定食 Doraya (駱克道)

營業中

休息中

幾年前有朋友帶我去cwb呢間Doraya試，之後間唔中就會去食返餐！因為真係好新鮮亦覺得價錢合理。之前都有去過尖沙咀店食，等成個幾鐘先入到座！而且等位既位置亦非常迫同熱，食物亦唔新鮮！一路食一路講唔會再去尖沙咀店幫襯！明明同一間餐廳但可以差咁遠！今次點左兩個set，第一個係大拖＋蔥吞定食 ($198)！其實係想叫中拖，不過佢地成日都無既～其實除左中拖之外，海膽都係成日無貨既！但係因為黎呢度最主要都係為左個toro，所以無中拖都照叫大拖，差＄20！（其實中拖好食d）另外點左一個自選～點左蔥吞、三文魚同凡立貝！咁樣就可以一次過點自己想要既野～而且佢都寫到明份量，明碼實價！上個月去左試灣仔既築地，老實講…性價比呢間真係高好多！築地一個toro set五件壽司都要＄148，但係呢度＄198已經有5大塊大拖勁多蔥吞！食完呢個set一定夠飽！本身都係常客，所以一定會繼續黎食～

想試好耐了！今日終於終於試到。經過見到只有幾個人在排隊，心想可以好快就有座位。但是，向店員拿籌後，原來也等了差不多半個小時！幸好天氣沒有很熱，要不然就….店內座位擺放真的好窄，好窄。幾乎都是背對背的坐，說真的有點不舒服，因為本人後面的食客坐得好霸氣。藍鰭吞拿魚扒飯定食 HKD 138.00先說主角藍鰭吞拿魚扒，份量真的好足，與價錢成正比！厚切的魚扒表層被輕輕燒了一燒，滿滿的魚油被迫了出來！3成熟的魚扒，入口即溶！而且滿口都充斥吞拿魚油！在香港以百多元食到大份量的吞拿魚，而又有質素的，我想都只有一兩間而己。另外要說的是飯，「定食Doraya」的飯也好有水準！粒粒分明，又不會過硬過軟，水份與醋的比例也好適中！一個定食，有包幾款小食，但是並沒有好出色。除麵鼓湯好飲外，其他的小食都沒有太好味。最大期望都係玉子，不過玉子味道不太好，而且口感也太好，令人失望！三文魚三文魚卵定食原本是想吃有海膽的，但是當天「沒有海膽」！「沒有海膽」「沒有海膽」「沒有海膽」實在太失望了，只能寄望下次來的時候會有！（之後有另一個女生也點了海膽，店員也回覆已賣晒！那女生的表情，真的有夠失落的了！）因為沒有海膽的關係，我們

好早前已經好想試呢間舖頭，有次剪完頭髮去第次試，點知好多想食嘅都售罄，真係唔開心。所以呢次再接再厲，要食到我心愛嘅海膽為止。當日中午黑雨，全日落大雨，放工諗住出去食飯可能會小人啲喎，放心啦，呢間舖，幾時都咁多人，最重要一定要walk in㗎。7點半已經有好多人入坐，我最後選咗三色丼，油甘魚，吞拿魚腩，海膽（HKD198）。其實我今次第二次食，真心覺得呢間舖嘅刺身係物有所值，全部都好新鮮，尤其佢嘅吞拿魚腩，簡直係無敵呀，入口即溶。今次第一次試海膽，好新鮮，而且份量算多同埋大，如果以女士黎講可能會食唔晒，不過一定一定要食晒啲刺身。我個人認為海膽雖然好味，不過真係幾漏，所以我下次食都係會選啲幾款嘅，而唔會單一食呢個。另外我今次仲有叫帶子刺身，有4片，都好厚，好鮮甜，都係HKD65，我個人覺得幾抵，下次再試多啲再post多啲相，今次影得太小。

6點幾去完OP哈佬喂，出反來銅鑼灣就去左呢間定食，之前朋友都極力推薦但一直都冇機會過海值到去完OP鋪位好細，唔係好多位架咋，但等左半小時都冇就入得嚕原本想叫海膽魚子三文魚丼，但唔好彩咁岩賣哂但都唔緊要，改左做藍旗吞拿魚大腩，每一個丼都跟小食同湯賣相非常好，食物既質素也非常高三文魚好清新，三文魚子粒粒爽口，而吞拿魚大腩好勁既魚油，入口即溶既感覺一d都唔腥好食到以為自己飛左去日本

難得今日落銅鑼灣同友人食飯,就諗住食好d啦。行行下無啦啦醒起呢到有間備受好評既日本野,所以就黎左呢度啦。一打開門就發現入面都幾爆,啱啱剩返兩個位。坐低之後,侍應就俾咗佢個餐牌我哋睇,發現原來真係好多嘢食。經過多番考慮之後,我個friend就決定咗食粒粒魚生飯,我呢就睇呢到企企理理,乾乾淨淨,所以就膽粗粗揀咗個吞拿魚腩蓉刺身丼。大約10分鐘之後,啲嘢就開始上枱。首先係我個friend嘅粒粒魚生飯。刺身表面光澤,款式多樣,偏向大粒,賣相不俗。淺嚐一口發覺味道鮮甜,富種種不同口感,如八爪魚嘅煙韌,三文魚既肥美,口感平衡,配上壽司飯實屬上乘。跟住落黎係我嘅吞拿魚腩丼,因為香港實在係較少有新鮮吞拿魚嘅餐廳,所以我就想姑且試一試呢度究竟係咪真係咁高質。首先係賣相方面,吞拿魚腩嘅份量都唔錯,足足鋪滿成碗飯。另外有紫菜作為點綴，實在令呢碗飯生色不少。食落去發覺吞拿魚腩蓉肥美而新鮮,實與平常普通日本餐廳的拖羅迥異。配上些少日本醬油更能顯出其獨特的鮮味。筆者爽快地一口口吃進口裡,又是另一番感受。不得不讚既係完善既定食套餐,前菜高質,標準面豉湯實在令呢一餐更為完滿。呢一間絕對值得推介😋😋

銅鑼灣食野雖然有好多選擇，呢度九點幾去都要等位間鋪唔係好大咋，坐廿個左右。多心既我試左個自選魚生飯定食，揀左三塊三文魚、五隻甜蝦同吞拿魚蓉，超新鮮！五隻甜蝦連頭好大隻好鮮甜，吞拿魚蓉都充滿油香！友人點吞拿魚魚蓉配吞拿魚中腩，試左塊，入口即溶架！食前忘了拍照😭98蚊既松葉蟹棒，幾新鮮！埋單合共四百幾蚊，好滿足咁好食，難怪要成日等位！

睇食評知道doraya既吞拿魚出名，一試果然名不虛傳，叫左個吞拿魚扒定食，大約130蚊。吞拿魚扒即係厚切既吞拿魚，魚生面輕輕燒過，所以呈半生熟狀態，一入口，不得了，真係即溶，好好食！每碗飯都有吞拿魚汁，d汁甜甜酸酸咁，幾開胃，如果覺得唔夠，仲可以要求加汁，即係好似去吉野家加牛肉汁咁！一碗有8、9塊吞拿魚，每塊大約1-1.5cm厚，d飯唔會好多，女仔食岩岩好。加埋d前菜同漬物，就勁飽！其實尼個價錢有咁既份量同質素，係銅鑼灣算抵食既！

又到禮拜五，係時候嘆吓喇海膽三文魚子丼 ($128)好正呀好正呀好正呀海膽唔腥唔苦，仲好鮮甜，比較重海水味☺隨餐附送玉子同稻庭烏冬一碗，玉子好鮮甜。間舖好細，要早D去攞位

日本野真係百食都係咁好味，而呢間定食のDoraya亦係我其中一間嘅喜愛餐廳，而今晚就要等耐左小小先入到去。吞拿魚扒定食 – 可能有人會覺得拖羅唔係我杯茶, 覺得好膩, 如果係咁就好了, 因為我會介紹你食赤身! 相信佢既味道以及柔軟感, 你一定會喜愛!而且佢嘅份量亦剛剛好。吉列炸蠔 – 雖然佢地既吞拿魚好出色, 但原來D小食都唔錯, 食蠔真係有蠔味架! 哈, 食完好滿足, 如果你地係吞拿魚既粉絲記得唔好錯過啦!

入去必吃吞拿魚，實在入口難忘，肥瘦適中，這種質素來說，價錢亦合理。其他食物全都比下去。尖沙咀店已經吃過，當然要排隊。可惜銅鑼灣店更細小。閒日晚飯時間，等半小時左右是基本，周末應該更長龍。

以往經常來，最近少左來，今晚10點幾來還是要等位，但總比食飯時間來好得多。叫左個98蚊松葉蟹拑，份量有8隻，肉質鮮甜又厚實。好新鮮。戲肉是我最愛的藍鰭吞拿魚扒，外面燒得剛剛好，用簡單的鹽和黑椒帶出魚油香，加上香甜的拌汁，是下飯良伴。不用10分鐘就吃完了一碗！

耐不耐都會黎呢間DORAYA食飯, 今日想食番吞拿魚丼.  炙燒藍鯨吞拿魚丼都算係呢度既招牌菜, 亦係我多數會點既餐.  有比較過佢尖沙咀分店既賣相及味道, 始終都係銅鑼灣本店較好.  全店大既只有二十個坐位, 晚飯時候大多要門外取票等候. 外層被火槍炙熟, 入口即溶如果餐牌上既配搭唔岩口味, 食材亦可自由選擇.  而我點既另一客是油甘漁, 吞拿魚, 三文魚籽飯.  三文魚籽未夠甜, 只是一般餐湯本來是麵豉湯, 加$10轉蜆湯

朋友說這間好吃，便來試一下確實也沒有令本人失望。首先是自己點的自選餐，點了甜蝦、海膽及油甘魚。海膽及甜蝦本人非常喜歡，鮮甜好味。油甘魚也不錯，但下次再選，大概會嘗試其他魚類刺身男朋友的吞拿魚扒飯，一片片刺身，嘗了兩三片，帶少少咸味，不錯吃。他說下次會再試吞拿魚蓉那款。味道好，雖則價錢略貴，但會想再次幫襯另外，門口長期有兩、三枱客等位，必需齊人才可進店。飯後侍應也會迅速收拾餐盤。如果想飯後足膝長談的，不建議到此店。

一早出銅鑼灣整野 死左好多腦細胞緊係對自己好D又想食魚生 諗起呢間定食天氣熱辣辣 係門口等左20分鐘 店鋪好細 坐位都好逼夾 坐就唔係坐得好舒適 好彩一個人黎食 如果唔係傾計隔離都聽到晒之前一路都係食藍鯨吞拿魚茸飯今次試下佢自選飯海膽藍鰭吞拿魚茸飯前菜係紅白蘿蔔 仲有個玉子 2者都比較淡味個人鐘意尖沙咀分店既前菜 蒸蛋比玉子好味藍鰭吞拿魚茸入口味道依舊好味 海膽好新鮮 入口即溶 似北海道海膽2者伴飯 真係滿足到爆湯就係麵豉湯 唔似用粉開 夠味足料煮整體上 個人鐘意尖沙咀分店

喺APA睇完舞台劇後都夜晚十點幾，未食晚飯，就諗起銅鑼灣既刺身飯。雖然過左晚市時間，但仍然要等三張枱，可想而知這店人氣高企我點既海之幸定食有一碟類似泡菜？味道怪怪的，試一口就放棄了都係食返適合自己口味既蘿蔔，而玉子卷，又實又無味......前菜質素真的一般般都係專注返個刺身雖然呢個舖最吸引既係拖羅，但較花心的我想食多種刺身呢個定食就有齊三文魚，拖羅，蝦，帆立貝，蟹柳等，每件都係厚切，啖啖肉，而且夠新鮮，一d霉既感覺都無。而珍珠米加入的醋適中，香得黎唔會過酸然後係燒三文魚腩，十分肥美，一夾d油就滲出黎。如果覺得唔夠味，可以向侍應拿少少鹽灑上去，更惹味最後仲有150g 的海膽。因為只想過口癮，一板又太多，所以侍應提議要廚房磅150g。其實自己本身好怕海膽有陣廁所味，但呢度既海膽無呢種感覺，用紫菜包起，加小小飯，nice