影片
更多
2023-02-20
70 瀏覽
放工做完運動 差唔多都成9點幾 唔想慢慢等堂食之際 見到呢間泰菜外賣🥹 一般都好少見泰菜淨外賣 但可以買返屋企慢慢嘆 我就決定揀佢 都幾有驚喜😍 原來佢中午開到夜晚12點 啱晒夜貓👍🏻黃咖喱炒軟殼蟹 $158平時叫開咖喱雞肉/牛肉外賣 今次嘅黃咖喱炒軟殼蟹絕冇令我失望🤓落單時 店員指呢款黃咖喱屬於農夫個款 唔會太辣～ 首先 份量好足 咖喱碗好大 我覺得可以撈3大碗飯 加埋軟殻蟹都有成七、八件 每件多肉又脆🦀（我都拎咗成45分鐘🤫）咖喱質感略厚 加咗好多蛋漿同蒜粒 味道豐富又香油酥餅 $35油酥位食落幾脆口 點埋咖哩一齊食就更perfect 同易入口🤤斑蘭千層糕 $40（常温）千層糕韌度做得好好 軟軟哋 唔會好似大菜糕咁 亦冇出現散層情況😛 斑蘭味香 亦都有啲椰汁香 overall唔會過甜💚馬拉盞炒通菜 $68佢就算係外賣都係大大碟 通菜炒得好香 味道十足 食落爽口😆返到屋企先食都唔會淋晒咁珍多冰 $28店員話正常有3隻色嘅配料 個日賣晒紅色 所以我呢杯淨係黃色同綠色條😜 椰汁香 黃色條爽身 綠色斑蘭味👏🏻泰綠茶 +$10 (跟餐)佢既綠茶味道都算幾濃 飲落帶有少少奶味 而且仲有微微既苦
黃咖喱炒軟殼蟹 $158
平時叫開咖喱雞肉/牛肉外賣 今次嘅黃咖喱炒軟殼蟹絕冇令我失望🤓落單時 店員指呢款黃咖喱屬於農夫個款 唔會太辣～ 首先 份量好足 咖喱碗好大 我覺得可以撈3大碗飯 加埋軟殻蟹都有成七、八件 每件多肉又脆🦀（我都拎咗成45分鐘🤫）咖喱質感略厚 加咗好多蛋漿同蒜粒 味道豐富又香
油酥餅 $35
油酥位食落幾脆口 點埋咖哩一齊食就更perfect 同易入口🤤
斑蘭千層糕 $40
（常温）千層糕韌度做得好好 軟軟哋 唔會好似大菜糕咁 亦冇出現散層情況😛 斑蘭味香 亦都有啲椰汁香 overall唔會過甜💚
馬拉盞炒通菜 $68
佢就算係外賣都係大大碟 通菜炒得好香 味道十足 食落爽口😆返到屋企先食都唔會淋晒咁
珍多冰 $28
店員話正常有3隻色嘅配料 個日賣晒紅色 所以我呢杯淨係黃色同綠色條😜 椰汁香 黃色條爽身 綠色斑蘭味👏🏻
泰綠茶 +$10 (跟餐)
佢既綠茶味道都算幾濃 飲落帶有少少奶味 而且仲有微微既苦味🍵飲落去仲有啲解膩既感覺🤤
張貼
