宜家家居餐廳及咖啡室

營業中

休息中

下午去沙田新城市廣場shopping 後，肚餓開餐，正愁食咩好時，心血來潮不去ikea，自由行人數減少，應該好快有位。要知道對上果次去ikea已經超過一年前，當時人超多，當中不少係自由行，等位等到人到忟。今次果然不出我所料，等左2分鐘已經有位。蜜糖烤雞：呢個價真心抵，有雞有薯格和粟米粒。雞肉入味嫩囗，薯格不太油，粟米正常。.  瑞典肉粒：呢款每次食都點，肉丸配上芥末和果醬，yummy.蔬菜薯餅伴焗雜：呢個係我favorite item, 雖然焗，但不油，加入蔬菜，味道好夾。蜜糖火腿蛋薯仔：呢碟最普通，性價比最低，料雖多，但配千島汁，味道普通。熱咖啡：$7任添，味道正常，真心抵。

好多人都知道宜家傢俬嘅餐廳食西餐，可以話係價廉物美，簡簡單單咁，但係水準一啲都唔差。不過食咗咁多年肉丸，煙三文魚之類嘅食物，有時可能都有啲嫌，但係其實佢哋除咗肉丸之外，平時都會keep住更新佢哋嘅菜單，不時會提供唔同嘅主菜，有時都幾有驚喜。好似今日去食咗lunch，就發現今日嘅精選竟然有羊架！你知啦羊架通常都係比較貴嘅主菜，去西餐廳食分分鐘都要可能要$200一份，但係今日只係需要幾十蚊就可以食到，梗係即刻要左份啦。一份羊架大大份，正如相片所見都得唔錯，份量好足，有成3，４件，而且唔會好細件。而且羊架嘅生熟都處理到啱啱好，中間仲係有粉紅色，唔會係熟得太犀利。配埋個汁，同埋薯蓉配菜，只係幾十蚊，就有呢個高級餐廳享受，雖然人多嘅時候都幾迫，都要坐到會冇咁好，咁但係你嘅食物水平來講都算係幾好㗎啦，平靚正，所以成日都咁多人啦。當然啦，依Ｄ特別主菜嘅choice唔係成日都有啦，係不定期出現，黎到有咩食就要睇彩數喇。

朋友生日，想同佢食餐飯同埋2個小朋友放電，IKEA真係一個好好嘅選擇！我地叫左西冷，肉丸，小食拼盤，豬手！西冷味道一般，但以呢個價錢絶對可以接受！肉丸唔洗講，出名好食！我最欣賞係小食拼盤同豬手！小食拼盤啲雞翼超香口又脆，拼埋腸仔真係一流豬手係我次次見到都抗拒唔到，皮脆肉嫩，好味到暈！我地2大2小向ikea 食得好舒服，之後仲一齊行ikea 可以玩足一個下午！

好耐冇過嚟沙田呢邊，行到咁上下又冇咩食，於是去咗IKEA嗰邊，行吓睇吓啲梳化傢俬咁樣樣。行到咁上下肚餓自己搵嘢食咁喺嗰個商場大家都知道選擇唔多，於是就揀返ikea,一段時間冇黎，啲食物款式又好似唔同咗，豬手同埋魚柳之間我哋都係揀左魚，因為佢有芥末醬。魚柳入邊有蛋黃醬，食落都好香口唔錯。肉丸維持一貫水準10粒走唔甩，配上薯蓉真係一流，我自己就好鍾意陪埋佢IKEA嗰隻草莓醬一齊食。蔬菜薯餅係女友最鍾意嘅食物第時屋企一定要自己整。最後就係一個小食拼盤所野都係炸物食完都覺得好熱氣

沙田友好多時都係黎依到食，貪性價比高。今次黎到都係往常咁多人，野食水準依舊，唯一想講係d野食都幾凍，如果佢可以熱d就好，咖啡依舊味道，食咗一個小龍蝦通粉，新出之前未食過，值得一試。

今天來這裏吃午餐，從前覺得這裏很便宜，但結帳的時候，其實個人來講都很貴。今天來到這裏吃香烤燒羊架， $59 ，配薯蓉，羊有三件，但加埋薯仔蓉也不飽，所以另外配了五粒肉丸， $13 ，這個價錢很平，汽水$7 ，無限添飲，這個最抵。

以前會特登過黎食野，因為價錢抵食同埋食下自從學生就至愛既肉丸肉丸係冇問題既，薯蓉都好好 正常野。但個牛就好唔掂 唔知係切到水尾定點，呢塊硬到.......... 但見人地個啲又好靚嫁喎！粉紅色咁！可能唔好彩啦煙三文魚沙律🥗 塊三文魚又係.....雖然黎呢到食野既期待都唔會話好好好大 但有時啲落差又真係幾多下...第二味好既就係小食拼盤，可能全部都冇乜技巧掛

行街買下家品見到價錢好抵所以吸引左入黎$50-60咁上下有一碟龍蝦意粉或者薄燒牛扒喎味道方面都好OK架 但份量唔係太多 我係一個食晒兩碟先夠飽汽水係任添 自己斟的反而係搵位比較難 因為真係太多人排隊食啦IKEA咁大間 行行下係一定攰呢個idea好方便 可以休息下

今天又要到沙田宜家店買東西，所以早一點便來到宜家餐廳吃一頓早餐邊吃邊等待店鋪開門。時間尚早，來到的時候食客不算多，所以我倆亦容易找到座位。早餐精選 $23烤雞扒的肉非常嫰滑，炒蛋加鹽和胡椒來吃味更佳。火腿和茄汁豆味道也不錯。班戟配奶茶☕️亦是好選擇。早餐精選 $26滑滑炒蛋配兩片火腿，份量不少。薯餅外脆內軟，和茄汁豆或沾茄醬來吃是絕配。比高包好有質感，真材實料，吃起來不會是一陣風似的。餐後熱咖啡加奶和糖是我的至愛。店鋪准十時三十分開門，我們吃完一頓豐富早餐便到店內逛。

以前既ikea都可以選係平民美食 但依家質素真係愈黎愈差 價錢同質素開始唔成正比 加上除左香港人仲有好多自由行都黎食 成個環境同清潔程度欠佳 有d食客食野唔清走d盤 食到成枱都係又唔執個日就嗌左兩款野食 因為其他真係揀唔落手 賣相真係好唔得 睇得出好求其是但整豬仔脾首先個賣相真係唔得 燒到黑蚊蚊甘 外面仲燒到乾晒 食落去好似食緊豬肉乾甘個凍蝦雖然比起個豬仔脾好好多 不過大部分蝦頭都係黑色 但佢差唔多隻隻都有蝦籽 食落都算甜既 不過不失整體黎講 ikea真算愈黎愈差 已經可以講係難食 完全係劣食

講起月尾無錢就一定諗起ikea，稱得上係窮人因物。但係咁平呢，就冇得預佢質素好高，帶咗個意粉面係熱嘅，點知底係凍嘅。以前好好多。另外，我最愛既就係蔬菜薯餅，有口感又飽肚。

朋友準備要搬屋，陪佢睇完家私已經夜晚6-7點。行下行下覺得餓餓地，所以決定係ikea食埋夜晚嗰餐先走。因為夜晚呢個時間最旺，真係好多人。我地兩個人搵位都搵咗有一段時間，反而買野食果邊條隊雖然好長，但都好快。ikea果然係快、方便簡約嘅代表。我地叫咗必食嘅肉丸、薯格同埋小食拼盤。拼盤有薯角、雞翼同腸。我覺得味道不過不失，想食快餐嘅得閒嚟下ikea，唔洗成日食某連鎖快餐咁悶。呢個價錢有咁多野食嚟講算好抵。

Ikea餐廳其實不嬲都係我一間成日去食既餐廳，原因好簡單，因為近我價錢又唔貴，食物質素都唔錯，早餐10蚊肉丸通粉性價比係滿分既，午餐同晚餐個餐牌會轉，款式都叫做定期update。不過近年真係做得越黎越差，早餐除左肉丸通同糯米雞之外其他都差到擺唔到入口既，今日呢個午餐就真係好離譜，叫黑咖哩芝士豬排飯。首先份量少得可憐，我食完好似無食過野咁，豬排無味好似白拾咁，咖哩汁勁漿，最誇張係我唔知點解可以煮到d飯咁難食既，一舊舊都唔知似乜。希望ikea可以改變下啦…

大約夜晚七點，我同朋友一心諗住晚餐去宜家餐廳，去到已經見到人山人海，好難搵位，等左半個鐘左右先等到位。排隊買野食都排左好耐，最後終於買到肉丸薯蓉同小食拼盤。肉丸薯蓉：呢個菜以前可以配意粉，但原來依家已經唔可以再將薯蓉轉做意粉喇，我有少少失望>_< 而且肉丸感覺上比以前細粒左，質素一般，有點過鹹，不過咁便宜既價錢可以有十粒肉丸都算叫做好抵食。小食拼盤：食物種類普通，有不同的炸物，包括：薯格、雞翼及腸仔，比較唔健康既食物，都幾熱氣，但好好食，而且份量算多，要兩個人share先食得曬，一個人叫既話就太heavy喇！總括而言，沙田宜家餐廳食物質素一般，其他地方的宜家餐廳質素好似比較好，而且呢到晚餐時間真係激多人，等位排隊需時較耐，加上環境很嘈吵，只適宜食快餐，未能慢慢享受。

發現漏買了一些明天要用工具，想起應該 Ikea 會有。 放工即時跑去宜家買，在ikea 行了兩轉，終於買齊要用東西。 既然辦妥工作，也好應該吃番餐慰勞一下自己。 在店內已選了一大堆物件，如果出去吃一袋二袋有點不方便。 好在ikea 店內有一間自助餐廳，在ikea 餐廳食物價錢唔貴，但就可吃到方便美食。瑞典肉丸超抵食，每次來到必吃。 今天太奔跑一碟不滿足，叫多一碟小食拼盤，內有腸仔丶炸雞翼丶粟米丶炸薯條，夠邪惡吃完心情也好起來。