋企都夠熱-🥘泰式炒飯 $58泰式炒飯有豬肉 芥蘭粒 青瓜片 蕃茄仔 蛋絲同 洋蔥碎 調味啱啱好 炒到粒粒分明 但唔油膩 - 🐔無骨海南雞(半隻) $118海南雞份量多 雞肉嫩滑 雞胸唔乾 味道濃郁 而且已經去骨 食得好方便🤣-🧁椰汁西米糕 $24好香椰汁味 不過唔會太過甜 -📍小清邁(外賣店)尖沙咀柯士甸路15A號柯士甸大廈地下A號舖

好幾次經過呢間泰菜外賣店都見有客外賣，表示出品有一定水準。今次專程來買外賣，發現價錢親民，叫咗幾款菜式再加甜品一共5款食品，埋單都只係三百蚊，除甜品外樣樣都即叫即整，真係非常抵食呀。生菜包 : 份量多，肉碎炒得好香托文蝦餅 : 拎到返屋企都仲香脆飛天炒芥蘭 : 炒得夠火喉、夠惹味泰式雞肉炒金邊粉 : 大大盒而且味道唔錯泰式芒果糯米飯 :  芒果香甜，糯米飯煙韌其實仲有其他泰式小食同甜品，如酸辣鳳爪、班蘭千層榚同椰汁西米糕等等，下次一定會試!

地道泰菜唔一定要去到九龍城先食到尖沙咀呢間店，專門經營外賣泰國菜每日Lunch hour 都企滿輪候嘅食客皆因價錢大眾化，即叫即製．熱辣辣...相當抵食✨無骨海南雞最鍾意食泰式海南雞，皆因啖啖肉起哂骨，再加少少辣醬真係好好味✨椰香青咖哩雞打開蓋已釋放出啖啖椰香味，青咖哩唔辣，味道又香濃雞肉份量好多將咖哩汁淋上米飯上，真係可以食到好多碗✨芒果糯米飯泰國野 點少得甜品，泰國芒果好鮮甜，配上軟糯嘅糯米飯加上椰汁更香甜✨柚子沙律滿滿一盒，份量充足嘅柚子沙律柚子鮮甜多汁，係泰式前菜嘅開胃之選✨椰汁西米糕面層嘅椰汁，加上下面粒粒西米食完一件接一件．必點嘅甜品✨炸蝦片金黃香脆，好香口啖啖都脆卜卜，食到停唔到口放喺公司做零食就最適合喇

同男朋友喺度行尖沙咀，點知見到間外賣店俾佢啲嘢食吸引住，所以就諗住買啲嘢食返屋企食👅我哋嗌咗個炭燒豬頸肉，肉質唔鞋都唔乾🫰🏻好食！之後嗌咗個黃咖喱豬配兩個白飯，用汁撈飯一流，食完都仲淨咗一半汁，所以好大兜好抵食🤭甜品嗌咗芒果糯米飯，泰國菜必食🫣我哋各自帶咗一杯飲品，泰國菜又點可以唔飲珍多冰呢，之後就飲咗杯青檸梳打🫶🏻外賣唔驚會冇咗氣，因為佢會俾咗個梳打水你返屋企自己倒🫡✨如果想買外賣返屋企嘅話，不妨喺呢一間度買外賣食泰國菜

前兩日尖沙咀睇完戲 要趕住返屋企睇波😂與其返屋企煮 不如買個外賣慢慢嘆☺️呢間小清邁外賣店 平民價就食到正宗泰國菜🇹🇭😍 質素仲好高 ▫️無骨海南雞飯 ($48)呢個價錢食到個海南雞飯🐔仲要去埋骨真係幾顛 雞好嫩滑又多肉點埋佢個秘製雞醬 酸酸辣辣正呀配埋個黃薑飯 無得輸😍▫️椰香青咖哩雞 ($78)呢個青咖哩雞超正呀😍 椰香味夠重 落左好多九層塔落去 陣味好香 雞肉好滑 個咖哩汁有微微辛辣感 撈飯一流 ▫️泰式炒金邊粉 ($58)Pad Thai基本上次次食泰菜都會揀😍唧少許檸檬汁 金邊粉條條分明👍花生粒撈匀一齊食 撈啲青咖哩汁仲正😂▫️泰式奶茶 ($22)唔係好甜嘅泰茶 可能就返香港人口味我就好鍾意啦 仍然保留個茶香 雪凍左好香滑👍

早排經過呢條街見到呢間泰國菜外賣店都有人等緊外賣，諗住搵日嚟試吓，平日放工就決定嚟！外賣店除咗有熟食外，仲有泰式豬皮、小食同甜品供應，特色芒果糯米飯都只係$30起，好抵食！冬蔭功 $68小嘅份量，2人用就啱晒，每人都飲到2碗架！味道偏辣，酸度啱啱好，加埋香茅、大蝦等嘅配料辣得過癮！脆炸春卷 $68份量多得令人驚喜，足足有10件春卷，雖然唔似出面嗰啲咁大大條，但同樣都係咁多料，仲有大大盒嘅酸甜醬，啱晒我呢啲醬汁控～雞肉串燒 (3串) $54串燒醬汁只得1款，沙嗲味無辣，雞肉本身以經調咗味，食落唔會乾，串燒可以3串咁點，唔似其他餐廳咁要最少點6串，2人就好啱！仲有其他唔同類型嘅串燒選擇添！泰式燒牛肉 $105配咗盒酸辣汁，泰式風味十足！略嫌燒牛肉味道偏咸～

佐敦呢一度，🥰仲有一間正宗嘅泰式外賣小店，提供多款地道風味，包保你食得好滿意。無骨海南雞😋皮香肉滑，而且雞肉好鮮嫩，每一塊，都可以食到雞皮嘅爽口，🥢同埋雞肉嫩滑嘅口感。泰式拼盤 （春卷/蝦餅/雞翼/雞肉串燒）$168一次過可以試多幾款，🤓所以都好滿足，有香脆的春捲，🦐招牌嘅月亮蝦餅，同埋入味嘅雞翼。更加有正宗嘅雞肉串燒。香芒糯米飯🥭飯後甜品，少唔到佢哋招牌嘅黑芒果糯米飯，原塊嘅新鮮芒果切片，😍再加埋香濃嘅椰汁，🍚煙韌嘅糯米，完美甜品作結。

今日係尖沙咀行完街，唔想煮飯就係附近見到呢一個間泰式外賣店😍 懶得煮既我就買左幾個餸做晚餐🥣酸辣無骨鳳爪 $58鳳爪口感爽脆，無骨可以一口食一隻🤤集齊甜、酸、辣既味道，好開胃無骨海南雞(例) $88🐓海南雞份量多🤩皮薄爽滑，雞肉味道濃郁且已經去骨，超方便😍椰香黃咖喱豬 $78🌶黃咖喱的味道濃郁，唔算太辣☺️椰香味香🤤用黎撈飯一流芒果糯米飯 $45芒果多汁甜鮮而且份量多🤩糯米飯帶微鹹淋上椰醬 好滿足泰茶 、泰綠茶 ＄22第一次試泰綠茶，顏色好靚☺️帶有綠茶清新的香氣

呢間泰國餐廳位喺尖沙咀,正正係平價嘅外賣店,但佢地嘅食物卻係甚有特色,有不少正宗嘅泰國料理。我今次買左3樣嘢試下:一隻無骨嘅海南雞飯,一個滷豬脾,同埋芒果糯米飯先講緊「無骨海南雞飯」,正宗嘅泰式烹調,食落入口,雞肉滑凍凍,味道唔會濃烈,同飯一齊食,味道當之無愧!另外一隻「滷豬脾」,豬脾份量好大,滷汁好 Balance,鹹甜交織,又帶點辣,食完肚係有滿足感!最後係芒果糯米飯,一隻好平衡嘅泰式大餐就此完成!總括嚟講,呢間泰國餐廳嘅食物性價比真係高,如果只係想來點外賣,又或者想體驗正宗泰式滋味,絕對值得一試。

途經呢間位於尖沙嘴柯士甸路嘅外賣店- 小清邁，見食物選擇幾多，而且價錢相宜。咁啱我又中意食泰國菜，於是買外賣回家品嘗一下。今次我點咗4款小菜：泰式鹵豬脾、椰香黃咖哩雞、香葉甲拋肉碎、馬拉盞炒芥蘭泰式鹵豬脾：份量頗大啖啖肉，豬脾配上酸菜味道唔錯，係個幾好嘅下飯菜選擇。椰香黃咖哩雞：正宗嘅泰式咖哩，相比港式咖哩椰汁味濃而去帶有椰汁清甜，口味適中唔會好辣。好啱唔食得辣嘅朋友食。泰式甲拋肉碎：泰式炒肉碎又叫「打拋豬」，傳統嘅泰菜。肉碎配上檸檬草、青紅辣椒，醒胃得嚟十分下飯！味道整體幾好但偏辣，唔食得辣嘅朋友要慎選😂馬拉盞炒芥蘭：鑊氣十足嘅芥蘭配上香濃馬拉盞醬。食得多肉菜再加上炒芥蘭係一個唔錯嘅配搭。除咗小炒同泰式粉麵飯之外，小清邁仲有其他泰式甜品、泰式涼菜、同炸蝦片。中意食泰菜嘅朋友一定要去試下！

同朋友high 完tea☕️經過附近見到呢間《小清邁》好多人買外賣等我都買返啲返屋企加餸😆╰☆黃咖喱炒軟殼蟹 $158軟殼蟹即叫即炸，喺度等嘅時候，已經聞到香噴噴😍軟殼蟹好大隻，拎到返屋企仲熱辣辣，咖喱汁濃郁惹味，送飯一流╰☆酸辣無骨鳳爪 $58酸辣鳳爪，食泰菜必點之一，無骨鳳爪份量好多，酸酸辣辣好醒胃╰☆泰芒糯米飯 $45（大）芒果糯米飯，有大同小份量選擇，芒果肉清甜多汁，糯米飯口感軟糯，落埋個香甜椰漿，好好味😋╰☆椰汁西米糕 $24面頭係清甜嘅椰汁糕，下層係西米糕，再加咗啲粟米，味道唔會太甜，清涼可口╰☆泰式奶茶 $22泰茶顏色偏橘紅色，係正宗嘅泰國奶茶，茶香順滑

放工做完運動 差唔多都成9點幾 唔想慢慢等堂食之際 見到呢間泰菜外賣🥹 一般都好少見泰菜淨外賣 但可以買返屋企慢慢嘆 我就決定揀佢 都幾有驚喜😍 原來佢中午開到夜晚12點 啱晒夜貓👍🏻黃咖喱炒軟殼蟹 $158平時叫開咖喱雞肉/牛肉外賣 今次嘅黃咖喱炒軟殼蟹絕冇令我失望🤓落單時 店員指呢款黃咖喱屬於農夫個款 唔會太辣～ 首先 份量好足 咖喱碗好大 我覺得可以撈3大碗飯 加埋軟殻蟹都有成七、八件 每件多肉又脆🦀（我都拎咗成45分鐘🤫）咖喱質感略厚 加咗好多蛋漿同蒜粒 味道豐富又香油酥餅 $35油酥位食落幾脆口 點埋咖哩一齊食就更perfect 同易入口🤤斑蘭千層糕 $40（常温）千層糕韌度做得好好 軟軟哋 唔會好似大菜糕咁 亦冇出現散層情況😛 斑蘭味香 亦都有啲椰汁香 overall唔會過甜💚馬拉盞炒通菜 $68佢就算係外賣都係大大碟 通菜炒得好香 味道十足 食落爽口😆返到屋企先食都唔會淋晒咁珍多冰 $28店員話正常有3隻色嘅配料 個日賣晒紅色 所以我呢杯淨係黃色同綠色條😜 椰汁香 黃色條爽身 綠色斑蘭味👏🏻泰綠茶 +$10 (跟餐)佢既綠茶味道都算幾濃 飲落帶有少少奶味 而且仲有微微既苦

小清邁有一晚要招呼朋友上嚟我屋企食飯、放工經過尖沙咀呢間「小清邁」，就買咗啲返屋企食，感覺唔錯😬燒豬頸肉豬頸肉都幾彈牙，醃咗味道都啱啱好。豬頸肉燒完之後先再切片、色澤幾靚。泰芒糯米飯🥭🍚外賣包裝會將糯米飯、椰奶🥥、芒果分開包裝，整齊企理。芒果都唔酸，入口甜。糯米飯拎到返去有保鮮紙、所以用微波爐叮一叮熱就ok .椰香青咖哩雞🐔裏面有雞柳切片嘅份量都幾多，青咖喱椰香味幾重、但食完之後都會有少少辣嘅後勁㗎。無骨海南雞（例）雞肉的水份保持得幾好；入口唔會太過鞋。有甜酸汁跟埋一齊，點嚟食幾開胃