安南越式牛肉粉

唔知點解，今晚食咗間炸得乾硬、牛油味又唔出眾嘅雞翼，忽然勾起咗我對安南越式牛肉粉嘅回憶。嗰度嘅牛油雞翼真係好食得多——即叫即炸，外皮薄脆，牛油香氣四溢，內裡雞肉嫩滑，熱辣辣送入口，滿足感即時爆燈。每次食都覺得回味無窮，係我心中數一數二嘅越式小食。仲記得同場食過嘅蒜蓉包都非常出色，外脆內軟，蒜香牛油味夠晒香濃，簡單但好正。最難忘嘅係香茅豬扒湯河，湯底清甜，帶淡淡香茅味，唔油膩，河粉滑溜，豬扒煎得焦香又唔乾，啖啖肉都係滋味。安南唔單止味道出眾，仲係我對越式食物美好印象嘅起點。好多餐廳嘅雞翼都唔及佢嗰份用心——原來，一啖好味道，可以成為一段記憶的起點。期待將來再訪，重拾舌尖上的美好回憶。…查看更多

是日加班，諗住食個下午茶再工作。見到下午茶價錢Ok，就入去。入到去坐低，order 完之後個呀姐命令我擺返好個餐牌去，明明個餐牌放係檯面度，我無理佢佢就大大力放返係牆邊。然後施施然去返自己位度食飯（可能我阻住佢用膳）。然後我埋單，需要收據，個呀姐好似好唔願意比張單我咁。食物就不過不失啦，都係正常普通不過既越南野。呢間野果兩個呀姐一向態度奇差，係疫情果排知道自己生意馬馬態度好少少咁多，而家故態復萌。呢個年頭呢啲鋪頭仲係不思進取，怪不得大部份人都食雙餸飯/返大陸消費都唔願意受呢啲食店既氣！…查看更多

在鰂魚涌，走咗去太古坊附近找嘢食，好多店舖冇開（看似有些地鋪已比地產公司收購咗）。在橫街一連三間越南餐廳，有一間好似坐滿，又有一間無乜人，這間店坐咗一半人還有卡位添，就入去（其實這間在其他地區也試過）。叫咗生牛肉湯河，蕃茄牛腩河，熱奶茶，熱鹹檸檬水。生牛肉湯河夠熱，蕃茄牛腩河D汁就結咗D，D汁濃咗D，牛腩就好腍，兩杯茶飲就OK。地方好似有少少裝修過。其中一個姐姐有禮貌招呼。Overall，味道一般。…查看更多

平日1800放工，一個人行到安南門口，望望餐牌，竟然見到下午茶供應至 1830，便入去坐下。我多數會叫豬頸肉撈檬 ($52)，凍飲加$3。味道都正正常常，賣相都唔差👍🏽店員態度亦係我留意嘅一項。其實這個時段已幫襯過幾次，我覺得幾位阿姐態度都 ok喎，跟食客有傾有講，還會記得某些常客會叫什麼食物。👍🏽先前安南 在筲箕灣道地鋪時，我一家已是常客，因食物唔差，價錢合理，又可做會員 (storellet) 儲分。 自從結業後，西灣河街坊們都少了一個選擇。…查看更多

中午12:00入去，只得4枱食客，安排門口位俾我，無所謂，未坐定就同我講繁忙時間即刻落order, 我連menu 都未睇，個服務員企咗喺度監我落order, 睇吓唔係套餐嘅menu 就衰聲衰氣話果啲無嘢飲，我連睇吓有咩食都唔得，「唔准諗即刻答」呀而家？你有無咁忙呀，9成吉枱你嚟催我？你同我講係繁忙時間？我話要牛腩河，寸寸貢話牛腩河有幾款，有咖哩牛腩、蕃茄牛腩、牛坑腩河，你要邊隻先？！我要蕃茄要咖哩會講啦，好難明咩？有必要咁樣challenge 返個客咩？而家得罪咗你？入嚟食個快飯要受氣睇人面色，我唔預你有咩service 都唔好西我面呀大姐，食餐晏仔啫⋯⋯！受完氣嚟OpenRice睇返comment 明晒，原來態度差嘅專業戶，垃圾，無異議！…查看更多

位於鰂魚涌惡劣的越南餐廳，服務員與食客互相罵駡的行為，不僅有損香港餐飲業的形象，也對鰂魚涌地區的餐飲服務業產生了負面影響。這樣的態度不符合行業標準，也無法贏得食客的支持和信任。為了維護香港餐飲業的聲譽，我們應該促使餐廳業主和管理層認識到這種問題的嚴重性，並提供培訓和輔導，以改進他們的服務態度和管理方式。同時，食客也可以通過向相關部門舉報不良餐廳行為，以維護自身權益和整個餐飲業的良好形象。我們應該共同努力，確保香港的餐飲業能夠提供優質的服務，營造良好的用餐環境，以滿足食客的需求並保持業務的繁榮。…查看更多

中午只係坐滿7成位同行友人下座之後去了洗手間即刻有姐姐聲大夾惡話你未齊人唔可以入座喎之後睇緊menu就係咁俾人催催催，明明都仲有好多位，又話阻住人食物無特別，要做生意我明，但態度真趕客，不會再俾錢買難受…查看更多

又到午餐時間，今日去咗呢間越南餐廳，我係叫外賣的，但是餐廳都全院滿座，都好多人幫襯。今日我叫咗個越式牛肉檬粉、賣相就…..，份量都算大，味到就正常檬粉，但是牛肉就比較靭咗小小。以鰂魚涌價錢嚟講算係咁，價錢平、分量大。…查看更多

🍴蝦頭膏海鮮湯檬(酸辣) $68 (6/10)個湯完全冇蝦膏味，得微酸嘅味道，落咗辣椒先會有辣味，個湯係比較深。海鮮有兩條蟹柳兩隻蝦帶幾粒帶子粒，蝦係新鮮彈牙，蟹柳都大條，帶子幾滑唔腥，青口正常，檬粉份量好多好滑，正常稱得上飽圖🍴椰汁三色冰 +$6 (7.5/10)料好多，紅豆綠豆都好腍，啫喱幾爽口偏硬，椰汁好濃稠，幾香唔甜。推薦指數: 7/10味道正常，份量大份飽肚，椰汁三色冰好飲，ok冇伏！…查看更多

諗住未試過呢間越南餐廳，今日就試試佢，點知就中大伏😓.入去到同姐姐講話2位，就俾佢呼喝去搭張4人枱…但明明餐廳都係3成滿左右，佢就將所有人堆啲喺一個角落頭，真係非常奇怪🫣我哋問其他枱無人可唔可以坐咗先，真係有4人嚟幫襯再轉，同樣被拒…而姐姐嘅態度真係好惡同唔友善😓.然後佢呢度嘅枱櫈都比較逼，坐得唔太舒服，仲要面對面同另一對客人搭枱，真係尷尬😶.講返嘢食，叫咗個雞肉撈檬，份量都算多，味道正常，係蔥油有啲太鹹，整體算係咁～.嚟呢到嘢食無特別，係態度特別差，貼錢買難受，仲要見到唔少人嘅食評都指出同樣嘅問題…睇嚟真係唔憂做😓😓😓…查看更多

安南越式牛肉粉 (鰂魚涌)📍鰂魚涌海堤街6-16號龍景大廈地舖-今天要介紹的是位於太古坊附近的一家pho，可以按自己喜好加檸檬和辣椒 肉還是粉紅色的很嫩 泰式雞腳有點太甜 春捲炸的很脆 加生菜一起吃很好吃 -🐂 生牛肉牛丸汤粉 $61🐃 熟牛肉汤河粉 $54🐔 越式酸辣凤爪 $58🥬 春卷 $42環境 ⭐️ 3/5食物 ⭐️ 4/5推薦指數⭐️ 3.5/5#香港美食 #food #hkfoodie #hkfood #hkfoodblogger…查看更多

假期中午，呢個區冇乜人的！間鋪入邊，都只係得兩成客人，我一入到去，嗰位阿姐問我幾多位？我話一位，然後佢喝我一聲，叫我坐門口的侷促小圓枱！我問佢，不可以坐卡位嗎？佢咿咿哦哦，我拉門掉頭走了！睇返其他食評，原來好多人都有我同樣嘅經歷！其實呢位阿姐，係咪餐廳嘅老闆？如果係嘅，冇計…. 如果唔係嘅，希望佢老闆會見到呢度嘅食評，改善一下！我一個人，只係想食一碗粉，唔會坐好耐。點解係冇人嘅情況之下，都唔可以俾人坐得舒服啲？！補充，味道唔知，不過一定要揀星星，所以唯有俾佢三粒星。…查看更多

安南越式牛肉粉地址：鰂魚涌海堤街6-16號龍景大廈地舖平價牛肉粉專門店一定有安南越式牛肉粉莫屬，安南生牛肉湯河🍜$55 牛肉湯河份量都幾多大碗到以為叫咗二人份量🤣，湯底濃得嚟又唔太鹹係少少偏甜都算幾清香，但係生牛肉偏瘦而且鞋咗少少😔，失望咗少少～#nicefoodie鰂魚涌-----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious #lunch  #hk  #香港 #香港美食 #美食 #鰂魚涌美食 #打卡  #鰂魚涌 #香港口味 #隱世美食 #隱世小店 #半價優惠 #人氣餐廳 #人氣美食 #越南菜  #牛肉粉…查看更多

如果你鍾意受氣強烈建議你試下呢間餐廳🤗平日六點幾嚟到明明間餐廳只係得三成滿但阿姐命令我坐角落頭一張圓枱仔😑同佢講我想坐卡位 佢就狂喺度嘈話兩三個人先可以坐但明明仲有三四張卡位而且其他卡位都係得一個人坐緊😡一入去就叫我自己喺櫃位搞掂疫苗通行證然後佢自己就行走咗😐我做好曬坐低咗佢就離勁遠大聲喝我問我有冇嘟安心出行想點啫你整你就唔睇唔睇完又要鬧🤬畀嘢人唔係放喺度而係掉落枱😤我唔係要皇帝式享受 但都唔想好似乞衣咁囉🙄食物質素正常分量亦都唔少其實佢性價比好高 晚市一個湯檬加杯熱飲 都只係五十幾蚊😳食完呢餐我就明點解咁平都要拍烏蠅就算免費我都唔會再去食🤡…查看更多

同老公食飯，佢有幾聲咳，未食完野個亞姐已經大叫，你帶返口罩得唔得？我哋話未食完，之後個阿姐就話：你咳咳咳，係咁咳咳咳（語氣勁超級差）勁冇禮貌疫情期間，大家聽到咳都好敏感，明嘅，我地係曾經確診人士，都會再病既不過我覺得語氣可以好d 等我有下次嚟幫襯嘅原因。其實香港生活得咁密集，除咗疫情都仲有好多嘢驚，如果真係咁驚，我建議佢上月球住👍🏻最正係，我第一次喺OpenRice留言，之後睇晒呢間餐廳嘅留言，似乎呢間餐廳係出咗名態度差，只係我白痴唔知道…查看更多