小曼谷泰國美食 (已搬遷) 新店位置

到舊區尋找風味聽到九龍城，一個字可以形容到，就係舊吖，但意想不到這舊區也滿佈著不同的驚喜，就好似這間--小曼谷。經過已經給門口的Tuk tuk 車吸引住，望清楚少少，是真車，又有得食又有得影相，要俾個good 佢。店舖裝修新淨光線充足，簡單的枱椅，入到去好輕鬆，不用太拘束。客人也很多，整個氣氛都是熱熱鬧鬧的。令我意外的是，每位員工都幾好的招呼，有講有笑。食物方面，一打開menu , 嘩，推介必食的有好多，花多眼亂，樣樣都想食，可惜我們只有兩個人。 最後，我們叫左一個頭盤加兩個主菜。頭盤有口水指數爆燈的炸蝦丸，佢並非一般的炸蝦丸，熱勒勒超彈牙的蝦肉包住流心芝士，仲有dim 上泰式甜酸醬，口感極具層次，yummy! 推薦你們要試下這個老少佳宜的- 芝士蝦丸。 值得一讚的是一道叫青芒絲沙律荀殻魚。成條的荀殻魚炸到金黃色，外脆肉滑，配了個少少泰國風味既酸辣汁，令到成條魚都好＂泰風＂吖。而伴菜有青芒沙律，洋蔥絲，小蝦米，花生等等，撈在一起食，感覺好清新。最後一道是香芒蟹肉炒飯，材料睇下個菜名就了解到啦。這個飯很開胃，飯粒滲有芒果既酸酸甜甜味，份量都夠二個人食。抵食推介！試了一杯好特別的飲品，可樂

小曼谷都開咗十幾年了。呢間都幾多位。閒時都會同朋友過來聚餐。門囗吹氣公仔會揮手指你入去，好有趣!3個人叫3個菜已夠食有餘。小菜也幾大碟。椰青$35是小型些的椰青，依然清甜，可食滑嫩椰肉呢!杧果沙冰$34比一般西式沙冰更味濃。沙冰好柔軟，其實不算多冰呢!很喜歡亦推介作夏日消暑飲料。泰式拼盤 (細)$108泰式拼盤已有4款小食。蝦餅很推介。已貼心地每件一開二。蝦餅是剛炸熱上，肥大彈口，外皮少少炸脆。魚餅也不錯。魚肉味濃，好滿足。春卷亦有多粉絲。紙包雞的肉略有少許乾，及不夠熱身。青芒絲沙律筍殼魚$168筍殼魚不算很大條，比手掌大少少。魚皮脆，魚肉亦很鮮嫩。加一點泰式沙律的甜辣汁食，就剛好。青芒絲加花生、辣椒，都幾辣，也很惹味!大家也邊叫辣，但停不了口。青芒絲沙律筍殼魚整體效果不錯。泰皇咖哩炒大頭蝦$158最後食泰皇咖哩炒大頭蝦。2隻開邊大頭蝦有4邊。其中一隻比較好肉質、彈牙。超多蝦膏。加上不辣但 creamy 多蛋花的咖哩汁，非常配。

這天，趴趴走至九龍城。C想吃泰菜，就去了小曼谷泰國美食。茶餐廳的裝潢和格局，二點左右的時間，客人並不太多。吃泰菜，最愛喝椰青$35，貪其夠晒天然且清甜!椰青水入口冰凍，清甜無比，消暑和解辣一流也。椰殼內 的雪白柔軟且香腍的椰肉，輕輕一搯，就可吃用，也是不容錯過的!清新怡人的泰式柚子蝦沙律$78用上多汁甜美的泰國金柚入饌，伴以爽口彈牙的大蝦，並灑上香脆蒜片和花生，再伴入魚露及青檸汁，充滿泰式風味，啖啖甘甜惹味，令人回味無窮，且可趕走春日濕氣。友人研究了良久，終於點了一客炒料甚豐的泰式乾炒海鮮魚麵$73。魚麵略嫌散散碎碎的，麵無完條，幸而，麵條沾滿了鹹鮮帶甜的醬汁，且拌入蝦肉、魷魚、蜆肉、雞蛋、芥蘭和紅蘿蔔等，夠晒鑊氣，食味著確也不賴。有瘦骨嶙峋的C在場，每次例必把枱上食物清得一乾兩淨。沙律和炒麵雖仍剩下一大半，她說，想吃泰式牛油蒜蓉燒大頭蝦$98，小妹沒有反對的理由。大頭蝦稱之為「大」，上枱一看，果真當之無愧也。 連蝦頭計算，整隻海蝦也差不多有一隻刀叉的長度，每人一半已經吃得非常滿足了。蒜蓉牛油燒越南大頭蝦屬於新派菜式，簡單地鋪上蒜蓉、牛油及香草燒烤而成，入口肉質爽甜彈牙且啖啖肉，蝦膏被

去過泰國旅遊，都系成日掛住泰國菜，冬陰功湯啊，辣蝦啊。回味無窮。尋晚同朋友去九龍城唱K，但係唱K約咗晚上10點幾，落班有時間就去咗Mini Bangkok，回味泰國菜。依然都系咁好味。青芒絲沙律筍殼魚（HK＄168),D魚炸得好脆，裡面軟軟地，加沙拉覺得好清新，有D辣辣地。味道清新，魚都做得好特別。青檸梳打，呢個就系檸檬特別酸，好好飲，熱天飲呢個我就中意，好過飲可樂。蒜蓓包，脆脆哋，有D蒜味唔會好齋，我一直覺得可以蘸番茄醬食，或者蘸咖喱汁，好想咖喱味。泰式咖哩炒大頭蝦HK$158，nee個用來蘸，好好味。蝦都好大只，咖喱完全可以撈飯。口感很好。咖喱好夠味，蝦肉食落都好新鮮。小曼谷招牌海南雞，雞肉好嫩，我個人都好鐘意食雞皮，滑滑地。食落有D汁下，咸咸地又有雞味。

來到九龍城當然是吃泰國野！來到小曼谷，有可愛的吹氣公仔向我們招手歡迎。食店以黃色為主，不過座位設計有點擠迫。椰青 $35，水及椰肉未夠清甜，失望。椰汁冰 $24，太甜小食併盤 $108 （小）以心型碟上菜，賣相加分，有魚餅、蝦餅、春卷、香葉包雞蝦餅太大件未夠彈牙、香葉包雞肉質有點韌，而魚餅、春卷味道不過不失。咖哩炒大頭蝦 $158原來附送蒜蓉多士大大件多士，有算是香脆，沾汁吃很不錯。大頭蝦的確很大隻至於大頭蝦肉不算太新鮮本來我們也點了菠蘿雞炒飯，要是下單時店員能提醒會附送蒜蓉多士的話，我們就不會點炒飯。朋友好幾年前也來這間光顧，不過水準未及之前。

看看手錶原來已經是8：30pm,真的多謝老闆的恩賜，又再為你加班，急不及待，趕車到九龍城同朋友晚飯唔好誤會，我唔係去左曼谷，只係去左小城內的曼谷我好肚餓連lunch都無食，唔該盡點 ，我全部都要大的（太貪心了）先來一個椰青下下火，味道清甜，椰肉嫩口食泰餐不能少的冬陰功湯（選用了原隻大頭蝦），通常冬陰裡的海鮮都一般，但這個大頭蝦很新鮮又不會過熟但湯內只有蝦和菇，有點不夠喉泰式拼盤（蝦餅，魚餅，香葉雞，春卷）香葉雞中竟然包有栗子（小驚喜）但盤中我最欣賞的是魚餅，香料味不會太重，口感彈牙明爐酸辣煎烏頭，過往食泰餐都會揀明爐蒸，而呢度有用煎的方法，所以試試，汁很辣蓋過了酸，我想下次我會點回蒸或鹽燒泰皇咖哩大頭蝦，咖哩汁做得很好，香辣，咖哩的香，椰奶的香，記得要點蒜蓉包送汁，不要浪費蒜味不濃，反而牛油味更重（唔知是否專登，怕蒜味濃會破壞咖哩汁）香芒蟹肉炒飯香葉肉碎燴皮蛋，這度也很好，蝦肉包住皮蛋去炸至甘香，脆口切開再蓋上香葉紅椒，香蔥炒過的肉碎很好送飯，喜歡皮蛋的人一定喜歡，但我太貪心，很飽…忘憂了

貓奴俱樂部會員又見面，今次我地要食泰國野唔洗諗一致舉腳讚成小曼谷，讀書年代食到而家，一直保持水準服務又好，平日晚飯時間坐爆但店員都一直保持笑容又有禮貌，生意好係有原因hi 小曼tuk冬蔭公湯(大) $128最中意呢度既冬蔭公湯係用新鮮大蝦，鮮甜爽彈，比起其他用急凍蝦又腍又霉真係差好遠。冬蔭公分為大同小兩個size，大size有三隻超大隻既原隻新鮮大蝦！泰式拼盤(大) $158食泰國餐又點少得拼盤，樣樣有啲幾個人share就最岩！大size每樣有三件，但每件size很大，而且廚師會預先將佢地一分為二，所以4人以下建議order小size就夠了當中我最愛香葉包雞，雞肉又香又juicy,中間還包裹著一粒栗子，味道同口感同樣豐富！明爐酸辣煎烏頭 $158烏頭預先煎香過，再加酸辣湯浸煮，酸酸辣辣十分刺激過癮，都幾辣架！椰青 $35最後當然要飲反個冰凍椰青，我呢個好香甜，肉又嫩清，真係幸運埋單時仲有甜品送，椰汁糕，就唔算好味，不過心意搭夠每次食都絕無失望，食得開心會繼續支持

是晚同三位男士食泰國菜，因為落雨冇去BBQ，臨時轉左場去九龍城食野上左OPENRICE見依間好多好評所以就打去電話訂台我地叫左個小食拼盤，蝦餅幾好味，有蝦肉，炸到脆卜卜，唔錯，魚餅都夠咸，但油左少少，春卷同雞比較一般，但整體上成個併盤都幾抵，因為每人每樣都可以食到一件，而且味道都幾好食泰式炒泰粉，水準中上，味道好食，同埋好足料，蝦好爽同新鮮，泰粉軟硬度適中，可以一試菠蘿炒飯：成碟飯都夠‘獲‘氣，好香好味，菠蘿甜同埋都多，有肉鬆伴碟，味道好夾，鐘意食菠蘿炒飯唔好錯過架～馬拉盞炒椰菜苗：朋友們話未食過，食完之後佢地都讚晒口話好好味，平時如果唔係去泰國店都唔會食到椰菜苗架～馬拉盞夠濃，同椰菜苗好夾，成碟菜好惹味，唔錯我地仲叫左串燒沙爹食，牛同豬同雞仲有燒雞翼，燒既時間岩岩好，唔會太燶，肉既味道好夠味，朋友們都ENCORE左雞翼食！最後點左椰青飲，食泰國菜點都要飲椰青，唔係感覺好似唔完整咁，個椰青都多水，但係果椰青肉比較少，但整體都好飲，好FRESH既感覺！下次可以考慮同屋企人黎食，因為都多選擇同埋價錢都可以接受～

是日在公司開OT，收工後又到九龍城覓食了，今天突然好想食碗湯粉，所以去了人氣向來都較多又較大眾歡迎的「小曼谷」，大約7PM，店中都已經坐了8成客人，幸好都不用等太耐就已經有位坐，看了一陣餐牌，最後決定食碗札肉湯金邊粉($37)及青木瓜絲沙律($52)。青木瓜絲沙律我就向店員要求小辣，辣味果然真是較少了一些，青木瓜刨成一絲絲幼絲，清新又爽口，帶來蕃茄的酸香及辣椒的香惹，酸酸辣辣讓人吃起來更是醒胃，當中還有些花生粒，更增加脆脆的口感。札肉湯金邊粉當中的扎肉爽口彈牙，金邊粉都不會煮得過腍，入口順滑，湯底都好鮮甜又清，不會太鹹及油膩，份量十足又抵食，真是美味，難怪「小曼谷」經常都有不少捧場客。

已經有一段時間冇來九龍城食泰國野， 每次來都一定會幫襯呢間， 貪佢坐得舒服。今日下午1點到達， 仲有好多位， 食都一半已經滿座了。泰皇咖哩炒硯 $108呢個泰皇咖哩可配蝦/蟹/硯， 因為得2個人， 所以叫左硯， 咖哩不辣， 偏甜， 咖哩很香， 加了蔥和薑來調味，很濃郁。硯肉冇沙， 很大隻， 很足料， 肉質鮮甜彈牙。點了一碗白飯 和一客蒜容包 ($25/4件) 來伴著咖哩吃，蒜容包熱辣辣， 金黃又香脆， 點咖哩一流。泰式拼盤 $108小有蝦餅， 魚餅， 春卷和香葉包雞。雞有一點太乾身，雞汁全流失， 肉質變硬。 蝦餅值得一讚， 蝦味濃， 很彈牙， 炸得香口。 魚餅質素也不錯， 加了很多不同的香料去釀魚餅， 令味道更加有層次。春捲味道一般， 不過不失。燒烏頭 $98 等了35分鐘才到， 證明是即叫即燒， 烏頭內有香茅和香茅葉， 用來去除腥味。 肉質不錯， 很鮮味， 燒得香口， 恰到好處。

去九龍城食泰國野，實在有好多選擇，但講到有人氣既，小曼谷一定係其中之一。夜晚黎食，肯定排到阿媽都唔認得，所以我選擇晏晝點零鐘黎，大把位，即入。肚仔餓，首先黎碟飽肚野 -- 蝦膏炒飯。我最鍾意重口味，呢個飯合晒我合車，粒粒飯都很有蝦膏的鹹香味，再加上臘腸、洋葱、青豆、雞肉等配料，賣飛佛。跟住想食香噴噴既串燒。要左「三雞」：雞脾菇、雞肉、雞翼，燒得好香，唔會乾爭爭，配埋惹味沙爹汁，好味！一場黎到，梗要豪少少食好西，再叫多隻蒜蓉開邊大頭蝦，蝦肉鮮甜，配蒜蓉同香葱，已經好夠味，正斗，食到最後一啖，先記起有碟酸辣汁，一點，醒胃，我都好like！

上一回小妹介紹了一家挺不錯的海南雞今次轉戰到九龍城有名的小曼谷可是 我真的很失望呢…因為那碟飯無論賣相或是口味都是下下之選大概是因為它有名氣 所以才有太大的期望吧小妹點了一客海南雞飯一上菜 心知不妙 因為賣相不太好呢那個飯不算太熱 而且有點兒乾掉了感覺像隔夜飯…不過最可怕的不是那碟飯唷 而且雞肉…大家可以留意到它是沒有顏色 灰灰白白的…看見了都沒有胃口了…吃完真的沒有下次 因為沒有雞味 沒有鮮味此外 肉質粗糙 不夠嫩滑唯一可取的是醬汁(天丫…第一次感覺像行刑)沒有下次了…

早就聽聞過小曼谷個大名，今次同男朋友特意抽時間黎食，結果卻是好失望！我地之前都去過九龍城其他泰菜小店食，水準都頗佳，所以對小曼谷有一定期望，點知💀💀💀價錢貴不在話下，食物水準都差！點左一個抄金邊粉，一點鍋氣都無，仲要抄到好爛，連影相的心情都無！我男朋友叫左個炒飯，只係暖的，唔係熱，料又少，不香口，飯仲要好好好濕！見到佢變晒樣！最後還有小食，不香口就笑，份量少到喊，但好貴！我以後都不會再去食小曼谷！

一行四人為慶祝朋友新婚加多個小生命，決定去女性朋友住區九龍城食晚餐～去得九龍城，就梗係食泰國菜啦～最鍾意上開飯啦睇食評，見呢間小曼谷好多人👍，就試一試～知道星期六晚多人，專登叫定朋友去拎位先，6點40分到已經排緊隊，好彩等左15分鐘到就有得入座。上菜速度好快，可能因為得個半鐘食～黃咖哩雞：咖哩味濃既，雞入味同滑，但以為佢用個爐上係保持溫度，點知原來係無火的，衰在唔夠熱。有咖哩點可以無絕配蒜蓉包。蒜蓉味幾香，外脆內鬆，好味的～椰菜花炒豬頸肉：菜好油，好咸，麻麻。芝士蝦球：我食開既蝦球係漲卜卜，但呢個係塌晒皮甘，雖然好好心甘切開兩半上，但中間芝士位唔熱又無咩芝士味，失敗！豬肉生菜包：一個必叫既餸，但唔夠辣，又無咩位～總結：九龍城出名泰國菜，但我諗我選擇既呢間唔岩我口味～我應該下次會選擇其他

食小曼谷都食左有10年，由佢第1間舖得2張摺檯食到依家同1條街有3間舖。由2個職員食到數唔到有幾個職員，食物水準仍然KEEP到，但服務差左價錢都貴左好多! 我建議想食既可以食LUNCH，佢星期六日都有LUNCH SET食，抵好多! 照舊點我最受既炒金邊粉同鳳爪。炒野好有鑊氣，但鹹左小小，如果唔好落甘多味精會好好多；個炒菜反而唔OK，太油啦! 條條都好似俾油浚過甘；依到既鳳爪一直好心得我心，雖然附近都有得買，仲平好多，但唔係太酸就太鹹，都係依到酸辣適中，而且都算多鳳爪，唔係得配菜。LUNCH SET 可以加8蚊轉沙冰，我最中意椰皇沙冰，不過唔係個個打都好飲，有D人打會偷工減料，搞到好淡味，所以要睇彩數! 今日個甜品竟然係椰汁糕，太好啦! 好濃既椰汁味，好滑，又食到一粒粒既芋頭，一個未字!  正!