將太壽司

營業中

休息中

聽朋友介紹就黎到間小本經營既日式料理店。外面放有十棵八棵綠色植物，幾有心思入面店舖雖小，但坐到大概廿個客。全間鋪頭都放滿左唔同大小高達模型或其他玩具擺設，此乃一大特色三文魚腩刺身$57肥美又新鮮，脂肪均勻麵豉湯送咗一碗麵豉湯俾我哋飲，唔會太鹹，幾足料鹽燒三文魚胶$35(是日特價）燒到皮脆香口，三文魚勁香滑，魚脂香味濃厚，好食到停唔到口，連個皮都食清光。又估唔到食落都幾多肉。聽店員講佢地係解凍完後慢慢燒（有d 我唔記得左），但聽得出係慢工出細貨，難怪咁好食龍卷$85集合炸蝦鰻魚青瓜飛魚子牛油果於一身既卷物，賣相唔止吸引，仲勁好食。牛油果新鮮，炸蝦又脆彈，鰻魚食落帶甜冇骨。卷物又包得夠紮實唔易散冰鎮清酒花甲$40花甲大隻肥美，無沙，每隻都夠哂凍，亦有冰凍得黎香濃既清酒味，別有一送酒一流芒果蟹子沙律$52勁大兜沙律，芒果味道偏甜，撈起沙律醬後味道清新可口，好醒胃費城卷$85含有三文魚芝士牛油果飛魚子，芝士唔會騷，味道一樣唔錯，但我會鍾意龍卷多d。食到最後都有d 食唔落，可能芝士太漏總括黎講，呢間日式小店食物質素高，服務又好，仲冇加一，兩人埋單都係三百頭，CP 值高，勁推薦大家有入黎屯門就試下

呢間壽司店係美樂花園附近，經過朋友推介，決定晚餐黎試下。當晚八點幾左右，入面已經滿坐，我地前面有一枱人等緊，職員都好有禮貌話有張細枱比較窄問我地介唔介意，我哋見未肚餓就等多陣，大概九點入座。我地分別叫左四樣野，承惠二百幾蚊，整體味道一般😅😅帶子壽司：帶子口感同肉質都唔錯，不過壽司飯就實的的咁，入口有啲難食…問左朋友，原來卷物同壽司係唔推薦既🤣肥牛鍋（壽喜燒湯）+烏冬 $88：朋友推薦，都大碟，味道唔錯，烏冬夠滑，好味😋燒三文魚鮫$38: 少少燒燶咗，但三文魚有油香，抵食之選炸蝦天婦羅：正正常常😅

今日一家四口嚟到屯門碼頭區既依間將太日本料理開餐。呢間鋪頭都幾隱蔽，位處於屋苑內街嘅最盡頭，鋪頭細細，位置唔多，建議嚟之前最好就先訂位啦。**********🍣三文魚刺身因為屋企人唔想食太多生冷野，只係叫咗一份刺身過下口癮。三文魚新鮮，質素正常。🐉龍卷黎到每次都一定會叫佢地嘅卷物，前後有十幾種唔同配搭，總有一款啱你口味。我地叫既依款卷物就有炸蝦、鰻魚、牛油果同飛魚子。吉列炸蠔炸得幾香口、係略嫌燶左少少。🍲紹菜肥牛鍋配烏冬本來點左餐牌上面既西洋菜肥牛鍋，侍應話冇西洋菜，轉咗做紹菜。鍋入面塞滿哂蔬菜同肥牛，分量超多，湯底吸收晒蔬菜同肥牛嘅精華，清甜不膩，所以一定要加$10配烏冬食😋！🐟燒鯖魚普通，燒得香口但過鞋左少少。🍤日式拉麵配雜錦天婦羅拉麵既相唔記得左影🤣，我地一致認為麵既湯底有啲怪怪既甜味，如果用番肥牛鍋個湯底成件事就唔同哂。而雜錦天婦羅就做得好出色，炸漿簿，冇油膩感，唔太燶，上枱時仲係熱辣辣即炸既，非常推介依度既天婦羅👍！將太嘅性價比十分之高，四個人只係三百幾蚊埋單。絕對係平食日本料理嘅不二之選👍。

一間精緻既日本餐廳，店內有多款食物選擇，仲有好多推介食物，點左刺身，壽司，龍卷，三文魚鮫，芝麻雞翼，天婦羅，清酒凍蜆同拉麵。今次已經吾係第一次食，就係鍾意佢keep到水準，刺身好新鮮而且夠凍，入囗夠甜同滑，食多都吾漏每次黎都會食下佢地既卷物尤其有炸蝦或者蟹同牛油果既卷物，整得好靚同炸得好好食，而雞翼同天婦羅亦炸得好鬆脆. 三文魚鮫做得好香因我本身對魚鮫麻麻，但佢地整得一啲都吾腥，我都食左好多下其他食物都一樣咁有水準，唯一問題係要預早少少攞位，因坐位吾多又經常有熟客幫襯.最緊要係價錢一啲都吾算貴仲好合理，出面食同樣新鮮質素既起碼貴七八成至一倍，所以我一定會再黎幫襯備註：老闆娘好好人

呢間餐廳算係呢區質素比較高既日本餐廳, 同家人平均一個月食三次。 鍋仔烏冬, 烏冬係手打烏冬, 冬天食一流。費城卷一條有八件, 餡料有三文魚, 牛油果, 炸蝦同芝士, 連同醬汁味道非常配合。 牛油炒雜菇, 份量多又好夠牛油味, 唔會水汪汪。 燒三文魚骹係家人每次必點既小食, 鐘意食魚既一定要叫。 另外仲有龍卷, 芝士餃子, 魚生同雞軟骨等等, 全部都係我地既至愛。但好奇怪既係最近三次去食, 次次叫牛舌都話冇, 但明明只係夜晚六點。如果已經冇賣不如係menu上刪左佢啦。

在朋友口中介紹，原來屋企附近是有間唔錯的日本料理本身同老公兩個都係鍾情於日本美食🇯🇵所以一放假就去食下新野吞拿魚加三文魚刺身飯仲有面豉湯同前菜刺身都好新鮮，係吞拿魚有少少筋原來9點後入座，壽司同卷物都係會有七折優惠的，所以呢到9點後其實都好爆場。壽司都算ok,不過不失。但勝在平價抵食。紫心香芋丸，仲要是即叫即炸外脆內軟，好清甜個人覺得是必食之選炸蝦天婦羅，熱辣辣,炸得剛剛好，勁香脆。肥牛鍋加烏冬，份量勁多，足足兩個人食都食唔晒。勁足料，味道濃郁，勁好味

諗唔到食咩，周圍行下，發現原來美樂呢度有間日本嘢，之前真係冇留意到佢。9點後壽司、卷物都有7折係幾抵！但天氣凍想食熱嘢，都係叫咗豬軟骨拉麵加一客北寄貝壽司。拉麵湯底都夠濃，份量正常夠飽，不過不失。 壽司冇影相，不過都幾細件，北寄貝都ok 啦。食物就一般啦，但服務好好，待應好有禮貌，好主動加茶同友善！加埋壽司有折，最後埋單都係58蚊，好抵食！ 餐廳入面又兩部電視，慢慢坐睇下電視都唔錯。呢間係9點後精選😂😂😂

鰻魚炒烏冬搵極都搵唔到鰻魚，又甜，又多汁，又水，又太諗炸雞燶嘅，大佬炸雞喎，燶到咁喎？啲卷話又牛油果又係得指甲咁大，成條卷8舊得2舊有牛油果？刺身Size仲細過壽司上面果塊，啲帶子，話特大-》3 片， 根本係一粒開一半，即係半片又話1片，收$45？？？咩炸蝦天婦羅用甜蝦咁細隻唧蝦，完全無味食左幾樣真係好肚餓但都唔可以再叫落去真係返屋企煮個餐蛋麵都正過佢1萬倍雖然喺美樂9點幾都唔預有咩美食但唔好樣樣都難食吖大佬痴線點解可以做落去唔執諗爆頭

平時都係9點之前去食,但2月24日因為返工就遲左去叫左好多壽司,原因係因為9時入座壽司都有7折!!去問個女侍應有無咩介紹,佢就介紹左1啲大卷同海膽之後叫左海膽一板,另外有啲壽司,1條龍卷食物方面,條龍卷攞到出黎,巳經好睇得 食落都好好味.原因係入面有炸蝦.軟中又有跪既感覺海膽黎到.好新鮮, 都係$88,無介紹錯(good)再之後黎左啲壽司,唔似得平時食個啲一夾就散仲好好味tim^^ .. 食到差唔多 ,原來平日食滿$200仲有3文魚剌身送!!仲要包左個花出黎.好靚.心思絕對有(讚)地點方面,如果唔係朋友之前介紹我去,本人坐美樂都唔知有呢間將太如果開係大路到一定受歡迎!服務方面,我地係2個人落去食.入到去侍應好快就過左黎問幾多位安頓好我地就比茶我地飲. 食野個陣因為唔小心整左啲野食落手諗住攞紙巾既時候.侍應巳經好快速攞左黎果然好細心. 走個時又開門.服務得好好.笑容又有最後食左$206.無加一收費.好抵食真係

打過保齡球已９點多，來到他小學同學家開的日本料理店吃生日飯．跟著輕鐵站旁的易拉架的指示找，地點不算很好找，也不算太隱蔽．原來離保齡球場很近，打了那麼多次也沒發現，好在他比我認識路.不大的店，９點多有一台客人．我們叫了＄１４８的二人前，有：．蟹子沙拉 - 普通貸色．三色刺身（三文魚，劍魚，甜蝦）- 普通貨色, 甜蝦很細隻．鰻魚炒飯 - 尚可．兩條燒秋刀魚 - 不錯, 大大條．兩碗味增湯 - 味增湯來說味道不錯, 但材料不算豐富．金菇牛肉卷 - 這很不錯, 他也說很好吃他說生日飯要吃得豐富點，再叫了一份三文魚刺身和一客炸生蠔，叫的時候語氣有點"豪"．hoho~ 也許是為了我高興吧.生蠔很細隻, 炸粉很厚.這裡的食物質數普通，但價錢平宜，頗為抵食．待應都是年輕人，他跌了一條筷子，女待應主動拿來一對乾淨的．環境蠻靜, 店裡有電視可看，就一邊看無線，一邊平靜的吃了生日晚餐．

一行3人打完bowling後....等埋二少，今晚食壽司~!!!多多ma推介"費城卷"必食.....我地當然要試吓啦~!!!!日式燒餅.......咖哩豬扒飯......日式炸生蠔.....大量壽司......費城卷果然好味~~~但其餘的......真是一般~!但價錢唔平呵....不過，一班朋友食得都好開心~!!!!! ^^

之前去過覺得幾好,所以又同屋企人一六去食...叫左玉子,三文魚,鰻魚,火焰三文魚壽司龍卷,三交魚骨,燒靖魚,鰻魚飯,猪軟骨拉麵,炸蝦天婦羅...玉子,三文魚,鰻魚,火焰三文魚壽司, 龍卷,三交魚骨,燒靖魚,鰻魚飯 - 味道ok~猪軟骨拉麵 - 麵一般...但猪軟骨就唔熟...><炸蝦天婦羅 - 佢炸得好好呀...但蝦無味law...服務都ok ga~都肯幫我地番燒個麵呀....