安南 (又一城) (已結業)

晚市二人餐未計加一$598，又一城食肆黎講唔算平，一心諗住咁嘅價格，似走高檔路線，即使食物質素未至於令人驚喜，至少餐廳環境、服務也應對得住這價格吧？就試下啦。6點半入座，2位，服務員拎起份menu準備帶位就先講句：「7點9交返張枱出黎有冇問題？」即刻覺得呢間餐廳好cheap，最討厭啲餐廳職員講呢啲。其實我本身都冇打算食完坐咁耐，你地上菜上得快，我又食得切咪畀返張枱你囉，所以一聽到啲餐廳帶位講呢啲我都唔想答佢。入到去，幾十張未有人坐的枱唔揀，偏安排一張旁邊有人的，我指住另一張示意prefer嗰張，個服務員話：「如果坐嗰張要7點還枱，有人訂咗。」六點半入座，要客人七點還枱，咁嘅服務，勁！「唔食喇。」我轉身就走了。講多句都嘥氣!

完全有服務可言，價錢一流食物九流，服務員冇禮貌！隔離枱大人小朋友一齊食嘢當然會有食物跌咗落地下啦但係人哋埋單都未走姐啲服務員已經話佢哋食到一地都係要搵人掃地啦真係冇禮貌👎我哋兩大一小食飯佢就收走一份餐具，但就沒有提供返一份小朋友嘅餐具啦👎每個菜式上枱嘅時候都係只有微熱，頭盤沙律菜反而有少少暖暖地😰三人食飯取碗都要分兩次叫，食飯途中還聽到服務員講粗口🤬差差差差差差差差差差差差差差差差差差差🤬🤬🤬🤬🤬絕對冇可能再幫襯嘅餐廳

朋友邀請我們到又一城的安南餐廳嘗試越南美食，這間是朋友經常到來的越南餐廳， 反而今次是我第一次嘗試。 一坐低就有一籃好好味的蝦餅，之後我們點了春捲$108，浮萍餅$96，順化酸辣蟹湯$548，燒大頭蝦$268，蜜汁燒雞$188， 清補涼$58，Coconut Martini$68，汽酒Prosceeo Italy $328，還有甜品椰子雪糕$104，西米班蘭糕$48和紫糯米$52。春捲皮薄餡靚蝦餅熱辣辣夠鬆化浮萍餅， 第一次嘗試感覺新鮮，細細碟的用米漿做底，再加上麵包粒和蝦，配上魚露和青辣椒味道唔錯。Coconut Martini， 我哋四個人都飲咗好多杯， 味道調教得啱啱好，陣陣的椰香甜甜的好易入口。 還有汽酒Prosceeo Italy，估唔到響越南餐廳開的汽酒都有呢個水準。清補涼， 叫了小冰，入面有薏米，涼粉和蓮子，材料豐富清熱解渴。Beef Roll， 牛肉好夠味加上配料不油膩， 加埋生菜，青瓜，蘿蔔絲等等配料一起吃，十足越南街頭風味啊！燒大頭蝦，大大隻夠juicy，蝦頭勁多膏， 真係冇得頂100分！蜜汁燒雞，上枱的時候已經聞到香噴噴的燒雞味， 肉質香嫩幼滑， 還有好像煎年糕的

今天平日約了朋友來這試這間越南野～之前假日晚來過要等位，專程平日午餐來試見之前食評說人不多不用等位。但今天1:30pm來到都滿座，等了數分鐘，不過門口企位的服務員感覺不太好，我們排隊後示意兩位，佢指返我地排隊（咁其實我都排緊嘅.....）或者可以叫我地等一等.....後來有另一位出來著我們等兩分鐘有枱，坐位ok不過跟隔離距離都近。我們各自點了set lunch～我點了燒豬肉撈檬，凍青檸冰茶。朋友點了牛肉粒炒飯，熱青檸蜜。點餐後服務員即斟水，喜出望外的是暖水，感覺不錯啊。上菜速度較慢，先上前菜，柚子沙律、蒸粉卷、雞肉蝦片。柚子沙律一般、蒸粉卷不錯（朋友覺得少乾）雞肉蝦片麻麻，雞有點乾及鞋。燒豬肉檬粉不錯，豬肉很惹味，略嫌肉片不多。朋友的牛柳粒炒紅飯，牛柳粒跟飯是分開上的，不過炒紅飯不是熱的，只可說是室溫....不知道是否炒好放了很久.....總體來說這個價錢食物尚可，但可以有待改善細節。

閒日放假，約左人交收未夠鐘就去食個飯先11點半，呢間餐廳又無乜人唔洗等就入得，環境不錯，被安排到可睇到溜冰場的位置，Great是日set lunch...叫左安格斯牛柳粒炒紅飯先上前菜蒸粉卷很不錯，同個汁配合得剛好。但稍微不夠熱。柚子沙律夠清新。香茅雞肉蝦片，雞肉味道不像香茅，配黑白芝麻有點古怪，一般。主菜安格斯牛柳粒。一上枱已覺得好香，不過味道略咸，而且落左好多蒜蓉洋蔥去炒。個人覺得牛柳粒大塊左啲，可以切細一點，份量多啲更好。另外可以讚下個紅飯，炒得夠乾身，蕃茄酸味剛剛好

剛在又一城看完電影，想食個下午茶，朋友話想食越南菜，於是走到安南試試。在等位時，已看到店內的裝潢十分有風味。而且，餐廳位於溜冰場旁，坐得十分舒服，不像一般普通室內的餐廳，很特別!由於不算十分十分餓,我們只點了兩樣野。第一款是牛油雞翼，味道好吃到不得了！我直情係要同朋友爭食！出面好多牛油雞翼都好唔得，得個咸字。但安南的牛油雞翼好高質！唔單止唔會太咸，牛油味真係好香好出。雞翼皮炸得金黃，亦不會太乾，絕得係必叫的！第二碟我地叫左牛肉沙拉，個牛肉非常之軟，味道香濃，調味做得出神入化，讚！　最後埋單亦都唔貴，我地食左個好好既下午茶！

星期六去安南 排隊的人不多 裡面都幾full 上左第一個串燒之後 差唔多半個鐘 都沒上第二道菜 出菜速度實在跟唔上 隔離有個婆婆埋單 發現臺上多了一個蝦多士 話自己沒有點呢個菜 服務員check左之後 發現上錯 在餐廳兜了個圈 上左比我地 重點係我地都睇住婆婆只手碰到過蝦多士 先生表示蝦多士係凍的 要換 服務員羅佐返去之後 翻熱在上翻比我們如果唔係小朋友太餓 要食野 仲要半個鐘都唔上第二個菜 根本唔想接受呢個蝦多士 去茶記也食有問題 都會當面倒左 安南竟然咁處理 真係好唔滿意！

和女友食中午飯，今日便來到安南來試試。午膳時間來到不用排隊，不過其實店內都頗熱鬧，一樣坐滿9成的枱，我們被安排坐在「半露天」的庭位，可以看到下一層的溜冰場，環境不錯。午餐menu都有唔同選擇，有檬粉河粉飯甚至麵包都有，包括一個前菜、主食及飲品。女友和我今日都揀左雞絲鮮茄湯河粉，哈~本來也想大家食不同的可以試多一款，但最後都係覺得呢個清清地。落左單冇幾耐就先來飲品 (青檸冰茶) ，然後前菜拼盤就到了。拼盤有煎粉卷、雞肉蝦片同埋柚子沙津。有肉又有菜，好似幾豐富，而且配合得唔錯。柚子沙津有唔少柚子好清新，沙津菜用左少少醋調味好開胃。粉卷都幾好，雖然皮係偏厚，但食落唔會話好粉，而且同肉餡的比例幾好啊。蝦片上有一塊香芽雞肉，雖然香芽味唔係強，但起碼佢燒過都唔會話好鞋。蝦片當然就又香又脆啦! 食完就剛好個湯河粉來了，時間校得剛剛好。可能係越南餐廳，所以佢都有附上青檸及辣椒任你自由加入湯河。不過呢個蕃茄湯就應該咩都唔駛加都已經好鮮味。果然個蕃茄湯底沒有令我失望，好甜和雞絲好配合。相信除左用蕃茄以外都加了唔少茄膏及一點糖。另外湯內也有不少芫茜、蔥、令湯的鮮味更出。雞絲都好嫩滑，完全唔會煮到好鞋，而且相

朋友介紹嘅越菜餐廳，知道呢間安南好耐，但本身唔鐘意食越菜，成日覺得都係嗰啲，最多炸嘢，但朋友推薦話好味，咁就試下啦。蝦多士：真心唔好食，塊多士包好乾，蝦肉勁少，味道一般。浮萍餅：第一次食，用米漿蒸嗰底，淡淡的，要點啲魚露食。面就舖上蝦及麵包粒，熱辣辣，整體唔錯。串燒雞肉：非常好味，醃料出色嘅，而且燒得好香口，肉質幾嫩。大頭蝦粉絲煲：好食，好鮮味，蝦膏嘅鮮溶入晒啲汁到，粉絲啖啖鮮味，而且蝦本身爽口。鴨煲: 啲鴨嘅份糧都幾多，鴨嘅肉質就少少鞋，嗰汁就平平無奇，整體而言，可以一試。越式金邊粉；炒得都幾乾身，味道可以，唔會太酸。

位於又一城既安南 好早已經出現人龍😳就試下佢 以為前面得2張枱等緊就會好快有位？太天真😪見佢俾哂訂左位既人入先⋯都好正常啊，點知佢係咁拆位（原本4人枱）叫walk in人龍最後面2位既入得 🤗排我地後面既太太們已經出哂聲話安排不善 店員見到竟然黑口黑面仲俾左張卡片我地話其實可以打電話黎book枱🤗嘩 真係唔講都唔知啊🤗跟住入到去 點完菜 餐廳經理好識做道哂歉話自己安排得唔好😳其實真係要讚一讚佢👍🏻好多時做食肆真係好講客情 野食唔錯但服務唔好 都唔會有人去食⋯見佢咁有誠意 會再黎食！！野食方面⋯其實幾好食！但越南菜黎講 略貴🤓📍雙式扎肉粉卷（$108）已經分唔到太餓所以好好食定真係好好食😂但唔夠熱📍安南蜜汁燒雞（$168）排隊時已經聞到好香燒雞味！！估唔到味道都咁好！甜甜地💕💕但rice cake就唔好食⋯好似食緊粉咁📍燒豬肉撈檬粉🍜（$88）燒豬肉好好食！！豬肉醃得好入味📍順化豬手牛𦟌湯米線（$88）微辣⋯湯底唔錯，但豬手un左d同無咩味📍雜菜煲（$78）最唔好食⋯千期唔好點！！

一行4人的中學女同學N次聚會, 朋友介紹下去左呢間餐廳食午餐……首先係小食:蝦多士熱辣辣炸起，外皮脆口， 包裹住彈牙鮮蝦肉，肉汁豐富，抵讚軟殼蟹米紙卷不過不失，沒太大驚喜，軟殼蟹咬落唔油，配合米卷外皮，蔬果絲，來得清爽。主食: 炒牛柳粒牛柳咬落無渣，軟淋，唔老，水準之作，配以蔬菜，加多左幾分健康。飯類:蟹肉炒粉絲呢個正，好香口! 粉絲彈牙，唔會一patpat，條條分明，加上蛋絲，蟹肉，好食!荷葉飯清幽既荷葉香滲入粒粒飽滿的米飯中，睇落好清，但味道一流!

平時星期一至五嚟呢度都係食 set lunch，但今日星期六，冇 set lunch 食。 一人叫一樣嘢，竟然全部都係叫咗炸嘢。先食牛油雞翼，但牛油味唔重，不過都炸得非常之香口，都算 juicy。軟殼蟹就差少少，因為隻蟹已經凍凍地，不過我鍾意伴碟嘅柚子沙律，因為食落感覺清新， 酸酸地又夠開胃。春捲個皮炸得燶咗少少，不過用生菜捲住食都ok嘅。炭燒豬肉，鹹咗少少。最好味嘅係佢跟碟嘅肉丸。最後食埋甜品芝麻雪糕同埋個粟米糕，大滿足。記住，星期六嚟食一定要 book 枱!

有朋友喺呢間訂咗位致有機會食咋。如果吾係就要喺出面，同廿幾人一齊排隊…春卷就皮薄餡靚。味道就一般。軟殼蟹幾飽滿喎！仲有膏，好食！！啲沙律係新鮮嘅。最鍾意呢碟鷄翼！好肥美！好香口！又嫩滑！不得了！肉丸好夠味，吾係超市買返嚟加熱上碟喎！好有肉味。金邊粉煙煙靭靭，好食！有兩三隻蝦仁，都幾鮮味。可惜我坐喺冰場隔離，好嘈！同朋友吾係好頃到偈呀… 食物質素幾好！如果份量大返啲就好喇…應該啱OL食。星期六都咁多人排，平日一定更爆！

今日又到又一城食中午，今日同事說想吃粉，便來了安南食午餐。有時想一想🤔️香港可以在哪吃到雅緻的越菜，我想安南算是其中一間。今日被安排坐在「室外」座位，可以望到溜冰場、都幾有趣，不過倒是嘈音也相對大一點。價錢好像提高了，不過以set lunch才說也叫完整，而且也有足夠選擇。我朋友揀了牛肉湯河，我就選了炸蝦餅撈檬粉🤗😋拼盤其實幾好食，蒸粉卷有好多餡料、只是粉皮略厚（但還可接受）。柚子沙津夠新鮮，份量剛好。蝦片好香脆👍🏼🤣上面的豬肉也煎得頗香、有少少咸但有些芝麻口感也不錯。炸蝦🍤餅撈檬都唔錯、達到我的期望，材料夠多、而且配菜新鮮，主角炸蝦餅大大塊但又唔太油😋💁🏼‍♀️不過如果喜歡多酸甜汁的朋友就會覺得佢的汁唔夠撈。我喜歡清淡略就覺得還好。不過可能味精頗重，吃完午餐後覺得好口乾🙊整體來說也不錯，不過價錢有啲高，不過始終在大商場都要捱貴租🤷🏼‍♀️🤷🏼‍♀️

安南 食物水準高，用餐環境、座位舒適，服務又好，平日都係我鍾意黎食lunch嘅地方之一。Lunch黎，我就會揀lunch set，appetiser 同main course 已經非常飽。Appetiser 包括蒸粉卷、香茅雞肉蝦片、柚子沙律Main course 揀左「安南牛肉湯河粉」，我嘅至愛，河粉軟滑，湯底鮮甜。餐飲點左「青檸冰茶」果可以我通常都會預早book位，就算兩個人，都好大機會可以留到卡位坐。如果鍾意開揚啲，都可以坐對住溜冰場嘅露天座位，不過就會嘈少少。