小曼谷泰國美食 (已搬遷) 新店位置

多數係九龍城食泰國菜，朋友都會話食小曼谷，因為佢哋都好鍾意食芝士蝦丸，同埋佢嘅泰式鳳爪。今次都係照舊兩個人就叫左一個冬陰公，泰式鳳爪，芝士蝦丸，同埋芒果糯米飯。 冬陰公同泰國比梗係啦好遠啦，就係都算夠味嘅，可以再用少少就好啦，料太少，唔多香。泰式鳳爪一向都係我自愛，酸酸辣辣，好開胃。芝士蝦丸每一次食都要好小心，因為啱啱炸起，一咬開嘅時候一邊啲芝士係會湧出來，好辣口，之前我都試過辣親。好好食，蝦膠夠彈牙，炸得啱啱好，令你覺得一食完第二日會即刻生飛滋。芒果糯米飯好味，芒果夠甜，不過都係好懷念係泰國食嘅芒果糯米飯

今天突然好想食泰國菜，落班即刻約同事文仔去九龍城嘅小曼谷泰國美食晚餐，可惜夏天胃口唔多好，若果唔係都可以點多D菜過下口癮呢種天氣真係熱到好羅命，我哋一坐低拿拿聲點咗最解暑嘅香蕉沙冰同埋椰青，赤嘢一入口即刻成個人舒服曬我朋友文仔話只香蕉沙冰水果味好香濃，入口綿滑香甜，好好飲，一啖就飲咗成半杯，勁吖好在我嘅椰青都唔差，清甜解渴，最緊要係食泰國菜點可以唔飲椰青咖泰式椰菜苗炒味道有番咁上下手勢，首先炒得爽嫩，鹹味唔會太濃，食入口仲可以食到蔬菜嘅清甜爽脆冬陰公湯要咗個細份嘅，份量都算可以咖，鮮蝦花蛤時蔬應該有嘅一樣都無少到，湯底酸辣可口，蝦肉爽彈，花蛤鮮嫩，唔錯唔錯泰式生蝦雖然話係主要睇醬料嘅味道，但係蝦肉夠唔夠新鮮結實都好緊要，呢度嘅蝦確實夠鮮活，係蝦身上面鋪上紅辣椒同蒜頭，再加上佢哋特製嘅醬料，食入口香辣刺激鮮嫩冰涼，果種感覺真係無法形容

去九龍城食泰國菜, 是不少人包括我的不二之選. 泰國菜館多, 口味正宗之餘, 也豐儉由人. 以前區內的龍頭店, 非黃珍珍莫屬. 不過近幾年, 已經由小曼谷取代了. 今晚與友人F吃泰菜, 地點正是這間小曼谷老店.  晚上六點幾, 店內已經半滿. 一到七點, 已經全場滿座! 這裡裝修很光猛, 像茶餐廳多一點! 人多自然會較嘈吵, 所以說話聲浪也較大.食物的選擇也很多, 有辣有不辣, 迎合不同口味. 友人F不是辣人, 所以特別點了一些不辣的小菜.泰皇咖喱炒海鮮 ($168)上枱時一大碟的, 內有海鮮如蝦隻, 花甲, 青口, 帶子, 魷魚等. 海鮮中以蝦隻味道最好, 大隻而爽口; 咖喱稀杰度適中. 不過略嫌咖喱偏甜, 而且幾乎沒有了辣味, 吃起來總是欠了一點點的.泰式拼盤 ($158/大)有香葉包雞, 蝦餅, 魚餅, 春卷, 每樣食物都有三件. 當中以蝦餅最佳, 炸得不太油, 蝦膠很彈牙, 配附上的泰式辣醬同吃, 食味更佳! 春卷炸得香脆, 餡料頗多; 泰式魚餅的魚味不俗, 但吃起來較油膩; 香葉包雞則一般水準. 極上燒安格斯西冷牛小排 （$168）說是新推出的, 看圖片也頗吸引, 於是點來一

呢日公司開OT開到夜晚9點幾，收工之後男朋友過嚟接我，順便帶我一齊去食個飯。~~好幸福吖！！因為系九龍城附近有好多泰國菜嘅餐廳，今次就揀咗呢間小曼谷泰國餐廳啦。雖然已經系晚黑10點幾啦，不過餐廳嘅人都系有唔少，餐廳空間唔大，不過都算乾淨。我地兩個人點咗一份黃金蝦、一份泰式拼盤、一份蟹肉炒飯、椰青同埋青檸水，服務費要加收10%。！泰式黃金蝦！啲蝦炸到金黃色，外面嘅口感非常香脆，入面嘅蝦肉熱辣辣又夠軟熟，在配埋爽脆嘅蝦片一齊食！泰式拼盤！傳統嘅泰式小食再配埋好味嘅酸甜醬，泰式風味濃郁，拼盤有四種小食！泰式青檸水！清涼解渴，而且酸酸甜甜，好開胃。！香芒蟹肉炒飯！炒飯配菜有肉鬆、番茄、同青瓜。炒飯同雞蛋、四季豆、雞蛋同蟹肉、芒果一齊炒，每一啖都口感豐富。唔會覺得好油膩~！~~

真系十分推薦呢間泰國餐廳，呢間餐廳系我食過嘅為數不多嘅泰國餐廳之一，但系比我嘅印象好深，因為味道真系好正宗嘎！天氣咁熱，先來杯芒果沙冰降下火吧，都系只要$ 34，出邊都要四五十啦，真系又靚又抵！每次帶朋友來，都會必點泰皇咖哩炒海鮮，$ 168，唔算太貴，但系超級好食，最緊要系火候剛好，因為海鮮要控制火候，炒太耐肉質會變老，太短時間又會生！我地一起食咗碟泰式乾炒海鮮魚麵，$ 73，海鮮好足，蝦超大只，而且海鮮味道非常濃郁好味！椰青海鮮焗飯，$ 86，整只椰青拿來焗飯，飯上邊仲有兩隻貝殼，淋上芝士同幾粒葡萄乾，幾靚下！

某日, 我們到 九龍城 吃泰國菜 .... 並決定幫襯這家滿有人氣的 小曼谷泰國美食 ~Menu ~椰青 $35椰青水清甜兼薄肉, 只要用鐵匙輕刮, 多多也可以吃 ~泰皇咖喱炒海鮮 $168海鮮非常足料, 有大頭蝦、花甲、青口、帶子、魷魚, 咖喱調製得濃香細滑, 辣度、稀杰度也適中, 味道十分突出 ~ 小曼谷招牌海南雞 $148 (一隻)一隻海南雞分兩碟盛載, 雞煮到剛剛熟, 肉質嫩滑, 雞皮更是入味得來吃得爽口, 無油脂兼已去骨, 雞肉味道是吸收了調味之餘亦有肉香, 略嫌雞件斬得比較大件 ~ 香葉辣椒炒飯 (豬肉) $64飯炒得乾身又香口, 滿有(香料)九層塔的味道, 辣度適中, 香口又惹味 ~本篇完 ~

九龍城有好多泰國菜餐廳, 究竟食邊間好呢?煩惱搵食邊間之際, 發現左好多人排隊等位....所以就決定試下呢間既泰國菜~------------------------------【泰式黃金蝦】HK$148呢款黃金蝦令我一試就愛上!!! 一送到黎, 非常驚喜, 估唔到隻蝦有咁咁咁大隻!! 一碟有四隻既開邊蝦, 蝦沾了鹹蛋王漿再炸, 超級脆口, 炸皮唔算厚, 咬落去好香, 而且近蝦頭位置仲有橙色既蝦膏~隻大蝦啖啖肉, 好爽口彈牙!!非常有口感, 好新鮮!!【冬陰公湯(小)】HK$95冬陰公湯以火爐仔滾住上檯, 我地可以慢慢飲, 唔怕擺到凍哂... 如果多人飲, 仲可以order個大size既冬陰公湯~ 湯入面好多香料, 而且蝦都係大大隻, 有些少菌類..冬陰公湯味道入口初時酸酸地, 之後辣味開始刺激味蕾...但辣味唔算太勁, keep到酸辣味平衡, 正!【泰皇咖哩炒海鮮】HK$168本身意以為呢隻咖哩係辣, 但食落口, 原來係甜咖哩, 好香椰奶味~ 海鮮有兩假大蝦, 大蝦size大得有如平時酒樓既碟size, 大蝦既鮮甜味冇被咖哩味道cover~ 另外更有青口, 蜆, 帶子同鮮魷....

認識我的人都知道，去九龍城吃泰菜，小曼谷是我首選。總店裝修之後都没去過，趁生日月話事，當然要來吃吃~😊門表光鮮了，還有架粉紅色督督做裝飾，非常突出。枱與枱的空間比以前寬闊，坐得較舒適。也許我太久没來了，除了主餐牌，現在還有套餐選擇。夏日炎炎，先來個椰青消消暑。椰青蠻大粒，份量多而且非常清甜。椰肉很容易就刮到出來吃，薄薄的、夠爽口。食泰菜當然少不了我最愛的「公車攬爆」😁生蝦非常新鮮，肉質爽嫩，加上秘製辣汁夠晒惹味。但$98/6隻，有點貴⋯⋯辣椒很辣，不太吃辣的朋友可以齋點醬汁，不要吃那小辣椒啊~炒飯的size比想像中少⋯⋯份量只有一般碟頭飯，4人share只有半碗仔。但勝在足料，蟹肉多又大件，值得俾個like~芒果又香又甜，加點肉鬆再配飯，使炒飯的味道更豐富。小妹認為炒咖哩可謂小曼谷的招牌菜，每次幫襯都會叫的指定菜式。😁炒海鮮比想像大碟，不止碟大，料也多。青口、大蜆、大頭蝦、魷魚、帶子⋯⋯足夠4-5人份量。但海鮮略嫌熟了一點，不夠嫩。別看它又黃又紅好似很辣，咖哩微辣帶甜，不吃辣的朋友仔也大讚。咖哩非常惹味，用來撈飯或者配酥餅／蒜蓉包一流！雖然已經9成飽，但仍然心思思想要蒜蓉包來配咖哩😝一

夏天真的是泰菜的季節，九龍城就是吃泰菜最常的選擇。這次到了已經開了多年的小曼谷，門口的車和吹氣公仔真的很吸睛。心多多款款小食也想吃，拼盤是不二之選。這裡有大小拼盤選擇，2個人點一份小的已經很夠。當中蝦餅很讚，外面香脆，內裡啖啖蝦膠夠彈牙。而春卷也很不錯，脆口又不太油膩，餡料又豐富。其他2樣也有合理水準，最有趣是香葉包雞竟有原粒栗子呢。再來個泰皇咖喱炒大頭蝦，2隻大頭蝦肉也算新鮮紮實，另有不少配料例如洋蔥、青椒等，咖喱汁帶微辣，用來點香脆蒜蓉包一流。而泰式金邊粉有蝦、炒蛋、豆腐乾、芽菜等多種配料，炒得夠乾爽，酸酸甜甜好味道。芒果沙冰很重芒果味，甜甜的，也不會太冰。青檸梳打夠酸夠醒神。Like Facebook 有甜品，上層是椰汁糕，很香椰汁味又不會太甜，下層有點像大菜糕，口感清爽。整體食物質素不錯，價錢又合理，難怪如此旺場。

大熱天時響呢頭做完野, 幾條街都好多泰國餐廳, 見呢間小曼谷好多分店, 而且開左好耐, 老字號一於試下先.咁熱要左杯菠蘿沙冰, 真係好冰凍, 透心涼. 菠蘿味清甜, 唔酸, 飲落仲有少少菠蘿溶.泰式黃金蝦, 隻隻蝦都好大隻, 咸蛋黃味夠濃郁, 而且夠杰, 唔會太咸, 好惹味. 蝦爽口彈牙, 蝦膏夠多, 鮮味突出. 仲有地道蝦片好脆, 香口唔油膩.泰式椰菜苗, 椰菜苗多數得泰國野先有, 泰式炒好香口, 菜苗新鮮爽口, 夏天食清新夠開胃, 口感豐富.

又黎九龍城食泰國菜, 今次揀左呢間比較老字號既小曼谷, 呢度勝在選擇夠多同埋好多人幫襯~人小小就點左一個大既泰式拼盤, 菠蘿雞粒炒飯同埋泰式蒸烏頭~先黎既泰式拼盤真係幾大份, 雖然每樣都係得3件但件件都好大舊, 有香葉雞, 泰式魚餅, 泰式春卷同埋蝦餅, 4款入面最好食係蝦餅, 好彈牙, 表面好脆身, 點埋泰式辣醬好味~ 而香葉雞就幾特別, 入面包左芝麻同栗子, 食落好香芝麻味, 其餘既泰式魚餅同春卷就不過不失, 油份有點過多~而菠蘿雞粒炒飯唔係原隻菠蘿上所以有小小失望, 但食落係好足料, 菠蘿係新鮮菠蘿, 炒飯炒得幾香, 都ok 既~而泰式蒸烏頭就好大條, 配左魚湯同辣汁, 本身個魚湯有小小酸味味, 就咁食已經夠味, 魚肉唔會好鞋, 中意辣既朋友可以點埋個辣汁, 辣汁都幾辣下, 條魚好大條好多肉, 建議3-4人share~飲品方面Vi就點左椰青, 椰青好大個好多汁, 而且係凍冰冰既, 用黎配食辣野一流

泰國野一向都係我同男朋友嘅至愛，完咗sem當然要獎勵下自己啦！食泰國野當然係去九龍城，今次就係去小曼谷！小妹就係第一次嚟嘅，男朋友就話佢以前同朋友食過。鋪頭有裝修過，比以前坐得更加舒適。我地坐低嘅時候係七點，過咗無耐就已經滿哂場，勁旺！我地就叫咗幾樣野同飲品泰皇咖喱炒海鮮非常之大碟呀！咖哩勁香，係偏甜而且重椰奶味嘅一種。就算係唔食得辣嘅人都可以食至呀，仲用上花奶同蛋醬炒成。海鮮包括大蝦，青口，花甲和鮮魷。最中意係個大蝦，好大隻仲要有勁多膏，好惹味。蒜蓉包店員介紹我地可以用蒜蓉包點咖哩食，會好夾，所以我地就叫咗一份。一份有四塊，蒜蓉包好香，而且邊邊脆內又軟。配上濃濃嘅咖哩汁，汁充滿了整塊包，好濃郁，好食好夾！泰式拼盤拼盤好豐富，有蝦餅，魚餅，春卷同香葉雞。蝦餅好彈牙，蝦味又出。而春卷個皮好脆又薄，而且好足料。魚餅唔腥，好香口，香料味仲好香好夾。泰式鐵板豬頸肉炒通菜本身想食燒豬頸肉，而男朋友又想食炒通菜，所以就叫咗呢個。用咗馬拉盞嚟炒，好惹味又夠哂熱辣辣。豬頸肉好入味又夠爽口。雖然用上鐵板炒，但都唔會過油。椰皇沙𣲙沙冰好有驚喜，有好濃郁嘅椰子味，又夠清甜。而且冰打得好細滑，解渴好飲。椰青呢

小曼谷門口放了一個會歡迎人嘅吹氣公仔和一輛泰國的士，可供食客拍照，讓原本期待吃泰國菜的心更加興奮！我們6pm來到，還沒有客人，一開始還以為餐廳未開始做晚市呢！後來我們離座才發覺餐廳已坐滿三份之一。我們是當晚第一枱食客，服務員的態度十分良好。我們點了冬蔭公，泰式生蝦和極尚燒西冷牛小排。友人點了椰青，我怕椰青不夠甜，所以點了西瓜沙冰。西瓜沙冰（$28）十分清甜，有好一段時間沒有飲過這樣鮮甜的西瓜汁了，那種甜不像有加糖水，而是果肉原本就很甜。夏日消暑一流。我喝了一口友人的椰青（$35），也是甜的。冬蔭公（$128）內有大蝦和菇，蝦好大隻，而且不是雪藏蝦，蝦肉爽口、有膏，去掉蝦殼後浸回冬蔭公湯內吃更惹味。湯酸多於辣，渴到一半有點像在喝蕃茄湯，不知可否另外要求加辣？泰式生蝦（$98）蝦肉鮮甜，但不夠爽口，整體ok，可是只得七隻，價錢偏貴。燒西冷排（$168），叫了medium。一入口十分有驚喜，因為肉質爽嫩多汁，燒烤味好香，還有一碟甜甜的醬汁，與牛排出奇地配合。分量毫不吝嗇，過足口癮！整體來說，食物質素良好，看得出是用心之作，服務員殷勤有活力，但價錢偏貴。

今日一家人去咗九龍城泰國街入貨(自己整泰國菜). 到咗晚飯時間. 係九龍城當然係食泰國菜啦! 小曼谷開咗應該有10幾年了.  餐廳地方坐得舒服. 每個職員面上都有笑容, 而且好主動服務客人. 值得稱讚. 講返餐廳食物先. 天氣太熱, 一坐底先叫兩杯飲品先. (個女唔飲凍嘢. 係都唔叫. 服咗佢 )西瓜沙冰- 新鮮西瓜做的沙冰. 送到枱上已經有一陣陣西瓜味. 老公話好清甜好消暑解渴. 泰式青檸水 - 青檸檬清香. 解渴泰皇咖哩少海鮮 - 大大碟的泰皇咖哩少海鮮. 大青口, 大蜆, 大頭蝦, 鮮魷魚, 帶子. 加上青椒, 紅椒, 洋蔥, 大蒜, 加上咖哩醬汁及辣椒油. 味道絕對係冇得彈. 因為咖哩香味濃郁, 而且辣味適中, 不會搶走咖哩的原有味道. 我個女唔食得辣. 都食到津津有味. 笑咗 . 講返咖哩裡面嘅海鮮. 大頭蝦 - 有一隻, 大大隻的. 個頭真係好大, 而且蝦膏相當豊富, 還有蝦肉的. 蝦肉大大條, 而且非常彈牙. 肉質鮮甜, 蝦味濃郁. 青口 - 好大隻呀! 青口肉都係大大粒的. 最少都有4隻. 因為有好多都只係個殼大, 肉就細. 但這青口啖啖肉的. 蒜蓉包 - 有4件.

小曼谷泰菜係九龍城其實都有一段日子，甚至係好多香港人的回憶，不過我對呢間野既回憶就只有人龍~永遠行過都鬼咁多人企哂係門口排隊~今日老公放假，早左出去食飯，竟然見到仲有好多位，當然要入去試下啦~論裝修嘛，呢度真係無乜，坐卡位都還可，中間個D就好似去FOOD COURT 的長枱咁而且都唔算係寬敞個種~餐具同餐牌嘛，更有八九十年代的大排檔風味添~不過我都幾鐘意呢D餐牌，張張靚相，唔使估係咩，就連阿囡都識叫餸~XD家下天頭慶，坐低整個沙冰先啦~芒果沙冰，甜度適中，芒果味都幾天然，唔係好藥水雖然老公話都係用糖漿~不過我就覺得幾有新芒果既感覺囉~椰青沙冰，第一次飲 (阿囡呢期愛上椰青) 有好濃的椰青香味，都唔係死甜，比芒果更FRESH 比飲椰青又多左D口感同冰凍感~好 OK AR~青咖喱雞雞係用雞件，唔係用雞塊，有痴住骨同皮的雖然食個時有D麻煩，不過就比雞塊更滑~ 青咖喱得少少少少辣，略嫌甜左少少，如果用黎撈飯，好鬼漏~入面仲有好多泰式加子呀，青豆角呀，叫做中和番少少甜味囉~另外叫的蒜蓉飽，好香脆~用黎沾咖喱食不過塊飽好鬼大舊，如果再切細D ，會食得方便D~冬蔭公湯係我同老公既至愛，當然要叫啦~呢