富華冰室 (秋雲大廈)

營業中

休息中

嗰日放咗工好攰，又唔想行得遠，就近近地入咗富華冰室食。當時大概7點已經差唔多坐滿人，食物應該有保證😆見到隔籬枱嗌咗個牛扒🥩，我又跟機，晚餐set $88 跟一個湯同意粉。牛扒唔錯，唔係太多根或者肥膏，平嘅價錢食到”Garden” 餐廳嘅質素👍🏻另外叫咗薯仔牛柳粒🥔、酸菜魚🐟同鹹魚肉餅🍪。薯仔牛柳粒意想不到既好味，好有鑊氣，完全唔似普通茶餐廳食到嘅質素。酸菜魚偏酸多過辣都非常唔錯，有菜同芽菜做配料，不過偏油。鹹魚肉餅還可以，味道冇乜特別。飲品跟餐嗌咗紅豆冰，好多紅豆🫘，鍾意食紅豆嘅你一定要叫。一間性價比高嘅快食餐廳，唔錯！

真係好鬼鐘意食茶記，今次經過又入來試下先，貪呢間有好多款式選擇，岩晒每個屋企人的需要酸菜魚配白飯🐠🍚唔會輸比專門食酸菜魚的餐廳，辣度並非十分強勁，酸度剛剛好，魚肉好夠滑，不過不失，整體配埋白飯真係好好吃🤤腸仔肉醬意粉🍝小朋友必點的，腸仔份量唔少，肉醬又多，意粉入曬味😋咖哩雞扒意粉🍝咖哩汁令到意粉入味，雞扒有多舊，啖啖肉好滋味🍖菠蘿包🫓新鮮出爐，所以點了一個來試，經烘焙過後表面金黃色，大大個真係好正，配上整片牛油份量十足👅叫埋忌廉卷和朱古力麻糬，之前食過要encore😍😍飲品選擇一杯凍檸樂😝😝三杯熱朱古力🥳🥳富華係香港有多間分店，真係每一間茶記有唔同的味道💯🎉🍳富華冰室 (秋雲大廈)🧑‍🍳荃灣眾安街29號秋雲大廈地下A-C號舖#富華冰室 #荃灣 #荃灣美食 #美食博客 #美食介紹 #港式美食 #菠蘿油 #香港必食 #香港美食 #荃灣茶餐廳 #荃灣區 #眾安街 #香港 #新鮮出爐 #多間分店

👧🏻😋👅🍽✨連鎖冰室大件夾抵食-🇭🇰 整體份量足, 價錢抵, 環境都好舒適; 冰室來講款式算好多, 仲有是日特價晚餐都好多選擇-🍜 沙茶醬牛肉炒河粉 $68💯真心大份😂 我好大食但可以食足兩餐share左俾屋企人; 牛肉片大塊唔韌又冇醃到腍晒, 個醬雖然冇炒落河粉只係鋪面, 但個粉有用蛋炒過好香口, 仲有菠蘿, 甜洋蔥同三色椒, 平衡沙茶醬油膩感-🥩 蒜蓉美國西冷牛扒 $120✨鐵板套餐配餐湯, 自家製餐包, 西冷扒大大塊好厚肉, 揀左五成, 慢慢用鐵板再燒熟啲; 薯菜係原個薯仔配忌廉汁, 烚到好腍好滑, 好味又飽肚-🍲 焗鮮茄牛脷飯 $70💯牛脷好腍, 鮮茄汁稍稍偏鹹, 但撈勻成個飯都ok, 飯係炒底基本野做到晒粒粒分明夠乾身-🥯 出爐麵包✨出爐靚蛋撻 $8 酥皮酥脆唔會太油, 蛋香唔太甜, 整體好食但唔太特別, 市價$6較合理😌✨經典蝴蝶酥 $12 呢個反而覺得好抵, 係大過塊面既蝴蝶酥, 呢個size唔會期望佢好似細塊咁脆, 但佢都焗得均勻好酥化✨麻糬波波 外賣價$15/3個 有芝士, 谷古, 黑芝麻, 漲卜卜大大粒做早餐一流-🍹 特飲 +$7 / $10💯檸檬咖啡: 係茶記好

同弟弟行街見到好大個菠蘿油包包🥯即刻二話不說要入去 #富華冰室一入到嚟見到人哋食緊 #鐵板燒我都鋸返塊扒先🤭❤️洋蔥汁美國西冷牛扒+薯菜🥩$120另附上羅宋湯加餐包叫咗七成熟啱啱好 塊扒超厚吖😍另外焗薯有沙律醬都好好食❤️下午茶就好抵食，因為$48就有隻大大炸雞髀+紅豆冰，仲要雞髀炸完唔會乾，肉質也非常OK!香口😬❤️而茶餐A嘅煎豬扒+煎蛋公仔麵，可以另加$7轉番茄湯底，好大塊扒😍呢度啲食物份份都king size咁🤣最後就係要介紹冰室新鮮出爐嘅麵包全部熱辣辣架！識食一定係叫埋熱奶茶 ，又香又濃嘅奶茶🍵🔥超人氣$16菠蘿油大過弟弟塊面 皮面脆卜卜，我幾乎冇喺岀面食過咁好食嘅菠蘿油架！另外仲有懷舊忌廉筒，大人小朋友都鍾意～～菠蘿檸檬撻、椰絲奶油包同蛋撻都係好有水準😍可以買返去同屋企人食架！

之前就同大家分別介紹過旺記、翠豐、雪山、龍城，而今次黎到荃灣，同大家介紹另一間冰室 一 富華冰室 🌟無糖鮮奶蛋白燕麥配蛋撻 $42絕對系健康之選👍🏻酥皮蛋撻食得出酥皮層次🤤👍🏻🌟全日早餐 $63一碟有齊：火腿、煙肉、吉列魚柳、牛乳炒滑蛋、茄汁豆、是日餐包非常豐富，非常扺食🤤👍🏻🌟 招牌焗鮮茄豬扒飯 $70炒飯底，豬扒肉質軟腍之外亦幾大塊，搭配鮮茄同芝士🤤👍🏻🌟菠蘿檸檬撻 $11撻皮香脆，搭配菠蘿蛋糕x檸檬醬酸酸甜甜幾清新🤤👍🏻🌟足料靚雞批 $14撻皮香脆，內餡非常多🤤👍🏻🌟流沙雞尾包$10麵包鬆軟，內餡亦比得非常大方🌟蜜意叉燒包 $14麵包鬆軟，內餡亦比得非常大方🌟菠蘿油配紅豆冰 $32麵包鬆軟，搭配酥脆菠蘿皮，牛油慢慢溶入麵包🤤👍🏻🌟日式鰻魚炒飯 $68炒飯有鑊氣之餘，鰻魚亦比得相當大方🤤👍🏻📍富華冰室 (秋雲大廈)地址：荃灣眾安街29號秋雲大廈地下A-C號舖#荃灣 #富華冰室 #冰室 #蛋撻 #菠蘿油 #紅豆冰 #茶餐廳 #留港消費 #全日早餐 #覓食荃灣 #食在荃灣 #荃灣食乜好 #為食關注組 #蜜意叉燒包 #足料靚雞批 #流沙雞尾包 #菠蘿檸檬撻 #香港美食地圖 #日式鰻魚炒飯

這間茶餐廳上菜算快，然後沒想到晚巿居然菜款亦不少，啫啫雞煲有吱吱聲，新鮮滾熱辣，雞件味像燒雞，蒜頭亦吸收了雞味，重點是居然雞煲有豬潤，而且非常嫩滑很大塊。然後粟米魚塊份量大，脆皮粉漿又肉厚有口感，多汁送飯一流。而蒸煮方面，紅油口水雞大約有十多件雞件，雞髀肉較多，起初不見有紅油，原來寶藏藏於底，夾起雞肉紅油立刻滲漏出來，雞肉夠滑，配以麻辣紅油和爆蔥頭醬料加花生增加了口感。冬菜豆卜蒸紅鮋，整條魚上菜，魚肉厚身，折魚皮即滲漏鮮甜魚油，非常鮮美，豆卜亦偏甜與魚肉十分匹配。真沒想到茶餐廳居然可以食到豐富的晚餐。

打完風，就一家人去屋企附近富華冰室食晚飯。呢間港式茶餐廳有好多款式選擇，岩晒我地一家唔同喜好。🥰椒鹽魷魚：呢個我地去中式餐廳都基本必。魷魚炸得非常酥脆，外皮金黃，魷魚夠嫩QQ。椒鹽調味恰到好處，唔會太鹹，更加食到魷魚嘅鮮味。而且份量好多，邪惡又滋味。🤤咖哩吉列豬扒飯：預期之外嘅好味，豬扒外層炸得酥脆，入面仲保持到嫩嫩，厚身又唔鞋口，配上香濃咖哩汁，味道非常豐富。咖哩汁唔會太辣，港式咖哩最岩我胃口，超好送飯，加埋入晒味嘅薯仔，正爆！鐵板牛肉眼扒：係是日晚餐，牛扒上檯，滋滋聲嘅鐵板，香氣撲鼻，睇到都流晒口水。扒嘅熟度可以根據個人口味調整，我地拎起一部分，就可以食生d，另一位屋企人要熟晒，就留係板上。即使全熟肉眼都唔會鞋口，唔多筋，有肉汁又有肉味，好食。配菜有焗薯，加埋芝麻醬好食，仲有少少蔬菜搭配。晚餐價格合理，性價比高。蒸黃花魚：用冬菜同豆卜蒸，時間岩岩好，魚肉鮮甜，仲要超級嫩滑，真係專業就係專業。魚肉唔霉夠彈牙，豆卜吸引魚肉汁，又有冬菜提味，見餐廳內都唔少客人揀呢個，果然好食！最後飲埋菠蘿冰同凍檸茶，超級滿足。部分餐點仲有跟埋湯，整體抵食又好味，推介！

上星期我地一家去左富華冰室食晚餐，叫左以下菜式：🍝焗鮮茄芝士肉醬腸仔意粉 $68番茄味重、肉醬加上拉絲芝士，香氣四溢，濃郁好味的肉醬～ 配有嚼口的意粉，滋味十足👍🧆惹味薯仔牛柳粒 （配明火例湯+絲苗白米）$98出乎意料咁好食，牛柳粒肉質嫩滑，配上黑椒粒香口又惹味，大大舊，好抵食， 份量十足，正宗香港味😋🍛揚州炒飯 $66好足料，蝦仁又多，炒香的材料配上粒粒分明米飯粒，超香口食完正餐，我地仲試埋餐廳ge即場烘焙包點，因為呢間冰室嘅麵包係新鮮熱辣架🔥🍍菠蘿包$10二寶最愛，菠蘿包熱辣辣，金黃色的菠蘿包泛着濃郁的奶香，咬落去外皮非常鬆脆，充滿港式味道。🥨蝴蝶酥$12第一次見比手掌仲要大ge 蝴蝶酥，牛油味香濃，口感鬆脆，甜度適中👍🍪麻糬波波試左黑芝麻味同朱古力味黑芝麻味芳香撲鼻，黑芝麻味好香朱古力味好出色, 入面有朱古力漿，而且又大粒又足料，食完一粒真係唔夠喉，即刻想多粒呀😋

#吃貨心柔日誌 😋 荃灣📍富華冰室假日又是親子出動覓食嘅時間😋一直對港式冰室有種情意結！因為帶住小朋友外出，揀食物方面都會少少局限😅但一間冰室已經有齊港式，中式，西式不同嘅選擇！帶住小朋友都總有一款食物啱食🥰超級方便👍🏻今次去到荃灣Shopping🛒經過見到「富華冰室」地點好就腳，就喺荃灣千色後面👍🏻.🔹 全日早餐 🍽️ $63(火腿扒、英式腸、吉列魚柳、牛乳炒滑蛋、煙肉、茄汁豆配自家製出爐麵包)這份All Day Breakfast一上枱，心柔即刻大叫：「嘩😍有波波炒蛋🥚」未見過波波型炒蛋😍好特別讚一讚個擺盤好靚！打卡一流📸就係媽咪不停打卡影相的時候，心柔已經暴風式🌪️食完整條英式腸😅(所以應該好好味)吉列魚柳好大塊，意外地一啲都唔厚粉👍🏻每份配上一個自家製出爐麵包🍞見到麵包有少少紫紅色，好奇問一問店員🗣️原來係紫薯麵包🍠味道唔錯，心柔好鍾意食！店員話每日款式不同，有時配斑蘭麵包，小菠蘿包，椰絲包等等😉🔹招牌鐵板套餐～美式雜扒 $118好大份，好大份，好大份🗣️重要嘅事情要講3次這份重量級的鐵板餐絕不欺場👍🏻相信就算大男人食，都會覺得超飽🤣套餐配一個餐湯、餐包，可以自選醬汁我哋選了洋蔥汁🧅個

俾餐廳外既麵包吸引住，晚餐時間都仲有好多包選擇。店內播放住流行曲，更添港式餐廳感覺。鐵板西冷牛扒配薯菜 $120西冷超厚切，勁大塊，煎到7 成熟，中間仲係粉嫩，肉質淋，鐵板熱辣辣，淋上黑椒汁，咋咋聲。薯菜竟然係原個焗薯，淋上沙律汁，另伴有配菜甘荀仔、車厘茄同西蘭花。套餐附送餐湯、餐包及飲品。餐包面脆口，甜甜地，好軟，好香牛油味。椒鹽鮮魷 $93配白飯及餐湯，菜乾湯十分夠火喉，好飲。粉漿好薄好脆，魷魚好綿，蒜味好香，微辣，好惹味。西蘭花炒魚塊 $95好香蔥味、蒜味同韮黃味，有獲氣 ，西蘭花有上湯既味道，食落爽口 。魚質實淨，唔係一般食既龍莉魚柳，值得推介👍蛋撻酥皮鬆，蛋漿甜滑；菠蘿包酥皮鬆脆，超大個。

今晚黎到《富華冰室》，地方寛敞光鮮，美食多不聲數，最後還是決定叫番幾道鑊氣小炒。必點地道菜式「椒鹽鮮魷」，香脆可口，鑊氣十足。「西蘭花炒魚塊」，大大舊，好抵食， 份量都唔少，正宗香港味😋叫得小菜，又點小得蒸番條魚呢！😉「豉汁蒸倉魚」，火喉控制得非常好，魚肉嫩滑，豆卜墊底，吸晒香濃惹味的豉汁，實在太美味了！最後嘆埋杯香港特色飲品「咸檸七」，鹹甜冰爽，潤喉化痰，開胃又解渴😋而老公就來一杯清甜美味的雜果賓治。

星期日行完千色店，見到附近有間富華冰室，門口都幾多人排隊，所以就試下，排左15分鐘終於入座，下午茶時間，叫左芝士炒蛋魚柳包配沙律+凍杏霜、星洲炒米粉+凍檸茶走甜，仲有菠蘿包，店員落單錯漏百出，凍杏霜落錯熱杏霜，凍檸茶又無註明走甜芝士炒蛋魚柳包配沙律魚柳夠大塊又脆口，配料有蕃茄、芝士、生菜，加上沙律新鮮爽口，不錯星洲炒米粉由於我叫了走蔥走洋蔥，所以比正常份量細份了一點，配料不算多，普通菠蘿包新鮮出爐，但上檯給我的菠蘿包皮很薄，不夠脆皮，略嫌失色一點

之前經過荃灣千色附近，已經留意到呢間可以買到新鮮麵包嘅冰室，當時見到呢度嘅麻糬波波又大粒價錢又抵，勁想試吓呢度嘅麻糬波波，不過一直都冇買到，今次終於扚起心肝買咗三粒試吓～麻糬波波(3粒，可混合其他口味)💰HK$15每隻味道要咗一粒，有黑芝麻味、芝士味同埋朱古力味麻糬波波！黑芝麻味嘅麻糬波波味道都冇咁突出，黑芝麻味道較淡！芝士味同埋朱古力味就好出色，而且又大粒又足料，價錢都好平，性價比高！下次可以再買多幾粒～

去過幾次了 就是一般茶餐廳的水準上菜很快 晚餐有例湯 份量都很多揀了兩個小菜和一個焗飯煎鹹魚肉餅 外面好像很少機會看到這款小菜煎得唔錯 有少少鹹魚粒·西蘭花炒魚塊 有鑊氣的小炒 不錯·焗鮮茄豬扒飯 熱呼呼的焗飯很大一塊豬扒 很濃郁的蕃茄味道 飯都很多

呢間餐廳方便就腳, 認真多人食呀好彩我就咁啱等到張卡位, 唔洗排好耐隊就有得入去食佢呢度每日都有幾個唔同嘅午餐俾你揀今日我就揀咗呢個蔥油豬扒煎蛋飯, 佢嘅蔥油相當之香, 亦都比得相當之重手, 唔會得少少唔夠食豬扒就雖然唔夠x 華咁厚身, 但佢就勝在唔會煎得好乾身, 亦都比多半塊我食。食晒啲飯塊豬扒都未食完。佢外面就煎得香脆, 內裏都仲會有啲肉汁喺度, 茶餐廳嚟講算比較做得出色另一個驚喜位係竟然有兩隻煎蛋, 一般嚟講比一隻你已經好好, 佢呢到竟然有兩隻, 仲要煎得到標準以上嘅水準, 蛋黃可以比你篤穿撈飯食, 無得頂