宜家家居餐廳及咖啡室

營業中

休息中

沙田 ikea 每次晚餐時間去，都咁多人🤔建議7點前到會比較快揾到位Ikea成日不定期更新menu😍今次叫左闊條麵 配龍蝦汁，魚排肉質略鞋😫但意粉硬度唔錯 😋 但試一次就夠😂三文魚扒都唔係成日有，但我覺得ikea整既魚成日都煮過熟，再唔係就個汁怪怪地，同條魚唔夾😫肉丸係ikea必叫，食極都唔厭，配紅莓醬一流，好彩紅莓醬可以任添😂豬手都非常推薦，好易切開，外皮炸得乾脆，食落唔肥膩，配菜都好開胃，兩人分岩岩好🤗🤗

成日都好鍾意去ikea食嘢,今次臨緊復活節又有新嘢！今次叫左豬肘骨併薯蓉+蜜糖火腿蛋沙律,再加個海蝦班戟配龍蝦汁。一上到枱個豬肘骨勁大個仲有我最鍾意食嘅薯蓉無隔離！個沙律份量超大又多火腿，味道啱啱好可惜個海蝦班戟一嚿海蝦都冇得啲汁不過整體都算係咁

今日黎到沙田，醒起都好耐冇食過宜家既餐廳，咁就去食下啦。每次去宜家既餐廳都好多人排隊，今次都唔例外。今次就點左必點既肉丸，小食拼盤，蝦pancake。但係就比較失望，因為d食物就唔知係未擺得耐左所以有d凍左。另外個蝦pancake就淨係食到千島醬味，完全食唔到蝦喺入面，所以真係比較失望😞

唔好睇小宜家傢俬既餐廳，食過先知，真係怕得住西餐嫁！雖然搵位可能會難小小，不過質素真係唔差!用凍蝦做小食，加埋檸檬，做前菜絕對可以開胃，一定既數量，可以點一份兩個一齊食！再講呢個酥炸咸豬手，佢個皮真係炸到脆卜卜，而且入面係會出煙，絕對係新鮮出爐嫁！!薯蓉加肉丸，其實真係又香又入味，真係停唔到口嫁!其實行到攰一攰 係到食個飯，其實都真係幾享受！

我諗我都應該有年幾兩年冇食ikea啦，今日黎到沙田就梗係食下啦。但我覺得水準好似差過以前喎。肉丸都好似差左，好乾身，又鞋。呢個牛扒認真失望啦，真係唔應該嗌。切開仲有些少粉紅色，但食落就似係10成熟咁，好韌，又冇牛味，以後唔會再叫。

同friend行ikea，行行下見到ikea小食，就買左杯乳酪雪糕食。雪糕望落唔多，但其實份量好多，雪糕嘅乳酪味好濃郁，酸酸甜甜咁，而且好軟棉棉，表面仲有啲士多啤梨醬添。

在宜家選購家居用品，就順道在這裡吃晚餐，未到七點已濟滿人，等位等了很久，男友巡了一圈，説排隊點餐也很多人，那他就先排隊點餐，我繼續等位，如是者我再等了大約15分鐘就坐下，之後男友過多大約7分鐘就捧來食物。我們點了一份是復活節期間限定的焗豬肘骨伴薯蓉$63，一份三文魚柳伴蔬菜$49，再加一份蜜糖火腿蛋薯仔沙律$36。豬肘骨的份量很大，不過骨也相對很粗，肉質嫩滑，三文魚柳頗肥美，伴碟的蔬菜薯蓉做得出色，兩個餐也另附一份烚菜，有西蘭花🥦丶椰菜花丶紅蘿蔔🥕丶和青豆😋，熱騰騰的很好味。沙律則是預先做好用保鮮膜封著的，稍嫌有點冰冷，不過材料方面也算新鮮味美，尤其中間的薯仔有少許wasabi醬，很醒胃。印象中之前在宜家沒什麼好吃，想不到現在也有進步。

星期日我和老公到宜家傢俬逛街，午餐便在這間宜家傢俬餐廳吃，十分方便但星期日人多到有點恐怖，餐廳要自行找位置，等多久便看你運氣。我們等了十多分鐘便有位。瑞典肉丸 - 必食的菜，肉丸再配上肉汁和莓汁是非常夾，再加上滿滿牛油味的薯蓉是絕配酥炸咸豬手 - 豬皮非常脆口，但很痴牙，肉質比較紅，明顯是雪藏的，但這個價錢還合格吧小食拼盤 - 薯格已放涼，很難食，雞翼很乾，香腸沒有肉味，最好吃是粟米整體來說，環境很迫很嘈，食物質素不算高，只是價錢便宜和方便逛街而已

是日同內子去ＩＫＥＡ添置下Ｄ屋企野，一場黎到，就食埋野先，唔食飽邊有氣力抬野，所以就食個晏順便坐下。好彩當日係平日，人唔算多，搵位都容易Ｄ。內子二話不說放下戰利品，就去買野食先喇！＃凍蝦盤：份量都算ＯＫ，感覺Ｄ蝦都算新新鮮＃小食拼盤：有薯角，粟米，雞翼同脆皮腸，都幾豐富！雞翼好好食！＃香烤三文魚柳：熟既三文魚最怕好鞋，但呢塊魚柳又唔會，口感幾好。不過魚真要趁熱食，唔係會有Ｄ魚腥味。跟蔬菜薯餅同Ｄ配菜，感覺好健康＃海蝦班戟配乳酪及龍蝦汁：個汁幾鮮味，但個班戟皮好厚，食落有Ｄ濟＃藍莓紅莓芝士餅：甜品另一個胃系列，內子好鍾意呢個ｃａｋｅ。我唔好ｃｈｅｅｓｅ　ｃａｋｅ都試左一啖，都幾驚喜。藍莓紅莓既酸中和左芝ｃｈｅｅｓｅ　ｃａｋｅ既膩口感覺，唔錯

今天有空便打算到沙田鄉市會路的宜家家居店逛一逛，因已是十二時許，所以我們先到宜家餐廳吃個午餐。*紅燒元蹄配白飯 ($66)適逢仍是農曆年的正月，餐廳特別由1 月25日至2月21日供應此菜，所以我們一定不會錯過呢！大大隻的元蹄皮滑肉淋，一點也不油膩。配菜有紅紅蘿蔔、青豆、白和綠椰菜花。這些健康的蔬菜正好和肉一起吃，纖維和骨膠原亦同時吸收。紅燒元蹄的醬汁用來送飯確實最好不過。*小食拼盤 ($43)這拼盤包括了薯菜、腸仔、雞翼和牛油粟米粒，非常豐富。雖然是炸的，但吃起來一點也不油膩。能夠一次過吃齊多樣的小食，感覺滿足。橙汁 ($13)這個冷搾橙汁是瓶裝上，堂食或外帶都非常方便。橙汁甜酸味恰到好處，飲起來還有橙渣，入口討人。

新春限定供應的肉醬伊麵十分豐富的晚餐   每逢周六日都非常受歡迎的食肆，有點親子餐廳味道的IKEA，今次周六晚上八時前來到，已經座無虛席，要等位，食客大家都好有默契有禮，都見到人多就會快快食完讓出座位，並會自行收拾清理好桌面。我想這是在IKEA培養出來的特有氣氛，老實講我都好享受及喜歡這樣的餐廳。  講番食物，是次是新春期間，竟然IKEA都來賀一賀節日，平時的肉醬意粉，轉左做肉醬伊麵。口感上，其實就唔係好夾，食落都有D怪怪地，因為佢有D似車仔麵檔既油麵，所以撈D肉醬其實有D搞笑。不過幾欣賞佢設計呢個餐單既心思   其他食物，牛仔柳第一次食，比想像中高質，$63來講有牛味而且都好林又鬆軟，的確好抵食。   另外一個冷盤都令人有驚喜，冷蝦通心粉, 蝦仔細細粒，整體感覺好FRESH，可以中和下個牛肉及油麵既肥膩感。

家中雜物越來越多😞, 今日打算去IKEA買個收納櫃回家，好好整理ㄧ下，順便食埋個 lunch。我諗大家都有同感，ㄧ行入去 IKEA 好似有魔力咁要行返一投半載先走得，行到真係好肚餓，諗諗吓不如去佢間 IKEA FOOD 食個 late lunch🍝☕。由於我太肚餓了，單拖都㸃咗鯰魚柳卷伴闊麵 & 兒童套餐〈鯰魚柳卷伴闊麵〉賣相吸引，價錢合理!!鯰魚柳卷包住兩款醬汁，分別係白汁西蘭花醬和香草番茄醬，兩者都不過不失。闊條麵有咬口，但不會太硬。碟旁還有蔬菜，再灑上焗脆的罌粟粒十分香囗。多從配搭，又小油小鹽，感覺健康!!〈兒童套餐〉有咩食，等我話你知。五粒瑞典肉丸，有小小咸。ㄧ球滑嘟嘟嘅薯蓉。一堆清甜粟米。ㄧ盒紅苺果汁。ㄧ個蘋果。係咪覺得好抵食呢😎。環境又舒適，好啱 hea嘅地方，下次ㄧ定要再來😜

Weekend同屋企人行ikea諗住買少少傢私 入完貨就行望黎醫下肚仔先由於Lunch食得好full嘅關係 叫左唔係好多野食一盤10粒瑞典肉丸（$20），一碟小食拼盤（$39）老老豆豆瑞典肉丸不嬲係ikea必點小食 10粒都只係賣$20 仲有埋薯蓉&紅莓汁 幾乎每10個客有一半都會order!!!小食拼盤方面 ，有粟米，雞翼，腸仔，薯角雞翼今次就炸得耐左少少 好乾身腸仔配埋醬汁就好好juicy~~~~薯角&粟米就保持水準～

以前通常買完熱狗之後，會企旁邊立高枱食。但係其實有個地方幾好㗎，有道門出去會有個公園仔，公園仔上邊有木椅，依家天氣涼坐喺嗰度食都幾好。包熱辣辣，腸仔配搭埋啲茄汁同埋芥辣非常之好。希望下次整啲醬嘅時候可以靚啲啦。

朋友和我絕對是宜家家居餐廳及咖啡室的忠實粉絲，每次去完車公廟，總會特意來這裡吃它的瑞典肉丸。而瑞典肉丸的最佳拍檔紅莓果醬為肉丸味道錦上添花，本身瑞典肉丸味道濃香，亦富肉汁，我們都愛不釋口。伴碟的薯蓉綿密細滑，口感不輸給主角。另外，我亦多點一個蔬菜薯餅及一瓶有機洛神花茶，感覺比較健康均衡飲食。蔬菜薯餅嚐到爽脆的薯粒之餘，也吃到細滑的菠菜忌廉。有機洛神花茶酸酸甜甜的，既可生津解渴，同時亦能一解飽膩感。