小曼谷海鮮燒烤屋

營業中

休息中

放工與同事晚膳，去了九龍城太子道西398號御太子地下1至3號舖小曼谷海鮮燒烤屋吃泰國菜。店內雅座舒適，陳設泰國風情，服務員禮貌招待。與時並進二維碼點菜，方便快捷，豐富菜譜，一目了然。 風味燒豬頸肉$108份量十足，肉質爽脆多汁，肉邊燒焦，特別惹味配上泰式醬汁，美味可口。鮮菠蘿海鮮炒飯$83足本份量，炒飯夠鑊氣，飯粒爽口，新鮮菠蘿粒倍增胃口，配上肉鬆，老幼咸宜。泰式炸春卷$72餡料豐富，春卷金黃皮脆，配上新鮮生菜，包卷齊食，美味無窮。泰式柚子沙律 $98擺盤精美，柚子新鮮肉多，加入鮮甜蝦肉，配上酸甜汁醬和脆口花生，更覺醒胃。

🔸青咖哩鴨胸 $88🔸泰式炸芝士蝦丸 $94🔸泰式鮮蝦炒金邊粉 $88🔸榴連沙冰 $45🔸椰青 $38-對上一次去泰國食好西已經係十個月前，好想再飛去泰國食玩買啊！😖 今晚就一於食返餐泰國嘢懷念下先。講到食泰菜，一定係九龍城啦，呢間小曼谷應該係街知巷聞嘅其中之一啊，我都幫襯過幾次唔錯㗎！每次嚟小曼谷唔駛諗必食芝士蝦球，拳頭咁大炸到金黃色嘅蝦球，包住半熔芝士，蝦球本身亦打得起膠好彈牙，必食啊！然後pad thai夠鑊氣，金邊粉連同芽菜、花生碎、蝦球，再唧幾滴青檸汁，就係最泰國嘅風味！最後加多個青咖哩，撈pad thai食又係另一種風味啊～飲品我都係每次例牌飲椰青，清甜解渴，仲可以刮晒啲椰肉出嚟食，有得飲有得食超正！細妹叫咗榴連沙冰，試咗啖都超香榴連，最面仲有一大啖榴連肉𠻹，榴連控必試！

每次想起吃泰國菜，都優先想起這裏，今晚趁着放寬限聚令，便來到了。想不到很多人同我的想法都一樣，今晚全場爆滿，幸好已經訂了位。原來沒有來兩個月，已經轉用了手機落單，方便又快捷。泰式燒盲鰽$168，盲鰽的肉質比較鮮嫩，魚味十足，加些泰式酸辣海鮮醬，味道更好。泰式鹹魚炒芥蘭$72，鹹魚肉質結實，鹹味適中，配合芥蘭，非常合適。泰式乾炒豬肉片河$78，鑊氣十足，加點辣椒雨露，更加惹味。西瓜沙冰$28，冰涼可口，鮮甜味美。泰式冰咖啡$28 ，咖啡味道甘甜，是其中一種最喜歡的咖啡之一。

#小曼谷海鮮燒烤屋 九龍城真的很多泰式菜館，這間屹立不倒咁多年必定是好野😅 就係門口個吹氣公仔已經好吸睛，每次路過都會望🤣平日晚上都滿座，下次最好訂定位先。海鮮燒烤屋就當然係主打烤海鮮，但同時吃了其他泰式菜都相當有水準！今餐又是增肥餐😅🔹牛油蒜蓉燒大蜆 $112 這款真心推薦！烤得超香，不是平常的蒜蓉牛油咁簡單，廚師還加入大量銀魚干，蔥花一起烤，好特別又好惹味😋😋😋😋🔹泰皇咖哩法包軟殼蟹 $198 醬料全是泰國直送，煮法都按照泰國傳統來做，一定有水準。咖哩汁完全係精髓，帶有很香的椰子味，濃度夠！法包加軟殼蟹一起沾上醬汁，令人回味👍👍👍👍🔹泰式炒雜菜 $72 雜菜炒得幾爽口，一貫泰式香味。小曼谷海鮮燒烤屋地址：九龍城太子道西398號御太子地下1-3號舖電話：2716 7868

九龍城出名食地道泰國嘢，好味嘅食肆雲集，今日就去試下小曼谷海鮮燒烤屋～黎到一定要試下串燒，果然唔錯！😋牛肉沙嗲串燒、雞腎沙嗲串燒、翠玉瓜沙嗲串燒 都無令人失望， 帶點微微蜜糖甜味！牛肉好味唔又唔會咬唔斷、雞腎爽口又唔乾爭爭、翠玉瓜好正～外乾身食落又爽翠Juicy~ 冬陰功湯～ 有兩隻超大隻多肉嘅蝦雞髀菇 & 香草配料～😋 湯實在仲可以配飯或同其他野拌食～冬陰功辣酒煮東風螺～好大一煲，最岩三五知己共有一煲， 東風螺全面被汁底包圍，隻隻都咁滋味爽口，帶點微微甜辣勁～

九龍城一向多泰國餐廳選擇, 這次推介這間<小曼谷>. 菜式選擇多, 最緊要係每樣餸都出色口味, 而且價錢亦算中等, 絕對值得一試.泰式煲仔翅($98)~ 熱辣辣, 配料豐富, 仲附上芽菜, 絕對有驚喜.海鮮孖寶($228)~ 可以任配搭兩款海鮮. 選了蟶子(3大隻) 及蒜蓉蒸扇貝(2大隻). 海鮮份量大, 而且有鮮味.泰式咖喱法包軟殻蟹($198) ~ 上枱已聞到陣陣香的咖喱味, 軟殻蟹脆卜卜熱辣辣, 配上咖喱食落口好好味. 小食拼盤~ 可以一次過試曬唔同款的小食. 蝦餅, 魚餅, 春卷等, 抵食😎其實仲有其他好多款菜色仍未食，下次再來既時候一定會再試呀😎🥘餐廳 : <小曼谷海鮮燒烤屋>🍤地址：九龍城太子道西398號御太子地下1-3號舖

💛 #九龍城 #小曼谷收工約咗朋友食飯，工作地點咁近九龍城，緊係要去食吓泰國嘢🤤！「小曼谷」呢個名你一定聽過好多次😌 佢哋燒烤、海鮮、咖喱等等都遠近馳名！👍🏻🍛🥯🦀 泰皇咖喱法包軟殼蟹 （$198）首先一睇到餐牌就覺得呢個超吸引！ 好耐冇食過咖喱法包啦🥺🥺 一定要叫😚 一上枱就發覺自己太貪心嘻嘻🤫 好大個呀🤩🤩 咖喱入面有青椒、洋蔥等等，黃咖喱整得好潔身，好足料😋 軟殼蟹好脆口😚 浸咗啲咖喱又係另一番風味😋 軟殼蟹好正，不過我更鍾意個法包🤣 包面好脆，裏面好軟熟，比咖喱浸到淋曬嘅部分真係好鬼正(肥)😋😋💛🌶🦐🥟 冬蔭鮮蝦雲吞湯 （$128）朋友超鍾意食冬蔭公湯，好啦嗌返個😙 呢個冬蔭公湯好正宗，入面有好多種類嘅香料，但又容易入口，酸酸辣辣巧巧味😋 重點係五隻鮮蝦雲吞，每隻雲吞入面起碼有五六隻蝦😨 咁誇張！啖啖鮮蝦真係好正des ga!💕 小二，黎多兩碗！🙊🥭🍹🥂 芒果沙冰 （$36）芒果沙冰好洁身，偏甜，正宗泰國沙冰，好味💛 不過沙冰都幾飽肚，所以我哋兩個人淨係飲咗一杯😚🥛🥧 椰汁糕 最好送咗兩舊的的色色嘅椰汁糕，上層椰汁，下層西米，特別之處係有啲粟米，增加口感😋👍🏻

每日放工回家必經之路都會看見小曼谷門口有個好得意嘅吹氣公仔~感覺好似揮手在招客😀，其實想試好耐今日終於去試下，打開餐牌真係樣樣都想試即時有選擇困難症，冬蔭功湯相信好多人都飲過，不過佢有個冬蔭雞肉炒公仔麵本人真係第一次食原來非常之好食👍😋~真係好值得推薦，明爐香檸汁蒸烏頭~烏頭魚好新鮮配上清新香檸汁👍，食黃咖哩雞肉又點少得泰式原味烤餅呢~簡直是絕配這裡烤餅非常鬆脆好味再飲個冰凍椰青~perfect 😁

本來期待咗好耐，等放寬限聚令至4人就即刻嚟食返餐，點知食到一肚火！食物質素保持到水準，但服務就真係好唔掂！早幾日已經喺openrice訂定位，早咗少少到攞位，門口侍應叫我去呢張枱，去到又點我去坐第二張枱，都唔緊要，食咗差不多一個鐘，仲有少少就食完，侍應竟然叫我哋坐逼啲讓一邊枱畀2位搭枱坐，吓? 咁坐法咪即是叫我哋同陌生人同枱6人一齊坐??? 唔洗理限聚令距離?擾攘一輪後好彩最終都冇嚟搭枱。但過咗唔夠5分鐘，又有侍應嚟收碟話「叫嘅嘢到齊喇可，可以交返張枱喇可」呢一刻真係好令人，我4個人坐咗一個鐘左右，又要我畀人搭枱又催我走，最嬲係門口根本冇人等位，放寬限聚令你哋想做多轉生意我理解，但一食完啲嘢個椰青都未飲完就叫我哋走就真係好離譜！咁趕客真係唔想再嚟！

聽講九龍城出名食泰菜終於有機會 隨機搵左間試下金邊粉麻麻地 冇咩味 所以唔推介啦但生蝦刺身 生菜包 唔錯😌生蝦刺身幾新鮮 有啲冰擺底 keep住個溫度😋生菜包正常 冇話特別好食haha值得讚係環境唔錯 有現場音樂表演可以邊食飯 邊聽live music💜🤑 泰式生蝦刺身 $118🤑 豬肉拌生菜包 $82🤑 串燒

突然間同朋友都想食泰國菜，就去咗老字號小曼谷。見到有軟殼蟹咖喱農夫包，呢個真係要叫。農夫包非常香脆，用嚟點咖喱食，吸晒啲咖喱好正！軟殼蟹就比平時食開嗰啲較少肉。呢個真係好食，下次都會再叫～🤩另外叫咗條明爐魚，魚好大條，賣相又靚。有好多唔同嘅香料配菜，魚肉夠滑，真係好食又抵食。😎炸蝦餅又係大大件，有淡淡蝦味。蝦餅唔會太林，幾彈牙～😊餐廳食物價錢唔貴，而且食物質素又唔錯，選擇多，值得再去！😗😗

呢間泰國菜喺九龍城都開業多年，而且一向都好多人捧場。晚市一如既往都滿座，而且今晚餐廳仲有歌手喺度唱歌，氣氛相當唔錯。食泰國菜必叫嘅生蝦刺身，生蝦刺身大大隻，而且好爽口。有辣椒及蒜片，仲有泰式酸辣汁，一碟有六隻。泰式炒金邊粉，賣相望落去好似唔夠橙色咁，但係其實味道相當唔錯。夠多花生粒及芽菜。金邊粉味道唔會太酸，份量都幾多。蝦餅估唔到咁大舊，有蝦味，炸得幾好！新鮮又脆，點埋個辣醬，好食。蝦餅都幾彈牙!

每次想食泰國嘢 第一時間就會諗起九龍城 今次揀咗小曼谷海鮮燒烤屋 但是方便就喺路口 點餐用 QR code好方便 把選擇好多 泰式小菜燒烤海鮮都有 我哋點可以下菜式黃咖喱牛腩 $88係咁多款咖哩之中 黃咖哩辣味較低 咖哩味比較溫和而香濃 牛腩炆得好冧鐵板豬頸肉馬拉盞椰菜苗 $92馬拉盞炒菜真係好正 鹹鹹香香又帶點辣 真係好鬼惹味 仲要貼板上保持個熱度 豬頸肉夠爽口 薄切唔會韌泰式芝士烤餅 $32個芝士烤餅真係非常香濃 一上菜就聞到好大陣芝士味 急不及待試一啖 真係好好味 烤餅夠香脆芝士唔會太鹹 本身點烤餅諗住點黃咖哩 但原來就咁食已經好正小曼谷原隻芒果糯米飯 $78必食嘅飯後甜品 飯配上椰漿 同埋 超甜嘅芒果 真係好好食榴槤沙冰 $45平時通常飲開芒果沙冰 見到有榴槤沙冰就試下啦 榴槤味好香 仲有啲榴槤果肉添椰青波波 $45清涼解渴 椰香濃郁今次個泰餐非常滿意 下次要嚟試下佢啲燒烤 2個人想食多啲都唔得 以經好飽啦

🔥海鮮孖寶 ($228) 芝士煙肉粒烤生蠔 (兩隻) 🧀 新鮮出爐上碟，芝士味道濃郁，喜歡芝士的口福！煙肉不太明顯，沒有蓋過烤生蠔的鮮甜，口感有嚼口。 - 牛油蒜蓉燒虎蝦 (三隻) 🦐開邊虎蝦充滿蔥蒜香氣，上面鋪上的蝦乾增添風味。虎蝦蝦肉鮮甜彈牙，好吃！ - 🔥青咖哩雜菜 ($88) 青咖哩椰香濃郁，吃下去非常順口，香料恰到好處，味道不刺激，加上蔬菜，整個菜甜甜的。 - 🔥泰式芝士烤薄餅 ($32) 咖哩配薄餅非常搭配。沒有吃過芝士口味的，感覺很配，令薄餅更惹味。薄餅烤得酥脆裏面柔軟。 - 🔥椰青波波 ($45) 超級可愛的椰青波波，泰國特產，方便最後把椰肉也吃掉，好吃不浪費。 - 位於九龍城的小曼谷海鮮燒烤屋規模不算小，雖然座位空間感沒有很大，但因為疫情加上隔板亦安心許多。小曼谷晚上有live band彈唱，超有氣氛。🎤🎸🎶 點餐也很方便，用手機掃QR code就可以點餐，網頁設計也很清晰，不過對於第一次去的客人看著餐牌還真的太多選擇，有點眼花撩亂🙈 另外我跟朋友在門口被充氣公仔吸引，他的手不斷晃動，像是招攬客人，很好笑😆

✅掃QR code點餐好方便！確定前輕鬆更改可以自己睇清楚有無落錯單🌟牛油蒜蓉燒虎蝦好大隻燒到啱啱好，牛油蒜香味入曬蝦中，好正🌟燒脆皮白鱔，皮脆肉超Juice好好味好彈牙超級推介👍🏻🌟豬肉沙嗲串燒大大串，配上沙嗲汁好香🌟牛肉沙嗲串燒大大串，牛肉好嫩口🌟泰式濕炒海鮮米粉，炒米大大碟可以再多啲海鮮就更好了唔會太鹹味道適中, 米粉煎過,脆脆地唔錯🌟龍眼冰夠經典龍眼肉都好多粒，wonderful