密密燒

營業中

休息中

呢間係只做晚市既自助串燒店，串燒既簽上面有齒輪，放上爐就會自動轉，方便！🫶🏻肉佢地既雞翼係雞全翼，好大隻，脹卜卜，燒到皮脆肉嫩咁食就最吸引！雞軟骨都好新鮮，爽爽脆脆咁，雞髀肉又嫩滑！另外牛舌都相當唔錯，有番咁上下厚，幾有嚼勁，牛肩胛燒完亦係好好食，啲肉好嫩呀！另外日式豬梅肉都幾軟嫩，燒完啲油香逼晒出黎，好惹味！🤟🏻丸啲丸好似魚片頭咁又好魚味，燒到脆脆地又好食，廚師腸都係高級果隻，係香啲架，口感都無咁鬆散！✌🏻菜蔬菜選擇多多，岩晒食素既朋友，蒜頭都有得燒，又有豆卜，大啡菇，雞髀菇呢啲，甜蕃薯又夠晒甜喎，正隆色椒都係爽甜既，想食清啲又想燒烤就真係岩晒啦！

先講講食物質素，呢度既全部野都係任點任食，仲有大量飲品✨羊後腿肉彈牙，肉質比較高質 💫💫牛肉有分5個部位，💫牛肩胛好有牛味，西冷牛肉質豐富💫豬頸肉夠爽口💫日式豬梅肉夠晒軟腍💫鯖魚串真係好香💫魚肉年糕燒到金黃色💫惹味到爆💫胡椒豬肚丸豬味好新鮮…….💥超豐富多選擇，成間密密燒都係用黑色做舖面，裡面既燈光好柔和又舒適，食飽後感覺到有睡意，食到唔捨得走💥💥見咁多好評所以係度試，食過返尋味，串燒爐真係好正，食完後仲心思思，好想聽日再食多次，唔怪得咁多好評，試下食生日飯先💥食物評分🔥🔥🔥🔥🔥環境評分🔥🔥🔥🔥🔥價錢合理🔥🔥🔥🔥🔥

今次想同大家分享呢一間串燒店嘅原因係好鍾意佢哋嘅串燒選擇非常之多，無論係肉類、蔬菜、腸仔、丸類都有齊晒！真係想食咩都有❤️‍🔥肉類介紹🌟非常推介，大家試吓佢哋嘅牛肉，因為佢哋嘅牛肉油花分泌平均，脂肪比例啱啱好，食嘅時候非常之鬆軟！如果唔啱牛肉都推介食佢哋嘅豚肉，食嘅時候都好軟腍！當然仲有雞肉同埋羊肉俾大家選擇。蔬果類介紹🌟我就最鍾意揀佢哋嘅三色椒同埋菠蘿，十分之爽脆，仲非常清甜！丸類介紹🌟我自己就最鍾意食佢哋個墨魚丸，因為佢哋係雙色墨魚丸嚟，有黑白兩種顏色，粒粒都好彈牙！

呢間密密燒，主打獨特模式的BBQ放題，燒烤爐會「自轉」，由生慢慢燒成熟，不到10分鐘即可食得，仲有齊35款串燒選擇。每次將自己想食嘅嘢放喺個爐上面自己轉，易過碌啫👏🏻🫶🏻最鍾意嘅豆卜口感酥香帶點嚼勁，送酒一流！秋葵燒完後都保留脆綠色澤以及爽脆口感🍠烤甜蕃薯一口軟綿綿加埋最愛嘅蜜糖一齊燒簡宜完美！三色甜椒🫑切成粒狀再去燒又另一番滋味！車里茄唔使講就知一定好juicy🤟🏼🤟🏼大量丸都口感柔軟彈，必定好食嘅墨汁墨丸燒得啱啱好！仲有成十幾串黑椒牛根丸、魚肉年糕、 魚片頭口感好彈牙！廚師腸漲卜卜，鹹味適中，質感較腍；鴨胸同雞軟骨煙煙銀銀😽好食到停唔到口！男朋友仔係食肉獸，呢度有齊晒豬牛羊，啱晒佢口味！條條都外層燒到金黃色， 肉質鮮甜好味，肉質爽口彈牙！總括嚟講，餐廳空間夠大，環境寛敞，坐得幾舒服，加上抽氣充足，衛生方面絕對係最高級別，下次一定帶埋爹哋媽咪嚟食！

環境舒適,食物不錯,上食物又快,飲品好凍,一間不錯食店,串燒食物分好種類,不會令人誤會,很多款式不同美食,飲品種類多款式,食完的串燒又有特定地方存放,服務態度良好.

食物選擇種類少，飲品選擇也不多，2個人來還要面壁坐，其實還有很多坐位。除了食物轉下轉下有新鮮感外，味道真是一般般，這間爐頭火夠猛，食物燒得算快，總結坐得不舒服就不會再來了。

上星期同朋友試咗呢間第一次食嘅密密燒，餐廳位於深水埗，主打任食串燒！首先，同大家推介下必食丸類先✨我就最鍾意食佢哋嘅胡椒豬肚丸，本身呢一款丸出面都好少見，食落好香胡椒味，仲要彈牙又多汁！另外墨魚丸都好有咬口啊！跟住，就推介下必食肉類啦✨其實呢到嘅肉類選擇好多，無論係豬牛雞羊都有齊！自己就最鍾意食佢哋嘅牛肉，特別係牛筋腩，肉質超級鬆軟，燒完之後又香又多汁！最後，就去到必食蔬菜啦✨我都有最鍾意食佢哋嘅小甜薯，燒到外皮少少脆！仲有三色燒燒完之後都好新鮮又清甜。好鍾意呢到燒嘢食個爐係會自轉，好貼心嘅設計，客人只需要揀鍾意嘅食物放落去，佢就會慢慢自己燒😍呢個功能實在太好啦！淨係呢一點超值得加分😆

朋友介紹來呢間，主要因為唔洗自己燒😳又唔洗整到成身煙/燒野食味 ，坐係度 就可以食到即叫即整、香噴噴既美食，岩晒我！食物選擇幾多，花多眼亂，叫到成枱都係！🥰抽風系統好🫡進店第一感覺是空氣很精新，沒有燒烤的烏煙瘴氣🤌🏼吃完了都沒有令到衣服有怪味。燒烤爐够熱，可以一次過同時燒十幾串，串串排好曬燒得好方便。燒烤爐有個大滾輪，放啲串好既食物落去，啲串串會自轉，所以啲食物燒得特別均勻。羊後腿 - 顏色嫩紅❤️，望落去夠晒睇頭仲好吸引，皮脆肉結實，調味適中黑椒腸 - 外皮燒得脆脆，很惹味👏🏻羊卷肉 - 羊羶味恰到好處，很香，生熟程度適中，肉質嫰，有肉汁🐑🐑🐑多春魚 - 口感十足，燒得外層金金黃黃💛豆卜 - 最意想不到好味，燒得脆卜卜，都好好食！我就比較鍾意就咁加鹽，覺得會更岩更夾～大部份串燒都不錯，同朋友串串下，飲下啤酒🍻傾下心事確是一流。

呢度咩都多，真係唔會食得晒，肉就已經有豬牛羊雞，每種都有幾個部位，雞我就好中意雞潤同雞翼，雞潤真係第一次燒，原來係會咁香，燒到外面好脆，入面就好軟綿，好腍，有啲起沙咁，口感勁好！雞翼就大大隻，但啲肉好新鮮，一啲都唔會鞋口，燒到好滑椒又好脆，超級出色(≧▽≦)另外蔬果類都係有好多唔同既款，豆卜我最中意燒，脆晒既豆卜真係好好食，平時自己整要睇火好煩，呢度就唔會，燒到脆得黎又唔會濃，好惹味！另外聖女茄係真係好靚既，所以燒完都好鮮甜，好多汁好新鮮(^o^)仲有呢度既丸都好多款，芝士豆腐好正呀，原來燒香佐既芝士豆腐係會咁好食，好軟綿好香芝士味，外皮又有啲焦香，另外既古早味黑椒腸又真係台灣味道，腸仔辣辣地但又煙韌，非常好食(#^.^#)呢度亦有啲魚去燒，冬春魚就一流，大大條肥嘟嘟，好多魚籽，脹卜卜好正(^з^)

無數寂寞深夜的菜式，串燒一定係我嘅首選🏆加上近期「懶人風」襲港，香港出現多間有自轉燒烤機的餐廳，食物早已串好，放上燒烤機上便會自動反轉，等食就得。所以我都緊貼呢個trend🤪愛上了呢間「密密燒」💕西冷PS(來自紐西蘭）燒得很有水準，估不到切開後裏面的肉是粉嫩粉嫩的，肉質鬆軟，有肉汁。💕豬腩仔必點！我見好多枱都有叫呀！一口咬落去真係肉汁夠肉味濃～💕聖女茄原汁原味，甜得黎帶酸，保證一試難忘。💕蒜頭惹味程度爆標，風味十足，伴酒一流！💕胡椒豬肉丸好香，好惹味！ 咬落去口感唔錯，唔會乾/硬 好juicy如果唔去BBQ，去這裡就無錯了，咁多款式，要再去呀！唔夠味可另加調味粉，不過樣樣都夠味！

深水埗有一間任食串燒餐廳《密密燒》，餐廳採用新式設計，只要將串燒放落過路就會自動自轉，唔洗顧住火燒成點，真係啱晒我呢啲懶人嘅設計😍淨係揀啱自己鍾意食嘅食物放落去，就可以坐定定慢慢等食啦😆食物嘅選擇都非常多元化，而且有QR code落單，清楚列明有啲乜嘢食物選擇，方便又快捷💕廚師腸☑️串燒簡單又快燒完嘅就一定係腸仔！依度嘅廚師腸，燒完之後外皮好脆，點少少醬汁，唔洗幾分鐘就食得🤤肉串☑️串燒一定要食肉，呢到嘅所有肉類都試過晒，無論係牛肉、雞肉、豬肉，仲有羊肉都一樣出色！墨汁墨魚丸☑️ 墨汁墨魚丸都非常之吸引，黑色嘅外表，再加上肉汁豐富，又夠晒彈牙！燒鯖魚☑️魚肉嫩而鮮甜，外皮香脆，仲要一啲腥味都冇添啊！芝士豆腐☑️豆腐滑嫩，燒好之後仍然可以外脆內軟，加上陣陣芝士香味，真係好好食呀！

今日真係大鄉里出城😂原來而家科技真係好發達😂我有呢個想法嘅原因係因為….👉🏻原來而家又自動燒烤爐👉🏻放支竹籤上去就已經識得自動轉諗返起，真係覺得自己好out😂去到仲問個侍應點樣用！大家真係唔好好似我咁醜怪豬😂我今日坐嘅呢一個位係面向窗口的，我覺得枱同枱之間嘅距離都唔算好窄，幾有空間感，我哋嘅枱面已經有一套調味料🫶🏻喺燒烤嘅過程當中，我哋只需要將調味料灑上去就可以㗎喇，感覺好方便。我自己呢勁鍾意佢呢度，因為佢哋將所有嘅肉類、蔬菜、遠都串成一串串，好方便食用。今次都叫咗幾多嘢食都同大家分享吓啦，有幾款牛肉、豬肉、羊肉，另外仲有大腸仔、魚肉年糕、蔬菜等等。♥️我自己覺得佢嘅火爐都幾猛火，好快就燒熟啲嘢食唔會話要等好耐ദ്ദി^._.^)

今晚收工好想食熱氣野♨️ 去開深水埗見到這間好有日本風味既串燒店，決定拉男神入去燒一燒佢。呢度串燒種類約35款，有齊豬、牛、羊、鴨、魚等，一眼睇就見地方乾淨企理，仲有QR code 自己落單，超方便之外，食物又新鮮✅✅三色甜椒💯～不但顏色鮮豔，而且味道亦清甜爽脆，仲要比我想像中易燒得好😎成功感Upppppp!豬梅肉～形似一粒粒骰仔豬油令外皮焦香無比，半肥半瘦爆脂感真係非常香口雞髀肉～肉質鮮嫩，食落肉質鬆軟而且充滿肉汁，爽嫩口感無得輸! 牛舌～厚切無得輸鮮嫩牛舌燒過後，仍然留有油脂🉐口感好好，燒得剛好超好食!雞中翼～外皮焗到少少焦焦地, 食落愛肉好嫩滑, 燒得岩岩好🈵意🤍墨汁墨魚丸🖤～吃起來非常帶感，墨丸飽滿肥厚的肉質Q彈鮮嫩最好的是可以好齊整串係個架上面，個齒輪仔會不斷自轉、方便到爆炸啊！又唔會燒得過火BOR～店內環境乾淨抽氣好，仲要以平民價提供任食串燒，真係每串串燒都係唔同口味幾有誠意🙂

呢度既通風系統做得好好，有好大個吸盤可以吸收晒啲油煙，又唔使自己整住黎燒，會自動啲串燒係個燒爐到轉來燒，好方便。呢度有唔同嘅牛羊豬雞，其中牛都有幾款，我最鍾意食佢哋嘅牛脷，牛脷係切咗一粒粒喺串燒上面，就咁燒，每一粒都好後厚，燒完之後好軟腍，口感好好！另外呢度嘅蔬果都好多，就好似有三色椒雞髀菇依啲，全部都會切好晒一粒粒喺串燒上面，好方便，燒完就咁食得，又夠晒新鮮！呢度既丸都有幾款，我好鍾意佢哋嘅墨汁墨魚丸，有黑白兩款，兩款都好重墨魚味，真係有啲墨魚粒喺入邊，仲有魚皮蝦餃都好得意，好煙韌好足料！仲有依度嘅腸都好好食，有法國廚師腸膽古早味黑椒腸，我好鍾意食佢哋嘅黑椒腸，係台灣腸嚟，細細條好香！

禮拜五✌🏽的晚上，突然好想吃串燒，這間密密燒🔥就在我公司沒有多遠的地方，最最最重要係呢度一個價錢任食、野飲自己隨便拎🌞服務員在食客之间不停的穿梭，快速而準的將食物送上！燒菠蘿🍍「趁熱即刻食呀」真係講得一啲都無錯，吃完串燒吃這個很舒服，菠蘿燒過後香味充分發揮出來，很多汁，很甜。豆卜⭐️正正正！吃起來不會好乾柴，對豆卜毫無抵抗能力一定唔好錯過！三色甜椒🫑🌶️呢啲moment點少得燒甜椒呢？燒夠晒甜，又有淡淡嘅燒烤味, 真係物超所值! 墨汁墨魚丸🌑燒到外層金黃脆口，內裏爽滑彈牙，加入大大粒的墨魚粒更添咬口。雞潤🐥算是中規中矩的，充分展現禽肉的美味🐓入口仍能食到肉脂香味。總結經驗，食物質素性價比高，而座位闊落，地方乾淨企理，所以我一定願意一再回頭翻啅。餐牌更加以QR CODE形式展示 ，都幾特別幾有心思。