影片
電話號碼
37431389
營業時間
今日營業
11:30 - 21:45
星期一至日
11:30 - 21:45
公眾假期
11:30 - 21:45
公眾假期前夕
11:30 - 21:45
以上資料只供參考, 請與餐廳確認詳情
今次去到銅鑼灣希慎廣場嘅姚姚酸菜魚，裝修環境同國內嘅姚姚酸菜魚有啲似，但又多咗一份香港嘅時尚感，同尖沙咀分店嘅熱鬧氣氛好唔同～ 感覺呢度都幾舒服，而且店員都好nice，服務周到～今晚本身諗住過去食片皮鴨，點知已經賣晒啦🥲🥲1. 酸菜魚拼薑母自養番鴨 (試食價$338)上網見呢個新出的，絕對係必點之選！酸菜魚湯底酸辣夠味，魚肉魚腥味都偏重，鍾意食魚嘅人就啱晒🤣配埋薑母自養番鴨，鴨肉鮮嫩多汁，而且鴨肉都幾腍，薑味濃郁，真係雙重享受！ 2. 香港油條 ($38)油條炸到金黃酥脆，外脆內軟，用嚟浸住酸菜魚湯嚟食，吸晒啲酸辣湯汁，簡直係人間美味！ 而且佢嘅份量係超大條，同普通粥舖見到嘅油炸鬼唔同size 😋 如圖所示浸住湯食，每一啖都充滿湯汁嘅精華，令人食指大動！ 🤤3. 上湯野菌浸娃娃菜 ($58)由於我哋叫得太濃味，所以就叫個上湯野菌浸娃娃菜清淡啲，平衡一下味蕾。 🥬 娃娃菜浸喺清甜嘅上湯入面，吸收咗野菌嘅鮮味，入口清爽，解膩一流！ 👍4. 白飯 ($18)🍚 白飯就係白飯啦，唔使多講！😂總括而言，銅鑼灣希慎廣場嘅姚姚酸菜魚，無論係環境、服務定係食物質素，都令人非常滿意！如果想食酸菜魚，又想搵個舒服嘅地方，呢度都算係唔錯嘅選擇😂📍姚姚酸菜魚銅鑼灣軒尼詩道500號希慎廣場13樓1301號舖#銅鑼灣美食 #希慎廣場 #姚姚酸菜魚 #酸菜魚 #薑母鴨 #油條 #娃娃菜 #必點 #美味 #舒服 #服務好 #黃怪獸 #黃怪獸覓食 #黃怪獸吃喝玩樂
繼續閱讀
Blingbling美食推介✨📍銅鑼灣🫖 姚姚酸菜魚✨ 内地人氣過江龍東北菜‼💠💠💠💠💠💠💠💠内地人氣過江龍姚姚酸菜魚一定要試下😋 如果你鍾意食片皮鴨同酸菜魚，呢度就可以滿足曬你兩個願望😍 今日黎到銅鑼灣分店試下☺ 座位好多，而且好多卡位，坐得好舒服~ 💠 酸菜魚拼薑母自養番鴨 $338姚姚酸菜魚既酸菜魚出名人人都知~ 酸菜魚拼薑母自養番鴨一次過滿足兩個願望！酸菜魚湯底酸辣開胃，魚肉鮮嫩滑溜，酸菜爽脆入味😍薑母鴨肉質結實又唔會韌，仲好入味添☺️💠 片皮鴨（半隻）$94$94 有半隻片皮鴨真係好抵！而且分量都唔少！鴨皮烤得金黃酥脆，油脂香濃但唔會膩😋鴨肉嫩滑多汁，皮肉之間嘅油脂比例剛剛好，再配埋薄薄嘅餅皮、青瓜絲同甜麵醬，口感層次豐富，味道平衡得恰到好處。每一啖都係享受，絕對係令人食到停唔到口嘅經典美味！💠 涼拌萵筍絲 $58涼拌萵筍絲好清新爽口😋萵筍絲口感脆嫩，酸酸地好開胃！呢幾日天氣回南天，食涼拌舒服曬~~餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5 姚姚酸菜魚 (希慎廣場)📍銅鑼灣軒尼詩道500號希慎廣場13樓1301號舖
繼續閱讀
約咗朋友去銅鑼灣希慎廣場食lunch 😋話說佢就想食片皮鴨，而我就想食酸菜魚。於是乎我哋不約而同咁選擇咗去”姚姚酸菜魚”度見面。我哋叫咗個春夏滋味套餐，入面包括有精裝版:姚姚酸菜魚，魚肉嫩滑酸菜嘅味道剛剛好，真係要叫碗特級米飯🍚先至得😋，酸菜魚而且可以選擇番個人口味嘅辣道，真係好貼心💜。半隻片皮鴨片，熱烘烘的餅皮，包裹香嫩的鴨肉及富有油香的鴨皮、青瓜🥒蔥絲等等，加上特製醬汁，真係滿足感爆燈。而鴨架就用川味嘅方法去煮，鴨架麻辣麻辣好入味。我哋再飲番杯爆打青瓜🥒檸檬🍋茶和茉莉香橙🍊 喺呢個炎炎嘅夏天，真係透心涼呀！最後只需要每位加12元無限享用自助區，除咗有涼拌小菜之外，仲有我最鍾意食嘅冰粉，有超過十多款材料選擇，去炮製自己喜歡獨一無二的冰粉😋
繼續閱讀
一般来都会必点烤鸭，烤鸭皮肉分离，趁热吃还是很不错的，半只戴一大截鸭腿，吃鸭饼就可以半饱。酸菜鱼也是每次必点，量不是很多，基本算1.5人份，配米饭一份。麻辣烫基本没有辣味（对内地人来说），建议单加一份油泼辣子。其他菜目前都觉得一般般，没啥特别的，比如鸭架会凉拌了端上来，姜母鸭是个热菜，感觉都是脖子骨头，偶尔来吃一顿还行，就吃烤鸭和酸菜鱼。最值得期待的是自助的冰粉和凉菜，冰粉无需多言，两碗基本上可以吃饱，凉菜也很不错，还时常更换。
繼續閱讀
喺大陸未食過姚姚，難得香港有，可以唔駛北上就食到啦🤩一去到就見到好搶眼嘅粉藍色裝修，好靚好舒服，打卡影相一流！見到有個好抵嘅雙拼，酸菜魚拼薑母自養番鴨 $338，一個價錢可以食晒兩樣嘢！酸菜魚嘅魚肉好嫩滑，酸菜好醒胃，兩樣真係絕配！鴨嘅肉質好結實，薑母味滲透晒，食完成個人都覺得滋補咗。我哋仲叫咗半隻片皮鴨 $94，而家做緊優惠，呢個價錢真係平到笑！師傅手勢超掂，片出嚟嘅鴨皮，夾埋薄餅、青瓜、蔥絲同埋甜麵醬，一啖過食落肚，口感層次豐富，充滿油香😍依度環境靚又坐得舒服，餸好食又唔貴，CP值超高！下次一定約埋班friend再嚟食！評分：最高為5分治癒度：👩⚕️👩⚕️👩⚕️👩⚕️抵食度：💉💉💉💉翻兜指數：🩺🩺🩺🩺姚姚酸菜魚銅鑼灣軒尼詩道500號希慎廣場13樓1301號舖📍銅鑼灣港鐵站F2出口3分鐘路程#healingbobo #foodie #hkfoodie #foodiehk #香港 #美食 #香港美食 #銅鑼灣 #銅鑼灣美食 #超值 #晚餐吃什麼 #晚餐 #片皮鴨 #酸菜魚 #YaoYao #姚姚酸菜魚
繼續閱讀