影片
電話號碼
23667798
營業時間
今日營業
18:00 - 22:30
星期一
18:00 - 22:30
星期二
全日休息
星期三至日
18:00 - 22:30
以上資料只供參考, 請與餐廳確認詳情
聽朋友介紹就黎到間小本經營既日式料理店。外面放有十棵八棵綠色植物，幾有心思入面店舖雖小，但坐到大概廿個客。全間鋪頭都放滿左唔同大小高達模型或其他玩具擺設，此乃一大特色三文魚腩刺身$57肥美又新鮮，脂肪均勻麵豉湯送咗一碗麵豉湯俾我哋飲，唔會太鹹，幾足料鹽燒三文魚胶$35(是日特價）燒到皮脆香口，三文魚勁香滑，魚脂香味濃厚，好食到停唔到口，連個皮都食清光。又估唔到食落都幾多肉。聽店員講佢地係解凍完後慢慢燒（有d 我唔記得左），但聽得出係慢工出細貨，難怪咁好食龍卷$85集合炸蝦鰻魚青瓜飛魚子牛油果於一身既卷物，賣相唔止吸引，仲勁好食。牛油果新鮮，炸蝦又脆彈，鰻魚食落帶甜冇骨。卷物又包得夠紮實唔易散冰鎮清酒花甲$40花甲大隻肥美，無沙，每隻都夠哂凍，亦有冰凍得黎香濃既清酒味，別有一送酒一流芒果蟹子沙律$52勁大兜沙律，芒果味道偏甜，撈起沙律醬後味道清新可口，好醒胃費城卷$85含有三文魚芝士牛油果飛魚子，芝士唔會騷，味道一樣唔錯，但我會鍾意龍卷多d。食到最後都有d 食唔落，可能芝士太漏總括黎講，呢間日式小店食物質素高，服務又好，仲冇加一，兩人埋單都係三百頭，CP 值高，勁推薦大家有入黎屯門就試下呢間街坊小店。期待下次試下其他窩物同燒物btw,最好book 定位，繁忙時間會full booking, 同時亦有幾個人出面等位
繼續閱讀
呢間壽司店係美樂花園附近，經過朋友推介，決定晚餐黎試下。當晚八點幾左右，入面已經滿坐，我地前面有一枱人等緊，職員都好有禮貌話有張細枱比較窄問我地介唔介意，我哋見未肚餓就等多陣，大概九點入座。我地分別叫左四樣野，承惠二百幾蚊，整體味道一般😅😅帶子壽司：帶子口感同肉質都唔錯，不過壽司飯就實的的咁，入口有啲難食…問左朋友，原來卷物同壽司係唔推薦既🤣肥牛鍋（壽喜燒湯）+烏冬 $88：朋友推薦，都大碟，味道唔錯，烏冬夠滑，好味😋燒三文魚鮫$38: 少少燒燶咗，但三文魚有油香，抵食之選炸蝦天婦羅：正正常常😅
繼續閱讀
今日一家四口嚟到屯門碼頭區既依間將太日本料理開餐。呢間鋪頭都幾隱蔽，位處於屋苑內街嘅最盡頭，鋪頭細細，位置唔多，建議嚟之前最好就先訂位啦。**********🍣三文魚刺身因為屋企人唔想食太多生冷野，只係叫咗一份刺身過下口癮。三文魚新鮮，質素正常。🐉龍卷黎到每次都一定會叫佢地嘅卷物，前後有十幾種唔同配搭，總有一款啱你口味。我地叫既依款卷物就有炸蝦、鰻魚、牛油果同飛魚子。吉列炸蠔炸得幾香口、係略嫌燶左少少。🍲紹菜肥牛鍋配烏冬本來點左餐牌上面既西洋菜肥牛鍋，侍應話冇西洋菜，轉咗做紹菜。鍋入面塞滿哂蔬菜同肥牛，分量超多，湯底吸收晒蔬菜同肥牛嘅精華，清甜不膩，所以一定要加$10配烏冬食😋！🐟燒鯖魚普通，燒得香口但過鞋左少少。🍤日式拉麵配雜錦天婦羅拉麵既相唔記得左影🤣，我地一致認為麵既湯底有啲怪怪既甜味，如果用番肥牛鍋個湯底成件事就唔同哂。而雜錦天婦羅就做得好出色，炸漿簿，冇油膩感，唔太燶，上枱時仲係熱辣辣即炸既，非常推介依度既天婦羅👍！將太嘅性價比十分之高，四個人只係三百幾蚊埋單。絕對係平食日本料理嘅不二之選👍。
繼續閱讀
一間精緻既日本餐廳，店內有多款食物選擇，仲有好多推介食物，點左刺身，壽司，龍卷，三文魚鮫，芝麻雞翼，天婦羅，清酒凍蜆同拉麵。今次已經吾係第一次食，就係鍾意佢keep到水準，刺身好新鮮而且夠凍，入囗夠甜同滑，食多都吾漏每次黎都會食下佢地既卷物尤其有炸蝦或者蟹同牛油果既卷物，整得好靚同炸得好好食，而雞翼同天婦羅亦炸得好鬆脆. 三文魚鮫做得好香因我本身對魚鮫麻麻，但佢地整得一啲都吾腥，我都食左好多下其他食物都一樣咁有水準，唯一問題係要預早少少攞位，因坐位吾多又經常有熟客幫襯.最緊要係價錢一啲都吾算貴仲好合理，出面食同樣新鮮質素既起碼貴七八成至一倍，所以我一定會再黎幫襯備註：老闆娘好好人
繼續閱讀
呢間餐廳算係呢區質素比較高既日本餐廳, 同家人平均一個月食三次。 鍋仔烏冬, 烏冬係手打烏冬, 冬天食一流。費城卷一條有八件, 餡料有三文魚, 牛油果, 炸蝦同芝士, 連同醬汁味道非常配合。 牛油炒雜菇, 份量多又好夠牛油味, 唔會水汪汪。 燒三文魚骹係家人每次必點既小食, 鐘意食魚既一定要叫。 另外仲有龍卷, 芝士餃子, 魚生同雞軟骨等等, 全部都係我地既至愛。但好奇怪既係最近三次去食, 次次叫牛舌都話冇, 但明明只係夜晚六點。如果已經冇賣不如係menu上刪左佢啦。
繼續閱讀
您可能會有興趣的...