小廚港作

營業中

休息中

今晩約咗啲朋友去荔枝角食晩飯，是但去咗間茶餐廳，諗住嚟緊假期咁多消費，所以今餐食平啲，點知原來都唔太平喎，同酒樓價差唔多。菠蘿咕嚕肉 ($70) 都幾有鑊氣，咕嚕肉炸得脆口，酸酸甜甜好開胃。沙嗲粉絲金菇肥牛煲 ($66) 真係好好撈飯食，肥牛都幾腍，唔韌。但個味道就鹹咗啲。我就覺得一口牛 ($72) 好唔掋食喇，好似蔬菜多過肉咁，啲牛真係好油膩。

朝早食早餐個時叫左個蕃茄通 牛肉伴個通 好有蕃茄味架 呢個唔錯呀喂 跟住佢個蛋都冇乜特別既 係就係細左少少囉 通粉係冇問題既 叫左杯凍奶茶 奶茶真係麻麻 有D水味 算OK既 好飲既 早餐整體黎講都OK

今日stock take完番到公司都2點，當然就等到2點半嚟食下午茶啦！最近食咗2次豬扒烏冬下午茶，比較熱氣，今日食吓其他嘢～揀咗 F3 鮮忌廉黑松露大蝦意粉餐 跟 餐飲熱檸水，$35...賣相不及烏冬吸引，不過松露味十足，嗅覺同味覺都有，每一啖都有果種火水味（唔知噉樣形容得啱唔啱），意粉配有洋蔥絲、紅蘿蔔絲、蘑菇粒，同三隻金香「大蝦」。意粉嘅口感shok shok聲唔錯嘅，3隻「大蝦」略為鹹咗啲但都新鮮靚仔嘅，不過呢個配搭就好似唔係好match喇...$35呢個價錢，仲要求啲咩吖～食飽飽喇，又係時候番上公司繼續努力工作～下次再試吓其他，邊食邊寫食評同大家分享～

今日番公司OT，最開心就係可以落嚟食我至愛嘅下午茶 - 小廚港作 嘅 豬骨濃湯稻庭烏冬配吉列豬扒拼吉列大蝦！呢個餐，lunch time嚟食要$49；tea time $39，有時番工就到時間，我就會晏啲嚟食，慳番$10！$39，有咁多嘢食仲有餐飲，係咪抵讚！個烏冬仲要好滑，超好食！個烏冬有粟米粒，金菰BB，鳴門卷，仲有啲蔥花，雖然後者2樣我都唔食，但個賣相係咪好吸引，食指大動！而個豬扒同蝦，炸得剛好，脆卜卜但唔油，同伴碟嘅沙律醬係perfect match！仲要講吓佢杯熱檸水！啲檸檬好新鮮，所以杯熱檸水唔會有澀味！好喇！食飽飽充滿力量，番公司繼續做嘢喇！

之前係荔枝角返工, 周不時都會食下呢間茶記! Lunch會好多人係門口排隊等位, 但又好快就有位!有時夏天好熱既時候, 餐廳仲會派一人一枝益力多俾等緊位既食客! 多麼的貼心啊! 某天晚上偶然經過荔枝角, 看到久違了的小廚港作, 就不自覺入去進餐了~點了久違了的S6~招牌鮮茄牛腩粒湯蜆殼粉!湯底還是濃厚的蕃茄味, 帶一點牛腩香味~ 喜歡呢度既蜆殼粉, 煙煙韌韌, 滿有口感! 跟餐有奶油豬~好脆! 仲有荷包蛋&火腿! 另外揀左西冷牛扒餐配黑椒汁+薯角~塊扒好腍, 黑椒汁亦夠惹味, 但係食食下好咸~真係好咸!!薯角腍左, 唔夠新鮮… 真係咸左D….覺得食完呢個餐超出我一日鈉攝取既quota~!!餐飲揀左+$8既特飲: 荔枝益力多味~ (原枝益力多)荔枝糖水同益力多唔太match! 亦唔夠凍, 味道偏甜…..另外熱菜蜜亦係偏甜~~總括而言食物都是偏重口味, 但服務不錯~ 落單同出餐同午餐一樣都好快~夜晚來服務員感覺好似仲NICE D~ 不過下次來我都係食返經典S6就夠了~

最近去過幾次，有個短髮收銀阿姐好有態度，長期黑口黑面，有啲受氣感覺。食物水準唔差，外賣包裝都幾好。如果收銀阿姐可以寬容啲會好啲，依家去幫襯好似要唔知點解俾佢兇咁。

呢間嘢嘟食左幾年，味道唔錯！近年換人換了一批又一批，落單呀姐黑口黑面，好似爭佢💰咁！叫奶茶多奶好似要佢啲人奶咁難，仲要口乜乜！仲要搞到嘈交，依家唔去啦，俾錢買難受！

K先生同我都好鍾意食常餐，而佢又好鍾意食日式野，所以我就帶咗佢去小廚港試食日式常餐，佢哋嘅常餐並非平時一般茶餐廳嘅公仔麵配多士炒蛋，而係讚岐烏冬配吉列炸蝦同燒汁豬日式常餐啱晒我哋口味雖然佢哋價錢比一般茶餐廳貴，但我地覺得係有誠意嘅常餐。

小廚港作, 係荔枝角都小有名氣ge, 出名食咖哩.今次黎到食左個咖哩豬扒意粉，個咖哩係真係其錯ge!!! 非常香口，但是呢，個豬扒就麻麻地。又實又硬，結果我就剩係搵咖哩撈晒啲意粉食，啲豬扒就食左一半姐。順帶一提，呢間原來係內地人眼中都幾出名，有一半既食客都係講普通話，估唔到荔枝角都唔少內地人 冰奶茶方面呢，就都一般般，無正常茶餐廳咁有茶香，似翠華翠河果類就咁沖出黎，唔算特別好飲。整體黎講個咖哩係堅好味既，不過下次再黎可能就試下咖哩牛腩，飲過第樣野飲啦!呢個價錢，ok la!

有一段日子冇幫襯 今日去回味一番 叫了常吃套餐蕃茄牛腩湯底蜆殼粉 火腿荷包蛋 豬仔包 豬仔包卜卜脆 搽上牛油加煉奶 甜味剛好 包邊有少少燶 恰到好處 邊邊脆卜卜 中間軟軟甜甜 非常正呢個蜆彀粉看似平平無奇 食落口就煙煙靱靱 呢個口感我就最欣賞 蕃茄牛腩湯底 濃度適中 有錦上添花之力卜卜脆 & 煙煙靱⋯回味中💕

今日Lunch去小廚港作食 唔算等左好耐就有位 趕時間於是果斷叫左一個Lunch Set的淡咖哩肥牛焗飯上枱一刻滿滿的焗咖哩汁會勾起人的食慾 以茶餐廳來說香味不俗 但感覺太多汁應該會好肥吧 味道方面既然叫得做淡咖哩 真係好淡 不過就勝在唔辣 唔洗驚食到流鼻水 對午餐趕時間的人來說是不錯的選擇 可惜肥牛肉好多根 肉質真係麻麻 $45我個人就覺得略貴了 跟餐飲品隨意叫左杯茶走 反而有少少驚喜 甜度適中 茶香奶滑 雖然講唔上係頂級但就足以令人充足電下午繼續博殺

晨早流流去完觀音廟借庫😪，要食個早餐醒神下，呢間不嬲都係同事集體叫早餐外賣首選，難得有時間要坐低慢慢嘆💔火腿煎蛋厚多士💔呢間既厚多士一向都香脆鬆軟，但今日壓扁左真係好失望❤️招牌鮮茄牛腩蜆殻粉❤️依然保持到水準，蜆殻粉Q彈滑溜，鮮茄湯濃郁，粒粒薯仔煲到又粉又入味$30早餐尚屬抵食，雖然厚多士失左水準，但為左蜆殻粉依舊會再幫襯

這裡的早餐選擇很多，之前食過沙爹牛肉，牛尾湯等都是一般。 今次選了炸菜雞絲麵，終於感受到呢間茶餐廳是有點誠意。炸菜雞絲是炒出來的，配料很足， 配以辣椒炒香，味道很濃，加埋湯底及爽口的麵底，配合得好好。

公司位於荔枝角, 好多時叫tea來來去去都係食開魚蛋燒賣果幾間, 自從知道呢度嘅下午茶價錢都OK之後就食開佢啦, 今日幾個女仔有啲口痕, 3:15 叫左d小食沙漠雞中翼呢個雞翼係必食嘅下午茶首選! 鬆脆可口, 雖然係炸物但一d都品油膩, 外皮處理得好乾身! 而且食落有dd辣, 好野味! 😋😋😋👍🏻小食併盤有4款小食, 炸蝦餅好香口彈牙, 薯皮一般般屬正常野, 其餘2款小食冇食到, 不過同事話春卷好脆好好食!

是日想吃重口味食物，選了這食店作晚餐，入内坐sofa卡位，從餐牌選了2個餸，一是黄金蝦，蝦加了蛋黄炸，賣相金黄，外面入口酥脆，蝦肉彈牙覺新鮮，二是蝦醬通菜妙象拔蚌，蚌同樣新鮮爽口而通菜配蝦醬相輝映，味濃恰到剛剛好，跟晚餐的一杯凍咖啡，入口超級特濃美味。