安南 (又一城) (已結業)

朋友介紹嘅越菜餐廳，知道呢間安南好耐，但本身唔鐘意食越菜，成日覺得都係嗰啲，最多炸嘢，但朋友推薦話好味，咁就試下啦。蝦多士：真心唔好食，塊多士包好乾，蝦肉勁少，味道一般。浮萍餅：第一次食，用米漿蒸嗰底，淡淡的，要點啲魚露食。面就舖上蝦及麵包粒，熱辣辣，整體唔錯。串燒雞肉：非常好味，醃料出色嘅，而且燒得好香口，肉質幾嫩。大頭蝦粉絲煲：好食，好鮮味，蝦膏嘅鮮溶入晒啲汁到，粉絲啖啖鮮味，而且蝦本身爽口。鴨煲: 啲鴨嘅份糧都幾多，鴨嘅肉質就少少鞋，嗰汁就平平無奇，整體而言，可以一試。越式金邊粉；炒得都幾乾身，味道可以，唔會太酸。