安柏娃泰國燒烤菜館 (油麻地)

營業中

休息中

突然好想食芒果糯米飯，喺附近睇戲所以過來試下佢嘅芒果糯米飯。糯米飯係熱的，味道一般，基本上就係一糰無調味的糯米飯。椰漿好似好濃，但其實冇咩椰子味😂 芒果好甜，比平時切的細粒，食嘅時候方便好多。值得一讚係加咗roasted coconut，食落去脆卜卜，係幾特別的食法由於份量唔算大，食完唔夠喉，決定叫串泰式燒雞腎食！不嬲都有幫襯開佢嘅外賣串燒，即叫即燒即食，蘸埋沙嗲醬同泰式串燒汁就最正。點知堂食反而差啲，今次冇平時咁熱，而家啲醬都要自己去拎，下次都係叫返外賣算

呢日男朋友同個兄弟去油麻地嗰邊行街食飯~我自己一個喺屋企等佢返來~為左令佢出左街都記得我,我叫左佢返來嗰陣要買芒果糯米飯畀我做宵夜~油麻地C出口一出就會見到呢間小小的泰國菜~最初拍拖時, 男朋友周不時都買呢個來接我收工所以除左好食外, 食的更係一份甜蜜的回憶~ HAHA~芒果糯米飯 ($42)我覺得平時坊間D芒果糯米飯都幾參差的,不論係價$同味道都係~$20都可以有交易.. 但可以係勁難食..貴起上來我見過$60.. 好唔好食我唔知,因為貴到我唔會買來食但呢間, $42, 價錢合理, 而且味道唔錯~芒果我以前食開係半隻芒果界左花咁,但今次買, 係切左粒的~芒果好甜~ 要甜先好食嫁嘛!另外, 佢個椰漿飯上面仲會有D烤過嘅椰絲條。呢個係我未試過喺其他地方嘅芒果糯米飯見過的~係花左心思嘅地方, 欣賞!烤過嘅椰絲條, 咬落會有少少"索索"聲,好有咬口, 仲好香椰子味!令成個糯米飯多左一層層次, 一種美味

今日行開油麻地, 有幾間海南雞飯店, 見到呢一間唔駛排隊又未食過就去試下啦. 要左兩個午餐set, 海南雞飯份量唔算多, 一個女仔食完都係仲有少少餓, 而且個汁同其他既海南雞飯唔同, 期待既醬汁變左做酸辣汁同甜豉油  因為唔係太食得慣酸甜汁點海南雞, 所以最後都無用到個醬. 而另一個set lunch 係黃咖哩石班飯, 魚塊有炸過, 個汁亦好香咖哩味, 但同樣地份量亦唔算多. 最後見到有炭燒豬頸肉就要左一點試下啦, 唔係話太油膩但調味唔係話太濃, 所以要靠醬汁去吊一吊個味. 價錢方面都算係平民, 而且唔駛等位, 快lunch 之選.  

幾款串燒比我想像中有質素 我揀左雞腎 牛 雞亦炒通菜 一流 好夠味道 最有驚喜係個椰青 我飲過唔少泰國食店既椰青呢到既椰青又大又清甜 我認為價錢又唔算貴喎 所以有驚喜 絕對要大力推介

油麻地站一出 轉彎就見到呢間小店座位唔多 遲多少少黎就要等下啦黎食泰國野一定要食金邊粉!!! 係我最愛～香噴噴好好食! 每次都會叫既野食!我地仲叫左招牌蛋包飯師傅仲整左個哈哈笑不過味道同金邊粉比 就失息好多啦 有機會可以試下其他飯~仲叫左一份小食 泰式炸蝦餅不過兩個人既話都係食其他野啦一碟有8件好似太多 會好熱氣呢黎到點可以唔叫泰式串燒!!!!叫左雞肉 豬肉 同墨魚丸 $15一串燒完即食 好正呀~見到隔離枱叫左魚食 下次可以試下呢~

經常經過，但沒有試食過，坐位不多。今天8點左右經過，見剛好有2個位，即管一試，我们2人，因為我剛6點才吃了點東西，不餓，只點了 黄咖哩海鮮、蒜蓉包、泰式炒通菜。不用5分鐘，黄咖喱海鮮已經送到，熱辣辣的，想等埋蒜蓉包先至食，但等左一分鐘，仍然未到，唯有食先。咖喱汁好稀好水，吾同係其他泰式店食的汁比較''傑"，有2隻细蝦，兩三细片魷魚，兩隻細青口，仲有薯仔、蕃茄仔、洋蔥、草菇，味道尚可。再過了2丶3分鐘，通菜嚟啦，賣相吾錯，味道可以，就係细碟啲，要成$62，比其他泰國菜館貴。我追問蒜蓉包嚟得未，個後生仔，無入去睇就話燒緊，我心唸，已經過了10分鐘，整蒜蓉包無理由長時間過其他菜式。再過5分鐘，已經到左嘅兩個餸我地已經差不多食先，我又忍吾住再追蒜蓉包，個後生仔仍然係無去睇就話整緊，大佬，15分鐘仲未整到？中間，我吾見有出過蒜蓉包，只7分鐘時見出過幾串串燒。好啦，過左20分鐘，蒜蓉包終於嚟啦。我打個突，好似嚟左一塊切開4件嘅厚多士。我都係第一次係泰國菜館食到咁樣嘅蒜蓉包，仲要收$32。中伏！中伏！無下次！

油麻地地鐵站一出黎就見到呢間泰式串燒，全部都係即叫即燒夠熱辣辣，見個門面都企企理理一於為食鬼上身就整番幾串試下。一串串已經串好哂放係度等你慢慢揀，除左串燒之外仲有蝦片沙律各種小食可以拎走食，叫完之後就即放上去燒。第一串食《串燒雞肉》($12)，雞肉燒完勁熱勁香，雞肉都好嫩滑唔會燒到成舊老哂，緊係要點埋沙嗲醬先更惹味。第二串係《串燒豬肉》($12)，豬肉燒起後有少少韌，較遜色於雞肉，如果對比黎講一定係九龍城既串燒整得好食啲。反而《泰式炸蝦餅》($14)有驚喜，蝦餅一開左二方便食，即時炸起一咬真係勁熱，外皮夠脆入面亦好彈牙。店名：安柏娃地址：油麻地文明里2號地下餐牌:

成日經過呢度, 見佢排曬啲串燒喺度, 好似好正咁今日終於試咗喇。呢間本身係一間泰國餐廳, 可以堂食, 門口呢個位就專賣串燒, 現成嘅串燒其實本來已經熟曬, 店員只係將佢燒返熱, 烘至微燶。燒好之後, 有三款醬料任你揀, 分別有甜酸醬, 泰式辣醬同沙爹醬, 自助形式, 要多要少悉隨專便, 超怕辣嘅我只可以落沙爹醬啦。 叫左一串雞腎, 一串牛, 味道唔錯唔會太鹹, 雞腎大大隻好爽口, 牛就稍為韌咗啲, 最緊要係啱啱燒起, 熱辣辣, 夠曬惹味。

今晚和朋友共三人去食，第二次來了，兩次都沒有失望。菜單內沒有矜貴的食材，但做出來的味道剛好，相信廚師是泰國人。我去年在曼谷住了一個月，所以地道菜吃不少，此店確有這種風味。唯一不夠"泰國"的是醬汁的調味都比我在泰國試過的淡，可能是遷就香港人的口味，沒有太辣。總括來說還是滿意的。今天吃了鳳爪沙律、海南雞、生蝦、燒魷魚、冬陰公、鹹語炒芥蘭，全部都好食！生蝦很大隻，十分新鮮。埋單都係500多少少，幾抵食架

星期五晚看完電影想坐下食點宵夜小食, 又下著雨, 友人和我就選了這間泰式小食店. 本以為這間店看似地道泰國菜小店, 應該會不錯. 於是我們只點了啤酒, 柚子沙律及串燒. 可惜柚子味道不夠清甜，還有一些苦味. 串燒味道是不錯的, 只是不夠熱, 不似即點即燒. 只是暖暖的. 所以大家都有點失望. 走人

If you are looking for something hot and fast, go to Amphawa. Amphawa is a coastal area in Thailand. The ships there are busy in selling food, like those in Sai Kung. This is a little introduction that I have read while waiting outside the restaurant. I guess the chefs and waitresses are Thai people which gives me an impression that the food there will be quite a representation of the local Thai food. And most importantly, they speak good English which makes the order of food easier.There are sa

Good location right off the mtr exit. Came on a rainy day so not very busy. Food was amazing, particularly the soft shell crab, raw shrimp. Talk to the staff for recommendation and everything came of superb.

或許這店主打的是燒烤，但今日我點的是午餐，那我就說說今日的午餐吧。我看到餐牌上的都是行貨，所以就點了一個比較少見(?)的鹹肉飯。上菜後才發現中伏……所謂的鹹肉就是幾片燒肉，然後翻炸一下，再用鹹菜打個芡淋上上面，但燒肉皮已經淋掉，反正咬了好久也咬不開，下面大部分是肥肉，一看就知道是燒味店交來下欄，鹹菜煮的芡汁普普通通，但鹹菜已經沒有任何鹹味，這種貨色也要52蚊，所以不會再有下次了，就這樣……

今天第一次試這店。。。今晚我們算選對了。虾醬炒飯。。。冇乜料，但味道好。青木瓜沙拉。。。味ok,不太辣。小食拼盤。。。香口得來，不油膩，特別虾餅，葉子雞也好好味，肉質佳。海南雞肉質佳。。。味不太咸，点少少汁不錯。生虾。。。好新鮮，但得六只。2杯飲品。。。okTotal hkd 4xx.....不算平。坐下時又冇比杯水飲下。。。。但上菜ok快。味道好。

lunch想搵野食 上次食過呢間泰國野都ok既 今日見放假冇乜人就入去試下廚房由泰國人主理 大概十幾個座位 如果唔係放假平時應該好多人 選擇都幾多 我揀左海南雞飯 油飯顏色都幾黃但係冇乜香味 有少少失望！雞就一半雞胸 一半雞背，雞冇咩肥膏，但的雞都係冇咩味，雞胸更加冇味。雖然的汁幾好味但我都食唔晒 椰汁飲 其實我叫小凍但仍然好多冰個人覺得甜得滯飲完好似漿住喉嚨既感覺 友人既香辣肉炒河反而幾好食。有穫氣又香，都幾辣架！的牛肉唔會韌，配菜仲有洋蔥、蕃茄仔、豆角、玉蜀黍，唔錯唔錯油麻地黎講加上環境$52有的唔抵食，下次都係試第二的