定食 Doraya (駱克道)

營業中

休息中

今年情人節去左一間好出名嘅專食丼飯嘅日本餐廳🇯🇵由於無預約嘅關係我地都等左差不多9個字。 不過之後聽返人講其實平日6點鐘d人已經開始排隊架啦😰入面d位都算係迫，如果坐入面嘅食客要走嘅話出面嘅人要起身所以有小小唔方便。食物有好多款，有佢set好哂嘅，又有自選刺身定食！ 我地就緊係要試佢最出名嘅吞拿魚啦😍 分別叫左香蔥伴藍鰭吞拿魚腩蓉飯定食($135) 同埋藍鰭吞拿魚扒丼定食(配日本溫泉蛋)($158)，定食入面有蒸蛋、沙律、酸蘿蔔同麵豉湯(可加錢轉蜆湯)呑拿魚腩蓉加左蔥一齊撈飯好食，其實加小小豉油已經好足夠！每一啖都有呑拿魚好正😍上面又有紫菜絲所以好滿足。佢d飯嘅份量都多架所以女仔食會非常飽。(8/10)至於呑拿魚扒好抵讚，首先佢排得好靚，然後每一塊都好厚好肥美🤤好重油香！佢加埋溫泉蛋，有d濕潤所以點綴左成碗飯❤️完全無韌而且每一塊都好pink!!!!!! (9/10)

行行下街又到咗肚餓要搵食嘅時間啦～但其實時間尚早，所以慢慢行下睇下駱克道嘅餐廳永遠都處於好想食日本野嘅我睇咗呢間餐廳擺門口嘅menu覺得都唔錯再望入去餐廳，原來差唔多坐滿晒人，得返最後兩個位其他餐廳都無乜客，呢間咁多人，根據邊度人多就食邊嘅定律，質素一定有返咁上下！咁就入去啦～大部分定食都係$100鬆啲，喺銅鑼灣來講個價都算合理嗌咗油甘魚＆藍鰭吞拿魚二色丼壽司飯定食仲有粒粒海鮮壽司飯定食定食有跟前菜（日式沙律），醃海帶，唔錯隔離遲過我哋入來，跟嘅前菜唔一樣，可能係有幾款（？！）漬物係兩片醃蘿蔔，仲有麵豉湯同茶碗蒸粒粒海鮮最啱好似我咁，貪心想食多幾款魚生嘅人非常足料，但係魚生粒粒醃過，醃汁蓋過咗魚生本身嘅鮮味鍾意食鮮味魚生嘅就應該揀油甘魚＆藍鰭吞拿魚二色丼壽司飯定食兩款魚生鋪滿飯面新鮮香甜，而且魚生係厚切嘅，絶對唔會驚唔夠飽！食完離開餐廳嘅時候，見到條龍已經排到好長～午餐時間經過附近，而條隊唔長嘅話，一定會再試！

每次經過都大排長龍，一直都好想試。9:00pm黎到，等3張枱就有位，好感動呀😭由於太肚餓喇，叫咗藍鰭吞拿魚扒飯定食(主菜加大只係$30🤤🐷)同燒廣島產真蠔藍鰭吞拿魚定食-包括沙律、蒸蛋、麵豉湯、醃漬吞拿魚扒好厚身，入口即溶好高質，揀咗壽司飯 (可選白飯/壽司飯)開胃d無咁油膩。燒廣島產真蠔 - 好肥美，鮮甜到忍唔住encore叫多一隻😍🤤下次會再黎食，唯一美中不足係舖面人手唔係好夠，效率比較慢。

之前食過幾次尖沙咀個間，今次就第一次嚟食銅鑼灣呢間，都係由等位開始就好期待。但係呢等位就等左好耐，超耐。今次同project mate慶祝做完份project，所以嚟食好西。我推介左佢地一定要食甜蝦他他！因為每次食都唔會令我失望。我嗌左三餸：甜蝦他他、赤貝、海膽定食包括：沙律、蒸蛋、麵豉湯、醃製蘿蔔同埋唔肯定係咩嘅醃漬。以上的配角都正常，冇咩特別。所以先突出到今日嘅主角——三餸飯。甜蝦他他每次必點，配飯一流。唔洗豉油，味道都已經好夠。口感軟腍腍，有少少黏著口腔嘅感覺。好濃郁嘅甜蝦味，好似係100隻甜蝦搞埋一齊嘅感覺。不過就係因為好濃郁，所以食到後半部嘅時候，會有啲膩。我朋友就食到要合埋眼享受每一淡甜蝦他他嘅精華。飯份量唔夠！因為料太好食啦，啲飯唔夠撈，食曬啲飯都仲有料淨，有啲可惜。鹽燒雞翼第一次食刺身飯以外的野食。一嚟到就感受到佢係啱啱燒完就即刻攞出嚟嘅感覺。食落去熱辣辣。食完刺身飯再食佢，簡直係有種冰火交融嘅感覺。雞翼外面燒到少少脆，入面啲肉好嫩、好juicy 。可以用外脆內軟嚟形容。海膽有少少失望。比起尖沙咀食過個次，冇咁甜，有少少苦。不過可能因為甜蝦他他，所以佢遜息左啲。都未算好

呢間店每次經過都想試，但可惜一直都未有機會，終於上星期約朋友黎呢度飯聚，相約時間算早，所以我地黎到時未滿，但過一陣好快就full哂，見店裏面好多人叫吞拿魚蓉飯，有d更加係一個人黎食，所以決定叫個吞拿魚蓉飯定食，可以加錢加大飯同魚蓉份量，朋友就叫左個自選刺身飯定食，朋友簡左帆立貝，三文魚同埋吞拿魚蓉，加錢轉左蜆肉湯，定食包埋前菜，燉蛋，燉蛋好滑，吞拿魚蓉加上日本米好好食，加錢既蜆湯，亦好多新鮮蜆，無沙，朋友既刺身定食亦都好吸引刺身好新鮮，值得一試，美中不足，店內位置好迫。

對於好喜歡吃剌身飯嘅我泥講，Doraya真係百吃不厭。平均兩個月就要食一次，可見佢水凖仍然非常之高。自己亦都去食過其他餐廳，但相對我都係Doraya忠實fan. 再講價錢亦非常合理，食材新鮮就冇得輸。每次光顧我個人必選就係甜蝦同埋凡立貝。今次試埋左口魚裙邊丶三文魚子丶香䓤藍鰭吞拿魚蓉同埋希靈魚。基本上所有刺身都好美味，一如預期新鮮無比。見到好多食評話成日要排長龍，冇嘅，如果你識揀時間泥嘅話呢就唔洗等😝

肚餓又路過難得見Doraya有位就入左去食我就最鍾意食帆立貝 燒鰻魚 同三文魚但Doraya既呑拿魚幾好食 所以我會選係度食吞拿魚由於我心大心細兩種都想食 所以選晒黎分享☺️特選藍鰭吞拿魚片 同溫泉蛋藍鰭吞拿魚扒 丼我就比較鍾意食前者 因為比較滑身而且鮮味後者都好食 有溫泉蛋好滑 吞拿魚扒比較厚身 同埋唔乾身飯可以轉壽司醋飯幾好 飯份量都多 對我黎講有少少太多個蒸蛋仔就份量偏細 加錢轉蜆湯 蜆都算係咁 湯黎講算中上Size而且無沙其他配菜係蘿蔔 所以唔鍾意無咩食 淨係食左少少菇仔

每次經過依間舖頭，都見好多人等位，今日見早早地，等嘅人唔多，就排隊試試 排隊無聊時🤳，睇吓食評有乜推介(其實只係睇相)，見好多toro相🐟，我估應該係依度招牌菜 🍱等咗半個鐘左右就入得喇，點咗兩個定食，第一個: 魚腩蓉飯定食($135)，其實我對魚蓉飯有情意結，一來我鍾意嗰種有得食有得玩嘅食法，第二，就算個魚唔太新鮮，你都可以用方法調教出更好嘅味道，所以喺香港，通常都會叫魚蓉飯😅今次我改咗做壽司飯，其實個飯整體都Ok,但我覺得個飯略為酸，好難加調味中和，個蒸蛋都滑，但少咗有湯嘅日式蒸蛋🥚，另外，個麵豉湯都有啲過咸，反而我好鍾意食嗰兩片蘿蔔，好清甜。第二個點咗自選丼:我哋點咗3🐟，三文，中拖&大拖，一上枱我覺有啲被fake,依3舊叫中拖⁉️❔❓are you sure?😲依3舊平時食放題叫吞拿魚，隨時都有，依家仲要收$82/3💸💸總括而言，以今次經驗，食魚蓉飯還可🉑️，如果一心嚟食拖羅❌，我會試其他

這家定食Doraya銅鑼灣分店是小妹跟男友已光顧多次的優質店，我們心癮起就決定再次到來，這次就等我為大家介紹一下不同的刺身魚吧順帶一提這店家是長期都需要排隊的要吃的話要趁早，不要讓自己太餓才去等位喔這天我們大概等了半小時吧！而開始等那時才是6點50分，這意味著餐廳從6點營業後就早已客滿，需要等到差不多7點半才有位置因為餐廳是人客到齊方可入坐，而且還是有限時90分鐘的環境是燈光昏暗的，日式擺設多但有點陳舊，但因為餐廳座位不多，大概只有廿多個，所以是長期需要搭檯的這款自選刺身丼是要選三款或以上刺身的，種類繁多性價比高小妹今天就選了海鰻、吞拿魚大腩、油甘魚及深海池魚而男友則是專一如初，每次都總點熊本產赤牛烤肉飯家食但原來因為他知道我一定會點著不同的刺身，然後分著給他吃熊本產赤牛烤肉飯定食 $168 ★★★★男友每一次都選它然後跟我分著吃每個定食都會跟上前菜、配菜、熱湯及茶碗蒸蛋小食實在是讓人十分滿足熊本產的赤牛這樣烤起來，切著薄片加上一點黑椒，口感味道就是淋香，再配上溫泉蛋實在是極上之品，牛肉和蛋香混合是另一個層次了這是茶碗蒸蛋，就普普通通的不過不失跟定食 加$10轉的麵鼓蜆湯請注意這餐品是

香港雖然多咗好多食刺身飯嘅專門店不過呢間係我嘅心目中都係名列前茅點解？因為佢嘅刺身真係好新鮮尤其鍾意食佢嘅藍鯨吞拿魚同其他鋪頭食吞拿魚唔同呢度嘅吞拿魚唔會好大浸血腥味而且啲魚肉唔會好鬆散 反而好香魚油味同埋啲日本米一齊食簡直係人間美食呢度連豉油都好講究有分刺身豉油同埋食刺身飯嘅豉油鹹嘅程度都唔同通常會加埋溫泉蛋因為加左蛋之後啲蛋汁令到吞拿魚更加滑

自從去過日本食吞拿魚之後，就對吞拿魚念念不忘。但好難係香港食到日本既水準，今次終於黎到呢間食。店鋪小店經營，座位吾叫多，人流就多，所以不繼有客人。好彩我地都吾係等左好耐就入到！呢個係藍鯨吞拿魚大腩小丼，成個賣相都吾錯，又有麵鼓湯，又有沙律，又有蒸蛋，又有烏冬，非常多野食，自己一set夠哂。主食當然少不了藍鯨吞拿魚啦，雖然吾係入口即溶，但都幾新鮮，食到我吾夠喉！烏冬方面，我揀左冷烏冬，加左醬油好好味，果然冇黎錯。一定要同大家share！

虽然价位不算平民，但性价比颇高。叫了一个鱼腩鱼蓉饭，食一半已经漏到爆...好肥啊，好漏啊，好彩有朋友帮手解决。质素相比日本鱼市场当然后者优胜啦，但在香港而言算相当OK，会encore。

That fatty tuna and Japanese uni always make a great combo.Can you imagine how creamy and sweet the Japanese uni was? It was so smooth that it slides through the throat and you’d ask for more and more. The best thing to go with Japanese sticky rice.

等倒數。。食乜好？明明好想食蝦的我最後揀左黎定食Doraya但係都係無食蝦ge...😂叫左個乜都有d既特選海之幸寿司飯定食~ 海膽不夠新鮮，其他配料如三文魚子、油甘魚等味道尚可，不算很特別。一試就要試個勁ge藍鰭吞拿魚大腩丼定食~ OMG! 碗裡有2種位置的拖羅，一種雪花紋較多較甘香、一咬落去魚油立即湧出來！另一種魚味較濃帶筋、咬落去魚油慢慢滲出來，2種同樣鮮美 唔share食唔得！唔係獨食難肥，而係都幾漏下😂hahaha！2個都係set, 有泡菜、蘿蔔、蒸蛋、麵豉湯。 質素及味道都不錯，一人一set真係堅飽！調味架上有2種醬油，記得揀返刺身醬油啊！真係比較配合的！

Yesterday I tried but more than 10people waiting outside in th cold weather so I visited around 6, just a few people there. Order mix tataki?海鮮贅沢丼 Don. Fresh and taste nice. 茶碗蒸し also hot and nice even it was small. Miso soup is hot as if in Japan. Highly recommend for Japanese. Not yet changed to HK style.