小曼谷泰國美食 (南角道)

營業中

休息中

🇹🇭小曼谷泰國美食💛好耐無食過泰菜，搵咗間良心小店食😁Qr code 落單夠哂方便😗🐖豬肉碎生菜包 $90肉碎炒到香辣惹味，唔會好乾仲有唔同嘅香料味，層次豐富生菜新鮮爽脆如果加多少少酸味就正🤣🥗泰式雞絲海海蜇沙律$85海蜇爽口、雞絲嫩滑甘荀、青瓜、蘿蔔醃得好入味👍🏻醬汁酸酸甜甜好惹味🐓海南雞飯 $81油飯好岀色，香而唔油膩，米飯少少徧硬雞肉正常發揮，唔鞋湯好濃雞味，無味精醬汁係泰式辣椒醬🐂牛肉沙嚄串燒 $19🐓雞腎沙嗲串燒 $19串燒燒到焦香，咬落唔會韌，沙嗲醬好濃味🍹青檸菠蘿沙冰 $39食咗咁多重味野，清爽油膩，唔會好甜，好fresh 2個人埋單$366食物份量多，味道唔錯，油飯真係好正😋想食泰國菜嘅話，推介大家嚟呢間🌟🌟🌟📍 九龍城南角道9-11號地下

泰國菜我依然係鍾意去九龍城，因為佢夠晒正宗👍🏻多數都係泰國人為廚師🤤今次又再次嚟到呢一間餐廳✨呢度一定要叫佢哋嘅招牌菜農夫包軟殼蟹大大盤🤭殼蟹賣相10分吸引😍再點多一個薄餅配埋咖喱真係一流😋軟殼蟹即叫即炸10分新鮮農夫包亦相當唔錯，咬落去好香脆好似食緊薯片一樣，食飽飽當然要叫返個湯暖下個胃啦❤️今次就試吓佢哋嘅冬陰功湯🤤平時出面嘅冬陰功我都覺得會太酸但係佢哋嘅味道啱啱好👍🏻飲完唔會口渴嘅果一種而且入面都有幾隻新鮮蝦大大隻好彈牙值得一試🔥

屯馬綫開通之後,出去食嘢方便咗好多,今日就嚟到九龍城食泰國菜呢一間餐廳,係我成日去嘅餐廳,每次都一定會點鐵板通菜炒豬頸肉,佢成碟餸嘅鹹香味好重豬頸肉燒得好香脆,而且好容易咬唔會太硬,真係俾足10個like佢👍🏻另外一道菜叫咗海南雞,佢哋嘅雞骨比例比較少,基本上都係啖啖肉最好味係佢個汁特別配條配出嚟嘅，10分有泰國風味，送飯一流,所以我哋都叫咗一個蟹肉炒飯,蟹肉炒飯佢哋嘅蟹肉都放咗唔少絕對唔孤寒而且飯粒分明 去買海南雞一齊食 十分出色🥰嚟到泰國餐廳一定要點芒果沙冰,正

九龍城嘅buzzword就係泰國菜！好多小店鋪面細細又未必起眼，但原來內裡隱藏住抵食又有質素保證嘅多年老字號～( ͡° ͜ʖ ͡°)〔必嗌！〕❝黃咖哩海鮮❞ ($103 +10% → $113)咖哩質地濃稠，略帶椰香，香料及調味中稍微滲出甜味，一向對泰式咖哩無感，完食覺得有驚喜！辣度溫和，對於食開五小辣甚至十小辣嘅朋友都唔會有問題。海鮮份量多，青口﹑蝦各有兩隻，仲有魷魚﹑薯仔﹑三色椒﹑洋蔥等配料。食咖哩必須另外嗌碗白飯（$15，基本上等於2碗，女仔最好share～），惹味程度爆燈！❝bts海南雞飯❞ ($60 +10% → $66)下午到訪就可以享用咁抵食嘅午餐～無論係油飯定雞，份量都比一般海南雞飯多20-30%，加上特製醬汁增添特色特味。〔推介！〕❝豬肉/牛肉沙嗲串燒❞ ($19 +10% → $21/each)兩款串燒肉質都唔嚡口，靈魂食材沙嗲醬入面有花生嘅顆粒感，香氣濃郁。〔必嗌！〕❝原隻芒果糯米飯❞ ($72 +10% → $79)糯米飯超～級煙韌有嚼勁，完全融合為一舊飯糰咁樣～椰漿份量足夠（好怕食到最尾無哂椰漿配飯…），椰香之中略帶少少鹹味，質地偏稠，個人大愛！芒果亦鮮甜多汁無一絲

又係時候食下辣嘢刺激下味蕾👅今次同朋友叫咗兩個星級午餐，食到超級飽啊🤰🏻捧住三個月肚走🤣🤣🤣泰式生蝦 $118有6隻，大大隻好肥美，配上醬汁好開胃泰脆豬手配木瓜沙律 $88就咁睇佢個豬手好似硬梆梆咁，以為食落去會好鞋颯颯，點知好有驚喜🤩豬手皮勁脆，食落脆卜卜，豬肉肉質都好嫩，超正👍🏻配菜仲有幾塊好脆嘅蝦片同木瓜沙律😌泰皇咖哩軟殼蟹配蒜蓉包 $118咖哩汁大大碗，超香～裏面仲有好多配料洋蔥，豆角、青椒等，足夠比你點蒜蓉包同軟殼蟹，軟殼蟹新鮮炸起，蒜蓉包好香脆，點埋咖哩汁食真係一流，yummy yummy 🤤 小食跟餐每款+$25👉🏻泰式酸辣鳳爪（細）泰菜點少得呢款小食，必食！份量都唔少架，酸辣鳳爪冇骨，配酸辣汁冇得彈，夏天食真係爽爆😆👉🏻豬＋雞各1串串燒熱辣辣，肉唔會韌，仲好juicy，點埋佢嘅沙爹汁，超惹味！龍眼冰泰式奶茶 +$3飲品都唔錯，龍眼冰同泰式奶茶都好好飲，唔怪得店舖長期都咁爆滿👩‍👩‍👧‍👧👩‍👩‍👧‍👧👩‍👩‍👧‍👧

成日都想黎試下呢間出名既泰國餐廳，襯放假特別黎試試！❤️泰式鹽燒烏頭 外皮灑鹽，燒到外皮微微黃金焦香，入面魚肉唔會太乾，大大條好多魚肉🧡泰式燒原隻鮮魷 新鮮彈牙，原隻大大隻既燒魷魚，點埋個泰式酸辣醬更加鮮味!!💛芒果糯米飯 芒果好甜! 厚肉又多汁，糯米飯軟糯煙靭暖暖地，可埋sweet sweet 既椰奶，好味rrr💚珍多冰 大半杯都係料，真係非多料!! 椰漿味好香，凍冰冰好消暑～味道好正宗既泰式口味，係會食完再食既餐廳!!

Lunch menu:🧡泰式炒金邊粉$50（7.7/10）金邊粉Q糯有鑊氣，上色均勻，味道甜而不膩，配有幾隻爽口大蝦同芽菜😬。🍛黃咖喱香茅豬扒飯$50（7.8/10）主角黃咖喱椰香撲鼻，顏色金黃，細心留意可以見到有唔同嘅香料打碎係其中😍，入口帶點辛辣，整體香濃惹味，配飯一流✌🏻。豬扒味道普普通通而且略乾，反而襯出咖喱嘅用心🐖。🌶碎豬肉冬陰功湯（lunch menu餐湯+$0）(7.7/10)味道唔馬虎，酸甜辣味道平衡，香辣惹味，重點係同一大鍋嘅冬陰功味道相近，非常抵同啱晒過下口癮😗。🧋泰式奶茶 (餐飲+$3)（8/10）適合香港人口味嘅泰奶，正常糖甜度適中、茶味濃，飲到泰茶獨特嘅香味，飲完又唔削胃，必點之選😽🍹泰式龍眼冰 (餐飲+$0)（7.9/10）同樣甜度剛好，帶陣陣蜂蜜味道，感覺清涼🧊。小菜Menu：🐖風味燒豬頸肉$96 (7.6/10)豬頸肉燒至有焦香，大份得黎油脂感足夠，薄切口感冇咁滿足但比較清爽😗。🥬豬肉碎生菜包$90（8/10）肉碎量足夠3-4人食，肉碎香料味足，唔會好辣😗，若然juicy啲就更正。湯品：🥥椰汁雞湯$89（8.2/10）同冬陰功比少左啲辣但多左雞湯嘅鮮甜同

這間泰國菜是本人經常光顧的，今天便試了一些未試過的菜式。豬肉沙嗲串燒、雞肉沙嗲串燒38，口感上豬肉沙嗲比雞肉沙嗲更加好味，有點像叉燒的感覺。豬肉碎生菜包，肉碎沾滿了魚露和辣椒的香氣，再用生菜包上，可以減少油膩感之餘，亦都可增加清新的口感。香葉辣椒雞肉炒河，鑊氣十足，不過和想像中有出入，味道還算可以。小曼谷原隻芒果糯米飯，價錢比其他泰國食肆貴一點點，不過份量都很充足， 加上一個鮮甜美味的糖果，和熱騰騰的椰香糯米飯，反而是物有所值。泰式冰咖啡29.0，泰式咖啡和其他咖啡，最大的分別就是泰式咖啡帶點煉奶的香味。

又來九龍城購物，午餐當然是食泰國菜。小曼谷就在港鐵出口，最是方便。這兒的午市套餐豐儉由人。小曼谷精選午餐由$48-$68不等，價錢親民。有炒飯炒粉和各式咖哩，選擇非常多。貴少少的有星級午餐，最貴都是$118。連軟殼蟹、泰脆豬手和羊架等都有得食。所有套餐都送湯和飲品，而且不用加一呢。泰皇咖哩軟殼蟹配蒜蓉包（$118）+  冬瓜湯 + 冰奶茶（+$3）咖哩和軟殼蟹分開上，軟榖蟹不會被浸淋，蟹好新鮮，炸得香脆少油。泰皇咖哩裏全是蔬菜，辣度輕微帶甜。我們把拌碟的新鮮椰菜也放入咖哩醬中，清新好味。蒜蓉包更是非常正，新鮮烘烤，夠蒜夠牛油又夠脆。泰式炒金邊粉（$50） +  冬蔭肉碎湯 + 冰奶茶（+$3）Q彈的金邊粉炒得有鑊氣，酸辣開胃，非常惹味。今天豪一豪，食翅！仲加多個蠔餅，金邊粉只好打包了。泰式煲仔翅（$98）我其實對魚翅無偏好，不過知道砂鍋魚翅是泰國名菜，就試一次吧。感覺是個湯底特別清甜，可能原因是在湯中放入了甜甜的泰式醬油吧。魚翅份量不算多，但整體好美味。泰式鐵板蠔餅（$122）蠔餅鐵餅上，香脆惹味，尤其是蛋味非常濃郁。蠔仔都好大粒新鮮。

第一次搭屯馬綫去九龍城😅宋王臺站B出口，一上到地面就見到好搶眼嘅吹氣公仔招手，原來係泰國餐廳小曼谷，扎根多年嘅老字號又咁就腳就去咗食個lunch啦🤪🌟星級午餐 - 泰王咖喱炒海鮮配薄餅 $118大大碟好足料，有兩隻大蝦🦐青口、帶子、魷魚，再加埋脹卜卜嘅薄餅好酥軟，蘸埋咖喱汁正到不得了😋仲配有冬瓜餐湯同龍眼冰🌟酸辣鳳爪 - 跟餐+$25好貼心可以選擇小辣或大辣🌶如果有唔識得嘅朋友仲可以選擇酸辣汁分開上👍🏻無骨鳳爪酸辣爽脆，係個好開胃嘅前菜💯🌟泰式原隻燒鮮魷🦑 $122好大隻魷魚啊😱仲要好厚肉，火候啱啱好帶有少少焦香味，肉質彈牙唔會韌。🌟泰式花膠濃湯煲仔翅 $118泰式湯除咗冬陰功，花膠翅都好正㗎🤤絕對唔係粉絲扮魚翅，真材實料有魚翅、花膠、蟹肉、雞絲、花菇，加埋芫荽芽菜，香到不得了❤️仲有其他精選午餐，都係$48起配餐湯同飲品，都好抵食，不過依家有消費券梗係食豪啲啦😉

外出九龍城見完客，當然係要去飯堂吃個飯😝。叫咗一個午餐同餐牌其它食物，午餐仲送湯及飲品😋。💎 泰式花膠濃湯煲仔翅 $118稀竭度適中，用料足，配上芽菜同芫荽後增添口感。💎 泰式燒原隻魷魚 $122一隻大魷魚，鮮度十足，魷魚剛熟不過火，有咬口。💎 泰皇咖哩炒海鮮配薄餅 $118海鮮包括青口，魷魚，蝦同帶子，伴以不少蔬菜，咖哩味香濃。💎 酸辣鳳爪 $25酸酸辣辣好惹味人均消費💰 ： ＄ 200總結✍ ： 正宗泰國菜館，水準保持到。午餐及下午茶夠實惠。

今日專程落嚟九龍城買香料，當然要先喂飽個肚先有力行啦🤣不過成4點幾又唔想食飯，叫D小食滿足吓啦😁泰式燒原隻魷魚🦑 $122非常巨型嘅魷魚，燒得岩岩好，配埋泰式辣汁，真係停唔到口🤤極上牛小排沙律🥗 $128泰式沙律味道酸酸辣辣好醒胃，牛小排一啲都唔韌💯💯💯除咗木瓜沙律，我終於搵到第二最愛喇😍芒果糯米飯🍚 $72熱辣辣嘅芒果🥭糯米飯，上面勁多椰汁一啲都唔孤寒👍🏻👍🏻👍🏻龍眼冰 $29好多龍眼肉，非常清甜解渴😋

就在宋王臺MTR B2出口不到1分鐘的步程，即可到達小泰國之稱的九龍城，超級方便。疫情下的Tea Time時間，小店亦有差不多8成滿座，可見其人氣之高。店員親切勤快，亦有不少街坊熟客光顧。除了食物夠Thai又美味外，還有獨特的小區溫馨感覺。泰皇咖喱軟殼蟹配蒜蓉包 Curry Soft Shell Crab with Thai Garlic Bread $118軟殼蟹炸得酥脆而不太油膩，已細心切開One-Bite Size，有肉地而不會甩皮甩骨。咖喱香濃不辣，以洋蔥、香蔥、青椒等蔬菜甜味之主，以鬆脆的蒜蓉包沾滿濃厚的咖喱大口大口吃，滋味滿足！星級午餐隨餐附送清新冬瓜湯，亦可以半價優惠將餐飲轉為椰青，冰涼又Refreshing。Late Lunch可以吃到這麼豐盛，超幸福！黃金蛋黃鮮蝦炒飯 Shrimp Fried Rice with Salted Egg Yolk $68炒飯粒粒分明，如果可以再少油些就更Perfect！鹹鹹香香的蛋黃粒平均分佈在炒飯中，還有2隻彈牙大蝦，瞬間就清碟！Set Lunch附送的冬蔭肉碎湯也不馬虎，酸酸辣辣惹味開胃，熱龍眼水甜度適中之餘亦很足料。泰式酸辣鳳爪(

泰式鐵板蠔餅$128蠔仔🦪大粒鮮甜，配埋蛋餅，係最快清碟的一道菜😋泰式煲仔翅$99有以前係曼谷china town食過的感覺，天氣開始凍，暖胃一流！泰皇咖哩法包軟殼蟹$208唔好叫！上碟隻蟹係軟既，惱左，預先炸好，無整熱，浪費左！咖哩好食！

食泰國菜梗係要去九龍城，今次做足功課，就book定呢一間泰菜食。小曼谷已經開咗成20年，而我一直都未食過，佢有好多分店，今次揀咗最近地鐵站出口呢一間，基本上一出就係。佢呢一間係孖舖嚟，右邊BTS 美食站主要食湯粉船麵，左邊呢一間就食傳統泰國菜。我當然入其中一間都可以食埋隔離舖頭嘅嘢食啦。泰式金邊粉呢個係午餐跟碗冬陰功湯同埋嘢飲，加錢換咗泰式奶茶，份量好多幾好食，另外叫咗杯芒果沙冰。芝士蝦丸🦐呢個真係好邪惡，三大嚿有成個羅漢果咁大個，裏面有拉絲芝士，新鮮炸起熱辣辣😋🇹🇭泰皇咖喱法包軟殼蟹🦀一上檯超級震撼，個包勁大個，裏面裝滿咖喱汁，軟殼蟹新鮮炸起，點埋啲咖喱汁就同咖喱炒蟹一樣味，但係唔使剝殼，食完蟹仲可以食埋咖喱麵包，超級飽😋