宜家家居餐廳及咖啡室

營業中

休息中

今天我很早已出門, 為的是去宜家餐廳吃個早午餐！未開門, 已在閘外排了一條長龍了, 想安坐而不用等, 要付出多一點呢！坐下後, 便出去排隊拿食物, 見到一碟碟的食物, 真的很吸引啊！好似自助餐形式的. 最後戰利品有：炸雞翼(4隻/$16）： 這裡的皇牌, 一如以往的香脆, 咸酥, 肉嫩, 一試難忘. 炸魚柳 /$8: 外層脆皮有點厚, 但肉質依然嫩滑, 不油利, 抵食！薯蓉/$5： 雖然沒有配汁, 但吃起來很綿, 很香滑, 都幾飽肚, 加上茄汁, 酸酸的, 也很匹配.脆薯格/$13： 在燈光照射下, 黃黃橙橙的, 很吸引. 誰不知, 全是冷的, 咬起來不脆只有硬及"un", 真失望！蘋果批/$8： 不會太甜, 好香玉桂味, 表面有層脆脆, 反而口感多了層次. 餐後甜品, 最適宜不過.咖啡/$7：咖啡豆宜家有賣的, 奶糖自己調配, 味道是可以的.吃完感覺頗滿足, 離開時, 餐廳外面已排了長長的龍了！

每次途經IKEA，總會有人話：「不如食IKEA？」基本上我都係耍手擰頭，點知今晚比人夾去，食完發現，其實某啲嘢都唔差嘅。啲粒粒都幾香，但個沙律無乜菜，全部都係椒or瓜。呢份係雞胸，雖然味道較重，但雞胸肉出乎意料地嫩，快餐黎講頗有驚喜。小食拼盤，薯角夠脆。呢個豬手絕對係必點，外皮酥脆，而且成隻豬手好厚肉，勁大隻都只係68蚊！肉丸呢啲招牌就無咩好講，佢嘅靈魂絕對係個紅莓醬！燒牛肉，勁老勁乾勁難食，絕不推薦！千層麪芝士頗足，蘑菇都幾香，尚算不俗。

平時聽人講呢度嘢食點平點抵,終於第一次嚟幫襯.之前睇到雜誌介紹有期間限定豆腐雪糕,見客人都沿住食櫃取食物,又唔見指示,又唔趕,咪跟住人排隊. 見有煙三文魚沙律,記得挪威三文魚好出名,價錢又可以接受,於是取了一份. 沿途好多食物好吸引,但係今次嚟食雪糕嘛,所以行去收銀處付款啦,跟手取餐具. 在飲食區搵了個面壁位坐下,2大片香草三文魚,油潤可口;雖然食物放雪櫃,沙律菜仲算新鮮. 食完呢個人稱10大開心食物之一嘅三文魚,喺疫情下心情立即好咗! 用膳後將餐具放到收集處,再搵吓雪糕係邊,見到有個小食部. 入嚟咁耐都唔見有人食雪糕,終於見忍唔住問小食部的姐姐,她簡單回答沒有豆腐雪糕,我只有失望地離開!

今次去咗沙田IKEA restaurant 餐廳食下午茶，嘢飲只要加$10就可以無限添，仲有好多唔同嘅汽水同埋花茶飲，非常之抵㗎！(o^^o)今次叫咗份肉丸薯蓉，個肉丸亦非常之好食，重點埋佢哋嘅醬汁，特別一提你可以點紅莓醬汁，呢個配搭亦都非常之一流👍(o^^o)跟住叫咗份pancake 蛋，又係非常之好食😋！配埋佢哋嘅醬汁亦都非常之一流(o^^o)！👍最後叫咗份快餐拼盤，裏面有炸雞翼，炸薯格餅，同埋粟米👍，雞翼炸得啱啱好，唔會太乾！可以再嚟多幾次都唔會厭，值得推介！

Ikea 真係一個好好嘅行街地方，一黎可以睇下家私嘅擺設同室內設計二黎佢呢到係有得食嘢，真係好正，食物素質都幾好既我最鍾意呢就係食佢個小食公館啦因為有薯格同雞翼另外呢今次我帶咗一個豬肋骨配薯蓉，呢個真係令到我覺得好出色佢整得好淋仲好入味，另外呢我仲叫咗個芝士肉醬千層麵雖然呢佢冇乜特別但係我覺得都算整得唔錯㗎啦，另外呢我仲叫咗佢嘅招牌啦當然係肉丸配薯蓉啦我次次去親我都話呢個㗎因為我好鍾意食佢個肉丸，大家行街經過ikea就記得入嚟食下野啦真係又平又出色！

估唔到沙田嘅宜家傢俬都會有雪糕食，我幾鍾意食宜家傢俬嘅雪糕㗎，因為佢幾蚊雞而且份量都啱啱好，啱晒做飯後甜品啦！加上佢定期都會出新款，完全唔使擔心食厭，佢出過咁多款我最鍾意嘅就係佢嘅提拉米蘇味道，我手上依杯係栗子味，都幾有栗子嘅香味，都唔錯㗎！

去IKEA行街 最方便就係係佢嘅餐廳度食嘢 😎d嘢食真係又平又好食 😋因為成日有好多人 所以次次去 都要等坐尤其係食飯時間😛😛😛如果唔介意 可以揀企係度食佢有個area 有高枱 可以企住食🙈 枱下面會有勾 俾你放袋 等你唔使食得咁辛苦😌係菜式方面 激推薦沙律菜 牛扒同豬手 🙈沙律菜夠甜夠新鮮 🥗而豬同牛嘅肉都好林 好嫩滑 🤤

個人黎講真係對宜家傢私既凍蝦念念不忘，每次黎都要必點，近排經過home square有野做，第一下就諗到去個度食野！一路行一路揀自己鐘意食既野，太開心凍蝦、小食拼盤、熱飲好味道抱歉隻手都入埋鏡太好食掛住食唔記得影相，凍蝦仲係好多籽，加埋檸檬汁一流！不過有時有籽有時無，要睇下當日情況小食拼盤啲薯格係我的最愛，又脆又夠味腸仔細細條個皮好脆，多肉，雞翼香口，食肉獸必試野飲可以無限續杯，熱飲有唔同種類，有茶包、咖啡......抵飲

星期日早晨十點鐘，試食IKEA早餐～比高包：最期待，勁硬，實心，亦無麥香，牙口唔好者慎買炒蛋： 泥狀，冇咩蛋奶香味，唔講唔知係炒蛋⋯焗豆：唔錯薯餅：正常，略硬火腿：鹹淡適中，唔錯鬆餅：又係勁硬勁實心，冇蛋奶香味，完全唔鬆化⋯牛角包：有驚喜！雖然已經軟塌塌，但牛油香味馥郁，以三蚊價錢講已經係物超所值咖啡/茶： 唔知點解覺得朝早嘅咖啡係好飲過下晝⋯似乎唔使加奶已經有花奶味道，是否心理作用？總體黎講似乎單點較套餐cp值更高⋯29蚊套餐好多單品有伏，單點都不過係3-7蚊。不過同等價格，大學canteen嘅味道係好好多嘅⋯😂

我哋鍾意揀ikea係因為餐廳可以滿足大人細路全部人嘅需要 ，最重要係佢有一啲放電嘅位置可以畀小朋友玩下亦都畀時間大人去放鬆食下嘢同埋佢嘅性價比都算幾高呀 唔使150蚊我哋一家三口都食到好飽同埋 試到好多樣嘢出去買多少少家品仲可以免費泊車，所以揸車過嚟食都好方便.

Pork Knuckle is served almost every where in Western style restaurants in Hong Kong because they are easy to serve and readily available from suppliers.The pork knuckle at IKEA is probably worth trying because it does not come from local suppliers and it only costs HKD63.I thought it was definitely good because it came with potatoes, gravy and sauerkraut.The knuckle meat was soft inside with a nice salty flavour to it that wasn't over salty while the sauerkraut complimented it nicely.

呢日小弟同朋友行街行到有d攰，又見大家好耐都無一齊食ikea d肉丸，所以就去左ikea食個tea順便睇下d家品～～～黎到ikea食野真係好難唔食肉丸！次次都有種係屋企整唔到既味道。加上佢d汁好夾肉丸同薯蓉，成碟都真係無得輸薯格唔係好多地方都有得散叫仲要咁平！大大兜仲要新鮮炸起，好正食到尾雖然覺得有d咸，但係真係好好食！熱氣就熱氣左d，不過食左先算啦

黎宜家傢私唔一定係睇傢俬既～就好似小弟咁，間唔中都會黎食下野呢個小食拼盤睇落好似無咩料到，但原來食落都幾飽珍寶腸粒粒都脹卜卜～薯格同雞翼就一向都係必食推介全部都熱辣辣，好新鮮熱氣就熱氣左d，不如間唔中一次半次啦

今日講呢個兒童素菜漢堡套餐！首先呢個set真心抵食！個漢堡用左唔同素菜，豆類做的，漢堡嘅包不是軟身而係脆口，加埋滿堡食有咬口之餘係好美味！甘荀條比想像中好食，一啲都唔油！抵食！

宜家食早餐，貪平，睇下高唔高質...雞扒滑，上面pan cake都正常發揮， 以唔駛30黎講算豐富嘅，有埋嘢飲。比高包勁硬，我唔識欣賞。薯餅頗腍，唔夠某大型品牌嘅好食，難怪我咁冕去到都仲有...（其實有四款早餐，我去到買得番兩款）追加蛋糕..好酸...又唔識欣賞了...雖然好平，但係真係一分錢一分貨...同埋早啲黎食可能會有更多同埋更好嘅選擇，我後面果啲要散買了...加上唔易搵位...