寶哥火鍋味館 (已結業)

平時食任食邊爐得1.5/ 2小時，食到趕頭趕命～但寶哥好好，有3小時食，仲有紅酒白酒任飲又有魚生刺身食，正！位置都近地鐵站，佐敦落車行3分鐘就到，好方便（影漏左一頁配料😭）呢啲野飲任飲（如果最貴個價會有紅酒白酒任飲）食得濃味嘅人就唔好叫胡椒豬肚湯，好淡味啲配料我會推介：魚旦、蘿蔔、竹笙、招牌白鱔片、雞髀菇、深海八爪魚蘇牛柏葉好硬、豬紅水魷麻麻地肥牛一般，反而鮮牛肉有驚喜，半肥瘦咁幾好烏冬唔係cheap烏冬，係凍烏冬，好正！呢餐可以慢慢食慢慢傾好開心個日係星期二但都滿坐，所以最好book左位先！

抵食高質打邊爐🥘佐敦不嬲都多野食，天氣又凍番就岩晒打邊爐。寶哥呢度有3種任食set, 今次食B餐：特長3小時高級火鍋放題 + 6款刺身 + 5款特選海鮮 + 靚牛拼盤 + 日本稻庭烏冬 + 任飲啤酒汽水，以品質黎講絕對對得起$360呢個價。由先湯底已經比第二度多啲款： 招牌寶寶雞煲、猴頭菇鯊魚骨湯、海鮮冬陰功湯、銀杏胡椒豬肚湯，今次試左人參醉雞湯，啲雞食落嫩滑有酒香，清晒先碌其他嘢食。套餐既封門柳牛味好重，雙飛厚切啖啖肉，刺身正常水準。海鮮都好鮮味有彈性，蠔爆出黎既汁好甜。任食既選擇都有好多粟米好甜，竹笙，黃沙膶爽，岩晒邊爐既皇帝菜，仲有唔同魚既部位，魚卜卜都有，全部都好新鮮。真係好正，野飲係一揀左就要成 jar 拎黎飲😂 酸梅湯酸甜度適中，冇負擔又解油膩。p.s 服務唔錯，主動換骨碟同收空碟。

用料勁新鮮, 魚類簡直超班，只吃魚卜、鱔片、脆肉鯇都值回票價!$198 一位已經可以任飲汽水同任食80款食物，真係好吸引!另外，魚皮、餃子、湯底、多種蔬菜 (記得試叫西洋菜，MENU冇但次次都有得食!) 樣樣都好正!抽風系統都好，食完冇一身味道!兩星期去左兩次，家人都讚好!20人仲有獨立房間，真係招呼好好會再來再來再來!

個陣去食之前聽班朋友講話去食寶哥，我都有Ｄ驚話會好貴，因為佢地話Ｄ牛肉夠靚，又有海鮮同刺身食。黎到門口望到個MENU，原來仲平過係旺角食個堆火鍋。咁我地今次就揀左Ｂ餐。睇住佢張點餐紙，Ｄ選擇唔係好多咁，不過都揀到好多野。首先會有刺身上枱，數量會根據人數而增減仲會送埋盆海鮮上黎，都係當日時令既海產。點左個醉雞湯底，幾香，Ｄ雞件仲好足添。呢盆牛好好味，牛味重，入口軟鯰，正。任食餐單既野都唔馬虎，呢個價錢都有呢Ｄ料，估唔到。個三拼丸係手打，好足料。佢地既魚蛋都係手打，出面食唔到。我Ｄ　ＦＤ就鐘意食魚，我就麻麻啦。二百零蚊唔洗就食到呢餐，其實我都有Ｄ估唔到，如果講同區既話我諗呢間係最抵食，不過記得ＢＯＯＫ位，有時都幾ＦＵＬＬ！

近呢幾年火鍋店周圍都有，但有水準嘅真係寥寥無幾。呢間寶哥人氣一向幾好，試完之後總算了解佢吸引之處，就係好食！一行兩人我地叫左個雪蓮果椰子湯底，對我黎講湯底好重要：大濃，會感受唔到食物鮮味；太淡，不如白烚。而呢個湯底香得黎帶清甜，唔會太搶但輕輕帶動你嘅味蕾，搞到最後唔小心食多左添呀。湯底講完就梗係講料啦，整體黎講配料新鮮，鮮牛肉牛肉味好夠，加埋湯底個椰子香真係一流。手打丸有咬口，食落幾爽。另外值得一提係個百花釀油條，以前係粥舖食炸兩個回憶真係估唔到可以係一間火鍋店搵返。仲有幾款湯底幾吸引，下次再黎一於就試試銀杏胡椒豬肚湯先～

而排天氣開始涼涼地，最岩就係去打邊爐。之前都食過而間火鍋，覺得幾好，所以今次就同埋朋友一齊再戰寶哥！個到有主要帶三款唔同既火鍋放題選擇，我地就揀左中間個款，又可以試下刺身又可以一試海鮮拼盤。而到既飲品選擇都唔少，汽水啤酒當然唔少得，仲有成渣既竹蔗茅根可以同朋友一齊清熱氣。首先上既係刺身，好新鮮，而且都有成7款唔同既刺身，有好鐘意食既北寄貝同赤貝，當中有和牛刺身！之後有海鮮拼盤，有蝦，青口，大蜆，聖子。所有蝦都用竹籤吉住好方便食，其他海鮮都唔錯，大蜆都好大隻同鮮甜。火鍋放題當然就每樣野都試下，而到既選擇都唔少，肥牛，丸當然就唔少得。另外仲有黑柏葉，鵝腸，連豬肺都有，真係估唔到，連朋友都好奇豬肺打邊爐，所以我地都叫左黎試，都唔錯。最後大家都食左好多，足足食左三個鐘，每次落order店員都會即刻準備食物，唔會帶漏單情況出現，而且食左三個鐘都唔會趕住交枱，好適合同三五知己一齊去邊食邊傾。

一句講哂，食物水準吾得，吾明點解食評會有咁多like😼刺身吾多新鮮，火鍋配料除了蔬菜，其他已不多識寫😑食物吾得都算，侍應服務態度要培訓,值得一贊係環境座得舒服

天氣突然凍左咁多，冇左個秋天直接跳去冬天咁，好唔慣呀！想食好多暖野團積下脂肪，不二之選，打邊爐吧，當然要任食啦！上網見到呢間喺佐敦嘅火鍋店幾ok咁，去喪食一番先！我揀左個中庭價錢嘅任食餐，$238/1位 有剌身，海鮮同靚牛啵！我平日夜晚黎都好爆場bor,好彩我仲有入到僅餘嘅位。Lucky!和牛刺身真係好少食，亦好少有得食，目測和牛油花好靚，而入口滿有牛油香！仲有赤貝，甜蝦，魷魚，八爪魚同希靈魚，樣樣都好新鮮！調味醬料，係一d basic野，有豉油，辣椒，䓤同生蒜，不過食海鮮靚牛，醬料簡單d就得啦，廢事蓋左d鮮味⋯揀左胡椒豬肚湯底，食完仲唔暖笠笠？！湯底唔算好辣胡椒味，豬肚都幾好食海鮮來了，手心咁大嘅貝類，size好誇張，有蝦，蜆，鮑魚仔同魚右下角滿有醬汁嘅係午香牛腩，本身已經係燘林左熟嘅，只係放入窩滾番熱，呢個牛腩肉林筋多，五香味好濃，好食！肥牛同其他牛肉都唔錯！Menu有豬紅揀，但識食定食鴨血啦！我自己就覺得鴨血口感好味d!水就同深海魷魚so 好爽口魚皮鮫 ，蟹枊，墨汁墨魚丸質素都唔錯生根小波波最緊要冇油憶味，索曬湯底嘅味道，我食左好多個鱔片新鮮無泥味，不過較多骨，食果陣要小心d，好

以前係長樂街學跳舞 經過見到這間寶哥 成日都係ig 見到fd食 今日就約埋同事收工黎試試啦基本上佢係任食既 但有3個唔同既選擇 分別係$188/$238/$288 打算試試水溫既我地決定先試$188套餐湯底都有12款 天氣凍凍地 我地決定試個鮮人參醉雞湯 唔止湯底內有人參 原來重會跟足成碟雞 就咁飲個湯都幾好味 淡淡既人參味唔會甘到苦 好暖胃喔💕邊點配菜已經先黎左個刺身拼盤 幾款都好新鮮 如果刺身都可以任食就正啦哈哈🤤🤤最好係冇跟3文魚 唔會食到好膩可能因為我地係2個人食 點既配料都係2粒呀 4塊咁 小小地咁好好👍🏻👍🏻 唔夠食先再點 唔洗一黎就大大碟 完全冇得再嗌其他野食😊我地點左都好多款野食 黑豚肉有小小似豬頸肉 羊肉正呀 唔會係好(so) 食左2碟👀重有蔬菜類 就點左芋頭 蘿白 生菜 估唔到連冰豆腐同秋葵都有 魚類都點左魚腩同鯇骹 我就怕骨冇食到 但同事話好味 夠新鮮！還有響鈴同百花釀油條 這個真得好小任食地方有得食 響鈴就唔算好脆 但個油條不嬲都係我心頭好喔 任食都有得點都幾抵最最最最最讚係個深海大八爪魚🐙鬚 同埋水魷魚🦑 魷魚夠爽 而個八爪魚真係超正 超大條同埋好彈牙 不停再

今日同屋企人去左佐敦呢間寶哥火鍋味館到打邊爐。地方都算幾容易搵到，一入到去就要揀定邊款火鍋，我哋揀咗最平198一位既火鍋。以平價火鍋黎講，材料算新鮮，仲有刺身送Tim!!!!!!嘢飲仲係任飲，任食3個鐘，可以話係食得好飽！如果要揀平價火鍋，又要坐得耐，呢間值得推薦！

食得太多台式火鍋，今次同朋友專程試下本地薑<寶哥火鍋味館>，新推出半自助火鍋放題，任食3小時，我地揀左佐敦分店，係地鐵站行過去都係5分鐘，十分方便。餐廳環境都幾舒適，行親民簡約路線。餐廳好有心思劃分左兩個Zone，一邊有卡位適合三五知己傾計，另一邊圓枱設計，家庭聚會或見客都好適合。 我哋揀咗B餐，主要因為我哋唔飲紅白酒。套餐已包括6款刺身 、5款特選海鮮 、靚牛拼盤 、日本稻庭烏冬和啤酒汽水任飲。若果鍾意飲紅白酒，可以揀C餐喔。😚通常去火鍋店都唔會對刺身有太大期望，但呢度嘅刺身拼盤竟然有驚喜，尤其是墨魚和赤貝清甜爽口，最特別的是有sashimi 級的牛肉刺身，好正啊！👍🏻另外海鮮拼盤有鮑魚、龍躉肉、海蝦、蚌和生蠔。雖然種類不是太多，但有鮑魚和龍躉肉已經物超所值💡🌟整體海鮮質素不錯，有爽口的，有鮮甜的，份量每人一隻。話明半火鍋放題，當然唔少得任點任食，我們order 了猴頭菇鯊魚骨湯底，材料多，不是MSG仿真湯😂 。喜歡重口味的朋友，可以一試招牌寶寶雞煲和海鮮冬陰功湯，味道應該不錯。另一款必食的是薄切羊肉片，放落湯3秒，配上少少蔥花醬油，完全帶出羊肉嘅香味。喜歡吃羊肉的

天氣開始轉冷，當然要約朋友去「烚下烚下」，吃火鍋絕對是迎接冬日的最佳活動!!! 這次朋友選了新開的寶哥火鍋味館，我之前沒有來過，所以算是第一次來，沒想到整體感覺都很不錯，已經約好朋友下星期要再去吃一次了。寶哥火鍋味館在2樓和3樓，進大門後要往左轉上樓梯就會看到，環境明亮整齊，空間感不錯，桌與桌之間不會很擁擠，而且店內不是那種很吵鬧的火鍋店環境，幾個朋友一起來聚會很適合。我們點了B套餐，送一份和牛刺身拼盤、海鮮牛肉拼盤、三寶丸、烏冬，然後其他的配料都可以任點任吃。個人大大大力推薦：1. 脆肉鯇魚，入口非常非常彈牙爽口，不是隨便用魚肉假裝脆肉鯇，全晚總共點了3次2. 牛坑腩，肉味濃郁，入口有嚼勁(但不是硬)，比起不少麵店的牛坑腩更好吃3. 雲吞，外皮極薄極滑，肉餡飽滿扎實，而且還有一整隻蝦其實全晚所吃的東西都很不錯，每一款都有一定質素，可以一試。

尋日同閨密食左一間喺佐敦打邊爐叫寶哥，幾好食。餐廳環境好優雅。我地坐響樓上既大圓枱，空間感更寬廣。呢度有隻招牌魚蛋超彈牙，好好食。肥牛好重牛味。而我既最愛係脆肉鯇，必食推介!!!真係有俾腩位我!!仲好新鮮好爽脆!!好少有餐廳俾咁靚腩位，翻點左1round。竹笙都係必點既，原條又粗又大條，幾好爽口。仲有杏汁白肺，好腍滑，處理得勁好無異味飲品了竹蔗茅根，清甜潤喉。整體食物質素好高的，價錢也合理，下次我要再食佢隻招牌魚旦。

📸#tagnshare佐敦篇- 《十二月之無限次打邊爐》雞煲邊爐，冬天必備啦！寶哥雞煲比較多汁，都無諗過啲雞會咁嫩同埋咁入味。因為醬汁唔係咁杰身，倒湯落去做邊爐都唔會一舊舊同有燶味。邊爐款式都超過三十款，淨係湯底都有十款，任飲任食都係二百幾蚊！#服務態度好好#連油炸鬼墨魚滑都有喎#魚皮勁脆#打邊爐季節🙋🏻‍♀️高妹小編- 👇🏻地址👇🏻.寶哥火鍋味館 (佐敦)佐敦長樂街8號文興樓地下至2樓-

天氣一凍就想打邊鑪， 近年開左好多好有噱頭的火鍋店， 但我都是愛傳統一點的～～ 寶哥火鍋開左好多年啦！ 佢地D野都好新鮮～牛肉用靚料架！ 我地選了任食火鍋，點菜紙如圖。 任飲的選擇不多，但都夠飲。 火鍋必用醬料。 凍凍地，食返個胡椒豬肚湯底，正！ 送既刺身。 牛肉都幾靚，滾一滾就食得，好香牛味喔！！！ 海鮮雖然無得任食，得一ROUND，都幾好，有鮑魚、蝦、大蜆、生蠔同魚！ 我地兩個人點左都幾多野，樣樣都好新鮮！ 加上出得又快，又無漏單。 幾好幾好！！