安柏娃泰國燒烤菜館 (油麻地)

營業中

休息中

經常經過，但沒有試食過，坐位不多。今天8點左右經過，見剛好有2個位，即管一試，我们2人，因為我剛6點才吃了點東西，不餓，只點了 黄咖哩海鮮、蒜蓉包、泰式炒通菜。不用5分鐘，黄咖喱海鮮已經送到，熱辣辣的，想等埋蒜蓉包先至食，但等左一分鐘，仍然未到，唯有食先。咖喱汁好稀好水，吾同係其他泰式店食的汁比較''傑"，有2隻细蝦，兩三细片魷魚，兩隻細青口，仲有薯仔、蕃茄仔、洋蔥、草菇，味道尚可。再過了2丶3分鐘，通菜嚟啦，賣相吾錯，味道可以，就係细碟啲，要成$62，比其他泰國菜館貴。我追問蒜蓉包嚟得未，個後生仔，無入去睇就話燒緊，我心唸，已經過了10分鐘，整蒜蓉包無理由長時間過其他菜式。再過5分鐘，已經到左嘅兩個餸我地已經差不多食先，我又忍吾住再追蒜蓉包，個後生仔仍然係無去睇就話整緊，大佬，15分鐘仲未整到？中間，我吾見有出過蒜蓉包，只7分鐘時見出過幾串串燒。好啦，過左20分鐘，蒜蓉包終於嚟啦。我打個突，好似嚟左一塊切開4件嘅厚多士。我都係第一次係泰國菜館食到咁樣嘅蒜蓉包，仲要收$32。中伏！中伏！無下次！