安平燒肉

營業中

休息中

好耐無食燒肉啦!! 收工同同事去咗安平燒肉 - 旺角店，一早BOOK定枱～準時到就有得食今晚揀咗澳洲M5和牛肩吃到飽套餐，贈送嚴選牛舌芯，入口爽口Q彈，油花分布平均，唔會好油膩，好出色！！推介美國SRF極黑牛，滿滿牛香，脂肪均勻，輕輕燒兩燒已經充滿油脂香～同事就鍾意澳洲和牛板腱～肉質嫩滑，牛味濃郁，燒完再點少少岩鹽，包埋生菜食真系超夾！套餐仲有雞類、豬類等提供，我地試咗咖喱西班牙豬五花，咖哩味濃，五花肉既肉脂層層相間，燒完之後更香口！雞類就試咗安平私房雞翼，雞翼用上辣椒調味過，經燒過既雞翼外皮香脆可口，肉汁鮮嫩～除肉類之外，仲有唔少既海鮮架！推介安平私房烤青口，烤青口系平時其他餐廳真系好少見，牛油溶系青口上面，特別香甜！仲有麻辣章魚燙～章魚好彈牙，配搭麻辣醬汁，食落好過癮~餐廳仲有提供好多台式小食，包括滷水涼拌鴨舌、甜不辣、墨魚香腸、奶油金菇、安平炸蚵卷、花枝排等等…特別推介涼拌小黃瓜，青瓜食落爽脆清甜，經醃製過味道酸酸甜甜，用嚟解膩一流。烤魚干經烤過後十分有咬口，咸咸地，又香口，用嚟配酒一流啊！大家仲可以自製拌飯架！真系夠曬特別～係啲飯上面加上櫻花蝦、滷肉汁同紫菜等，啖啖豐富配料，超

第四次食呢間，次次都係食最貴4百幾果級，每次食物質素都下跌，今次最差啲貴肉都係鞋兼無肉味，估計係來貨貴改入平野，唔緊要呢點我諒解，但今次臨完前20分鐘已經每5分鐘黎催一次，夠鐘時直接黎執碟，另一位中性打扮侍應又走過黎兇我地話“用餐時間過左喇再繼續坐系統會自動繼續計錢”，真係好笑都已經埋左單點樣自動計錢，係認真趕客。我明白用餐時間係兩小時，我地入座7:15pm，走時係9:20pm，眼望有10幾張吉枱兼無人等緊位，真係唔需要咁樣趕人走囉，野已經唔好食仲要受氣。

【澳洲M5和牛120分鐘吃到飽套餐】包一份牛舌芯 (每人2件)，有104款食物選擇，有🐮牛、🐷豬、🐑羊、🐤雞、🦐海鮮等等~上枱時都有肉類標籤🤤鍾意食既返酌都唔會點錯啦💕必點：🧡 澳洲M5和牛🧡 香辣雞心🧡 美國SRF極黑牛🧡 極黑一口牛🧡 安格斯牛小排🧡 屏東燒魚腹🧡 虎蝦🦐💛甜品 - 仙草芋圓用APPS點餐，食物都算來得快~食材都幾新鮮，肉質爽脆，油脂分佈平均，味道都幾入味香濃！整體而言都幾性價比高💕！仲有台灣地道小食及自助區，例如炸雞粒、炸黃薯等，飲自家製泡茶、手搖飲品，解油膩一流~出面仲有教學可以自己整台灣紫菜飯~留意下枱面，有時仲有期間限定的堂飲~不過真係要把握時間，因為最後半小時就開始催last order，仲要真係sharp準時staff企係度要交枱🥲

📌 安平燒肉 - 旺角彌敦道593-601號創興廣場9樓🗓(2/2) 星期四 ⏰ 晚上7:30左右 💈特式：日韓燒肉我諗大家都試得多，但台式燒肉係香港就比較少見，餐廳位處於出名多食肆嘅創興廣場，餐牌亦好簡單易明，分開4個唔同價位，食物質素同種類都會因應價錢有所不同，由最平餐55款食物到最高級餐超過100款食物，食物種類真係一d都唔少。🥩🍔🌭🌮🥗🥯🥘🍲🍝🍣🥟🍤🍱食物：今日就試佢最高級別個餐，如果睇啱時間入坐仲有優惠，$400都唔洗就可以食到超過100款食物，仲要係任食澳洲M5和牛，等我同大家講下🇼🇸燒肉味道先。澳洲M5和牛120分鐘吃到飽 - 呢個餐除左可以任食澳洲M5和牛同安格斯牛小排外，佢仲會另外贈送嚴選牛舌芯，當然仲有一d海鮮嘅選擇會多左。因為食物種類繁多，我會揀當中我覺得好食或者比較少見嘅食物去推介比大家。肉類 - 淨係肉類牛/豬/雞都有唔少選擇，但最出色一定係跟餐贈送嘅嚴選牛舌芯，入口爽口Q彈，又有肉味同油花香。此外，M5和牛同安格斯牛小排亦都相當一流，每次出菜個質素都keep到一致水平。仲有秘製牛肋條/山椒牛柳丁/安格斯牛板腱都好高質，個人私心最推介係香辣雞心，

👈🏻安平燒肉#japjapjap_旺角#japjapjap_台灣菜澳洲M5和牛食到飽 $418係食肉獸嘅天堂呀😆嚴選牛舌芯係呢個套餐先有㗎爽口彈牙 記得唔好燒太耐推薦澳洲M5和牛🤫牛肉味真係濃好多㗎牛仔骨都醃得好入味 仲有啲肥膏添除咗肉之外 仲有好多台灣夜市小食😍章魚卷鹽酥雞花枝排炸得好香脆😋麻糬燒熱咗會變成小枕頭咁好得意🤣海鮮有新鮮嘅烤帆立貝同虎蝦鯛魚下巴好鮮嫩😚未夠飽可以食埋櫻花蝦乾手工拌麵甜品有得揀雪糕或者芋圓鮮草要讚一讚黃金醬🤩係麻醬加入蔬菜汁點牛肉同海鮮都好夾😙Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟🌟📌服務：🌟🌟🌟🌟

燒肉正🍖- 澳洲M5和牛120分鐘吃到飽 $418牛：澳洲M5和牛同安格斯牛小排個牛味都好重 食落相對濃味有油脂感 佢仲送左一碟牛舌芯 食落十分爽口同彈牙 正海鮮：叫左帆立貝 大大隻咁上 都新鮮嘅 亦有絲瓜煮蜆 呢個食落比較清淡 適合食到中間解膩 而小編最鍾意章魚 細細粒加埋啲牛油燒 彈牙又惹味雞：叫左雞翼 呢個燒雞翼同薩莉亞個隻辣味雞翼嘅調味差唔多仲要辣啲惹味啲 鍾意可以一試小吃類：炸蕃薯粒同鹽酥雞都幾香脆 調味又足 鍾意台灣腸嘅記得叫 燒完多汁又多肉 墨魚腸都好特別 墨魚味超濃 特別啲仲有魚乾同麻糬 都幾有趣蔬菜：有瓜有粟米有菇類 仲有菠蘿 都幾甜幾多汁 鍾意可以一試飲品：種類超多 有茶 有汽水 有台式飲品 叫左火龍果紅茶 真點有果肉 幾驚喜甜品：有haagen dazs 雪糕同芋圓 正……………🌝嘢食種類多 味道都唔錯 🌚多人 建議book枱……………📍安平燒肉 旺角彌敦道593-601號創興廣場9樓

🥚🥚🐷燒肉是一種癮✨性價比：8/10🍳食物：8.5/10🌏環境：8/10🕺🏻服務：8/10💰是次消費：$ 368 +10%#蛋蛋豬 🏝地點分類: #蛋蛋豬在旺角🍰食物分類: #蛋蛋豬吃燒烤 #蛋蛋豬吃台灣菜————————久仰大名的安平燒肉，一直都好想試一試。店舖裡的燈籠令人想起在台灣放天燈的回憶，上面寫滿不同的句子，當中我最喜歡這句：「思念是一種病，燒肉是一種癮。」今次我們吃的是澳洲M5和牛吃到飽套餐($368/位)，內容包羅萬有，品評一下重點美食：澳洲和牛板腱 – 必吃*牛味最濃的一款，油脂明顯但燒完又不會太膩太油，必須encore！安格斯牛小排 – 必吃*牛味第二濃郁，比起牛板腱來說會有點咬口。澳洲M5和牛最重油脂味，牛味相對少一點，厚切。烤帆立貝 – 必吃*Encore幾次的海鮮，新鮮濕潤，就算燒完都不會縮小很多，又不會乾柴柴。嚴選牛舌芯 (每位贈送一客2件)唯一有配額的肉類，但可能太厚切的關係，燒起來比較硬身，去到中央又有點軟。烤魚乾充滿蜜汁，即時令我想起去澳門買手信時，那種即燒試食的味道。豬頸肉 幾爽口，不太油膩。台灣小枕頭 – 必吃*等同燒麻薯，享受到真正的外脆內軟，點上

一早bookmark左呢間燒肉店要試，原來係牛大人姐妹店，心唸應該質素好有保證！係open rice book左12點中午120分鐘吃到飽。我地揀左最貴果隻任食M5和牛$368,星期日加$20，但做會員即埸95折。一心期待個澳洲M5和牛好失望，好乾，油膩好吾豐富。反而最好食係安格斯牛小扒點口澳洲和牛板腱。個size太細，大小小好d, 反正任食，吾明點解要切到咁細。我淨係食牛肉，朋友就所有肉都叫左一份試下，佢話豬肉都好食，豬肉乾就大愛😍🤣出面仲有蔬菜同飲品自助區。飲品櫃有d失望，選擇吾多。

適逢假期 燒肉火鍋放題任食等餐廳特別受歡迎安平燒肉 @anpinggrill.hk 係我心目中嘅首選1月份更推出無限時燒肉吃到飽優惠 CP值高🔸午市無限時優惠 星期一至五(公眾假期除外)🔸 晚市9時後入座無限時優惠 所有日子均適用.澳洲M5和牛吃到飽🐄 推介：和牛板腱 和牛肩胛肉 安格斯牛小排另外每位贈送2件嚴選牛舌芯 厚切又非常嫩滑🦐海鮮類encore好多次 因為真係新鮮又肥美特別係爽彈虎蝦 帆立貝 比較罕見嘅有鯛魚下巴🥩雞肉代表有老虎雞翼 燒雞腿肉非常嫩滑多汁豬肉的話就首推原住民鹽燒肉 薑汁厚切雪花豬🍍如果吃到膩的話 不妨燒鳳梨 翠玉瓜 杏鮑菇記得留肚試台式熟食：墨魚香腸 士林小香腸等炸物也不錯🍜唔夠飽必點 櫻花蝦手工拌麵 好Q🍹多款台式飲品 如麥香紅茶 蘋菓西打 冷泡茶優惠：SUNTORY生啤喝到飽$48/位 很划算甜品可選芋圓仙草或哈根大師雪糕 好多種口味

今日黎到 #安平燒肉 慶祝團年飯🐮店內提供唔同產地同級數既牛肉 可以揀你喜歡既level😍 我地揀左澳洲M5和牛吃到飽🐮🐮🤰🏻 我地一致認同係肉食者福音🤩 因為可以瘋狂食和牛而且上碟好快手👏🏻估唔到咁靚既和牛任食都只係呢個價錢😆我最鍾意食澳洲和牛板腱😋和牛脂肪均勻、又隨着自己喜歡嘅熟度黎燒啖啖肉咁食 和牛肉質較軟身 入口即溶👍🏻自助區大家可以根據你喜好 份量到自助吧取配菜🥬飲品同醬料🍅除咗肉類之外 燒燒下牛肉又想燒埋海鮮🦞 我加左超大隻爽口既蝦🦐帆立貝 魷魚🦑 魷魚粒超有咬口❤️❤️#安平燒肉 📍旺角彌敦道593-601號創興廣場9樓

一直都無食過 ❥⧽安平燒肉 ❥⧽, 呢排食燒肉食上癮, 所以早幾日就去食啦。餐廳幾大, 好多卡座位, 仲有天燈裝飾, 感覺幾舒適。𓊈澳洲M5和牛120分鐘吃到飽 $𝟺𝟷𝟾𓊉呢度有4 種套餐可以選擇, 我地揀咗M5 和牛套餐, 最大分別係可以食到澳洲M5和牛, 安格斯牛小排同海鮮。自助吧可以拎蔬菜, 湯品, 飲品同飯類。其他時間全程 qr code 落單真係幾方便。➺ 嚴選牛舌芯 ✧ 每位贈送一客2件牛舌芯嘅雪花紋真係好靚, 肉質非常鬆軟, 入口即溶, 不過如果想 encore 就要另外加錢。➺ 澳洲和牛板腱 ✧ 澳洲M5和牛肩胛肉 ✧ 安格斯牛小排呢3 款和牛嘅肉質都非常軟腍, 充滿牛脂香味, 好 juicy!➺ 爽彈虎蝦 ✧ 燒帆立貝虎蝦都幾大隻同新鮮, 自己燒最好就係可以好好控制熟嘅程度, 唔怕乾身。帆立貝幾大粒, 燒完都仲有好厚嘅肉, 鮮甜爽口。➺ 鹽蒜麻油雪花豬雪花豬油脂豐富, 燒到外脆內軟, 好食!➺ 飲品呢度有我最鐘意嘅無糖冷泡茶, 包括桂花鳥龍, 藍莓果茶, 蕎麥茶同玄米茶, 而玄米茶最得我心。

一大班人一起食燒肉最開心，朋友之前食過荃灣分店話幾正就大部份location ，今次去左旺角分店，企企理理，位置寬敞燒肉有幾多餐，豐儉由人喇，大食妹叫左最貴個餐，為左$400 per head唔算太貴澳州M5和牛吃到飽呢個餐包曬全部肉，加埋小食，真系試唔曬咁多款野食肉類方面推仲牛舌，薄薄地好好燒，牛味濃脆卜卜幾香口原住民豬都好好食，就咁沾原汁原味最正小食方面推介炸蕃薯粒，無太多調味，甜甜地酥脆酥脆最好食最後有雪榚or 仙草芋圓as 甜品，期間限定的熱情果味哈根大師酸酸甜甜，好fresh 作為sweet ending 岩岩好

️🥩又係瘋狂燒肉既時間 今次去左人氣火鍋店牛大人既姊妹店安平燒肉 揀左任食澳洲M9和牛120分鐘套餐首先入座店員會簡單介紹然後送上每人兩件牛舌心燒大約兩分鐘就食得 口感比起普通牛舌好好多❤️-主角方面澳洲M5 和牛睇見賣相都幾靚仔油脂分布平均 入口好有肉香味 配埋佢地樱花蝦飯一流其他Lv肉都有試到美國SRF牛同埋安格斯牛小排其實都唔差不過食左澳洲M5 和牛就返唔到轉頭🤣-海鮮方面推介白酒煮蜆同埋原隻帆立貝飲品、蔬菜、醬料可以喺自助區自己拎 選擇好多最推介大家食佢哋嘅安平櫻花蝦飯🥰不過我大部份時間都係食緊QR code點餐嘅肉肉同海鮮-台灣小食都設計得非常用心食左鹽酥雞、花枝卷、安平炸蚵卷、鹹蛋黃苦瓜、黃金泡菜、青瓜 最後仲會送一個雪糕或者芋圓做甜品整體水平都係中上質素 未食過嘅可以去試吓👍🏻好味評分😋：5/5🌟🌟抵食指數🤑：4/5 🌟🌟餐廳環境 🤪：4/5🌟🌟價錢💰：～$418@1地址：安平燒肉 旺角彌敦道593-601號創興廣場9樓#littlefoodtour旺角#littlefoodtour台式

再次到訪的台式任食燒肉🇹🇼 因為環境闊落 坐得舒服 食物同服務質素都好好 2小時慢慢燒 我地LUNCH時段 夠鐘都唔會比人催👍🏻 今次當然都係揀澳洲M5和牛吃到飽🐮 因為真係幾多款式 CP值高▫️肉類牛方面 因上次已經試哂咁多款 今次就直接order最鍾意食嘅😉澳洲M5和牛& 安格斯牛小排較嫩同香濃牛味👍🏻黑椒洋蔥牛舌好好食👅 反而每人送2件厚切牛舌芯就好硬啦🤔另外今次叫咗上次冇食到既 鹽蒜麻油光牛腸 & 香辣雞心都好食 唔會有怪味 乾淨有口感▫️海鮮海鮮都係我地重點之一🦐大大隻虎蝦新鮮彈牙~🐚牛油帆立貝鮮甜 🦑烤中卷爽口新鮮🐟屏風燒魚腹肥美 ▫️台灣夜市小食🍡呢度既小食比其他任食餐廳以及同集團嘅牛大人出色👍🏻一定要叫🐦滷水涼拌鴨舌❤️滷得入味 ENCORE左幾次🤭🦑南部章魚卷 澎湖花枝排 台灣小枕頭(麻薯)🤤▫️飲品有特式台式飲品 仲可以自己揀甜度&冰量👍🏻▫️自助區款式都好多 大量飲品 蔬菜 生果 飯 湯~老公同上次一樣DIY香蔥紫菜櫻花蝦撈飯最後仲有Häagen-Dazs雪糕食🍦好滿足❤️.安平燒肉旺角彌敦道593-601號創興廣場9樓.#gfood_mongkok

📌安平燒肉 韓燒食得多，今次係第一次喺香港食台式嘅燒肉☺️我地揀左澳洲M5和牛吃到飽餐，真心吃得好飽😎套餐包括豬肉、牛肉、雞肉、海鮮類，仲有多款台灣地道小食QR code落單夠方便，值得一讚係上菜速度好快，另外自助區提供多種蔬菜、湯、飯及飲品✴️澳洲M5和牛肩胛肉油花分鋪佈平均，食落充滿油香，配上薑蓉更加惹味☺️✴️三角牛肩肉質軟嫩牛味濃郁，口感唔錯，加少少海鹽都已好好味✴️燒帆立貝海鮮質素都唔錯，帆立貝連殼上，肉質厚實加上牛油一齊燒，吸收晒牛油味特別香口✴️屏東燒魚腹魚腹味道鮮甜，油脂豐富，燒完之後充滿魚油香，甜甜哋幾好味，同朋友encore咗幾次✴️原住民鹽燒肉肉質肥瘦剛好，燒至燶邊超級正，伴碟有酸酸哋嘅鹽醋汁，用生菜包住食唔會膩✴️鹽蒜麻油雞腿肉雞腿肉肉質嫩滑，用咗鹽蒜麻油醃製好夠味✴️老虎雞翼 單骨雞翼特別快熟，帶點微辣好惹味 ✴️燒魚干燒至微微焦香嘅狀態最好食，魚干咬落有嚼勁，配上蛋黃醬好正✴️燒麻糬煙韌控必食燒麻糬，外層燒到脆卜卜，內裡煙韌，點上煉奶，又係好食到停唔到口✴️甜品每人有一款甜品，可以揀雪糕或芋圓仙草，食飽飽嘆個甜品夠晒滿足