影片
營業時間
今日營業
06:30 - 23:00
星期一至日
06:30 - 23:00
以上資料只供參考, 請與餐廳確認詳情
親戚多，家族大，一到大時大節就好多應節飯，相就影定先，有時間就會寫吓，當作個記錄。今次嚟到「富軒」做冬，一向以嚟都喺一手一腳由親戚安排，我哋只需俾錢同幫手不停食，可謂了無牽掛盡情食。可惜，今次因為有啲親戚去咗旅行，有啲病咗，唔算齊人，只開壹圍半。環境格局就如一般酒家咁樣，都喺燈火通明，正所謂做冬大過年，所以，第一輪座無虛席，但第二輪應該唔太多客，因為我哋食第一輪嘅，到8:00pm都無被催埋單。冬至晚飯全包宴分幾個價錢：$3,688、$4,188、$4,888，預先落訂金仲每席減$500，半席就減$200，講明全包宴咁就梗係包茶芥加一，仲附送大支啤酒兩支及汽水六罐。我同老婆就坐晌半席嗰邊，所以餸菜份量喺減半。上湯焗蝦球伊麵通常呢啲大時大節，枱枱都喺食套餐，理應材料啲預備、烹煮流程應該都有晒步驟，不過，實際就喺有咩出咩，先上場就喺呢道伊麵。雖然喺半圍份量，但份量十足，啲蝦大大隻，鮮甜彈牙，伊麵無過腍，又煮到無碎濕濕。鴻運乳豬大拼盤 個人而言，俾我都寧願揀大拼盤好過乳豬全體，有多啲唔同嘢食嘛！個拼盤除咗有乳豬，仲有海蜇、燻蹄、燒鴨同叉燒，質素就唔講得話好好，但至少唔差。碧綠金錢鮑螺片雖然唔喺鮑魚片，但啲螺片都炆得好夠腍，咬落柔韌有咬口，而大大隻嘅花菇好厚肉，口感軟腍有菇香，用料唔失禮，底下仲有墊有唔少生菜。沙律盞天婦羅蝦睇名好似好勁，不過，上到枱就雞啲，一來所謂沙律盞其實只不過一碗仔沙律菜淋上胡麻醬，二來對比碟伊麵嘅蝦球，啲天婦羅蝦真喺奀啲，咬落去變咗一半喺蝦肉，一半喺粉漿，還好嘅喺唔太油。碧綠花姿蘭花蚌鮑螺片嘅「碧綠」喺生菜，呢碟嘅「碧綠」就喺西芹，仲搭咗少少燈籠椒，加埋鮮魷同蘭花蚌炒埋一碟，清清哋都幾好食。金湯海皇燴燕窩小弟戒食魚翅，但好多時啲酒席、全包宴大多數都有翅，不過，今晚呢一道湯水就更啱我。老實講，面頭好似就一層層燕窩，但就真喺唔喺好食得出，海皇料亦唔見得多，但個湯頭確喺幾清甜。清蒸沙巴龍躉正所謂年年有餘，蒸魚菜式喺指定菜式，睇落已經覺得好夠斤兩，食新鮮魚清煎就最好不過啦，搭埋少少蔥絲，火喉又算啱啱好，肉質都頗嫩滑，又有魚鮮味。富軒脆皮燒雞全包宴去到尾聲，燒雞又喺另一指定雞作，我哋喺半圍，所以得半隻，但斬得好，砌番晒個形出嚟。外皮金黃香脆，咬落肉質嫩滑，一啲都唔失禮。生炒臘味糯米飯老實講，依家都好少機會食到真正嘅「生炒」，都喺煲好啲糯米飯作後期加工炒出嚟。啲飯煙煙韌韌，但就無一種炒到好爽身嘅感覺，還好臘味料都好多，食味唔錯。大師糕點其實就喺杞子粟米桂花糕，晶瑩剔透嘅桂花糕，糕身好清爽，確有陣陣桂花香味，加咗杞子、粟米粒，就增加多咗少少口感。其實我呢班親戚對食要求唔高，志在過時過節聚一聚。招呼方面，雖然今晚（第一輪）好旺，但啲侍應嘅招呼都算唔錯，上菜嘅速度亦都OK，雖然次序都喺隨意架喇，但起碼唔會急一輪又無嘢到，枕住都有餸菜上枱，最緊要都喺一班長輩食得開心。
繼續閱讀
同長輩去呢度食飯，叫咗陳皮蒸鮑魚，芝士龍蝦焗伊麵，蝦球伊麵，脆皮燒雞半隻，仲有豬腳仔Overall 個質素都唔錯，自己最鍾意就係個脆皮燒雞，碟雞唔會太肥膩，即使雞胸肉，都唔會鞋鞋柴柴，雞皮即使凍咗，都仲係脆口，做得唔錯。熱食嘅時候，咬落去雞皮會滲dd 油香味道口感都幾好，呢個價錢咁嘅質素，推薦推薦！鮑魚係即叫即又水缸撈上嚟，非常新鮮！上碟嘅時候會幫你將肉同殻切開，方便食用。埋單酒樓送兩張$50 coupon，可以用到二月中，樓面服務都OK，新年可以去試吓。
繼續閱讀
睇完其他食評去冒險一試~除了點心算不錯同平之外~無一可取~經理、侍應、傳菜阿姐無不鞋口鞋面~十問九唔應~圈多了點心話轉頭再嚟點心時扣番，點知轉頭阿姐又同我圈落張卡到，仲怪我做乜唔題佢~無言~最終到了戲肉了，三點半未夠有隻阿姐已在我枱隔離大大力把D碟飛落去張枱度(擺位)~我大聲講話被人趕了~得到牠怒啤而視~從來試過去飲茶有這難忘的經歷~真不枉此生了！
繼續閱讀
食完個碗勁多都無人收一收都算😌野食又唔係好食😊啲服務又無都唔係最誇叫阿姐俾多啲啲汁好似要攞佢命甘😇好聲好氣講左好幾次唔該可以俾“多啲”汁嗎佢話俾左啦，就走鬼左俾多少少汁甘難嗎？定係人未瞓醒？聽唔明人話？🥸點心等成半個鐘有多先到個小籠包好實，實到汁都無皮厚😌蝦蛟是ok的，好似灌湯餃甘多汁我唸佢直接改名將蝦蛟叫灌湯餃都得燒賣又乾又有陣味(唔識形容)牛肉球又細，而且凍既！！！半個鐘有多既野，而且係牛肉球凍🤡🤡呢點我真係接受唔到難聽啲講連一次都唔想去，跟住話貪方便有升降機總結：食物差環境很迫又熱衛生佢地連收野勁耐都未必收態度0,可能有鈔能力就有掛？
繼續閱讀
飲了幾十年茶從未如此受氣過，這間酒樓價格是比較便宜，但員工態度之惡劣真是聞所未聞，特別某女侍應，已經不止一次見她跟食客起衝突，語調無禮，把點心紙丟到客人正在用熱水洗濯的杯碗，還夠膽跟食客吵架，難怪人人都寧願北上。
繼續閱讀