宇治初時@自家創作料理

營業中

休息中

星期二，十二點二來到店買櫻花蝦 蝦濃湯粉絲。排隊得兩三個人，估唔到要等四十五分鐘。雖然十二點開鋪，但原來十一點已經可以打定電話落單。收銀姐姐態度幾好 粉絲用的是韓式粉絲般，較香港食開係粗啲。如果唔連湯食，粉絲無乜味。個湯係幾濃，無叫辣，食到個湯有甜味，食落有啲似泰式嘅湯，有啲椰奶香。因為有啲豆腐同娃娃菜料，食落感覺幾健康。啲豆腐似百福豆腐嗰隻，好嫩好滑。蝦剝埋殼唔駛自己郁手都幾方便，因為蝦頭留著，都可以‘損’埋蝦頭嘅汁。因為就咁食粉絲無味，都連啲湯都飲左幾多，食完會出現食完味精嘅頸渴感覺。因為等九個字，太肚餓去左食其他嘢，返到黎再食濃味湯。對於我黎講有啲影響左對佢嘅觀感，如果乜都唔食齋食碗粉絲可能會覺得好好食。

很好食，非常香濃的蝦湯底，一滴不漏的飲曬！ 粉絲份量足夠、蝦貼心地剝了殼，真的很有心做。粉絲低熱量，真的很適合女士，減肥之選。不過真的等待時間較長，想食的朋友仔，要早少少叫定啦！

第1次試櫻花蝦，叫左中辣，聞落覺得好香，飲一啖湯幾好味，但跟手已經覺得個心臟好痛，扯住扯住，跳得好快，咁我以為自己唔舒服啫，所以食左2啖就俾左男朋友食，佢覺得幾好味，咁就由佢食啦，隔左差不多1個月，今日試另1款，魚果款，原來同櫻花蝦個湯底係1樣既，又係飲啖湯先，點知又係一食無耐就心臟扯住扯住痛，今次食左幾片魚片，同3啖粉絲，都係痛，所以以後唔敢再食，好想知道佢落左d咩野響個湯底，我唔知咩原因，究竟係因為佢湯底有食材令我敏感定係味精太重所致😔😔但唔會有答案

可能係今日遲左黎葵涌廣場，真係好想試吓嗰個鮮蝦粉絲，因為聽同事講佢碗嘢幾十蚊足足有幾隻鮮蝦。但真係今日遲咗收工過嚟只可以試到鯛魚粉絲，不過都真係好好食，絕對唔會有失望希望下次可以試到蝦粉絲啦。

成日聽到有人推介呢間野，話佢地既湯底好濃郁好好食，經過左幾次都排哂長龍，呢日見到少人啲就諗住去食下，點知落單果陣話要等35分鐘，因為佢地除左堂食原來都好多人會叫外賣，但難得一場黎到點都要等下架啦。咁我就叫左個宇治櫻花蝦。蝦濃湯粉絲既外賣，無叫分湯但都好貼心咁所有外賣都會分湯，因為避免啲粉絲林哂。啲湯倒出黎果陣就見到有好多櫻花蝦，啲湯係既色係勁橙，食落去湯底好濃郁好creamy，都幾重蝦味。下次會想試埋佢既鯛魚濃湯粉絲，不過我就覺得份量上算少，做正餐既話會唔夠飽。

之前都係食開鯛魚粉絲 今日試咗蝦粉絲，蝦好大隻，好鮮甜，仲要去咗殼！湯底都係一如既往嘅好味！好香，揀埋人類辣，我鐘意食辣，啱哂我！食咗d先記得影相每個禮拜至少要食一次。支持小店 。加油加油！

星期六，去葵廣掃街，第一次試食宇治初時，假日一定多人，預咗要等起碼半個鐘。去到舖位，見到排晒隊，order咗櫻花蝦，話要等至少50分鐘，OK，照等。結果等了60分鐘，才收到食物，立即試食，好好味，等咁耐都是值得的。2男2女做到無停手，動作都算快，只係訂單真係太多，要等好耐好耐。佢地仲有涼拌魚皮，睇落都吾錯，但係我食唔落咁多野，只好留返下次再試，魚皮加鯛魚有一個套餐，好似係90蚊，值得一試 職員態度良好，有禮貌，要keep住啊！

痴線勁好味 !!!第一次喺openrice留言就畀咗呢間舖頭!知道葵廣呢間好hit!！！今日去試咗, 真係好好味!！！好味到要download openrice嚟留個言!！！今日食咗蝦濃湯粉絲同埋魚皮,非常好味! ！！啲蝦仲要係新鮮蝦，剝曬殼 店主真係非常用心!！！個湯係出面食唔到嘅味道!好惹味!！！店主自家製嘅醬真係好正！！！ 仲要有得揀唔同辣度! 真係好鬼正 ！！！ 本人詞窮 所以只能夠講好好味嚟形容 ,之後一定會keep住幫襯！！！

星期日去到,見咁多好評,叫左個鯛魚濃湯粉絲,不過未試到野食之前,已經等到發夢咁,佢地做唔切真係唔好接咁多單啦,話等30分鐘,我覺得OK先俾錢,但最後等左50分鐘,我覺得真係你一早同我講50分鐘,我唔會等囉,接埋接埋ORDER根本出唔切,真係堂食都唔使等咁耐。都算,以為你慢工出細貨,黎到食落個湯真係唔知想點,唔知用左幾多調味料,D人講咩濃既魚湯味,我真係唔知D魚味係邊到黎,魚片係多既,無骨,味道OK,但粉絲都唔係咩貴價貨,可以俾多少少囉。多謝晒D人網上既好評令我中大伏。

今次真係中伏😂睇網上啲人介紹以為好正，今次黎開葵廣，就算店員話要等半個鐘我都決定買，點知大大大失望🥴🥴首先最不滿係等候時間太長重點係本身落單話要半個鐘都算，結果係等左足足51分鐘先有得拎😐整唔切就唔好亂咁講個時間比客人！黎到再喺咁逼咁多人嘅地方等15分鐘，仲要叫號大過我嘅人都拎得，真係好燥底！食物係另一個勁不滿嘅地方我叫左一個天使辣鯛魚濃湯粉絲（$50）配料雖然都算足，比我預期中多魚片，粉絲都好掛湯，但本身最期待嘅濃湯竟然只係味精濃湯🫠酸酸甜甜的確係好開胃，但食完好口渴就知咩料。。食完嬲到即刻決定要送個負皮比佢根本唔值咁多人幫襯！🙄🙄覺得好食啲人平時係咪食開垃圾？

每次嚟到葵廣行街….都一定會嚟依間宇治初時食粉絲😋😋😋…但係星期六日等嘅時間一般比較耐😗😗…要預大概15至30分鐘先至有得食….大家嚟之前可以諗定幾間要食嘅舖頭😌😌….買完咁多間舖頭之後💃🏻💃🏻…返轉頭拎就差唔多啦☺️☺️🐾鯛魚濃湯粉絲(天使辣)湯底非常濃郁…連埋粉絲…娃娃菜…充分吸收湯底嘅味道…鯛魚片爽口…但食到有少少骨…要小心啲….次次嚟都食唔到佢個櫻花蝦濃湯粉絲🥹🥹🥹…下次我會再早啲去到㗎😋😋

葵廣名物宇治初時@自家創作料理 (葵芳)📍葵芳葵富路7-11號葵涌廣場2樓2020號舖⭐️鯛魚濃湯粉絲+ 酸辣涼拌魚皮 $90一入去葵廣已經見到好多人一路行一路食。當日去到得返呢一款少辣，等咗三個字行返轉頭已經全部賣晒，啱啱好買到勁好彩🤣✨無論係湯底定魚片都加左店主慢煮6小時嘅特製宇治酸辣醬，味道超特別同濃郁。鯛魚濃湯粉絲湯底味道好豐富，唔係單單得咸味，中間有少少番茄酸味吊味，幾惹味。不過都偏重口，食完會想飲水🙌🏻粉絲軟硬適中，好掛汁Btw葵廣好熱，食熱+辣一定岀晒汗😂酸辣涼拌魚皮 魚片塊塊都勁大片，好爽口，加埋青瓜食清爽啲冇咁漏👍🏻推薦鐘意重口味嘅人任去試下🫡 下次想試其他湯底實測: 星期日6點賣晒，5點半得返一隻味，想食其他款就要早少少去🫡

話等半個鐘其實唔止，唔止唔緊要，態度唔需要咁串既，你哋做唔切米唔好接咁多囉，我問佢有得拎未，收銀個女仔恥笑樣一輪咀話，頭先收錢果時同你講左要等半個鐘，重覆左兩三次，但其實我51分買，我19分問，爭三分鐘問都唔係好過分？好啦到拎啦，253拎緊，我問251有未，另一個執餐女仔話仲爭一樣，我話係咩，佢答你買兩樣野你自己唔知架咩，我就話，你一早左我你哋無mark低，佢黑面。碗粉同魚皮一樣味，味道係土耳其kebabs 既調料，完全食唔出有濃魚湯味，好重味精，食左兩啖已經好頸渴，粉絲係幼薯粉，得兩三啖，魚係好食爽口，魚片都算多。其實真係無網上講到咁好食。態度真係好差。

今期葵廣最紅嘅食店仲唔係佢 .ᐟ.ᐟ.ᐟ二樓越嚟越旺場，先係新開芝士拉絲包再嚟開業一排，靠濃湯粉絲爆紅的✨宇治初時✨大排長龍嘅佢即使落單後仍要等𝟺𝟶分鐘先有得食佢都算準時☺️ 較好鬧鐘掃下街翻嚟就有得食佢絕對值得你嘅等待𓂅 宇治鯛魚濃湯粉絲 ᴴᴷᴰ 𝟻𝟶𓂅 櫻花蝦．蝦濃湯粉絲 ᴴᴷᴰ 𝟻𝟻呢到嘅湯底都用上小店自家炒足六小時的酸辣醬望落湯底帶少許奶白，飲落口感、層次好豐富🥰用上咗粉絲更是好好的吸引了濃湯鯛魚湯跟蝦湯有異曲同工之妙，但各自多份鮮味我自己就更喜歡蝦🦐的濃郁，而且用上大蝦蝦本身已剝殼，仲要加上櫻花蝦、木魚碎等等更是為整碗粉絲錦上添花✨

不得了!!! 果然是高手在民間😍!!!前幾天去葵廣，發現有間超高人氣的小店😳! 有超多客人在排隊，便走去看看啦～原來是聽朋友說過好多次的 🍜宇治初時𝐘𝐮 𝐅𝐢𝐫𝐬𝐭𝐭𝐢𝐦𝐞 自家創作料理(⁎⁍̴̛ᴗ⁍̴̛⁎)!! 老闆宇治👨🏻‍🍳研發𝟕年的宇治酸辣醬😏，深得客人愛戴🩷。到訪當日，人客不斷，忙到不行，非常誇張～慢煮𝟔小時製作的宇治酸辣醬，名不虛傳，酸度辣度都剛剛好😍，不論拌麵、湯麵，做火鍋醬和燒烤醬都一流耶～一口氣試了兩個酸辣濃湯粉絲及兩款小食，全部都好好吃呀!!!☆ 櫻花蝦•濃湯粉絲🦐$𝟓𝟓☆ 鯛魚濃湯粉絲🐟$𝟓𝟎兩款濃湯都是用秘製的酸辣醬製造，酸辣蝦湯，蝦非常濃郁😋，微微的酸辣感，相當開胃! 而酸辣鯛魚濃湯，則帶有點鮮甜味，同樣好喝，不過蝦湯會較合我胃口😏～☆ 宇治櫻花蝦涼拌海蜇💕$𝟑𝟓☆ 宇治涼拌魚皮🐟$𝟑𝟎除了粉絲，海蜇和魚皮都好值得一試!! 酸辣醬把小食提升至另一層次，又香又辣又酸又惹味，必試呀😍～你都快點去葵廣試試啦🥳!! 每晚𝟕點多已售罄，記得盡早去囉～