好麵線 (已結業)

成日聽到葡國菜有鴨血食，我今次0係呢度就試到啦~同朋友約左電影中心睇戲，食呢間好就腳，原來下午茶時間有得8折添我叫左鴨血小鍋米線，朋友叫左午餐(後來先知午餐冇得8折激死我朋友)碗米線好大碗，鴨血其實好似豬紅咁0既色，不過呢度係切成一片片，同豬紅0既味大致一樣，雖然我叫0既湯底係清湯，不過都覺得有dd辣，可能加左胡椒粉啦!d米線好爽口，份量亦好足，食完都幾飽不過呢度個點菜阿姨比較急躁，因為我地一開始坐低，佢就企0係我地前面等我地點野，但我同朋友都想睇一陣menu先揀，佢就有d唔耐煩咁miu 一miu嘴調頭走左，而我地揀定叫佢過黎點野時，佢都未聽完我加唔加豆漿就閃左，跟住咪又係要叫佢番黎加囉……樽豆漿要加3蚊，一定係凍0既，我覺得味道俾冰凍0既感覺蓋過左，總之唔會太甜，但就飲唔到豆味……我叫0既米線+豆漿本來要26蚊，8折左=$21，而朋友只係比我多左一小碟泡菜就35蚊，佢話好唔抵囉

睇返上一次食評,先發現自己好奈無去好麵線.這天再去,感覺失色.來之前,我與友人掃左一轉廟街牛雜,所以已經唔肚餓.去到好麵線我地只要了一碗五個餸的麻辣米線同有五個小食的併盤.入左單之後,另一個服務員先話我地知落第五個餸要收貴d!點解個餐牌無寫清楚,個服務員又無講清楚???既然唔抵,另一個服務員提議我地轉一個熱飲,一個豆腐花.可惜,所有野要一齊上,所以成抬都係野.而且個豆腐花係凍的,到食的時候已經變熱.雖然服務員講左幾次對唔住,不過impression已經大打節扣.講返d食物,麻辣米線的湯仍保持水準,但米線太稔.併盤有蒜泥青瓜,土豆絲,雞絲海蜇,泡菜同海帶,各樣都不對胃口.蒜泥味不足,土豆絲欠辣,雞絲海蜇唔香.個豆腐花就更不用說...以前成日睇完戲都去好麵線,真係留低唔少腳毛.希望下次來d野唔係咁...

某一天，工作時不專注，錯漏百出，被上司鬧到狗血淋頭，腦袋空白，了無生氣，想哭但哭不出來，因我麻木了。放工後，沒有回家晚飯，獨個兒走到此店吃碗麻辣米線。點了小鍋米線，配料要牛柏葉、豬肚、水餃，湯底要小麻辣，加多兩元，就有一枝豆漿，另叫多一樣小食---雞絲海哲。小麻辣湯底也十分攻鼻，喝幾口湯已刺激喉龍咳幾聲，米線份量適中，豬肚條狀形，軟身有咬口且入味，配麻辣湯底吃最好，牛柏葉是索湯精選，咬下去口腔麻卑，水餃屬普通料，沒甚特別。雞絲海哲看似小碟，但食下去其實份量適中，雞絲不幼，這碟凍小食也重辣味，可以一試。那枝豆漿是救星，米線上桌時熱辣辣，情急之時狂喝幾口湯和米線，熱和辣聚集在舌上翻滾，越吃越辣，喝一口豆漿，中和突如其來的刺激。看看其他客人，男女都面紅赤耳，他們應是在享受箇中的麻辣。店鋪空間細，也人流不絕，多人時會迫在一起，桌不大，但碗就大，總會與坐對面的人碗碰碗。熱湯和麻辣，剌激我鼻酸和淚線，流下兩滴眼淚，這天的鬱結，解脫了。

每次去百老匯電影中心看戲，都會去附近的好麵線晚餐。通常我都會叫一個二人套餐，包括一碗大米線加兩樣小食同兩樣野飲。米線非常大碗亦很足料。火腿、肉片、魚蛋都有。我和朋友叫了小酸辣，不過我都覺得很辣。=.=""""小食方面其實個個月都會不同的。今次就有蒜泥拍青瓜同餃子。蒜泥拍青瓜味道不錯，青瓜很爽口。這個餃子店員說是辣的，不過我完全唔覺得辣。但是都幾有肉味同幾足料。套餐售價 $99，自問食量非常大的我都夠飽。雖然唔算是十分好食，但都叫抵食夾大件。再加上經常都有新小食，令人都幾想再幫親。以前曾經食過一樣龍抄手，勁好食，唔知幾時再食得返呢?!

上星期同朋友去食,兩人點了2個小鍋米線餐那時是下午大約4:00,舖面只有1成客食完米線大約坐了15分鐘那個幫我地落單的阿姐就同佢那位打牙交的朋友說:食完咁耐都仲唔走,之後她那位朋友講,係呀,而家沒客就話姐,有客就真係左住哂佢地用好黑人憎同低技倆既一唱一和趕客我地沒嬲,只覺好笑因為覺得個阿姐好低能請大家認住著住條圍裙塊面好似白無常咁既阿姐因為你地食完坐多個15分鐘,就令教到佢呢個服務想好食都係去譚x........

在一個狂風暴雨的晚上, 我與友人看完電影, 唯有在附近找東西吃.因為忽然想起附近有一間四川小店, 常常都經過的, 所以就去試一試了.我們點了:1. 四川冒菜四川冒菜是一碗大的薯粉加幾款餸, 已經夠我們兩個女生吃了.那幾款餸, 我們點了牛肉, 羊肉等, 質素普普通通吧.我比較注重湯底和薯粉, 湯底有些甜味, 但欠缺了四川香料的香味, 我不認為那是四川的麻辣湯底.薯粉比較稔, 不夠彈牙.2. 蒜泥拍青瓜青瓜不是拍的, 大家可以看看相片.蒜泥比較像台式小店的出品而不像川菜...還有, 青瓜和蒜泥好歹也給我拌一下吧?整體上, 味道可以, 但不是地道的川菜.

去電影中心睇戲之前仲有充分時間，就去填飽個肚先，為左唔駛咁趕，就0係附近搵野食，朋友未食過呢間，就同佢再食一次。我叫0既係小鍋米線，叫左鮮牛肉同包心貢丸兩個餸，碗野都算幾快黎，幾大碗架，料都幾足，不過一夾起d麵線就有d失望，淋哂呀﹗應該係一早淥好哂0既關係啦~但個人黎講，如果叫得自己間舖係「好」麵線，係咪最好0既野應該係米線至係呢?!而d貢丸都淋左d，牛肉就幾好食，上湯都幾好飲，食完真係幾飽，好彩冇叫野飲，真係驚飲完飽到獲利回吐....聽到隔離檯叫野時，那位落單0既姨姨(應該係老闆娘)一邊聽客人叫野又諗唔定就一邊俾適當0既意見，冇唔耐煩0既表情，呢樣幾好，要讚。

今日我和朋友路經油麻地, 見到呢間 "好麵線", 想起 open rice 上有網友介紹過, 我地叫了一個二人套餐, 有一個米線, 兩個小食, 兩柸餐飲, 總共$99 , 價錢都算合理。最令我深刻的小食係呢個 "夫妻肺片" , 材料丰富 - 有牛頭皮、牛心、牛舌、牛肚、牛肉，但沒有肺。再加上有麻辣鮮香, 果然係一道四川不錯的風味小吃, 值得推介。

5/8(二) 4:30pm 暫且放棄加國國籍,到油麻地入境事務處取得人生第一本特區護照.特區護照年期比加國護照長,便宜,申請手續簡單,免簽證入境國家亦差無幾(除赴美加);還有一點,就是不明所以為何加拿大領事館的職員老是態度囂張,永是一派冷淡高傲!嘮叨完畢,離開入境處,到了眾坊街的"好麵線".上回為其了得薯粉造訪已是經年前,是次下午茶時段登門,原來有八折優惠.吃了菜肉餃米線$18;要了小辣,於小小辣及最小辣之上;呷口湯汁,麻辣之嗆直落喉頭,立時以酸菜,芽菜,韭菜及滑溜米線化解其辣度,不果.向阿姐示意加點清湯,鐵面無私的她說若加湯索價$5,做法似乎不近人情!此外,菜肉餃皮細滑,木耳,韭菜及豬肉餡頗鮮,肉色仍帶粉紅.硬件如昔,唯待客的手法一板一眼,不夠圓滑!

腩肉米線︰大大碗，好抵食。雖然加左麻辣，但個湯好清又好味，飲晒都無口乾。麻辣好食過酸辣。雞絲涼粉皮/雞絲海蜇︰個汁好辣，好香，好好味。敗北係粉皮好多雞絲好少。而粉皮同海蜇比，海蜇好味d。蒜泥青瓜︰d青瓜好爽，蒜泥好香。土豆絲︰爽口，唔太辣。燒羊肉串︰太乾。叫二人餐好抵食，有一碗過僑米線，二個小食，二個飲品同二個糖水。因份量太多，次次都會散叫。

每月總會來好麵線一次這裡的waitress服務雖然不算好可是食物水準卻一流豬肚, 水餃是每次食小鍋必點的豬肚夠咸夠白夠爽水餃的皮很滑, 入面的也很香很好吃=)該店有分大, 中, 小, 小小, 最小辣亦有分麻辣和酸辣相當細心本人較喜歡吃酸辣吃時總不覺辣, 可是吃着吃着咀都腫起來了- -"值得一試的!=)

唔好味…講晒睇相…第一張相，唔記得左咩名…酸，重蒜味

琴晚男朋友無啦啦好想食米線, 於是就同佢黎左呢到, 因為之前黎過都幾好食......不過一坐低就開後悔, d waitress好似個個唔使做甘, 個個掛住係到傾曷, 要叫幾次先so你.....最慶就係佢地落錯左單黎錯左野仲屈你要個到衰呀麻, 我要手斯雞佢就俾左牛肉我, 仲話我講錯wor, 真係火都黎.......後尾個黑面神老闆娘過左黎好唔like甘話改返俾我, 有無搞錯呀?!?!分明係你地唔岩啦, 仲係到黑我面, 做個老闆娘都甘衰, 係咪想趕客.......不過d野係幾好食既, 不過甘既服務態度就真係搵鬼去lor~~

人太多，沒服務，位超窄．好在碗米線湯底正，沒味精．事關睇完戲都沒口乾．試咗吓毛血旺，真是好鬼辣，麻到我嘅口阿媽都唔認得到！

我好中意間鋪的tolet,好乾淨.每個月都有一款四川地道小吃試下,又幾過隱．今個月是，唔記得是賴湯圓掂是辣湯圓，都幾特別．不過我都係最中意口水雞．夠晒麻！