客家好棧 (彌敦酒店)

營業中

休息中

去完探病，落返佐敦唔知食咩好，屋企人就話去酒樓食。話有款$168三樣嘢食嘅套餐。八點幾上到去佢話已經售罄。咁既然坐落咗就照叫其他嘢食。其實呢個集團呢條線就真係好耐冇食過，可能分店冇之前咁多。講返啲食物先嗌咗半隻沙薑雞。過佢唔到唔算肥，又唔會死喊做得唔差。不過隻雞上枱之前，望見隔籬嗰隻雞都好吸引，但係就淺色啲又有內臟，多口問隔籬枱原來嗰隻係大騸雞，之後有機會都要試吓。另外個豉椒味菜大腸都幾惹味。係油但係叫得呢個餸就豁咗出去。最後等得比較耐就係個花菇扣大利。嚟到都係常溫，個菜就係烚嘅，所以都唔明白點解呢個係最耐先到。不過冇期望就唔會有失望，飽就好了。

一班人去飲茶🫖，叫咗一大堆嘢，叫咗兩個自選餐，一個餐有半隻鹽焗雞，冇諗過滑同好食😋，正😄，福建炒飯，炒得唔錯👍🏻，蜜汁叉燒包，鮮蝦腐皮卷，脆，兩個田園鮮蝦腸，另一個餐叫瑤柱蛋白炒飯，炒得粒粒乾身，正，客家燒賣兩個，客家蝦餃皇兩個，再散叫點心，薯蓉鮮蝦春卷，脆，鮮蝦腐皮卷，同潮州糯米卷。沖水自動，好先進，但水煲太細，等水滾要時間

一班好友相約飯聚！點了“好客宴”抵食套餐高湯虎蝦球伊麵酱皇一字骨拼大良炸鲜奶玉環瑤柱甫紅燒海味燴生翅蠔皇六頭鮑魚伴金錢雞油花雕蒸大黄花魚濃湯蟲草花木耳浸青蔬客家金牌沙薑雞醬油菜腩肉碎炒飯蓮蓉桃包

一行10人要想星期日喺油尖旺區飲茶，因為有長者，要坐得舒服，冇時限，交通方便，食物質素不錯。我哋搵咗幾間，終於決定嚟「客家好棧」。雖然好耐冇幫襯，以前食開都覺得此品牌嘅質素都有保證，好彩最後證明冇揀錯！酒樓開11點，我哋10:45打電話問，對方叫我哋唔使咁早到，因為師傅要食飯，估計食品要11:30後先有不過我哋已經在途中，照樣11點到。其實揀下點心吹下水，又唔覺要等好耐😁呢度點心有好多選擇，價錢好平民，忍唔住就點咗好多，味道都可以接受。大家都話可以再嚟食，非常滿意值得讃嘅係服務，每位員工都好有禮貌，又主動收拾食完嘅碗碟，好難得！我哋坐咗成兩個鐘，酒樓都只係坐咗一半人左右，好多「吉」枱 希望香港人多啲留港消費，支持下香港經濟，支持飲食業啦！

一行十人新年搵地方食飯，揀咗呢間位於佐敦嘅客家好棧，之前睇食評都係諗住好一餐，唔好又一餐，是但搵個地方聚一聚。叫咗一個千幾蚊嘅12人餐 - 好客宴 - 呢個價錢其實我對食物期望唔太高，但居然好有驚喜！蝦球伊麵 - 中規中矩翡翠墨魚南花蚌 - 好味，好有鑊氣脆奶卷拼酸子骨 - 奶卷一般，酸子骨味道剛剛好金牌沙薑雞 - 好有雞味紅燒海味翅 - 一般蠔皇六頭鮑冬菇 - 鮑魚好大隻，好好味，真係估佢唔到，一個字-掂！鮮菌青蔬 - 好味芋香糯米飯 - 超好味，足料蓮蓉桃包 - 大大隻，夠熱，蓮蓉好足料呢個價錢真係超級有驚喜！ 服務我覺得都唔錯, 全晚爆滿，但侍應都盡量滿足要求，要求加熱水都好快有。 唯一缺點就係樓底唔高，所以環境比較嘈！

過年去酒樓飲茶，最擔心就是人多要等位，有時還要另外加二加三服務費。今天很幸運，可不用等位即入，一坐下就可用QR code點餐。以下是我們點的食物：自選優惠孖寶兔仔奶皇包兔仔造型非常可愛，上面鋪滿了椰絲，非常適合打卡。櫻花蝦咸薄餅餅皮煎得軟身且邊緣酥脆，搭配櫻花蝦，味道非常美味。孖寶生菜鯪魚球滑雞粥粥的口感非常軟綿，但味道略嫌稍淡。鯪魚球有彈牙的口感，再加上數塊雞肉，整體還算可以接受。香煎蝦米腸蝦米腸完全不夠脆，內裡質地又硬，像是放久了再翻熱的感覺，不太好吃。點心併盤這個併盤非常抵食，有潮州粉果、奶皇包、叉燒包、奶皇馬拉卷、黑糖蜂巢糕，每樣一件，可以試試不同口味。結帳時只需加一服務費及茶錢，和平時一樣，收費也算是合理。

今次因為春茗唔想洗咁多錢，在地點方便的方選間最平的，$1688一圍，$888半圍，訂之前食下唔太差先訂，酒樓嗰度係冇地氈的所以會噪些，茶水就要自己倒，不過地方算乾淨，最初見咁平以為唔會好食得去邊，點知原來不錯呢～第一味係雞，沒有伴碟，感覺平就係咁架啦～不過感覺同平時出面貴啲酒樓一樣好味，之後係蝦球尹麵，蝦球大大隻味道ok，都係少左平時出面啲伴碟之類的東西，之後的食物都係冇伴碟咁啦～直到鮑魚扒菇，沒想到咁足料，咁平都係咁大粒，條石斑魚都係勁新鮮好味，最後糯米飯重要係勁好食，重有壽包做甜品，全餐真係好豐富，想着問清楚係咪全包，點知連加一都唔洗，最後每人$148，超抵，我下次一定會再去。

爸爸就快生日加就黎冬至，爸爸又喜愛中餐，見客家好棧的餐經濟實惠。最後揀左呢到準時七點半到達，家人到齊就開始晚餐。點了（好客宴）半席全包宴$888，包飲品或啤酒高湯虎蝦球伊麵，蝦無味夠彈牙，麵有點碎）加份量小馬拉盞芥蘭炒雙蚌，無馬拉盞味，菜無揀花感覺唔太好，餸蒜頭炒，蚌雪藏貨式話梅蕃茄拼蝦丸，幾九唔搭八配搭。蝦丸夠彈牙紅燒海味燴生翅，翅唔多唔太鹹，夠分8碗蝗蠔皇六頭鮑魚伴金錢，冬菇夠厚無怪味，鮑魚夠淋，小棠菜正常清蒸珍珠龍𧄌，魚夠滑銀杏鹹菜豬肚燴旺菜，菜夠多豬肚枝竹太小，唔太鹹。客家金牌沙薑雞，雪雞無雞味預左，雞帶點肥，好在肉唔霉生炒農家炒飯，大生菜蝦乾，唔算炒得疝乾同太油，可以桃包，蓮蓉唔算太甜，可惜沒有蛋黃，如果有就好了總結：$888元6位全包又無乜好投訴，食物正常，份量還好，如果有擦得之人就未必夠飽服務除左上菜同有人分翅外都無乜待應出現過，無收加一就唔好要求咁多了

香港少數高質地道客家菜，口味真係十分之正宗，好有傳統客家家常菜的感覺。賣相很不錯，十分之高大上，傳說中的色、香、俱全，宴客、和家人慶生一定不失禮，夠哂體面。部長服務態度非常友善，能以客為先，十分熱心。味道非常之不錯👍🏻特別推薦客家咸雞🐓醃製得宜既雞肉🐓滿佈咸香，唔會過咸，肉質夠哂滑溜唔會嚡，真係高質到不得了。－件食完想食多件，小妹同家人都食到舔舔脷😬加上有壽包可以點，為家人生日劃上－個完滿既句號。環境也很可以，很闊落，坐得好舒服。

疫情過後，經常有舊同事從外地回港，今年已經搞咗4次聚餐，都係喺佐敦客家好棧食「好客宴」，$1688包汽水啤酒加一茗茶，非常抵食。每次菜單都有一兩味餸唔同，食物色香味俱全，分量豐富。招呼就唔好有要求，每張枱旁邊都有自動煲水機，好過等阿姐嚟加水。佐敦地點算適中，不論住港九新界都方便，呢度已經係我哋嘅指定飯堂，老友記聚舊+吹水+美食一樂也