客家好棧 (大本型)

營業中

休息中

今日下午，同老豆又黎到大本型客家好機飲下午茶，系屋企用手機拎位，吾洗好耐落到去廣場就有位坐啦。每逢星期日都會有一家大細黎呢間茶樓飲茶，裝修完，個環境都靚左好多，碗筷都換左新的。今次黎到，叫左三樣菜式：鮑汁雞腳、潮洲粉果同埋干炒牛河。得兩個人就吾叫太多，鮑汁雞腳d汁吾稀，好有味，入面仲有花生。潮洲粉果餡料充足，入面都系包瘦肉。而干炒牛河炒得幾有鑊氣，都有7，8塊牛肉，又嫩口，份量其實夠3個人食，河粉吾會濕，都乾身，好食。

星期日，無論去到邊食野都係要排隊😂，我地今次去左客家好棧，慶幸唔洗排太耐就有位喇。尼度屬於一個平民價既酒樓，岩岩新裝修完無耐，環境開揚，食物方面都不過不失。綠茶芋蓉酥盒可以一試，唔會太甜，而且外層香脆，中間鬆軟，好香芝麻味，同茶好夾。叉燒酥都整得出色，酥皮酥脆，好香牛油味，中間亦岩岩好，唔會乾爭爭。其他點心都無出事，唯獨就係櫻花蝦炸兩，油炸鬼完全淋哂，腸粉太厚，食洛口全口都係麵粉既感覺不過整體尼個價錢，食物算合格。飲完茶，又係行街街既時間喇

放工食晚飯諗住喺屋企附近食又想食蒸飯，諗起呢間有所以就黎。 上一次黎食晚飯(半年內嘅事)都仲係正常睇餐牌之後叫侍應落單。 唔知餐廳係咪知道，佢嘅服務有限， 宜家要客人自己掃QR code先睇到menu落單。本身無scanner app, 電話又無晒storage嘅我， 唯有靠屋企人部機。 搞黎搞去搞左10分鐘都唔掂就諗住叫人俾個實體menu我。 侍應說：「掃唔到呀，我幫你落單丫。 想食啲咩呀？」 我就係唔知有咩食所以想要個餐牌黎睇。 幸好呢個時候，我阿爸安裝呢樣果樣搞掂左可以自己落單。 行去埋單嘅時候，竟然要二百幾蚊?! 啲野又唔係特別好食，餐廳唔係特別出名，點解兩個人可以食二百幾？ 張單。。。大家睇下啦。 (伏務費？)

服務極差...........皮蛋瘦肉粥竟然有皮蛋冇瘦肉，仲要講到好似我唔岩咁，痴線...................問佢攞多張櫈，同我講「冇架喎」就走左去我都明你地人多多野做.....................但係我同屋企人冇做d 咩得罪你地囉！真心唔推薦..............................

新裝修後嘅客家好棧 ，裝修後感覺乾淨，整潔了，同屋企人去呢到食晚飯，叫左個柚子骨，份量就唔算係好多嘅，不過勝在好入味同送飯，香口之餘又帶有點酸，開胃啊。魚香茄子煲，基本上千遍一律，控制咸同油的比例好緊要，呢次尚算OK啦，另外條蒸蒼魚就略嫌蒸得耐左，感覺肉質冇咁滑，但調味好好，最後就係一碟口水雞，呢個真係要贊下，個辣味非常適中，雞肉又滑，可以話係非常值得推介的一味送。

油塘大本型比較好食嘅餐廳除咗Pizza Hut之外，其他都非常之差。呢一間新裝修嘅鋪頭坐位其實唔係好舒服，好細。裝修過都係咁都有啲問題。反而啲侍應服務幾好，呢樣都有啲奇怪。因為見到之前的食評好多人都鬧呢度服務非常之差，可能個老闆炒晒班態度差嘅人都唔出奇嗰晚叫咗雞，茄子煲湯蒸倉魚，嗰隻油雞就中規中矩但只係$18 ，非常抵食。茄子煲就太油膩，呢條蒸倉魚就犀利囉，非常之滑，豉油嘅鹹度啱啱好。除咗滑條魚係有鮮味。兩個人食都只係$178 ，希望佢繼續保持食物質素。唔知點解而家好多深海魚都好難食，呢條魚真係近年難得一件好食嘅魚，仲要價錢咁平，去客家好棧就食呢條魚就夠

行完山落到油塘，去大本營逛了一會就找地方吃晚飯，一看到客家好棧的裝潢就被深深吸引著了，湖水藍及綠的設計，我最喜愛的顔色，非常舒適優美😍食物方面，我們兩人點了一份拍蒜炒豆苗$78，一個蜜味柚子骨$78，一個砵仔蒸飯$13，連茶錢及加一，共$212拍蒜炒豆苗 - 豆苗幼嫰好味，又不油膩👍蜜味柚子骨 - 原來是用柚子蜜加上桃肉來煮，非常香甜，可口味美，柚子骨也有頗多肉可吃的呢😋砵仔蒸飯 - 以為是用黑色那些砵仔來蒸，原來只是普通白色碗，但形狀是砵仔的，沒特別離開酒樓時侍應叫著我們，原來是男友的電話跌了在地上🙈，幸好侍應發現得早，感謝🙏

恭喜發財！新年飲茶一定係指定節目，去油塘一帶拜年之際，全部人去咗呢一間稻香集團旗下嘅客家好棧食飯🌻一行7人叫咗好多點心、炒飯、伊面、乾炒牛河、特色甜品。個人認為呢間餐廳好重本，好足料。就以佢嘅蝦餃同埋燒賣而言，佢用嘅蝦係原隻包，而且可以話冇混入魚膠蝦膠，相比起其他茶樓已經勝出！馬拉糕唔算話好鬆化，但係勝在夠熱辣辣！🌻自己最欣賞嘅就係佢嘅特色甜品，紫薯煎堆同埋抹茶餅！紫薯煎堆個名其實係我改因為佢外型實在太似煎堆，但係佢表面唔係芝麻，而係好細粒嘅類似米通！總之入口係非、常、脆重點係煎堆入面竟然有榛子朱古力真係啱晒我口味抹茶餅當然都係得到大家好多好評，表面用咗芝麻做簡單嘅裝飾，同時間可以增加佢嘅香味！

其實食過無數次了，中午飲茶好多人，坐得較逼，感覺人手唔太夠，所以無乜服務，不過食物選擇多，價錢又平，所以都不段回頭。呢間最近裝修過後靚左好多晚餐無飲茶時段咁繁忙，服務較好，食物價錢都好經濟！

服務態度好差，問多句叫我自己去攞，見人唔多，想去得鬆動啲，服務員唔比坐大枱，直頭唔開卡比我叫佢唔應我......等等，食物質素一般，唔算好亦唔算差，但服務態度咁差唔想再來了。

通常同一家人一齊就係鐘意去酒樓食飯屋企人都係鐘意食番中菜多D而客家好棧通常都係我地既首選咁岩今次見到出左一個爐魚我地就決定試下佢!就咁一眼睇 係有係大陸食探魚果D鋪頭既影子我地就冇叫到辣不過都有少量辣椒用黎吊味魚肉份量唔太多 4個人食一條魚就會有D唔夠食配菜份量都還可以另外仲會有一碟菜比我地食完魚再落落去既不過香港都好難再搵係呢個價錢既爐魚大約$130-$140 都可以接受真係好想食爐魚既可以試下另外我地仲叫左燒鵝佢上盤既方式係好特別係一大盤 而下面係會有個火一直燒住就可以確保到燒鵝係KEEP住咁熱同埋都燒得好出色燒鵝既油脂分佈幾平均塊皮仲係略脆 而燒鵝肉係結實同濃味既絕對係要叫番隻燒鵝嘆嘆

諗住佢重新裝修後比多次機會佢，點知整體質素仲差過之前，真係低處未算低。食物質素差、差、差，無味無道，個碟櫻花蝦炸倆更差，又硬又成口油，唔知番炸咗幾多次，油憶味極重。服務差，態度差，叫佢取消碟櫻花蝦炸倆，口頭話okay，但又咋咋弟唔取消電腦紀錄，最後要客人收銀處兩邊走。嗰個收銀做又三十六，唔做又三十六，話之你……早早着，當積陰得，唔好累街坊。

重新裝修之後好似位置少左，叫號顯示屏又細又多人圍著，依家又乜靜音叫號，根本好容易miss⋯出面排隊勁長入面上菜又慢到無話可說⋯冇試過飲茶等食物等左成90分鐘⋯而且三個人入兩人座，冇另外俾凳冇滾水冇人落單，行到出面搵人各個都話唔係落單果個：）真-無話可說。本身仲有一碟蘿蔔糕未上，但真係等唔到落去，人都躁底，直接走去買單算。總之，體驗極之差，飲茶飲到精疲力盡。如果之後都係咁，我真係寧願去隔離明星海鮮都唔會再來黎度：）

服務態度差，野食唔掂之外，份量又少，簡單一碟咕嚕肉得個7件肉，沙爹牛肉煲好d有8件，大佬啊你估真係貴精不貴多咩，最弊你有唔係精，又加一又茶介！完全唔值！所以無下次，油塘的食客可以搵過第二間

見佢新裝修就試下，就同家人來試下，其實除了環境靚左好坐左，多左卡位，坐多左人，食物同服務質素都係同未裝修前差不多，奈何油塘冇乜比較好既酒樓，連潮公館都執埋，太平飯店又裝修，鯉魚門廣場有間明星海鮮酒家，所以客家好棧吸引左好多客。好衰唔衰聽到有個待應講，成9點先來食個個魚鍋，咪又排都未收得工，你公司做得8點半小菜有折就預左會咁，講都細聲啲唔好係客背後講呀，感覺唔太好。 總體來講，服務一般，食品一般，希望稍後會改進好啲。