富粥

營業中

休息中

呢間位於土瓜灣嘅富粥被評為隱世小店，曾經比唔同嘅報章雜誌介紹過，所以筆者有d好奇，究竟點解一間粥店會有咁大嘅迴響，因此筆者就黎試下佢嘅粥。筆者叫左最常見嘅鮮牛肉粥，落單過程好傳統，只要對住廚房大聲嗌想食嘅嘢就得。廚房煮嘅時候雖然係將粥放入一個細鍋，再用電磁爐加熱，而係煮滾粥嘅時候，同時加入埋新鮮嘅牛肉，令到牛肉嘅鮮味些微滲入粥，提昇左粥嘅香味。而且牛肉並唔係一開始就擺埋落去一齊煮，所以牛肉唔會煮得好老，食嘅時候仲有少少粉紅色，食落去非常爽口。不過成碗粥略鹹，食完之後會有口渴嘅情況，算係美中不足嘅一點。

今日去咗呢個啟德郵輪碼頭行完，肚餓但又唔想食咁多野，就去左土瓜灣富粥食個午餐，店鋪位置就喺翔龍灣隔離，交通算係方便，雖然鋪頭唔大間，裝修唔算係新淨，而且仲係有些舊，正因為咁,就好有非連鎖式餐廳既舊式小店特色。店內餐具同埋枱櫈都算尚算乾淨 ，衛生情可以接受，呢間粥舖除咗生滾粥之外，仲有埋呢個廣東拉布腸粉。點左2碗粥和腸粉，上菜速度比較慢 ，但原來係因為佢係即叫即整，所以全部都係熱辣辣咁送到，睇得出用嘅食材用料都算係比較新鮮。滑雞豬肚粥豬潤粉腸粥雞蛋肉碎腸粉 ＆鮮蝦肉碎腸粉總結：食物嘅賣相唔算精緻，但勝在用料新鮮同足料，食物上枱時熱辣辣，一睇就想食 ，兩碗粥同腸粉嘅價錢都係廿幾三十蚊一樣，2個人食到滿足埋單都係100元左右，真係街坊價錢，十分合理 ，最重要味道又真係唔錯，所以值得推介值去食。

見到咁多報章報道佢腸粉好出名...所以一探究竟...點知失望而回雞蛋牛肉腸感覺雞蛋同牛肉嘅分布唔係好平均而且腸粉偏巧亦都冇米香... 當時坐低食嘢見到鋪頭有一盒盒嘅粘米粉...估計冇米香嘅原因係鋪頭應該落咗好多粘米粉🤢🤢而且做得亦都唔夠薄好失望🙍‍♂️蝦米腸其實問題同雞蛋牛肉腸一樣....只係蝦米比較香...所以好食啲及第粥反而個粥有驚喜豬嘅內臟洗得好乾淨... 感覺又唔似用冰鮮野...而且粥底好綿個人覺得佢依間鋪頭食粥就算....腸粉真係唔使去試

講咗好耐食呢間蟹粥！今晚終於付諸實行！夏天大熱天時食生滾粥，店內冷氣都好足夠！生滾蟹粥：一落單，聽到職員大叫：「啲蟹響雪櫃！」心中有點中伏的感覺！等約十分鐘，生滾蟹粥送到，馬上「嘩」一聲！一只蟹煲一碗粥，目視隻蟹有四両左右。仲要勁多膏，非常實肉。聽到原來雙蟹剛剛今日在附近街市買，冇得彈！鹹肉糭：舗頭門外，用幾十只糭搭起一個糉山，估計每日銷量驚人！食落又唔錯，不太肥！皮蛋魚片粥：清甜，足料，講完！布拉碎牛腸粉：腸粉可以，不過碎牛味道勁似山竹牛肉。。。整體可以！食後不太口渴，證明味精成份不太多！

由於唔太舒服，想搵碗粥食完跟住去上堂。 其實都經過好多次，但係見無咩人食，所以無入去，今次終於一試。我見個餐牌無我最愛既艇仔粥，柴魚花生粥咁。。。。。咁無法啦，唯有叫皮蛋瘦肉粥，認真望下個餐牌，又幾出意料之外，田雞粥。。 墨丸粥等等。。好特別。。不過我真係食唔落其他野，所以叫左皮蛋粟米粥。黎到果時我真心“嘩”左聲。。。。好大碗呀 好多粟米，又滿一滿。 d粥都算綿，無咩咪精（因為食完都唔口渴）。 我眼見有人叫炒麵，不過得一碗仔好少，我反而想下次試腸粉， 大碟又特別。價錢都尚算適中，唔算貴。

其實呢間我想食左好耐, 因為之前係鄉下成日都去食呢種腸粉, 覺得好好食.所日今日放假我同朋友就去左食呢間.我地叫左蛋牛肉腸粉同叉燒腸粉我覺得D腸粉過'淋'身, 好易就散開. 不過味道其實都OK. 但就唔係大陸個種好薄薄的腸粉

如果反過大陸一定食過大陸腸粉有櫃桶加埋肉碎，雞蛋，蔥花，即叫即蒸上碟前，淋上特製豉油幾年前生果報之前有做報道for 腸粉有富粥，即刻嚟試食咗幾年，味道還keep 到價錢還可接受每次過海去到食，車錢好蝕😂每次必點雞蛋肉碎腸味道最最最接近大陸嘅櫃桶腸腸粉食落唔會一pair嘢In In Un Un咁 又彈彈地牙（利申：詞窮）可惜。。。。。豉油汁唔夠香口皮蛋瘦肉粥粥底夠綿擺耐咗or 搞2搞唔會出水炒麵見到好似好油但入口乾身，爽！櫃檯腸粉係兒時回憶🤐

飲品，甜湯，鋪頭細細，品種都唔小，環境就唔好要求，入夜坐街仲舒服，侍應招呼當沒算啦，總知你叫咗嘢食，有人送到面前，係咁算單，今日叫咗a皮旦瘦肉粥（熟碼粥0K啦，唔太重味）加蝦米蔥花腸（料多腸粉滑唔錯）

想清清地唔想食油膩野，所以走咗去食粥，但決定買返屋企慢慢享用，所以去左一間做街坊的粥店，他的名字叫《 富粥 》，門口及店內並不美觀，只用一些簡單的裝修，細看門口的餐牌，除粥品外還有腸粉及粉麵，當下我便購買了《 生滾魚片粥+牛肉腸粉及簡單的豉油王炒麵 》，個粥攞到回家吃時也沒有感覺水與粥分開的樣子，其實他的腸粉及粥還有很多不同的款式任君選擇。生滾魚片粥，魚片新鮮彈牙，軟綿綿的粥。牛肉腸粉，腸粉爽滑，採用免治牛肉的製作更有口感。豉油王炒麵肉質彈牙

如果在大陸食過當地既拉腸，就會有同感，點解香港既腸粉唔同，香港個D腸粉比較厚。睇網上有人介紹有類似大陸既拉腸，搭車經過，決定落車一試。今次叫係肉碎十蛋拉腸。一定要叫有蛋既，無蛋就唔好食。環境一般但乾淨既。有好多唔同腸粉配搭，即叫即整 所以等左一陣先到。當正餐就唔夠飽，小食就夠，份量唔少，係香港少有食到腸粉，比平時既腸粉皮薄D ,但無大陸既咁薄，可能係台山既腸粉係咁唔會失望，經過可以一試，幾好食，拉腸配肉碎+蛋，再加埋D 甜豉油就一絕。又滑O都O都, 正!! 

飛來橫禍腸胃炎，正好比個藉口自己去富粥，清清腸胃，苦中作樂六月大熱天時唔揸車真係唔想黎😵 舖面細細只有4-5張檯，牆上掛住「富粥常樂」😁 粥同腸粉都有超過三十款，仲有幾款小食、甜品，諗左好耐先揀到！小店做好多外賣生意，等左十五分鐘至有野食。雞蛋蝦米腸粉 $24 - 第一次食台山皺皮腸粉 + 第一次食加左雞蛋既腸粉！腸粉好滑，蝦米好香，簡直係perfect match！不過唔知點解得右半邊有雞蛋皮蛋田雞粥 $34 - 比較少粥店有田雞粥，就嗌黎試試。粥底加左腐竹一齊煲所以好綿；田雞肉非常滑，醃得入味；皮蛋就正常。唔使加胡椒粉已經好夠味！即炒豉油王炒麵 $17 - 正常炒麵味，勝在熱辣辣咁上檯，有誠意。下次一定再黎試其他腸粉、粥同自家制涼粉！

講真，我幾討厭食粥，但係我見間鋪賣台灣腸粉而幫襯呢間，點知試過佢的粥之後，非常難忘。呢間有好多不同味道的腸粉任客人選擇，我選擇左牛肉腸配滑蛋，好味，加埋佢個豬潤粥，之後我再叫埋個豉油皇炒麵，好滿足。個麵即叫即麵，配粥一流！！！

腸粉對於大家來說應該是見慣見熟而且很普通的食品罷~ 今天就來見識一下剷出來的腸粉吧鋪頭不大, 最多應該只能容納十五,六人吧~ 雖然只是吃粥, 腸粉等食物, 但餐牌選擇很多, 滿滿2頁, 害我又用了很多時間及方法去選擇呢...九王碎牛腸粉, 外觀看起來很粗獷吧? 但吃下去感覺是相反的呢(即時想起鐵漢柔情這個詞了)~  腸粉香滑之餘有點煙靭又有點米香, 碎牛跟九王亦都煮得剛剛好阿 雞蛋肉片腸粉同樣美味, 加左雞蛋的腸粉原來更香更正,  配上嫩滑的肉片簡直一流滑雞豬潤粥, 豬潤不是出面的薄切而是略厚的呢。 老闆(應該是吧)的煮功很不錯阿, 豬潤剛熟還帶點爽脆感呢~  滑雞當然也很滑啦, 食雞有雞味 XD。 雖然過了一會豬潤開始老了沒那麼爽, 但反而滲出更多的香味了。難道這就是一潤兩味!?滑雞魚腩粥, 原先我覺得這個粥略貴, 要差不多40元呀, 但吃下去又覺得物有所值呢。滑雞同樣嫰滑有雞味份量亦不少, 魚腩也很好, 部分魚腩應該有用蔥頭略煎的, 你可以吃到嫰滑鮮味的魚腩, 粥底下亦可以嚐到煎香了的另一種味道。而且老闆刀功應該也不錯, 粥內有不少薑絲, 差不多全是1mm左右的粗度吧!!!! 切得

台山即拉雞蛋生菜腸粉一直都好掛住大陸嘅皺皮腸粉終於可以係香港都食到🤤台山的即拉腸粉係即叫即整的❤️新鮮熱辣腸粉皮好薄好滑溜比平時嘅腸粉軟糯煙韌薄身🤤我喱個係生菜雞蛋腸粉✨生菜爽口加上滑溜腸粉 仲有雞香❤️腸粉有好多配料可以揀雞蛋 叉燒 鮮牛 豬潤 粟米 魚片等等加埋自家制豉油 正🤤有人情味的出色小店❤️-爽口的豬潤粥其實本身係為左食腸粉而黎的一開頭叫左兩碟腸粉一碗及底粥試左及底粥入面舊豬潤之後覺得好正Encore左多碗淨豬潤粥🤤一碗粥有5塊大大塊又厚切的豬潤✨食豬潤最怕腥佢的豬潤唔腥得黎鮮嫩爽滑真係好爽口🤤✨粥底好綿仲有豬潤香-鮮牛肉腸粉還是有雞蛋的比較香🤘🏿-雖然係有啲偏僻隔涉但做得好又有人情味的小店I'll be back❤️

終於食到家鄉的味道。據說元朗先有的巢皮腸粉，以為全香港都找不到了，點知土瓜灣有，仲咁近，可以經常食巢皮腸粉帶點煙韌更勝我家鄉的口感，最喜歡雞蛋碎肉腸，碎肉嫩滑而不肥好入味。叉燒就不是上好的叉燒，有點失望，但配那香甜美味的豉油都是好吃的。粥也很綿，粉腸有鹵過的味道，好入味，沒有騷味價錢合理，值得經常去吃👍🏻👍🏻