小方糖甜品 (廣華街)

營業中

休息中

同老公口痕去食糖水，黎到依間實唔伏既地方食指定食黎食去都係果幾款架喇，今次叫左椰皇燉蛋白鮮奶，仔細啲咁睇下原來宜家冇左用真椰皇？個表面我分唔到，但入面封左層膠係面，用得耐接合位都爆埋出黎，我都係食食下先發現，質素係正常既，只係會驚唔知會唔會溶左啲膠入食材度老公叫既係宇治金時，丸子最好食如果加啲煉奶仲好

放假又係搵食既時候啦！旺角想搵個地方兩個人拍下拖靜靜地，真係唔易架想換返個好心情，食返個甜品，係最佳選擇，經過小方糖，見價錢ok就入去試試小店食品質素不錯，份量如果多d更好，值得一試

同朋友食完飯難捨難離，又係時候搵下場坐低繼續吹水。今日煙廠街嘅人都比較多，我哋最後決定喺小方糖攞飛，因為記得九龍城鋪都幾好食。三個人等左5分鐘就有位啦。第一個甜品係熱番薯湯圓芋圓，我個人比較鍾意重嘅薑味，所以個糖水底我覺得OK，不過朋友就覺得好辣。湯圓煮得都可以嘅，唔會太林，入邊係芝麻餡。不過芋圓就有啲失望，一邊一啲芋頭香味都冇。燉鮮奶蛋白係三款甜品入邊最好食嘅，雖然賣相好一般，但係入口就有好香嘅奶味，而且口感好滑。推介！呢個芒果雪花冰賣相唔錯，不過就冇預期中咁好食。佢個芒果冰底唔似係新鮮芒果味，芒果香料味比較重。而且同啲配料味道唔多夾，希望佢哋可以嘗試吓配合其他材料啦。

今日五嬸嘅哥哥一家三口喺新加坡嚟香港旅行，今晚我們一齊食完晚飯之後去咗旺角廣華街嘅「小方糖甜品」食飯後甜品！由於店內唔算太大，坐位與坐位之間感覺比較逼同窄！他們嘅款式種類都幾多，有啲花多眼亂！最後我們叫咗太陽香蕉船除咗有一隻切開一半嘅香蕉，中間夾著三球可以自選味道嘅雪糕，兩條香脆嘅朱古力條，仲有啲「星星脆」舖面！椰皇湯圓燉蛋白有芋圓同湯圓，當中嘅芋圓好煙韌彈牙，椰汁嘅味道相當香甜濃郁！士多啤梨乳酪雪芭嘅賣相好色彩繽紛，當中嘅粉紅色心形蒟蒻係我們最鍾意嘅！龍珠改有雲呢嗱雪糕沙冰/小丸子/龍眼肉/椰果，全部嘅食材都係白色，所以色澤賣相就唔算好吸引，但份量都幾多，龍眼肉好清甜新鮮，小丸子相當煙韌彈牙！黃金拿破崙嘅賣相相當吸引，而且份量十足，有三大件咁多，頂層有新鮮香甜嘅芒果同香滑嘅忌廉舖面，但都唔會令到底層嘅拿破崙變腍，食落質感非常酥脆香口，真係好正呀！勁薑蕃薯糖水果然係勁薑，因味道真係好夠辣同好香甜！

同舊同事係旺角飯聚，難得一聚，傾到落閘都未盡興，決定轉地方，搵間糖水鋪傾埋下半場。同事話九龍城有間糖水鋪，剛係旺角開左分店，一於趁機會試新野。可能平日既關係，一去到就有位。鋪頭座位枱與枱之間距離較窄，客滿就會坐得唔舒服，幸好今日唔算多人。蛋白燉鮮奶，口感夠滑，奶味都好香濃，不過略甜左少許，如果嗜甜既朋友應該會喜歡。椰皇湯丸燉蛋白，賣相討好，同事話蛋白好香滑，椰皇味都好配合，湯丸就一般冇特別。香芒小丸子，另一同事表示，雪糕似平牌雪糕，芒果同小丸子都冇特別，感覺一般。基評分: **味道(基基基)**外貌*(基基基)*抵食(基基基)**服務(基基基)**最後基言:以旺角而言，位置方便易搵，價錢相宜，食物OK

一班朋友每次食完晚飯都唔捨得離開, 捧住個肚都話要食糖水事關想見多幾面旺角廣華街附近有幾間糖水店, 當晚約11點半, 門外依然有十多人三五成群咁係門口等候入座, 幸好等了十五分鐘就有位場內面積不算大, 檯與檯之間比較接近, 甜品選擇比較多, 中/西式甜品, 仙草凍都有, 最後點了一碗簡單既中式糖水蛋白杏仁糊夠晒熱, 上檯時陣陣杏仁香, 杏仁糊唔會水汪汪, 蛋白花夠滑夠多, 整體唔會太甜..下單到埋單離開, 前後只用了十五分鐘

小方糖甜品中式西式甜品，傳統或新頴fushion款都有。今次一行十人所以叫左多款甜品，可以試多幾味~整體黎講，冇話有一樣特別深刻印象係好味，大部分都只屬ok而已~ 依度嘅糖不甩唔太正宗，其實只係同普通芝麻湯圓冇湯伴咁款。芭菲唔建議叫，我地叫左士多啤梨口味，雪糕一食就知唔係大牌子，個士多啤梨味雪糕仲要係人工製出黎個種假假地士多啤梨味，生果嘅士多啤梨toppings亦係偏酸。賣相同menu有出入，冇相咁靚同豐富。唯一比較好嘅係椰皇湯圓燉蛋白，冬天食就最適合不過。除左湯圓同蛋白，佢仲有D芋圓係入面，D芋圓都唔算完全冇味，煙煙韌韌。個人鍾意聰嫂聰少多過小方糖甜品。環境氣氛： ★★★☆☆食物質素： ★★★☆☆服務態度： ★★★☆☆

第一次食呢間甜品鋪係喺九龍城，原來旺角都有一間，喺煙廠街直插過去，唔洗5分鐘已經由旺區到達，不失為mk飯後之選。店內甜品配搭新穎，但效果出色，毫不突兀。選擇之多諗咗15分鐘先揀好，有選擇困難記住帶多幾個朋友仔嚟，嗌多幾款分甘同味心星五星之選，想搵米芝蓮舉報佢。首先士多啤梨（配芒果？）沙冰已經相當精采，冰涼得嚟唔快融，仲咬到果榨嘅感覺。配料除咗新鮮士多啤梨同芒果，仲有好貼題心型士多啤梨蒟蒻同星型芒果蒟蒻，非常彈牙。所有嘢溝埋實在係神奇，頂級，超卓。香芒小丸子香芒小丸子原來仲有雪糕同西米，唔似其他鋪頭加$5先畀幾粒西米你。$33食到幾樣嘢，誠意分都加十分。豆腐綿花冰受法國菜式啟發，家下啲餐廳連加滴汁都要寫出嚟驚，點估到一個豆腐綿花冰送夠芒果、珍珠、蜜糖星星畀你，配搭效果仲喜出望外，集鬆、韌、綿、脆於一身。綿花冰本身亦相當出色，夠薄夠鬆身，入口即融，豆腐味越dep越出。紅豆芋圓鮮草凍朋友A話係最好食係呢味，不過本人唔多嗜甜就覺得有啲over，可能有返咁上下少女情懷先識欣賞。埋單可見人均$30，食到$50嘅質素，可謂除咗各大連鎖糖水鋪之外嘅黑馬之選。

係附近食完飯，想食多個甜品，今次選了小方糖。附近有幾間甜品店，早前的經驗令我已blacklist甜牙牙，嚐糖很有特色但坐得無咁舒服，御前上茶待我想吃綠茶才去吧！因此，選了看似簡單平凡的小方糖。記得夏天在這裡吃過西瓜盅的甜品，已很有印象。今次一入到去就聞好香的焦糖味定焗酥皮味，令我好想食拿破崙，其實都無想過質素如何，只係好想食，但竟然很有驚喜！建議如果幾個人黎食，一定要叫一客來share，不過，雖然好似好大份，但有點似鬆化版的蝴蝶酥，不會很膩。以後我突然想食拿破崙，都會來這裡！

在一个月前買外賣,有個四眼男仕收銀,買了三碗甜品.在門外等了起碼十五分鐘以上,就問下四眼男仕咁耐嘅,他沒有理睬及回答,再等了五分鐘才拿出來.多謝都冇句,我感覺我好像乞食.食品一般,谅粉冇味又林,以後執到錢都不會辦襯嗰四眼

本人去買外賣落單時，個4眼男人做收銀兼落單。全無表情，與客人零交流。當我等左10公鐘後，就問佢仲有幾耐要等。 佢竟然啤我一啤，唔答我行左去。我果一刻已經想走。之後佢就好悔氣攞個外賣俾我。冇多謝亦冇唔好意思。 買左1個熱綠豆沙， 1個楊支甘露。 百痴到放埋一個袋。結果返到屋企，個楊支甘露唔凍唔熱!!!! 😡😡😡😡以後都唔會再幫襯佢!!!

之前係九龍城食過咖啡雪芭覺得又濃又香，所以成日去親都食咖啡，今次係旺角見到就捉左朋友試啦……就諗住試其他………點知想食芋圓的我又想食凍米諗住問凍食會吾會吾好食，點知待應一句話要加錢，加錢沒問題，想問係米會吾會吾好味啫……已經失望左…食完最後係…朋友都話麻麻吾會有下次。 今次見到香芒雪糕雪山$30…黎到係刨冰，味道偏假，芒果味得個甜字，失望。龍珠 $33 + 芋圓$8…味道濃椰子吾覺有龍眼味，沙冰黎到變水，都幾失望沙冰係咁樣水狀，幸好有幾粒龍眼見到和芋圓味道不錯有口感。

難得約齊朋友出街 一定勁多水要吹 無理由食完個晚飯就講byebye係旺角食甜品一定會諗起廣華街個堆甜品舖 但係講真  黎黎去去都係個d窩夫最近行過先知原來開左間小方糖 次次去九龍城必食佢店內座位唔係好多 可能時間倘早 唔駛等就有位啦叫左5個糖水share食 身為榴槤既粉絲一定會嗌既齒頰留香同留戀天使 齒頰留香個底係榴槤汁 有一大球榴槤肉 黑珍珠 椰果 仲有個牛乳布丁食落口同聞落去都好香 呢個配搭 正! 留戀天使 呢個除左一大球榴槤肉之外 仲有一球雲呢拿雪糕 再加小丸子同透明既珍珠講真 我覺得小丸子真係配咩都好食既 榴槤肉唔捨得食要留番最後一啖食 等個口'臭'到天光哈哈哈再黎係都算多人食既芒果拿破崙 呢個拿破崙一上台已經勁香 大家都忍唔住係咁'索'哈哈上面既cream同芒果汁無令拿破崙變淋 咬落去仲好脆好香口 加埋上面甜甜既芒果 唔錯仲有同樣係芒果既香芒小丸子 小丸子真係配咩都無錯既底既芒果汁都幾濃幾甜 唔會似d假個d糖水藥水味 應該係真係芒果整出黎既汁最後一個係龍珠 其實唔知點解佢叫龍珠 純粹因為個配搭好似幾好味所以叫哈哈個底係龍眼椰汁冰 配龍眼肉同黑珍珠 都幾特別幾清甜 不過不失啦因

通常黑布街呢邊既糖水都係貴又唔太好食但今次朋友介紹呢間真係等咁耐都好抵我叫左個留戀天使，個汁底真係勁濃稠，又有榴槤肉，加埋個幾好食既雪糕，仲有小丸子，真係有啲驚喜另外兩個朋友每人叫左兩樣野，有西瓜汁，好香，另外果啲草莓既都好夠味3個人5樣野，一共只係150幾！咁既價錢係對面果間真係冇乜好食下次應該會再來的：）

食完韓燒，好想食返d甜品中和番d肥膩感，就過對面呢間甜品店嘆返個甜點！呢款朱古力蜜糖星星吐司，賣相幾靚仔，有球朱古力雪糕，配上少量香蕉，perfect match! 吐司切成粒狀，香脆可口，又方便進食，食晒超飽！hehe....