富臨皇宮

營業中

休息中

📍#富臨皇宮📍Fulum Palace #FulumPalace.🇭🇰香港柴灣康民街118號康翠台商業中心6樓🇭🇰6/F, 118 Hong Man Street, Chai Wan, HK.人均消費: HKD220.味道: 👅👅👅👅賣相: 👀👀👀👀價格: 💰💰💰💰環境: 🌹🌹服務: 👨🏻👨🏻性價比: ⭐️⭐️⭐️⭐️回頭率: 🔆🔆🔆.本來想去柴灣另一家酒家，誰不知關咗門😅因為爸爸生日，唯有去富臨食🙈不喜勿插🙇🏻‍♂️🙇🏻‍♂️🙇🏻‍♂️恆生咭有折扣優惠，6人餐有7餸1湯1飯1甜品，盛惠HKD1188，好抵食！.⭐️#頭抽走地雞個餐本來係乳豬半隻，不過我哋要求改做頭抽走地雞😅其實隻雞似油雞多啲，不過味道唔錯！雞好似封過咁相對較乾身但不失油香，肉十分之滑！.⭐️#果皮蒸六頭鮑魚係大蓮鮑，不過真係有六頭大！果皮唔多所以啱我食，大隻超爽口！鍾意佢原隻唔起肉蒸，原汁原味！.⭐️#瑤柱竹笙燴燕窩本來興趣不大，但食咗啖就有少少停唔到口，竹笙比較細，但瑤柱都幾多下彌補下口感，燕窩就唔係好覺有🤣不過味道濃，幾厚幾有口感.Ⓜ️#蠔皇黃玉參扣金錢海參本身唔係我杯茶不過都要試下嘅😆海參同冬菇都扣得好入味，海參口感不錯，不過我覺得

食過呢間酒樓好多次喇，無論午餐，下午茶呢度都唔使點等位嘅，因為裏邊勝在夠大啊。就算兩個人都可以坐張四人枱嘅。嘢食方面就系平民嘅價錢，唔貴嘅，呢度的炸乳鴿，好抵食28元一隻，炸得又香又脆，必食推介。

本時好少嚟柴灣食野 今日過嚟同親戚食飯佢哋就帶左我過嚟呢間酒樓食飯一入門果然當得起皇宮之名裝飾 富麗堂皇一睇餐牌wa 抵食一個龍蝦伊麵先88 馬上 正 即刻落單 六個餸 。。。。。 七點坐低 。。。。。七點三叫上菜。。。。。。。。。。。。。。。。。。。。七點半再叫上菜。。。。。。。。。。。。。。。。。。。。。。。。。。。。 七點九再叫上菜。。。。。。。。。。。。。。。。。。。。。。。。。。。。七點十終於有野食了龍蝦麵好食生抄骨好好食牛仔骨好好好食焗豬手好好好好食

位於柴灣康翠台商業中心6樓的富臨皇宮，主打廣東粵菜的酒樓，菜色美味可口抵食。個人最喜歡泰皇蝦球炒通菜，蝦醬鹹鹹香香，十分惹味，送飯一流。蝦球質感爽口彈牙，而且份量充足。另外一款很喜愛的菜式為海參花菇玉掌煲，海參份量很多，如果四至五人來吃，每人至少有一件。花菇吸滿了鮑汁，肉厚，吃落很爽。鵝掌也炆得很軟，不會硬硬的。父親很喜愛吃金蒜銀絲蒸帶子，帶子十分厚肉，質感新鮮彈牙。上面還有少許粉絲和蒜粒，令整體香氣更突出，配上豉油，配飯一流。海皇冬瓜盅也適合夏天享用，味道清甜，消暑解熱，可以挖少許冬瓜肉來吃。職員更會細心地把冬瓜湯分好，可以分得大約十碗。

金銀蛋浸莧菜$78:菜比較硬左些，如果煮腍些就比較好，上面鋪左蛋白，蛋旦、皮蛋，煮得不會太油，青青地都可以接受到。鮑魚滑雞煲$128:十分惹味，煲內當然有鮑魚，還有葱、雞肉、冬菇、紅椒，雞肉不會太腍而且很內味，冬菇薄薄一片片但很大塊，好香冬菇味，紅椒不會辣，只是襯托美，很有煲仔的鑊氣，太約2隻細細地鮑魚開邊，十分爽口又不會硬，有鮑魚肉鮮味，這個很惹味又香，值得再去食多次。生煎菜肉包(6隻)$38:生煎包煎得很香脆，包身又軟熟，饀內有椰菜和碎肉，不會太鹹，味道岩岩好，所以食多個都可以。姬松茸燉響螺湯$128:煲內很多才料，有豬肉、姬松茸、響螺片和雞腳等，所以飲啖湯好像家中過節時阿媽煲的湯一樣，又無味精又濃味，回家後都不會口喝，一煲約有8小碗。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

今天是舊同事生日，約左她一齊去食晚餐慶祝，因她在柴灣附近工作，所以我們約好係柴灣在地鐵等，出左站行5-8分鐘就到，我們到左即刻有位，不用等位，座落就看餐牌都幾抵食，我們就叫左：頭抽走地雞配蒜蓉蟶子$138，頭抽豉油很入味，走地雞不是很大隻，皮很薄身，又不太肥，味道剛好不會太鹹，肉身嫩滑肥美，所以我們都無叫白飯，因蒜蓉蟶子無貨，所以改蒜蓉帶子，帶子很新鮮，上面鋪左一層粉絲和葱粒，粉絲吸左帶子鮮甜海鮮味，所以粉絲好好食。火腩大鱔煲$108，內有很多白鱔，白鱔很多件和很厚身，煎得很咁香好味，枝竹吸左煲內的醬汁，十分好味，可惜太少枝竹，而燒肉就太多，如果喜愛食燒肉這個菜就最適合。另收茶芥每位$10，酸菜$10，都好抵食！😋😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日屋企冇買到餸😛，所以就係附近間富臨皇宮到食。🧐平時週未都會係到飲早茶，有次經過見到佢個晚市都幾抵食，所以今次就黎左呢到試下。😗可能係大集團，環境同衛生都係中上。野食方面我地就叫左佢個set 同另加左小菜。⭐️豉油雞+⭐️蒜蓉蒸蟶子❤️豉油雞好大隻肉質都好滑，聖子新鮮，好好味‼️個人認為幾抵食！😋⭐️乾燒蠔崧粉絲煲❤️超鐘意食粉絲，佢呢個煲個味幾好，加上粉絲夠乾身，正！⭐️薑蔥焗桶蠔⭐️泰王蝦球通菜

有老人家 call咪叫食飯肯定食中餐🙈我地只能希望唔好叫得太傳統,我地叫左一個木桶雞🐔配冬瓜盅,個雞用木桶上既豉油雞,雞唔會好柴,但亦唔滑,味道和口感都做到恰到好處,而冬瓜盅就正合,呢個節令,十分消暑,料亦十分多,真係飲多多都可以😂我地仲叫多左份生煎包🍞,睇到佢光滑既外表,已經夠吸引,咬落啖啖肉,但亦因如此油膩,所以也要節制ㄧ下,ㄧ個起兩個止,最後加埋個桂花糕,十分清新,花香味洗清口中,既濃厚既肉味,使今餐更完美😋,下次可以揾埋朋友泥都唔失禮😏

今日放工約咗舊工友食飯，去咗佢屋企付近嘅富臨皇宮食飯兼聚舊，叫左一個粉絲肉丸煲，番茄玉子鐵板燒同楊洲抄飯，粉絲肉丸煲比較特別，味道都可以，番茄玉子鐵板燒就最美味，配抄飯食就最正，食飽再傾多一陣先走。

星期六晚朋友生日，約咗係柴灣高威閣嘅富臨皇宮食飯，朋友揸弗叫咗幾個小菜，包括有 白灼蝦，番茄抄玉子豆腐，又有乳鴿，叫到成枱都係餸，啤酒梗加不得了，成桶上，朋友不知幾開心，因為呢間富臨我地經常都嚟食，所以招呼特別好，食到成十一点幾先走，朋友都飲到啤啤夫，好咗都可以自己搭車返屋企。

好耐冇一家人出街食飯，佢地話富臨幾抵食，所以去試下晚市有優惠，可以用至抵價錢3揀1,有手抓跳舞雞、上湯焗加拿大龍蝦同清蒸原條沙巴仔，都係$48我地叫左清蒸沙巴仔沙巴仔唔會細，四個人食都好夠，肉質好嫩,蒸得岩岩好砵油焗桶蠔份量好多呀，隻隻仲要好大隻炸蠔，口感好脆，入面好鮮味，唔會腥美極香薯牛仔粒薯仔同牛都有好多塊牛仔粒肉唔會老，薯仔亦夠粉唔會太鹹，唔配飯食都得姬松茸花膠燒豆腐炸過既豆腐索晒汁，好甜，好好送飯松 茸菇好鮮味，我鐘意呢啲咁濃味既菇養生既爸媽仲叫左老黃瓜燉響螺湯係清甜，因為老黃瓜，雞腳同瘦肉燉，唔會油湯渣仲可以當一味餸添

今晚回柴灣娘家吃飯，但阿娘說懶得煮，外出吃好了。樓下的酒樓吃過兩次，都是一般般，所以決定走遠一點，去康翠臺的富臨皇宮。我很久沒去富臨了，上一次去已經是開張不久後去飲茶，柴灣很多酒樓都做不長，富臨卻是屹立多年了。1. 老黃瓜燉響螺非常足料的燉湯，響螺肉都有好幾塊。燉湯很清很潤，很夠味，$98一大煲湯足夠4個人喝，每人都有兩碗多，抵👍🏻2. 鐵板黑椒豬手豬皮軟腍，豬手肉夠鬆化又滑，黑椒汁也很惹味，好吃程度十分驚喜！3. 砵酒焗桶蠔雖然賣相平平無奇，但大大隻，有6隻，好juicy，醬汁又酸酸辣辣，十分開胃！4. 上湯焗加拿大龍蝦上湯焗龍蝦屬於晚飯震撼推介的其中一款，還有手抓跳舞雞（很多人點）和清蒸沙巴仔。肉質爽口彈牙，很多肉，龍蝦螯的肉都是大大塊，鮮甜！😋😋😋$48半隻抵吃！大家最滿意都是龍蝦！還有上湯菜芯和大鱔煲，還送飯後甜品～桂花糕，非常滿足！

今日約咗朋友係佢屋企打麻雀，四圈過後大家都有啲肚餓，就係佢屋企樓下間富臨皇宮食飯，因為係食飯時間，都好多人等位，好在間酒樓非常大，可以延開五，六十席，等個侍應招呼我地座低後，朋友已經攞起餐牌点菜，佢叫咗一個金銀菜燉白肺，焗加拿大龍蝦，鐵板黑椒豬手，又有生煎菜肉包，先上嘅係燉湯，好足料，味道濃一向保持水準，因為我地唔係第一次嚟，再上嘅係豬手同菜肉包，豬手好冧，黑椒味都好香，菜肉包嘅料都好多，最後係大龍蝦，每人有半隻，都係啖啖肉，上湯焗都好正，好快食飽後再番上去朋友屋企，繼續餘下嘅雀局。

一家人難得可以一齊食晚飯想搵間老少咸宜又好好坐的地方知道最近有特價，所以一行三人就黎左富臨皇宮食晚飯了位置位於康民街康翠台屋苑入面其實巴士站一落車已經見到平台大大個「富臨皇宮」環境比一般酒樓裝潢更華麗一入門口見到有大魚缸、水晶燈、大型display mon，好grand 食物：最近推出左個晚飯震撼推介：優惠3選1我地叫左 $48 清蒸沙巴仔沙巴仔好嫩,，生熟程度岩岩好大大條$48食到咁大條魚，真係好顛配埋薑蔥絲蒸魚豉油食幾碗飯都得啊砵油焗桶蠔炸蠔隻隻都好大隻，炸得好脆身好香口唔會死實 不過炸粉略厚，遮左小小桶蠔的鮮味美極香薯牛仔粒依道菜大人細路仔都會好中意食美極調味好鮮味，牛仔粒唔會多根同過熟香薯剪開細細粒，面面煎到金黃色，唔食飯食薯仔都飽，索哂牛仔粒精華好好味。姬松茸花膠燒豆腐食咁多肉都要叫番個清清的菜花膠勁大塊，一碟仲要唔只一塊，好軟稔，皮膚即刻好似彈性彈性左咁haha姬松茸姑好好味啊，好鮮菇味，平時好小可以食得到。當然唔少得飲湯啦 $98 一大煲老黃瓜響螺, 其實double 6個人都夠飲湯底好清,  好鮮味, 而且冇味精, 熱辣辣瘦肉同雞腳都可以食番, 雞腳好嫩 最中意食手掌位

今晚和朋友行完街，在柴灣打算找間餐廳吃晚飯，發現很多餐廳都吃過了，唯有選間中菜 - 富臨皇宮，這間酒樓位於康翠臺，可能太夜關係，店內不算太多人，酒樓內有獨立的房間，非常合適一家大小的顧客。除了主餐牌外，還有套餐推廣，廚師推介和晚飯優惠三寶-手抓跳舞雞$48、上湯加拿大龍蝦$48、清蒸原條沙巴仔。最後我們點了手抓跳舞雞 $48/隻、火腩大膳煲 $108、姬松茸花膠燒豆腐 $88、蔥爆頂級牛仔骨 $98、金銀菜燉白肺湯$128。手抓跳舞雞 - 皮脆香滑、上檯時還熱噴噴，配上超惹味的沙薑醬汁，配塔一流，侍應見我們不知如何入手，還幫我們戴上手套用手撕開，方便夾。火腩大膳煲 - 一般在外而吃的火腩都會很咸，而這個不會太咸，大膳味沾上醬汁非常鮮味，沒有骨。姬松茸花膠燒豆腐 - 花膠份量大足，松茸有很重的香菇味。蔥爆頂級牛仔骨 - 牛仔骨煮的時間剛剛好，不會太硬。金銀菜燉白肺湯 - 比想像中大煲，足夠6個人，白菜與菜乾同用，有清熱潤燥特效。總評：柴灣區有水準的酒家，而且服務也不錯，侍應都會主動換骨碟添茶，值得一讚！