好運泰國美食

營業中

休息中

現在大四波疫情越來越嚴重，政府公佈晚間六點後，餐廳取消堂食，現在在家食了好一段日子，今晚想試下外買回家食，在新蒲崗收工後，來到祟齡街的好運泰國美食。回到家后，見到外賣盒裝得很企理精緻 ，不會有汁液流出。泰式海南雞 雞髀飯 油飯金黃金黃的很香口。帶金黃的雞皮，一點也不會肥，雞髀肉已經去骨，肉質嫩滑，認真啖啖肉，當中有三款醬汁，就數酸酸甜甜的那一款我最愛。泰式濕炒牛河 廚師都很細心，將河粉及茨汁分上下格分開，打開食時隻需將茨汁淋上河粉面上就可以，簡單方便又細心。牛肉切得很大件，一點也不韌， 泰式濕炒河例牌也有很多的配菜，有介蘭及秀珍菇…等，食落清新可口。酸辣無骨鳳爪酸辣無骨鳳爪是我食泰菜的最愛，醃得爽口入味。外賣回家食方便簡單又滋味！！

疫情第四波6點後又無得堂食迫住叫外賣啦。突然想食泰國菜，酸酸辣辣開胃啲即刻打黎嗌外賣自取。餐廳環境舒服乾淨，一邊泰國一邊日本嘅感覺。野食價錢合理，又多選擇買咗三樣嘢食都係$200有找。泰式豬頸肉飯，豬頸肉又爽又林配上個泰式辣椒汁好開胃不過略嫌豬頸肉小左d, 因為好食停唔到口另外仲嗌左牛肉泰式炒金邊粉甜甜辣辣，麵質又彈牙。牛肉份量又多，唔會炒得好乾身最後有肉碎生菜包一大盒肉碎，包都好多先夠菜包得哂肉碎唔會馬虎，肉質彈而滑，d汁唔好太酸太多。整體外賣分量夠多又好食等15分鐘到就拎得，服務亦都好好

朋友介紹左好耐都未試到嘅餐廳，終於試到啦，有泰式同日式花多眼亂🥰想叫好多好多嘢食試，叫左個金目鯛魚，好脆好香口，佢係醃製過，基本上唔洗點任何醬油都好夠味，我唔係好食魚嘅都覺得好味，尤其是無乜骨，仲有魚骹都係好滑好多肉，蒜蓉大頭蝦老闆專登揀最大隻最新鮮嘅俾我地😍蝦頭勁多膏不過我都係最鐘意個pha thai直頭想叫多碟🤪之後就到日式串燒，牛肩肉燒得適中不硬，雞腎爽口，佐酒一流，仲有店內放左一個超級大嘅熱帶魚魚缸，好靚好治癒，仲要開喺新蒲崗🍴咁近我

最近都在新蒲崗活動，上網看到竟然新蒲崗廣場有間裝修精緻、結合了日式和泰式的特色餐廳，店內的環境寬敞，充滿日式和泰式風情，不錯。酸辣無骨鳳爪寫到酸酸甜甜的鳳爪是我的最愛，青檸、洋蔥和辣椒等等的配料，鳳爪入味，份量也不少，足夠兩人吃有餘。泰式濕炒海鮮河多心的我選了海鮮，有蝦、魷魚和蜆肉等等，材料豐富！泰式河粉的特點就是麵質彈牙、煙韌！又有大量蔬菜，不錯：）海南雞雞肉嫩滑，雞皮下的啫喱，正正是店家將雞蒸熟後快速加入冰水冷凍所有的，亦因如此，雞皮才會如此彈牙。海南雞件配上店家準備的醬汁，好吃。這家餐廳的氣氛和環境舒適，下次下班後和同事也來試試呢。

侄仔生日，而佢又好鍾意食泰國菜，但因為疫情關係又無得出街食，唯有外賣返屋企。哥就負責叫Pizza，我就買多兩個餸返去。買咗兩個餸都係侄仔落Order指定要食，一個係泰式小食拼盤，另一個係咖喱軟殼蟹。泰式小食拼盤入面就包括豬頸肉、雞翼、蝦餅、泰式皮蛋釀蝦膠，豬頸肉燒得好香口，蝦餅都幾好味，皮蛋D小朋友就爭住食，呢個泰式拼盤比佢哋秒殺！而咖喱軟殼蟹嘅咖喱好香，亦唔會辣到搶咗咖喱嘅香味，配埋軟殼蟹簡直一流，加上我哋有Pizza，佢哋食哂面頭嘅餸後，用咖喱汁搽上去，仲話咁樣食仲好味過原本個Pizza！

老公的旅行癮又發作，原本想到九龍城尋美食，但實在太遠了，便轉到新蒲崗找一間泰國餐廳用膳。這間泰國餐館實在太有驚喜了，所有食物的賣相，味道和份量都不比九龍城的老字號餐廳差，全部都是水準之作。炸蝦餅炸蝦餅即叫即炸，熱辣辣，八大件，外皮金黃色，濃濃的海蝦鮮味，蝦肉彈牙嫩滑，滿口油香，令人回味。青咖哩海鮮炒飯青咖哩沒有紅咖哩般刺激，味道帶點酸，辣，甜，很開胃。炒飯賣相吸睛， 看得出廚師用心鋪排過食材，而且飯粒幹身又分明，配料有豆角，魷魚鬚，茄子，蝦球， 車厘茄…… 每一口飯都能吃到不同配料，味道好，口感也不錯。馬拉盞炒通菜通菜大大碟，火喉夠，炒得又綠又嫩，馬拉盞味香濃，香辣惹味的馬拉盞，下飯最適合!龍眼冰和青檸梳打吃泰國菜必定要點飲品，中和一下各款菜不同的味道，宜且泰國飲品又有特色，老公非常享受~

放工約了朋友吃晚餐兩個人都突然想吃泰國菜朋友介紹了這一間 — 好運泰國美食晚市禁堂食便決定買去他家一起吃餐廳裝修風格獨特 播着音樂泰式拼盤一盤包含不同的食物 很豐富泰式炸蝦餅外脆伴著淡淡蝦味泰式燒雞翼大大隻帶蒜香椒鹽豬頸肉爽口惹味泰式皮蛋蝦餅 多層口感夠特別配有泰式辣汁、甜辣醬和甜梅汁不同食物點不同的醬汁 好味道泰式濕炒牛河外賣會把湯汁和炒河分開保持炒河的味道和質感炒河本身鍋氣十足 香噴噴倒上湯汁再配上片片牛肉、菌菇、蘿蔔和菜 不錯不錯

最近到訪了新蒲崗開業了幾天的新餐廳分別是《好運泰國美食》及《拾う月》， 它們在新蒲崗廣場2樓，日本及泰國餐廳一起加盟，讓客人可以同時享用泰式及日式的美味菜式，聽起來恨不得第一時間就來捧場，今晚終於第一次來到可能有人認為泰國菜館有日本菜，一定會不好吃，這樣想便錯了!反而有多款的菜式選擇，都好有水準!一踏入門口時，先被大大個美麗的魚缸吸引觀賞，一邊有泰式風情的裝潢，可見有泰王、大象的掛畫，而另一邊有濃厚的日本風情的擺設，以開放式廚房及天花上放了不少日本的傘子，座椅及桌子都日本式的佈置，旁邊有假櫻花樹裝飾，還有一個冷色的藍光雪櫃吸引了我目光，原來放滿不少日本清酒及其他啤酒。先來一份泰式拼盤($146)，泰式拼盤已經盛滿了有各式餐單上泰式小食，分別有泰式炸蝦餅、泰式燒雞翼、椒鹽豬頸肉、泰式皮蛋釀蝦餅、泰式炸雞卷，都是即叫即炸，賣相和份量真是震撼又豪華，食盡不同滋味，每款都炸至金黃色澤，吃起來脆香又晤油膩，有三款不同的泰式醬汁蘸點，甜酸、泰式辣汁等都各有風味，雞翼皮薄燒至脆香，保留了雞肉的肉汁，肉嫩鮮美，豬頸肉爽口有肉香，皮蛋釀蝦餅令人最有驚喜，脆口的蝦餅有鮮爽感覺，加上軟滑的皮蛋，產生了不同口